تواضع الممثلة انجليا جولي .... وكشخة مطاوعتنا

[البدع]

بحكم متابعتي للعمل الخيري

شاهدت صورة للمثلة المشهورة انجليا جولي وهي تمسك بطفل صغير .. حيث كانت ضمن جولة لدعم الفقراء

كانت محتشمة

وشبه محجبة

ولاتضع مكياج

ولاتنظر للكاميرا

وكانت الصورة جميلة وهي تساعد الطفل

اما الصورة الثانية (تتكرر امامي عشرات االمرات)

مطوع كاااااااااااااااااااااشخ

ثوب لامع

نظارة شمسية ماركة معروفة

بشت (مرة اسود ومرة بيج ومرة رصاصي)

يمسك بيده شيك او فلوس ويعطيه فقير

والي جنبه تلاقيهم فقراء جدا ولبسهم سيء

شعوريا .. كرهت هذا المنظر ولم اقبله

وتذكرت الاسطورة التي لاتنسى (عمر بن الخطاب) كيف ذهب لفتح بيت المقدس وهو يجر البعير ونعاله تحت يديه

وقال كبير كهنة القدس ... هذا من يفتح القدس

محد عجبني فيهم الا محمد العوضي يوم راح الصومال .. كان من جد متواضع .. وشخص يستحق الاحترام

اما الباقي .. فياليت يراجعون انفسهم

لان المظاهر اكلتنا اكل ... وفلس مجتمعنا

[الأغر]

تصدق الله العالم انها بتدخل الأسلام ان شاء الله وصح كلامك لاحظت نفس الشي وحرام ما تكون مسلمه الله يهديها ان شاء الله ولها وقفات كثيره مع الفقراء والضعفاء والمسلمين

[المهندس عبدالعزيز]

يعني مفهموك لازم المطوع يكون شكله وحش و ثيابه وصخه ومبهدل ويصيح علشان متواضع؟!!

[بنت قطريه]

أخوي انت تتكلم عن ممثله أخوي أنت قبل لاتوصف الشكل اللي شفتها فيه تعرف مسيرة حياتها ..... الفنانه اللي تتكلم عنها انسانه عاقه كانت قاطعه والدها وماتكلمه من سنين وانسانه مب سويه وغير ذي انسانه خذت براد بيت زوج جينيفر انيستون ومافكرت صج هم أجانب ومسيحين بس بشر ... وثانيا عموما لاتاخذ بمظهر الممثلين والممثلات لان حياتهم للاسف شي وثاني وشخصيتهم غيييير عن اللي نشوفه واذا كانت تتبرع بفلوسها فهالشي لانها مسيحيه مب لانها مسلمه ؟؟؟؟؟؟؟ ولا على بالك أن بس عندنا الصدقه بعد عندهم في دينهم وثاني شي تتكلم عن وحده مليونيرة يعني اللي تصرفه مايجي نقطه من اللي عندها ... وأخوي في دينا الاسلامي الله أمر الغني يعطي الفقير للتساوى بين الناس ومايكون الغني عنده كل الخير والفقير ماعنده شي .... وطبعا أخوي يعني تبي واحد الله انعم عليه اذا بيروح يتصدق يلبس ثوب قديم ولا ثوب مشقوق بيكون ذي نفاق وعادي الغني يلبس ويظهر الخير ؟؟؟؟؟ "" وأما بنعمة ربك فحدث """" وذكرتني بالشيخ زايد الله يرحمه برغم انه كان شيخ بس الناس شافت خيره لين وين وصل لاخر العالم من كثر ماكان يحب الفقير ولا يحب يظلمه واعماله تشهد له ، لاتغركم المظاهر وعلى فكرة أنا انغريت من قبل بفنان وشفته مثال الاخلاق ولكن لما عرفت انصدمت وقلت الحمد لله ولا انحشر معاهم يوم القيامه .... الله يهديم وأتمنى أخوي تتقبل كلامي وماكون ضايقتك

[مبتدئ]

مقالرنه ليس في محلها ، ، شتان بين الثرى و الثريا

" اذا جاك المطوع لابس خشن و زاهد قلتوا وصخ وين النظافه و اذا كشخ و لبس

مثل ما تلبسون [ لاحظ مثل ماتلبسون ] قلتوا شوفوا الممثله متواضعه وهو متكبر !

أقول : اللهم أعز الاسلام و المسلمين و اذل الشرك و المشركين

[الكولونيل]

عيب عليك يالبدع تقارن مطوع بهالفاجرة الفاسقة والله إنك تتحمل إثم كبير إستغفر ربك
الله عز وجل يقول إنما المشركون نجس
ويقول أفمن كان مؤمنا كمن كان فاسقا وإنت تقارنهم بالمطاوعة ومن قال لك إن المطوع لازم يكون مبهدل
الله عز وجل يقول قل من حرم زينة الله التي أخرج لعباده والطيبات من الرزق قل هي للذين أمنوا في الحياة الدنيا خالصة يوم القيامة
الله يهديك

[وهم قطر]

اسمح لي البدع

كل مشاركه وثانيه تبين لي ان فكرك عقيــــــم

[العنود55]

دع التواضع في الثياب تحرياً فالله يعلم ما تجن وتـكـتـم
فرثاث ثوبك لا يزيدك زلـفة عند الإله وأنت عبد مجـرم
وبهاء ثوبك لا يضرك بعد أن تخشى الإله وتتقي ما يحـرم
من شعر علي رضي الله عنه

[سعادة الوزير]

سبحان الله في بعض القراء ، يحكم على ظاهر الكلام ، ولا يفهم بواطنه!!

[سمو الاميره]

ششششششدددددددددددددددخل

اخوي خانك التعبيرر او التفكير بهالنقطه...~

انجولينا جولي وماادركـ ماانجولينا قمه الفسق والفجووووووور..~

تقارنها بالمطاوعه الله يعز المطاوعه عن هالاشكالل..~

وبعدين من الي بهالووووقت حاليا ماعنده يالبس ويتانق..~


.................................................. ...............

[diplomat]

مقارنه مب في محلها كلششششششششش ..

[البدع]

تصدق الله العالم انها بتدخل الأسلام ان شاء الله وصح كلامك لاحظت نفس الشي وحرام ما تكون مسلمه الله يهديها ان شاء الله ولها وقفات كثيره مع الفقراء والضعفاء والمسلمين

لا اعرف عنها شيء

لكنها كانت ذكية في طريقة ظهورها وهي تعتني بالطفل الفقير

اتمنى الدعاة الكشيخة يعرفون ان صورتهم مب حلوة بالبشت والنظارة


يعني مفهموك لازم المطوع يكون شكله وحش و ثيابه وصخه ومبهدل ويصيح علشان متواضع؟!!

لا مب يكون وصخ

بس يكون متواضع مثل محمد العوضي يوم عرض زيارته لصومال على قناة الرسالة

او مثل الدكتور السميط

نبي شوية تواضع

مب لابس بشت ونظارة فيرساشي ... ويطالع الصورة وبجنبه فقير

اعتقد اخواننا بالغوا في لبسهم


سبحان الله في بعض القراء ، يحكم على ظاهر الكلام ، ولا يفهم بواطنه!!

المشكلة الاخوان ما اطلعوا على العمل التطوعي

وثلاثة ارباعهم راح للعنوان

حتى ماقرا الي انا كتبته عن العوضي او عمر بن الخطاب

كلهم ردوا على العنوان

وهذا اغلب وضع القراء للاسف

[ابوفاطمه2009]

انا معاااك اخوي البدع

الصراااحه كلااامك منطقي والمفرووض يظهروون التواضع وحب الاجر والخير

وجزاك الله خير كلامك 95% صحيح (الكمال لله )

[prefetch]

حركه حلوه