استفسار عن اسرع شركه بناء للفيلا ؟؟؟

[متسلف وفي الاخير]

استفسار عن اسرع شركه بناء للفيلا ؟؟؟

طبعا الشركات كثيره لكن ابي نصيحه من الوجيه الطيبه ونفس الوقت يكون السعر معقول

لنفرض مساحه البناء 600 والارض مساحتها الاجماليه 1200 ابي البيت يجهز باسرع

مايمكن

حبيت اعرف عن افضل سعر مكتب استشاري ونفس الوقت عملي وسريع لاني ضعت في

الطوشه ابي نصيحه مجربين كم ممكن يكون سعر مساحه البناء 600 ابي التكلفه الاجماليه

[AL ZUBARAH]

اسرع شركة بناء هي شركة عين شمس للانشاء و التعمير حد عنده راي ثاني

[متسلف وفي الاخير]

اشكرك اخوي على تجاوبك السريع نشوف باقي الاخوان بس ماحددت على كم شهر يعني تخلص البناء

[بوغانم8]

انا الله يسلمك قاعد ابني احين
وتووني بادددددي في البناء
انت الله يسلمك لا تشووف متى تخلص بسرعة شوووف وشلون لو خلصت هل البناء ززين ام لا
لان في القت الحالي اكثرهم نصابين المقاوولين

وثاني شي قبل الشرووع في البناء حط لك في العقد بند مثلا ان الفله تخلص في خمس شهور وفي حال اي تاخير يدفع غرامة ماليه 500 ريال عن كل يوم تاخير هاي الشي ينصب في مصلحتك والمقاول لازم يخلص في نفس الوقت اللي اتفقتوا عليه


انا قاعد ابني الحين بلاستر عظم حسب لي 1000 ريال المتر هاي بعد شنو ولان الله يسلمك قاعد يبني حق رفيجي والفلتين مافي بينهم غير شارع عشان جيه حسب لي هالسعر


والله يوفقك وترى البناء يبي له واحد بااااااااااااااله طوووويل

[شموخ دائم]

,

,


موفق اخوي


انصحك تبحث عن الجوده وليس السرعه

الوقت الطبيعي لبناء فيلا بالمساحه المتوسطه نفس مساحه البناء عندك هي سنه واحده

خاصه ان مافي مقاول يضمن دخول الكهرباء بالوقت المناسب

كل مشروع وله وضعه الخاص

ونصيحه لا تسمع كلام الي بيقولك 6 شهور

موفق ان شاء الله

,

,


اخوك


شموخ دائم

[متسلف وفي الاخير]

اخوي بوغانم ربي يسلمك ماقصرت يالغالي كلامك عين العقل والله يوفقك وتسكن بيتك وعساه دار عامر بالخيروالبركه

اخوي شموخ دائم تسلم اخوي ماقصرت مثل ماقلت اهم شي الجوده

[jwar7]

شيك الخاص

[jassimqtr]

انا اظم صوتي لشموخ دائم دور على المواصفات واقصى وقت من سنه لسنه ونص والظروف الطبيعيه والمواصفات والتشطيبات والسيوله هذي كلها تحكم المده فأنا من راييي انك تاخذ شغل مظبوب افضل من تاخذ شغل سريع وغشوش
فأذا تبي مهندس يفيدك فالمواصفات والشغل العدل اتصل علي 66164605

[بوخالد911]

موووفق