شوفوا هالمقال السنع من الاخ عبدالله السليطي بخصوص النمر الهارب

[simsim1963]

بقلم : عبدالله بن حجي السليطي .. تناولت أجهزة الهاتف والمنتديات الحوارية على الإنترنت وفي المجالس سالفة هروب نمر من أحد البيوت منذ يومين.

وأصيب أهالي الخريطيات وزغوى وأم صلال والغرافة بالرعب والهلع بعد انتشار هذه الأنباء السريعة بينهم بعد هروبه في هذه المناطق.

وبغض النظر.. إن كان هذا الخبر صحيحاً أم إشاعة.. فإنه لا بد من وجوب منع مثل هذه الحيوانات المتوحشة والمفترسة من دخول قطر بأي شكل من الأشكال.. وذلك لخطورتها وعدم الأمان بها ودمويتها في افتراس الضحية.

وكم سمعنا وقرأنا عن افتراس نمر أو أسد أو فهد لمدربه وصاحبه سواء في حديقة الحيوان أو في السيرك وغيرهما.. فهذه الحيوانات غير أليفة ولا يؤتمن شرها وغدرها مهما ربيتها وأعطيتها من الأكل اللذيذ.. فإنها لا بد في يوم من الأيام أن تغدر بصاحبها.

وإذا كان الأمر كذلك.. فإنني أقترح درءاً للشر وعواقبه إصدار قانون أو قرار من الجهة المختصة يمنع دخول مثل هذه الحيوانات المفترسة إلى البلاد.

:nice::nice::nice: بس ياريت الداخليه تعمل خليه حيه ومتفاعله مع الاعلام المرئي والمسموع والمقرئ عن تطورات البحث عن النمر . لأن عدم العلم بالشئ يتطور الى رعب كبير في نفوس الناس ويخلق الكثير من التأويل والاشاعات . أكرر واقول يا داخليه نحركوا بسرعه .

[الصريحه]

اذا لين الحين مااعلنوا
الله كريم وينصاااااااااد

[غير البشر]

ونعم في الاخ \ عبدالله بن حيي السليطي :nice:

مشكور اخوي على النقل :victory:

[khalid-qtr]

اليوم خميس شكلي بتحزم وبدور بين الفرجان ادور هذا النمر الهايت

[كازانوفا]

نععععععععععععم
هو للحين لم يتم العثوووووووور على المجرم
وين ويني عنه ؟؟؟؟

دايما يكون معاه :)

[simsim1963]

اليوم خميس شكلي بتحزم وبدور بين الفرجان ادور هذا النمر الهايت

النمر ماله ذنب الذنب ذنب راعيه الي هده على خلق الله . ياريت تدورون صاحبه وتنشرون اسمه في المنتدى علشان يحرمون غيرة ما يربون الحيوانات المتوحشه .

[simsim1963]

سمعت فيه ناس مربيه ذيابه ودببه وثعابين البايثن أكبر نوع الي يبلع بقرة بروحه. أقول وين البيئه والداخليه منهم . ياريت يا جماعه أي واحد يشوف أي انسان معاه حيوان مفترس بالسيارة ياخذ رقمه ويبلغ الداخليه

[Galbi]

جاتني اخبار من مصادر موثوقة جداً
بأنه مش نمر واحد .. اطلعوا نمرين
وصاحب النمرين مسجون حالياً
لانه من قبل كان عنده اسد وهرب
وجاله تحذير من وزارة الداخلية
وهالمرة اهربوا منه نمرين
والمصادر اكدت انه تم القاء القبض على نمر واحد في منطقة الخليج الغربي بواسطة مسدس التخدير
والنمر الثاني لا يزال هارب
وفي واحد من النمرين قضم يد احد الاشخاص .. وهالشي اكده احد المواطنين اليوم الصبح في برنامج وطني الحبيب
وتم تكثيف قوات الامن من خلال الدوريات والهلوكبترات للبحث عن النمر الثاني
الله يستر

[كازانوفا]

جاتني اخبار من مصادر موثوقة جداً
بأنه مش نمر واحد .. اطلعوا نمرين
وصاحب النمرين مسجون حالياً
لانه من قبل كان عنده اسد وهرب
وجاله تحذير من وزارة الداخلية
وهالمرة اهربوا منه نمرين
والمصادر اكدت انه تم القاء القبض على نمر واحد في منطقة الخليج الغربي بواسطة مسدس التخدير
والنمر الثاني لا يزال هارب
وفي واحد من النمرين قضم يد احد الاشخاص .. وهالشي اكده احد المواطنين اليوم الصبح في برنامج وطني الحبيب
وتم تكثيف قوات الامن من خلال الدوريات والهلوكبترات للبحث عن النمر الثاني
الله يستر

رحناااااا وطي:tease:

[simsim1963]

لاحول ولا قوة الا بالله

[فراغ]

والله الواحد ما يدري شيسوي
يجابل شغله أو يتابع هذي النمور الهاربه
هذيه أذا جاع سدحله أقرب ريال وكلاه
والأنسان غافل تحصله نازل من سيارته وهذاك جوعان
والله مصيبه

[unless]

ياجماعة الخير
هالمخلوقات الله جعل غريزتها في البقاء في للافتراس
فمهما ربيته واهتميت فيه وتعودتوا على بعض مرده
في يوم تعن عليه الغريزة ..صحيح أن للناس فيما يعشقون؟؟؟؟؟

[saud580]

صاحب النمر مسجون ..........بس ياليت يشهرون فيه حتى يكون عبره (ويعلنون اسمه ) ....... لانه بث الرعب في نفوس الكثيرين .............بس اكثر اهل الخريطيات عارفينه من ؟؟؟

[Ginger]

قضم يد الرجال ! ههههههههههه الله يستر الظاهر هذي تصبيره
الله يعين اذا قرر ياكل وجبه !

[عضو مشاكس]

النمر ماله ذنب الذنب ذنب راعيه الي هده على خلق الله . ياريت تدورون صاحبه وتنشرون اسمه في المنتدى علشان يحرمون غيرة ما يربون الحيوانات المتوحشه .

وشدراك ان راعية هده وقاصد
ياخي كل ما ادخل مواضيع النمر اشوف ناس تشلخ على بعض

[السعدي999]

وليش الرعب هذا كله

[MAZEN37]

مقال ممتاز

[مجنون الفتك]

بسنا خرابيــــــــــــــــــــــــــــــــــــــــــط

[الـآنسـہ]

حرام تتكلمون عن صاحبها كذا ,
لانه هاالحيوانات مفترسه و غريزتها ما تسمح لها تقعد في مكان واحد اكيد ملت و هربت بنفسها
يعني بذمتكم الرجال بهد نمور فالبلاد كـ نوع من الترفيه او مزاح ؟
أتوقع انه هالشي ما يدخل العقل و مستحيل حد يسوي كذا

استغفرو ربكم و لا تتكلمون فالناس

نمر و هارب سويتو فلم عليه , اذا شفتوه ما عليكم الا تتصلون و تبلغون عنه
ما يحتاج فلم سنمائي

تحياتي
:)

[بوناصر1]

المثل يقول:اذا عرف السبب بطل العجب!!!!!
انتو اذا عرفتو من صاحب هلحيوان بتعرفون وين الخلل او المشكله بدت من وين.
على فكره في قانون صريح يمنع امتلاك هلنوع من الحيوانات في الاحياء السكنيه ولكن المشكله والعيب فينا
(((((المحسوبيه والواسطه))))))

[مستجدة]

اقول لو الداخليه جايبه كم واحد من فريج المرة وبني هاجر او مجموعه من عيال البدو
كان النمر انصاد يابشوزن ولا بعجرا ولا بدعم بصدام تايوتا وفاكينا من مسلسل هالرعب اللي صار له
اربع ايام

انا احس انه البلى في عناصر الداخليه احسهم ينخشون ورى بعض من الخوف
عيل المواطن المسكين ممن يطلب الفزعه

امحق مسوؤلين

[جنوب الدوحه]

اقول لو الداخليه جايبه كم واحد من فريج المرة وبني هاجر او مجموعه من عيال البدو
كان النمر انصاد يابشوزن ولا بعجرا ولا بدعم بصدام تايوتا وفاكينا من مسلسل هالرعب اللي صار له
اربع ايام

انا احس انه البلى في عناصر الداخليه احسهم ينخشون ورى بعض من الخوف
عيل المواطن المسكين ممن يطلب الفزعه

امحق مسوؤلين

هل انتي كفئ انك تقيمين عناصر الداخليه ؟ او انه كلام من ورا الكيبورد وخلاص :) !!

[مستجدة]

هل انتي كفئ انك تقيمين عناصر الداخليه ؟ او انه كلام من ورا الكيبورد وخلاص :) !!


عيل اربع ايام ومنصاد النمر بشنو يفسرها المواطن ....؟ :anger1:
انا اتقصد انقدهم هالنقد عشان يتحركون
ونبي احد من المسوؤلين يحس فينا انت تعرف عن شنو نتكلم هذا نمرررررررررررررررر
ليش محد حاس بالمصيبه وماخذها مزاح
نمر ولله ان جاع يطب على 30 رجال ويمزمزهم مزمزه :secret:

[مساهم خاص]

ونعم في الاخ \ عبدالله بن حيي السليطي :nice:

مشكور اخوي على النقل :victory:

السلام عليكم
اخوي غير ابشر الكاتب اسمه: عبدالله بن حجي السليطي
و مكتوب في الجريدة عبدالله بن (حجي) السليطي

[مساهم خاص]

اليوم خميس شكلي بتحزم وبدور بين الفرجان ادور هذا النمر الهايت

كفو :)

[مساهم خاص]

النمر ماله ذنب الذنب ذنب راعيه الي هده على خلق الله . ياريت تدورون صاحبه وتنشرون اسمه في المنتدى علشان يحرمون غيرة ما يربون الحيوانات المتوحشه .

صحيح لازم ياخذ جزاه الي مربيه و هاده على خلق الله.
بس الدولة ضد التشهير لان التشهير عقاب عليه وعلى هله والمفروض هو لوحده لانه هو الغلطان
وشكراً

[Om Majed]

السلام عليكم
اخوي غير ابشر الكاتب اسمه: عبدالله بن حجي السليطي
و مكتوب في الجريدة عبدالله بن (حجي) السليطي


تنكتب حجي وينطقونها حيي كله واحد :nice:
والسلطه يقولون بن حيي بالعاميه :shy:

[مساهم خاص]

تنكتب حجي وينطقونها حيي كله واحد :nice:
والسلطه يقولون بن حيي بالعاميه :shy:

صحيح وكلن له الحرية انه ينطق الكلمة بالطريقة الي تعجبة
بس ما ادري اش دخلها في الموضوع

[النائب]

:nice::nice::nice::nice::nice::nice::nice::nice::n ice::nice::nice::nice::nice:
اقول لو الداخليه جايبه كم واحد من فريج المرة وبني هاجر او مجموعه من عيال البدو
كان النمر انصاد يابشوزن ولا بعجرا ولا بدعم بصدام تايوتا وفاكينا من مسلسل هالرعب اللي صار له
اربع ايام

انا احس انه البلى في عناصر الداخليه احسهم ينخشون ورى بعض من الخوف
عيل المواطن المسكين ممن يطلب الفزعه

امحق مسوؤلين

[امـ حمد]

لاحول ولا قوة الا بالله

الله يستر رحنا وطي

[بوعيسى1]

ابشركم ياهل الغرافة وكل من يشجع نادي الغرافة الفهد ما بياكلكم
لانكم سميتو نفسكم الفهود هههههههههههههههههههههه
يلا طلع واحد من ربعكم روحوا امسكوه موب انتوا كلكم فهود
تصريحات قبل كل مباراة احنا فهود بناكلهم
كل ما يفوزون مباراة يقولون كليناهم
والله ما تدقون سلف جدام مشجع الشارد من فريقكم .... ههههههههههههههههه فهود على فاضي

[Fahad Alqahtani]

ابشركم ياهل الغرافة وكل من يشجع نادي الغرافة الفهد ما بياكلكم
لانكم سميتو نفسكم الفهود هههههههههههههههههههههه
يلا طلع واحد من ربعكم روحوا امسكوه موب انتوا كلكم فهود
تصريحات قبل كل مباراة احنا فهود بناكلهم
كل ما يفوزون مباراة يقولون كليناهم
والله ما تدقون سلف جدام مشجع الشارد من فريقكم .... ههههههههههههههههه فهود على فاضي

الموضوع في واد وانت في واد

[دااانة قطر]

خوش مقااال

[دااانة قطر]

اقول لو الداخليه جايبه كم واحد من فريج المرة وبني هاجر او مجموعه من عيال البدو
كان النمر انصاد يابشوزن ولا بعجرا ولا بدعم بصدام تايوتا وفاكينا من مسلسل هالرعب اللي صار له
اربع ايام

انا احس انه البلى في عناصر الداخليه احسهم ينخشون ورى بعض من الخوف
عيل المواطن المسكين ممن يطلب الفزعه

امحق مسوؤلين


:nice::nice::nice:

[دااانة قطر]

صاحب النمر مسجون ..........بس ياليت يشهرون فيه حتى يكون عبره (ويعلنون اسمه ) ....... لانه بث الرعب في نفوس الكثيرين .............بس اكثر اهل الخريطيات عارفينه من ؟؟؟


المهم انهم ياخذون الترخيص منه
ولا يخلون حد يعيدها مره ثاانيه

[دااانة قطر]

جاتني اخبار من مصادر موثوقة جداً
بأنه مش نمر واحد .. اطلعوا نمرين
وصاحب النمرين مسجون حالياً
لانه من قبل كان عنده اسد وهرب
وجاله تحذير من وزارة الداخلية
وهالمرة اهربوا منه نمرين
والمصادر اكدت انه تم القاء القبض على نمر واحد في منطقة الخليج الغربي بواسطة مسدس التخدير
والنمر الثاني لا يزال هارب
وفي واحد من النمرين قضم يد احد الاشخاص .. وهالشي اكده احد المواطنين اليوم الصبح في برنامج وطني الحبيب
وتم تكثيف قوات الامن من خلال الدوريات والهلوكبترات للبحث عن النمر الثاني
الله يستر


أهذه أوشااعه أم حقيقه؟؟؟

[دااانة قطر]

سمعت فيه ناس مربيه ذيابه ودببه وثعابين البايثن أكبر نوع الي يبلع بقرة بروحه. أقول وين البيئه والداخليه منهم . ياريت يا جماعه أي واحد يشوف أي انسان معاه حيوان مفترس بالسيارة ياخذ رقمه ويبلغ الداخليه


الحين نمر ومب قاادرين عليه ذياابه وثعاابين بعد!!!!!!
الله المستعاان
أروااح النااس في ذمتهم

[شموع قطريه]

السلام عليكم
اخوي غير ابشر الكاتب اسمه: عبدالله بن حجي السليطي
و مكتوب في الجريدة عبدالله بن (حجي) السليطي
عادي حجي تنطق حيي وكثير من الكلمات تقلب فيا الجيم الى ياء عند الحضر من اهل قطر لسهولتها في النطق ..
هو أبخص بالعمّ :secret:

[simsim1963]

احين أبي أعرف شئ واحد من المشرعين للقوانين الي عنده سلاح ويرمي الناس ويصيد هذا الانسان ويقتل هذا الانسان ويش عقابه؟؟؟ اذا عقابه السجن لازم صاحب النمر ينسجن . تعرفون ليش لأن النمر في هذة الحاله اصبح حاله وحال السلاح واحد ممكن يسبب أصابه للناس أو ممكن يقتل الناس .

[مانوحسن]

بالتوفيق للجميع
بوفهد

[عين قطر]

مادري ليش احس ان السالفه كذب في كذب .. هذا واحد يتسلى في الشرطه

[تبتلشٍ]

هاي سالفه قطينها لكم عشان تنسيكم سالفه الزياده
بالعقل 4ايام منصادالنمر ...اذا صارت جريمه قتل ولا سرقه بالكثير يوميين يتم القبض ع الجاني
الله يسامحك يابوحروب

[<اضرب واشرد>]

صيد النمر مايحتاج خوف ولا شي " من رجال الداخلية أقصد " ، لأنه ينصاد بمسدس مخدر ، يثورون فيه إبره ويتخدر ، ويشلونه وهو نايم.

أهم شي يدورون وهم داخل مواترهم ، طبعا صعبه ينزلون يفتشون بيت بيت " إلا بالهليوكوبتر مثلا " ، إلا إذا واحد منهم يبي يغامر !

اللي مستغرب منه ، كيف يتنقل من منطقة إلى منطقة ومايقدرون يثورون فيه هالإبرة هذي ، يعني الناس ماتشوفه ؟ مافي واحد يشوفه ويبلغ عنه .. ويلحقه بموتره لين ماتوصل الشرطة للمكان اللي وقف عنده ؟

صاحب النمر أو النمرين لازم يتحاكم ، وأصحاب الحيوانات هذي لازم تنسحب حيواناتهم ، وأصحاب الاشاعات " بزارين البلاك بيري والنت " لازم ينصادون ويتحاكمون بعد ، اللي مركب صورة بالفوتوشوب وحاط بن كوده عليه ، واللي واللي .. لازم يتحقق معاهم وإذا كانوا فعلا أصحاب اشاعات ، المفروض يتغرمون أو ينسجنون ، لأنهم سببوا للناس خوف ومشاكل ، ولأن الدنيا مب فوضى.

والله كريم

[simsim1963]

النمر يتنقل بالليل مب بالنهار ولها السبب موقادرين يصيدونه يحتاجون نظارات لليله

[مشيرب]

ياجماعة الخير
هالمخلوقات الله جعل غريزتها في البقاء في للافتراس
فمهما ربيته واهتميت فيه وتعودتوا على بعض مرده
في يوم تعن عليه الغريزة ..صحيح أن للناس فيما يعشقون؟؟؟؟؟


رب جريوك ياكلك

[فاضي عمل]

يآ شبآب في تنآقض فالموضوع من كثر الاشاعات
يوم الخميس جآني خبر ( من صديق ) ان النمر وصل المدينه التعليميه وان الدوريات هناك وهليكبترات ومدري ايش :eek5:
من ربع ساعه جاني خبر ان فالدفنه :telephone:
بخصووص عنده تصريح تمشآيه فالدوحه من المرور مثلاً ؟ :secret:

وبعدين وآحد يقول راعيه مسجون والثاني يقول واحد واصل ولو تعرفون منهو وإلخ ,,, !! ( طوط طوط ) :tease:
:tease::tease:يرحم وآلديكم نبي خبر نفس النآس مب بزر ( مروجين اشاعات البلاك بيري ومحشومين الربع ) يطلع اشاعه ونقوم ننشرهآ ونحلف إنها صدق !!!! :victory:

لآ والبعض يقوول ان طلعوا نمرين ,, وآلبعض يزيد خلآهم 3 ( من يزيد يا شباب آلدعوه صآرت مزآد ) :rolleyes2::rolleyes2:

آلله يهديكم بس ,, آالام من تشم ريحة خبر إن ألنمر في المكآن الفلاني يفز قلبها لان قريب بيتها عندها بزران تخاف عليهم :weeping:

[aljabal]

الله كريم