بالصور ... قصة معانات بوكلين

[مهل]

السلام عليكم ورحمة الله و بركاتة




مبارك عليكم الحيا مقدما بحول الله :)


في رحله مع الاصدقاء :) صوب عريده وراس مطبخ شمال

لفتت انتباهي اشياء غريبه في جمب الخط :omg:



مثل:

http://i1017.photobucket.com/albums/af291/q6rna/31.jpg


و :


http://i1017.photobucket.com/albums/af291/q6rna/11.jpg



شسالفه ... الشيول مغرز صح بس ليش البوكلين مختفي بهذي الطريقه :con2:

فكر فكر حل حل :nice:


طبعا ماذكرت لكم اني محقق سابق ودرست قانون في الجامعه لمده اربع ايام وهالشي ساعدني في فكر اسرار هذي القصه الغامضه :cool:



تبدا القصه مع شخص سواق نجال او نشال الي مبين الصندوق ماله بس و راس المقطوره مختفي خلف الصندوق .. هو ساس البلا :yes:

http://i1017.photobucket.com/albums/af291/q6rna/13.jpg

اخينا بالله دخل الصبخه و غرز :court:


استنجد بصديغه راعي الشيول الي صدقه و دخل وراه الصبخه و غرز هو الثاني وراه

http://i1017.photobucket.com/albums/af291/q6rna/1-1.jpg


الحين راعي الشيول غرز و توهق ( طبعا اكيد حقد على راعي النجال) لكن طلع واصل و له علاقات و طلع يعرف شخص صاحب بوكلن .. ايه بعد شبيطلع شيول مغرز غير بوكلن .

راعي البوكلن هاب ريح و نشمي فزع لخويه بدون تردد .. و قص الصبخه من النص (لاحظ انه ما دار من ورى الصبخه وراح للشيول) كله ثقه و شق الصبخه من النص



شوف كيف بطن البوكلين من نزل من القار مكان ما انا واقف اصور و هو يحك في الصبخه

http://i1017.photobucket.com/albums/af291/q6rna/3-1.jpg



النتيجه انه ايضا راعي البوكلن غرز بعد و تغريزته غير شكل .. اختفى في الصبخه مثل ماهو باين في الصوره لدرجه انهم جايبين دينمات ينزفون الماي الي يطلع من الصبخه :rolleyes2:



http://i1017.photobucket.com/albums/af291/q6rna/31.jpg


ما انتهت القصه :)

راعي البوكلن الاخير الي مختفي في الصبخه و متنيل ستين نيله كلم كل الي يعرفهم من زملاء المهنه اصحاب البوكلينات كلهم و لكن اخيرا انشق الغبار و طلع فيه واحد ذكي

و اكتشف انه هذا المكان خطير ولا ينفع يمشي فيه بمعدات ثقيله لانه الارض صبخه و الاليات الثقيله بسبب وزنها الزايد تغرز .

لاحظ انه جاب دفان و حصا و سوى لنفسه طريق من الازفلت لين مكان تغريزه البوكلين الي مختفي

http://i1017.photobucket.com/albums/af291/q6rna/33.jpg

و بقدرت قادر طلع البوكلين و راح للشيول طلعه و راح للنشال و طلعه :yes2:


و بعدين راعي النشال الي هو ساس البلا وداهم المطعم الهندي الي جمب مركز شرطه الخور و عزمهم على سبجي امتنانا منه على مابذلوه اصدقائه الصدوقين تجاهة :thumbup1:


توته توته و انتهت الحدوته و باقي سؤال بريء مش المفروض على هالكارثه الي صارت البيئه يكون لها موقف كونهم لعبو في الارض و سوو حفر و خربو الشجر و بهذلو الارض ؟

[أ التميمي]

علينا وعليك يالغالي

انشاءالله سقيا خير

بل طابين بصبخه شكلهم اهلكو لين اطلعو

لاهنت

[ظبيــღــه]

وعليكم السلام ورحمة الله وبركااته

:omg:

موضوعك ذكرني بـ هذا (http://www.afdhl.com/vb/944831-post1.html):nice:

نفس القصه ..بس بسنااريو مختلف ..:tease:

[sara jsm]

اهم شي انك دارس قانون 4 ايام هههههههههههههههههههههههههههه
مساكين اشعرفهم بطبيعه ارض قطر ,, يمكن مافكروا هالشكل ,, :nice:
^ ^ بس زين انهم افزعوا حق بعض اخوان ميري ,,
يعطيك العافية عالصور :victory: