المساعد الشخصي الرقمي

مشاهدة النسخة كاملة : زيران . . سامري . . خبيثي .. لا اليوم غير اليوم الاثنين حق المشايخ !! + مقطع فيديو



هدهد سليمان
27-10-2010, 10:54 PM
السلام عليكم ورحمة الله وبركاته ..

مساكم الله بالخير جميع .. ومبارك عليكم الحيا .. اليوم موضوعنا يمكن يهم شريحه معينه من الناس الا وهو الزار او الخبيثي او السامري واخر شي استنزال !!
http://www.tawiyh.net/vb/imgupload/uploads//f37ebd5f4b24656040cac8f7b25cc57cjpg
ما هو الاستنزال ؟ عباره عن اغنيه او نشيده او تهليل بشكل معين عقبها يستنزل احد الاشخاص او اكثر من شخص ويبدأ بالتخبط او التنطط او الرقص بشكل عشوائي !! شالسالفه ما يندرى .. يالربع شفيه فلان .. ما فيه الا العافيه بس استنزل زين وبعدين ما عليك شوي يرد مره ثانيه !! شلون يعني لا ذول المشايخ نزلوا عليه !! شنو مشايخ شالسالفه .. انت ما عليك بس شوف وما يصيدك شي .. يا فلان ترى الهدهد عندي !!:eek5: عندك ليش .. اصبر شوي وبتعرف كل شي .. صبرنا شوي الا بخور ذكر البان .. تبخر فديتك . . لا الشيخ ما اداني ريحته !! اقولك تبخر .. زين انشاء الله اهم شي خلك طبيعي ولا تزعل !! :rolleyes2:

الى الآن ما فهمت شي .. قلت انسى يا رجال الموضوع .. وتدور الأيام .. الا جوالي يدق !!
http://www.souqaldoha.com/vb/attachment.php?attachmentid=9902&stc=1&thumb=1&d=1282520693
السلام عليكم .. هلا بالغالي اشحالك امورك طيبه في عندنا اليوم شي ثقيل ها شرايك امرك ونروح !!
شنو يعني ثقيل وتمرني ونروح ؟؟ اليوم الاثنين صح .. قلت اي صح .. قال اليوم حق المشايخ .. من المشايخ تقصد شيوخ دين ولا شيوخ فلوس ولا شيوخنا :shy: !!
http://i3.ytimg.com/vi/Qa4HfcN9SLA/0.jpg
لا الله ايهداك .. شيوخ غير علويين !! :rolleyes2:
هاي شنو بعد ؟ .. خلاص بامرك يالهدهد وعقب بتشوف كل شي بعينك .. زين امرنا لله .. مر اخونا علي ورحنا صوب ذاك المكان !! .. الا ذيك الخيمه وذاك البخور اللي يجيب التايه !! شالسالفه .. قال السموحه ذاك اليوم ما شفتك مرتاح .. هالمره بتعجبك السالفه !! :telephone:

امرنا لله سامري مره ثانيه .. يا ولد انا ما لي بهالسوالف .. :discuss: ..المهم يا اخوان السموحه اني طولت السالفه .. قبل لا ادش شوي الا شيبه جا صوبي ويقول لي .. تبخر يا وليدي .. قلت ان شاء الله تبخرنا ..
http://up.qatarw.com/get-3-2009-vp9fa2d2.jpg
وكان بعد شوي يبتدي التهليل .. الا يا جماعه شوي واحد نقز من مكانه قلت بل شالسالفه وشلون نقز وش له نقز ؟؟!
المشكله ان الرجال الي نقز اول شي ما يشوف الله لا يبلانا .. ثاني شي الرجال يوم ما وصل اثنين مجودينه لأنه ما يقدر يمشي هل هو مريض او بسبب انه بعافيه ما شاء الله من الوزن الثقيل لكن اللي شفته .. اي شفته اخوكم الهدهد شاف شي ما لا يصدقه عقل .. الرجال استوى بخفة الريشه !! ويناقز .. شوي الا حولوا اغنيه ثانيه كان واحد احداي يقط الغتره على وجهه قلت لا حول ولا قوة الا بالله .. ياليل مطولك .. اشفيه هذا بعد كان رفيجي يقولي ابد استنزل واللي فيه وحده !! :( .. المهم قلت زين خلني اروح بيتي ابرك عند عيالي وام عيالي شللي خلاني ارد عليك .. قال اصبر توه الثقل ما جا .. قلت لا ثقل ولا بقل الله يرحم والديك ابي اروح البيت .. :anger1: .. بالفعل عشر دقايق حركنا من هناك .. قلت له يابوفلان شالسالفه وش هالخرابيط اللي تصير؟ .. قال ابد مجرد تغير جو ..قلت تغير جو هالشكل .. امحق تغير ..ناس الله لا يبلانا فيها ما فيها .. وش لنا بهالسوالف .. ورديت البيت ولله الحمد وما فينا الا العافيه ..

سؤالي .. هل الزار هو علاج؟ ام هو حالة شرود نفسي ؟ وما هي علاقة الجن بذلك ؟ اليس الزار هو استدعاء للجن على حسب ما شفت ؟ يا جماعه في حد ياكل جمر؟؟؟ في حد يقدر يمشي على الجمر ؟؟؟ الجواب لا لكن هذا اللي شفته .. وعندي لكم مقطع بسيط لشخص استنزل وشوفوا طريقة استنزاله .. كنه واحد يشله شل من الأرض .. يوم يمشي كنه يطير ما يمشي !!

يرجى الضغط على الرابط (http://www.4shared.com/video/97VDH_CY/_online.html)

وحياكم للنقاش .. ان اردتم النقاش .. وليس الجدال !

والله لا يبلاكم ويبعد عنكم كل شر وكل جن .. مع ان الجن حلوين :)

الخفي
27-10-2010, 10:57 PM
(( انا اعتبر حفلات السامري والخبيتي وهالسوالف نوع من تحضير الجن الله لايبلانا

وهناك شباب يحبون هالنوع من الحفلات ولا تخلو من الجن والاستنزال ))

عضو قديم
27-10-2010, 11:14 PM
على طاااااااااااار السامري والخبيتي
بكرة الخميس وابي اروح لحفلة سامري حد يخبر لنا حفلة

روح الاطلس
27-10-2010, 11:26 PM
هالموقف حقيقي؟؟

وصار بقطر؟

غريبة اول مرة اسمع بهالاشياء انها موجودة

وبعدين السامري والخبيتي ومدري شنو هاي اعتقد حفلات كلها غناء ومعازف يعني مايحتاج اقول لكم الحكم

وبعدين ملاحظين يالهدهد ان فيه جزء من ثقافتك مرتكز بشكل مكثف على هالسوالف الجن والاستنزال والسحر والشعوذة !
مالك ومال العالم الخفي خلك بالنور ابرك لك
وخل العالم الخفي بحاله

إلا بسألك عندك النسخة الاصلية لشمس المعارف الكبرى؟ << اتغشمر ^_^

مهل
27-10-2010, 11:44 PM
السلام عليكم ورحمة الله و بركاتة


والله يالهدهد اول مااسترسلت في قارءه الموضوع ،، اقول هدهدنا شفيه وش هالطاري الله لايبلانا ولا يبلا المسلمين ، و استغربت حقيقتا انك تروح لمكان مثل هذا .
ولكن هو موضوع و واقع ولا باس في النقاش فيه .

عن نفسي شفت مثل الي في الفيديو و سمعت عن الي ياكلون الجمر و شخصيات اعرفهم ( ربع مدرسه وخلافه) لكن ماشفتهم لاني ما احظر السامري و ان حظرت عرس و كان فيه سامري امشي بدري ،، و الحكم الشرعي فيها ما اعرفه بصراحه او حتى وش الهدف منها.

الاكيد هو مجال له ناسه المتخصصين الله يهديهم .

و الاكيدين ان هذا ابتلاء من الله لهالناس الله يعفي عنا و عنهم .

اظيف سؤال الى موضوعك ان استمر النقاش .
ماهو سبب ان اكثر الي يستنزلون من اصحاب البشره السمراء ؟

khaleeji
28-10-2010, 12:12 AM
اكثرهم من وليس كلهم من اخواننا السمر

الظاهر لأنهم يحبون الطرب

ريان
28-10-2010, 12:17 AM
قصه حصلت لي في احد الاعراس ولكن من زمن بعيد ....ايام الشباب :)

كنت حاضر سامري وحسيت برقله وبروده وشي غير طبيعي

قلت لفريقي مشينا وطلعت والحمدلله ماصر شي ..ولكن ماحضرت اي سامري بعدها


هذه الاشياء تعتبر تحضير للجان مثل الزار وغيره


يعطيك العافيه اخوي -الهدهد على الموضوع

theeb_qatar
28-10-2010, 12:18 AM
يابنت ياجــان وشفيـــك تبــكين ...؟
قــــالت أبــويــــا مــــات وتــركني ... !

واشكي حالي على الله يا شيوخ المدينه
واشكي حالي على الله يا شيوخ المدينه
حالتن في ضميري حسرت كل حالي
حالتن في ضميري حسرت كل حالي
اهـ ويلاه قلبي اهـ ويلاه عيني
اهـ ويلاه قلبي اهـ ويلاه عيني

تنكس هههههههه

بس صج السامري بدى ينتشر بكثره في قطر
تتوقعون اغلب الشباب فيهم زار ؟

وهم قطر
28-10-2010, 12:52 AM
الله يسكنهم مساكنهم عاششششو

من شفت سوالفك كلها عن الجن وانا داري

ولا اشوف فيها أي متعه ولا طرب ولا رمنسيه منت بشايف الا خبلان يارب تعافينا مما ابتليتهم

الي أولها دلع تاليتها ولع

اخبر عندنا عرس واخر العرس الشباب سامري وانا واقف الا واحد نقز بجنبي نفس الي في المقطع ضربني رووووع

حطيت نفسي اتكلم في التلفون وانا شال عليه للسياره

يعني لو نط علي وخنقني من الي بيفكه مني ولا يطرش الي فيه يجي فيني وين اترقع بعدها من سامري لسامري

ماقول الا الله لايبلانا وتحذف عليهم شراخيات أم خياش القويه في وسطهم

الحره
28-10-2010, 12:53 AM
اخوي ابعد عن الخوال

الحمدلله والشكر والله لا يبلا المسلمين ماتعرف ان هالحفلات حرام

فتى الجود
28-10-2010, 01:23 AM
اتوقع هذا من الشركيات
لان الله هو الواحد الاحد المعافي الشافى

يعنى اذا الانسان مريض مافي داعى : زار
أو : "الله حي "مثل الأخوه المصاروه

يطلع دافع بلا وروح يدور علاجه عند المستشفيات

واذا كان هناك لبس من جن فالرقيه أولى من هالخرابيطبسنا خرابيط

كاشف الغطاء
28-10-2010, 01:31 AM
هههههههه شي لله ياالهدهد

الله يبعدنا عن هالسوالف

بس صج خاطري مرة اشوف شيسسون

Mshari
28-10-2010, 04:50 AM
السامري والخبيتي معروف لكن دخلت عليه طقوس غريبه

تحضير جن وزار كلها عادات افريقيه

حسب اعتقادي

al-sadd
28-10-2010, 05:16 AM
الله لايبلانه
ياخوي هدهد
هاليومين منت عاجبني هههههه
هاي ثاني مادري ثالث مره تجيب طاري الجن وهالسوالف الي مالها داعي
ياخوك انت بين اهلك انا مغترب بروح في الشقه ومحد وياي
اتورط بمواضيعك لييييش؟ ههههههه

اخبر من فتره كان في عرس لواحد من اخوان رفيجي
وكان عندهم سامري من انصاف الليالي ليييين تالي الليل
ولله الحمد من يوم دريت ان بعرسه هالخزعبلات
قلت مافي يابوعدالزيز ادخل وسلم وتوكل ع الله
والله وهالي صار دخلت وسلمت ومشيت
والله يبعدنا عن هالمشاكل

shadad
28-10-2010, 08:26 AM
اخوي ابعد عن الخوال

الحمدلله والشكر والله لا يبلا المسلمين ماتعرف ان هالحفلات حرام


:nice:

الصريحه
28-10-2010, 09:13 AM
يعني قاعدين وقعدتهم كلها غلط دق طول الوقت واغاني بصوت عالي يعني حرام وطبعا ياذن ولااحد يصلي وبعضهم عليه الجنابه ولااغتسل ويروحون اماكن مهجوره مثل البر ويقعدون بصوتالاغاني والطبول العاليه وهذا مكان الجن ويتلبسهم ومايوقفون يتمون لهم كذا ساعه
اكيد تركبهم وتجيب راسهم تحت لانهم عايشين جوهم
الواحد اول مايبتعد عن الدين ويعيش عيشه بهايم شوف وش يصير له
لو الواحد دايم متوضي ويقرا اذكاره وورده من القران ولايروح اماكن مهجوره ويسمع اغاني ماكان صار اللي صار
اللهم عافنا مما ابتليت به غيرنا وفضلتنا على كثير ممن خلقت تفضيلا

كازانوفا
28-10-2010, 12:00 PM
على حد علمي ان السمر عندهم قوة تحمل اقوى بكثير من البيض
يعني يستحمل جسمه ان يكون معه جنى اكثر من الشخص الابيض
والسامرى هو نوع من انواع تحضير للجن لكن للاسف الجن لما تشوف الشخص موجود باكثر من مره بهذه الحفلات لا تتركه يعني ممكن يسكن ويعيش معه في بيته من غير ما يعرف الشخص ان الجاان ملازمه ويعيش معه ...

ملسونه
28-10-2010, 12:15 PM
يمه قسم بالله مت من الخوف

اشكره حد قاعد يتحكم في جسمه

بسم الله

اخوي هدهد شموديك هالاماكن

لو مكانك اقرا اية الكرسي واروح البيت

بشمرقي
28-10-2010, 12:25 PM
أما اللي في المقطع !!!!!!!!!

هدهد سليمان
28-10-2010, 02:56 PM
(( انا اعتبر حفلات السامري والخبيتي وهالسوالف نوع من تحضير الجن الله لايبلانا

وهناك شباب يحبون هالنوع من الحفلات ولا تخلو من الجن والاستنزال ))

وجهة نظر الشيخ .. لكن مب كله استنزال :) يعطيك العافيه يالغالي للتواجد العطر ..

هدهد سليمان
28-10-2010, 02:57 PM
على طاااااااااااار السامري والخبيتي
بكرة الخميس وابي اروح لحفلة سامري حد يخبر لنا حفلة

اذا حصلت شي طرش لي على الخاص :nice:

هدهد سليمان
28-10-2010, 03:04 PM
هالموقف حقيقي؟؟

وصار بقطر؟

غريبة اول مرة اسمع بهالاشياء انها موجودة

وبعدين السامري والخبيتي ومدري شنو هاي اعتقد حفلات كلها غناء ومعازف يعني مايحتاج اقول لكم الحكم

وبعدين ملاحظين يالهدهد ان فيه جزء من ثقافتك مرتكز بشكل مكثف على هالسوالف الجن والاستنزال والسحر والشعوذة !
مالك ومال العالم الخفي خلك بالنور ابرك لك
وخل العالم الخفي بحاله

إلا بسألك عندك النسخة الاصلية لشمس المعارف الكبرى؟ << اتغشمر ^_^

يا كثر الزيارين والسامري .. عندك اقرب مكان الشعبيه !! عقبها النجمه !

مب ثقافتي الله يسلمك مركز على هالشي .. الا هالشي كثر بالديره ولازم ننبه اخوانا واخواتنا من هالشي .. ترا السالفه مب مجرد موضوع وانتهى !! الموضوع له ابعاد مثل كثرة التعامل مع الجان وبعض الأخوه الله يهديهم يبي يخاوي جان ومن هالسوالف .. فلا تظن اني ابي هالشي ولا اطريه لمجرد ابطل سالفه .. على كل حال في كتابين حق شمس المعارف .. الاول والأخطر حق الغزالي .. والثاني اللي انت ذكرته للبوني وما فيه شي !! وياليت تحسن الظن مره ثانيه ولا تحكم على الناس من دون ما تعرفهم يالأطلس ولو تلاحظ ردودك كلها اندفاع .. وحياك الله ..

هدهد سليمان
28-10-2010, 04:34 PM
السلام عليكم ورحمة الله و بركاتة


والله يالهدهد اول مااسترسلت في قارءه الموضوع ،، اقول هدهدنا شفيه وش هالطاري الله لايبلانا ولا يبلا المسلمين ، و استغربت حقيقتا انك تروح لمكان مثل هذا .
ولكن هو موضوع و واقع ولا باس في النقاش فيه .

عن نفسي شفت مثل الي في الفيديو و سمعت عن الي ياكلون الجمر و شخصيات اعرفهم ( ربع مدرسه وخلافه) لكن ماشفتهم لاني ما احظر السامري و ان حظرت عرس و كان فيه سامري امشي بدري ،، و الحكم الشرعي فيها ما اعرفه بصراحه او حتى وش الهدف منها.

الاكيد هو مجال له ناسه المتخصصين الله يهديهم .

و الاكيدين ان هذا ابتلاء من الله لهالناس الله يعفي عنا و عنهم .

اظيف سؤال الى موضوعك ان استمر النقاش .
ماهو سبب ان اكثر الي يستنزلون من اصحاب البشره السمراء ؟

حياك الله اخوي مهل !! .. بخصوص الأماكن اني اروحها .. ما اروحها يالغالي ولا ابي اروحها لكن يوم الواحد يكون مع واحد من ربعه ويلزم عليه وخصوصا ان الشخص عزيز وتكون في سيارته .. فتضطر تروح هالمكان .. وان رحت فهذا لغرض في نفس يعقوب :) ..

ما ادري بخصوص الحكم الشرعي .. لكن من المعروف ان الدف مب حرام .. اما الأدوات الأخرى فالله اعلم ..

مب شرط يكونون من البشرة السمراء .. لكن ممكن الجن يصيد الشخص النجس الضعيف الخواف اللي يطلب هالشي .. يعني عدة اسباب . . لكن الانتشار او الواضح والجلي هم عند اخوتنا ذو البشرة السمراء .. ومنهم ما تكون وراثيه .. لك خاطر تروح هالأماكن علمني .. وعلي ما يصيدك شي :)

هدهد سليمان
28-10-2010, 04:53 PM
اكثرهم من وليس كلهم من اخواننا السمر

الظاهر لأنهم يحبون الطرب

الغالبيه .. يمكن لأنهم يحبون الطرب على ما تفضلت .. او لطيبة قلوبهم .. او قوة قلوبهم ..

الزرقواني
28-10-2010, 06:01 PM
الجن نوعين مسلم وكافر وهذا شي معروف

هذا ابتلاء اخوي الهدهد
بعض الاحيان الواحد مايدري عن نفسه
شوي الا تشوفه مروس سيده في الميدان
نعم الاغاني شرك وحرام ولكن بعضها
حسب خبرتي ان فيها تهاليل ومديح

مثال اول :
لا اله الا الله ... لا اله الا الله ... يا حي يامعبود

مثال ثاني :
نادى المنادي في مسجدي
صلوا صلاتي على النبي

وكثير من هالنوع من الاغاني
ولين الحين ماسمعت راي الشرع فيها
ولا حد افتا بها

معلومه بسيطه في ناس ماتو من هالبلاء
وفي ناس تشللت
ومب شرط اصحاب البشره السمراء الي يصيديهم هالشي

مَنْ رَأَى صَاحِبَ بَلَاءٍ أَيْ مُبْتَلًى فِي أَمْرٍ بَدَنِيٍّ كَبَرَصٍ
وَقِصَرٍ فَاحِشٍ أَوْ طُولٍ مُفْرِطٍ أَوْ عَمًى أَوْ عَرَجٍ أَوْ اِعْوِجَاجِ يَدٍ وَنَحْوِهَا,
أَوْ دِينِيٍّ بِنَحْوِ فِسْقٍ وَظُلْمٍ وَبِدْعَةٍ وَكُفْرٍ وَغَيْرِهَا
(الْحَمْدُ لِلَّهِ الَّذِي عَافَانِي مِمَّا اِبْتَلَاك بِهِ)
فَإِنَّ الْعَافِيَةَ أَوْسَعُ مِنْ الْبَلِيَّةِ لِأَنَّهَا مَظِنَّةُ الْجَزَعِ وَالْفِتْنَةِ
وَحِينَئِذٍ تَكُونُ مِحْنَةً أَيَّ مِحْنَةٍ , وَالْمُؤْمِنُ الْقَوِيُّ أَحَبُّ إِلَى اللَّهِ
مِنْ الْمُؤْمِنِ الضَّعِيفِ كَمَا وَرَدَ (وَفَضَّلَنِي عَلَى كَثِيرٍ مِمَّنْ خَلَقَ تَفْضِيلًا)
أَيْ فِي الدِّينِ وَالدُّنْيَا وَالْقَلْبِ وَالْقَالَبِ (إِلَّا عُوفِيَ مِنْ ذَلِكَ الْبَلَاءِ)
أَيْ لَمْ يُرَ أَحَدٌ صَاحِبَ بَلَاءٍ فَقَالَ الْحَمْدُ لِلَّهِ الَّذِي عَافَانِي إِلَخْ إِلَّا عُوفِيَ مِنْ ذَلِكَ الْبَلَاءِ
(كَائِنًا مَا كَانَ) أَيْ حَالَ كَوْنِ ذَلِكَ الْبَلَاءِ أَيَّ بَلَاءٍ كَانَ (مَا عَاشَ) أَيْ مُدَّةَ بَقَائِهِ فِي الدُّنْيَا.

تسلم على الموضوع اخوي

صلاة المغرب ياأخوان :)

هدهد سليمان
28-10-2010, 06:46 PM
قصه حصلت لي في احد الاعراس ولكن من زمن بعيد ....ايام الشباب :)

كنت حاضر سامري وحسيت برقله وبروده وشي غير طبيعي

قلت لفريقي مشينا وطلعت والحمدلله ماصر شي ..ولكن ماحضرت اي سامري بعدها


هذه الاشياء تعتبر تحضير للجان مثل الزار وغيره


يعطيك العافيه اخوي -الهدهد على الموضوع

زين يالشيبه .. لا تعيدها :) .. اهم شي انه ما صادك شي يا ثقيل :nice:

هدهد سليمان
28-10-2010, 06:50 PM
يابنت ياجــان وشفيـــك تبــكين ...؟
قــــالت أبــويــــا مــــات وتــركني ... !

واشكي حالي على الله يا شيوخ المدينه
واشكي حالي على الله يا شيوخ المدينه
حالتن في ضميري حسرت كل حالي
حالتن في ضميري حسرت كل حالي
اهـ ويلاه قلبي اهـ ويلاه عيني
اهـ ويلاه قلبي اهـ ويلاه عيني

تنكس هههههههه

بس صج السامري بدى ينتشر بكثره في قطر
تتوقعون اغلب الشباب فيهم زار ؟

:sneaky:

اتوقع انك تعرف اكثر مني .. وعاش الجيلاني :victory:

بوعلي2
28-10-2010, 07:02 PM
حنا طلبنا الزياره ما طلبنا الحضور يالعيدروس شيل الله http://www.qatarshares.com/vb/images/icons/icon12.gif

بس اخبر سالوا شيخ دين بالتلفزيون وقال الاغاني لان فيها سمسميه واورج والتحضير مايجوز والله أعلم

وانا ماروح حاليا لكن سابقا رحت وايد :nice:


اخبر رفيجي كان يصور السامري ومركز على واحد مستنزل وضحك عليه بعدها طاح رفيجي واستنزل وشلناه والى يومك اذا راح سامري يستنزل


الله المستعان وشكرا على هدفك من طرح الموضوع والله يوفقك يالذيب

قطر دزاين
28-10-2010, 07:17 PM
وتزهم الشياطين ازاى

هدهد سليمان
28-10-2010, 07:20 PM
الله يسكنهم مساكنهم عاششششو

من شفت سوالفك كلها عن الجن وانا داري

ولا اشوف فيها أي متعه ولا طرب ولا رمنسيه منت بشايف الا خبلان يارب تعافينا مما ابتليتهم

الي أولها دلع تاليتها ولع

اخبر عندنا عرس واخر العرس الشباب سامري وانا واقف الا واحد نقز بجنبي نفس الي في المقطع ضربني رووووع

حطيت نفسي اتكلم في التلفون وانا شال عليه للسياره

يعني لو نط علي وخنقني من الي بيفكه مني ولا يطرش الي فيه يجي فيني وين اترقع بعدها من سامري لسامري

ماقول الا الله لايبلانا وتحذف عليهم شراخيات أم خياش القويه في وسطهم

:eek5: شللي دريته ؟ احسن الظن :)
من قال لك انه بيزنطك ولا يذبحك !! اشاعه غير صحيحه .. بالمناسبه الانسان يجب ان يكون على طهاره دائما .. والموضوع هدفه النقاش الشيخ .. بخصوص ما صادك يمكن صدفه والبعض يستهبل ما فيه الا العافيه بس هو يطلب هالشي ويوم ينبلى يتحسف من قلب ! استغرب الناس اللي تبي هالشي ما يدرون ان اشكالهم غير ومب اي حد كفو يتحمل اشكالهم ! مب كلهم اشكال حلوه ومنهم ما يخاف الله مشرك درجه اولى نسأل الله العافيه .. وحياك الشيخ مره ثانيه !

قلب قطر..!
28-10-2010, 08:26 PM
الله يكافي الشر ولايبليناااا =s

jo0ory.56
28-10-2010, 10:35 PM
وتزهم الشياطين ازاى


تصحيح الآية "وتؤزهم الشياطين أزا"

AL ZUBARAH
29-10-2010, 12:00 PM
احس هالايام داخل فيني ارواح شريره ودي اشترك في حفلة زار يمكن الارواح تطلع
ممكن العنوان بالضبط