تمثال بوذا في الليموزين

[همس الورد]

السلام عليكم ورحمة الله وبركاته..في البداية حبيت أكلمكم عن موقف صادفني وأبي تعليقاتكم إذاتكرمتوا..كنت رايحة مع ولدي مشوار لعدم توافرسيارة للتوصيل طلبت ليموزين لتوصيلي وابني وبعد ان ركبنا الليموزين واذا بابني يخبرني يمه يمه اكوراعي الليموزين حاط تمثال نفس الي كنا انجوفه في تايلاند وتفاجأت يوم شفته وكنا بنص الطريج كرهت الليموزين وراعي الليموزين وقعدت اقرأاذكار المساء وتذكرت قول الله تعالى:"لكم دينكم ولي دين"..وانكرت هالشي بقلبي وانكرت على الشركة اشلون تسمح بهالشي واحنا في بلادالمسلمين . . وبصراحة كان خاطري أنقل لكم صورة هالتمثال تمثال بوذا بس خفت من ردة فعلاا لسايق وخصوصا انه كان ايعصب على اقل حركه ايسويها ولدي في السيارة أ:telephone:ريد تعليقاتكم .

[طارق العلي]

السلام عليكم ورحمة الله وبركاته..في البداية حبيت أكلمكم عن موقف صادفني وأبي تعليقاتكم إذاتكرمتوا..كنت رايحة مع ولدي مشوار لعدم توافرسيارة للتوصيل طلبت ليموزين لتوصيلي وابني وبعد ان ركبنا الليموزين واذا بابني يخبرني يمه يمه اكوراعي الليموزين حاط تمثال نفس الي كنا انجوفه في تايلاند وتفاجأت يوم شفته وكنا بنص الطريج كرهت الليموزين وراعي الليموزين وقعدت اقرأاذكار المساء وتذكرت قول الله تعالى:"لكم دينكم ولي دين"..وانكرت هالشي بقلبي وانكرت على الشركة اشلون تسمح بهالشي واحنا في بلادالمسلمين . . وبصراحة كان خاطري أنقل لكم صورة هالتمثال تمثال بوذا بس خفت من ردة فعلاا لسايق وخصوصا انه كان ايعصب على اقل حركه ايسويها ولدي في السيارة أ:telephone:ريد تعليقاتكم .

انا قريت القصة واللي فهمته انكم اشتريتو كوارع وركبتو التاكسي وشفتو تمثال بوذا

حسبي الله عليهم بس صدقيني شركة كروة ماترضى على سمعتها المفروض انكم اخذتو رقم التاكسي واشتكيتو عليه

[فيزيائية]

يعني البوذا في السيارة ؟؟

المفروض تتصلين على صاحب الشركةوتنبهينه... ؛؛

بس ان شاء الله مايطلع (كبيرهم بوذي)...

[همس الورد]

لا هذا الليموزين حق شركة خاصة غيركروة

[MAZEN37]

لازم قانون

[العـوا]

بيقولكم حرية الاديان

[Super Cool]

طيب وين المشكلة....واحد "بوذي" حاط له تمثال "بوذا" في سيارته....مب فالشارع.....شالمشكلة الحين؟؟؟؟؟

يعني بوذي شيحط؟؟؟؟

[هلالي]

طيب وين المشكلة....واحد "بوذي" حاط له تمثال "بوذا" في سيارته....مب فالشارع.....شالمشكلة الحين؟؟؟؟؟

يعني بوذي شيحط؟؟؟؟



المشكله الله يسلمك إن التماثيل محرمه عندنا احنا المسلمين
طبعا حضرتك ماتدري عن هالشي.
المشكله ان هاذي قطر دوله اسلاميه.
طبعا حضرتك مايهمك هالشي.
المشكله ان حضرتك نسيت ان السياره ليموزين = يعني عامة مب خاصه للسواق
يعني يروح يشرك بالله في بيته وياريت في بلاده يكون احسن.

[شموخ دائم]

,

,


مرحبا

والله هذي مشكله صحيح نواجها بكل مكان

بسكن العمال بالشركه غرفهم كلها بوذا

وسفن الصيد الي في مدينه الخور ومدينه الوكره

بغرفه الكابتن لازم نشوف تماثيل بوذا او صور الشمس وجنبها اعواد البخور

لانهم يعبدون الشمس

نطلب منهم يشيلونها ويرجعونها بالخش شوي شوي

وبنفس الوقت هناك حريه الاديان واحنا جبناهم من دولهم وعارفين ديانتهم

ما يصير نمنعهم في اماكنهم الخاصه

اهم شي ما يظهر علني امام الناس

احنا ما نحب نشوف هذي المناظر لكن ما نقدر نعمل شي لهم

,

,

اخوك


شموخ دائم

[طارق العلي]

يعني بوذي شيحط؟؟؟؟



يحط صورة ياسر الخبيث

[Super Cool]

يحط صورة ياسر الخبيث


ههههههههه

مافي فرق بين الإثنين....اثنينهم بوذا و ياسر الخبيث فالنار ان شاء الله

الا على طاري ترى حتى الشيعة يحطون صور الحسين و على ليش محد تكلم؟؟؟

[هدهد سليمان]

اختي من المفروض نهرتيه وقلتي له هالشي سوه في بيتك بس .. كم مروا علي حاطين لزقة السيخ واقول له شلها تبي سو في بيتك .. وما تنكرين في قلبك انت في بلاد المسلمين لكن لو كنت في بلاد اقلياتها مسلمين ممكن تنكرين بقلبك ..

[فراغ]

كل وافد للعمل في قطر يأتي وتأتي معه عاداتة وتقاليدة ومعتقداته
فاذنب ليس ذنبه لكن ذنب من أتى به
لماذا لا يحضرون مسلمين بدل البوذيين أليسوا أولى بالعمل منهم
أليس المسلم أخو المسلم
يوجد الكثيرين من المسلمين لمستحقين لهذه الوظيفه في العالم
وأذا أذن الأذان وجدتهم أول الناس في المسجد
أين الخطئ ؟

[بحريني حزين]

مدري شاقولكم
انزين احنا ندري انه بوذي هذي ديانته شيحط يعني علم السعودية وشعارالاسلام
عندي حل لكم وايد احسن
وايد مواضيع عندكم عن المصريين والفلسطينين والبنانيين والسودانين شرايكم نستغني عن كل انواع العمالة واحنا نشتغل درولية ومدرسين وخدم وكل شي عشان يكون مجتمعنا فارغ من كل هلاشياء ونظيف ومن غير مشاكل
شي طبيعي اخواني دام رضينا انه نجلب ايدي عامله من جميع انحاء العالم ومن جميع المعتقدات انه نتوقع منهم اي شي
هذي دينه
يعني صاجين الفرنسيين لين امنعوا النقاب عن المسلمات
انتو تبون تسوون نفس الشي حق المعتقدات الاخرى
انا مااقول انه دينه صح بس هذي الي تربى ونشا عليه
ممكن احنا نهديم للاسلام وناخذ فيهم اجر

[omega]

الله هو الهادي

[طارق العلي]

مدري شاقولكم
انزين احنا ندري انه بوذي هذي ديانته شيحط يعني علم السعودية وشعارالاسلام
عندي حل لكم وايد احسن
وايد مواضيع عندكم عن المصريين والفلسطينين والبنانيين والسودانين شرايكم نستغني عن كل انواع العمالة واحنا نشتغل درولية ومدرسين وخدم وكل شي عشان يكون مجتمعنا فارغ من كل هلاشياء ونظيف ومن غير مشاكل
شي طبيعي اخواني دام رضينا انه نجلب ايدي عامله من جميع انحاء العالم ومن جميع المعتقدات انه نتوقع منهم اي شي
هذي دينه
يعني صاجين الفرنسيين لين امنعوا النقاب عن المسلمات
انتو تبون تسوون نفس الشي حق المعتقدات الاخرى
انا مااقول انه دينه صح بس هذي الي تربى ونشا عليه
ممكن احنا نهديم للاسلام وناخذ فيهم اجر

مادري اخوي انت مسلم ولا بوذي مره ادافع عن البوذين والحين تكتب انك ادافع عن قرار فرنسا بمنع النقاب

اخوي اذا انت بوذي انا ادعوك الى الاسلام

[الطيبة كلها]

ياريت قلتي له وما سكتي عنه

[بحريني حزين]

اخوي طارق العلي وايد مشكور
ادعو نفسك للاسلام اول شي واتصف بصفاته
وماله داعي تكفرني
واقرى كلامي عدل
لين قلت صاجين الفرنسيين لين امنعوا النقاب
قلت عقبها انتوا تبون تسون نفسهم والمعنى هني انه ما ينلامون
وارجوك اقرى المشاركات عدل وبعدين علق
وشكرا لك

[التيما]

دام مب سيارته وملك خاص مو من حقه يحط التمثال .. بلغي الشركة عنه ولا تسكتين اختي ..

[OREO]

ههههههههه

مافي فرق بين الإثنين....اثنينهم بوذا و ياسر الخبيث فالنار ان شاء الله

الا على طاري ترى حتى الشيعة يحطون صور الحسين و على ليش محد تكلم؟؟؟

الشيعه يرزوون صورة عنترافولتا و مهب الحسين و علي رضي الله عنهم ..

[طارق العلي]

الشيعه يرزوون صورة عنترافولتا و مهب الحسين و علي رضي الله عنهم ..

اخوي كاشف السلام عليكم ممكن افهم من هو عنتر افولتا . . صراحه مافهمت ابي توضيح منك لو سمحت

[♫ احسـاسـ طفلـهـ ♫]

الشيعه يرزوون صورة عنترافولتا و مهب الحسين و علي رضي الله عنهم ..

منهو العنترافولتا :eek5:



وبخصوص اللي حاط تمثال بوذا مثل ما قالت اختي التيما السيارة مب سيارته فمش من حقه انه يحط اللي يبي فيها واذا بغى يمارس طقوسه الدينية عنده بيته بعيد عن المسلمين في بلد تدين بالاسلام عاد بوذا مره وحده :anger1:

[الصريحه]

مااقول الا حسبي الله وكفى
تعبونا في بلادنا
لو اول مايدخلون من المطار يعطون ورقه بكافه التعاليم والقيود عن بلدنا والعقوبات الرادعه بكل اللغات
ماكان حد تجرا

[A l i]

بخصوص انه حتى المحلات ف الدوحه تبيع تماثيل على اشكال بوذيه

[ParadEyes]

الصراحة... لو انا كنت في الليموزين ماظن اني بحس بأي اهانه شخصية...هل ترضون انه يتم التبليغ عن سواق مسلم في دولة غير مسلمة لانه معلق ورقة دعاء او قرآن صغير؟
ليش دايما رموز الديانات الاخرى تسبب للناس حساسيات و مشاكل؟ مجرد تساؤل لا اكثر.........

[Ghroor]

مدري شاقولكم
انزين احنا ندري انه بوذي هذي ديانته شيحط يعني علم السعودية وشعارالاسلام
عندي حل لكم وايد احسن
وايد مواضيع عندكم عن المصريين والفلسطينين والبنانيين والسودانين شرايكم نستغني عن كل انواع العمالة واحنا نشتغل درولية ومدرسين وخدم وكل شي عشان يكون مجتمعنا فارغ من كل هلاشياء ونظيف ومن غير مشاكل
شي طبيعي اخواني دام رضينا انه نجلب ايدي عامله من جميع انحاء العالم ومن جميع المعتقدات انه نتوقع منهم اي شي
هذي دينه
يعني صاجين الفرنسيين لين امنعوا النقاب عن المسلمات
انتو تبون تسوون نفس الشي حق المعتقدات الاخرى
انا مااقول انه دينه صح بس هذي الي تربى ونشا عليه
ممكن احنا نهديم للاسلام وناخذ فيهم اجر

كلام العقل، شكراً لك على صراحتك وشجاعتك

[همس الورد]

هوماكان امعلقة في السيارة اهو كان حاط مجسم صغيرجدامه بالضبط بالقرب من الراديو وسكان السيارة

[التيما]

هوماكان امعلقة في السيارة اهو كان حاط مجسم صغيرجدامه بالضبط بالقرب من الراديو وسكان السيارة

اختي انتي كاتبة الموضوع لان هالشي ضايقج .. لا تنسحبين الحين .. لو كانت السيارة ملك خاص له .. خله يحط اللي يبي .. براحته لو يجيب بوذا بكبرة ويقعده احذاه .. بس دامها شركة لا اسمحي لي مو من حقه .. يقدر يحطها في رقبته يعلها الكسر .. ولا يحطها عند عداد السرعة عشان الركاب ما يشوفونها .. ولا في مخباه .. بس عيني عينك لا .. بغض النظر من اخوي اللي يقول بتتضايقون لو سووها في أمريكا ولا ولا لو كان مسلم ؟ أرد لو شركة خاصه مو من حقه يحط أي شي بس لو ملكيه خاصه يحط اللي يبي ..
من رايي تبلغين الشركة ان هالشي ضايقج وهالشي من حقج ..

واحنا نحترم الأديان السماوية لكن البوذية مالها مكان في الإعراب .. بعد لو حاط صليب ها مبلوعة دين سماوي لكن بوذا بكبره ؟؟ مع اني فيهم كلهم باشتكي المفروض مافي اي رمز ديني حتى لو اسلامي ..

[ParadEyes]

^ حتى لو اسلامي؟.. يعني لو حاط صورة قران بتشتكي بعد؟




واحنا نحترم الأديان السماوية لكن البوذية مالها مكان في الإعراب


بعيدا عن موضوع الليموزين ....هالجملة لفتت نظري..
يعني البوذي مايستحق منك الاحترام كأي انسان؟ شنو تفرق؟.. في النهاية البوذي انسان والمسيحي انسان..والمسلم انسان..كل انسان عنده قناعات فكرية وقيم.. مالنا حق ان نتجرد من احترامه لمجرد انه مايتوافق مع افكارنا..قبل ما تفرقنا الثقافات والدول والديانات.. في النهاية كلنا بشر وتجمعنا الانسانية

[همس الورد]

ماكان قصدي انسحب بس قصدي اوضح ان الامراخطرمن انه ايكون امعلق التمثال وانه كان امسوي شي اكبر من ذلك ان اهو كان امجابله وهالشي من وجهة نظري اخطرمن اذاكان امعلقة لاني احس انه يبي ايكون امامه عشان يتقرب منه اكثر الظاهرحصل لبس في الفهم..ومازلت انكر هالشي بقلبي بيدي بقى انكرهالشي بلساني اذاصادفني مرة ثانية تتوقعون اذابلغت عنه شبتكون عقوبته؟؟

[التيما]

^ حتى لو اسلامي؟.. يعني لو حاط صورة قران بتشتكي بعد؟




بعيدا عن موضوع الليموزين ....هالجملة لفتت نظري..
يعني البوذي مايستحق منك الاحترام كأي انسان؟ شنو تفرق؟.. في النهاية البوذي انسان والمسيحي انسان..والمسلم انسان..كل انسان عنده قناعات فكرية وقيم.. مالنا حق ان نتجرد من احترامه لمجرد انه مايتوافق مع افكارنا..قبل ما تفرقنا الثقافات والدول والديانات.. في النهاية كلنا بشر وتجمعنا الانسانية

اولا انا ما قلت نبهذله ولا قلت نهاوشه و و و .. أنا قلت العموم حتى لو مسلم مو من حقه يحط رمز ديني في مكان مب ملكيه خاصه فيه .. ولو كملت كلامي جان قريت اني قلت عالاقل يحطه في مكان الركاب ما يشوفونه هاي مب أحترام مني له كأنسان ؟

وبخصوص الديانة .. اتصور في فرق بين اني احترم الديانات واني اهين شخص .. وانا ما راح أهينه لو كلمت الشركة بس ديانته حريه شخصيه لي احتقرها او لا .. وللعلم الغرب لا يحترم الاسلام واشوفك ما حطيت موضوع عن عدم احترام الغرب للاسلام والمسلمين ؟ ولا حلال عليهم وحرام علينا ؟
أنا كمسلمة أحترم الديانات السماوية وماعداها بقلعتهم أهم شي ما يتجاوز حدوده معاي ويعلنها لي في مكان عام مو خاص فيه .. عيل عقب بنشوف في الوزارات العمال يحطون بوذا عالمكاتب ونقول عادي ؟؟

[ParadEyes]

اولا انا ما قلت نبهذله ولا قلت نهاوشه و و و .. أنا قلت العموم حتى لو مسلم مو من حقه يحط رمز ديني في مكان مب ملكيه خاصه فيه .. ولو كملت كلامي جان قريت اني قلت عالاقل يحطه في مكان الركاب ما يشوفونه هاي مب أحترام مني له كأنسان ؟


^ اعتقد اني كتبت في بداية الرد : "بعيدا عن موضوع الليموزين" :) ياريت تركز وانت تقرا..لاني علقت على جملتك فقط, لا على موضوع وجود رمز ديني في سيارة ليموزين... وهو صحيح انه ماله الحق ان يسوي في سيارة مو ملكه الي يبيه.. لكنني مثل ماقلت في رد سابق : شخصيا هذا الموضوع مايسبب لي اي نوع من التهديد..في حين ادري انه في ناس تتحسس من الرموز الدينية وتتنرفز لسبب ما اجهله...لذلك لم افتي في موضوع وجود رمز بوذا في السيارة




وللعلم الغرب لا يحترم الاسلام واشوفك ما حطيت موضوع عن عدم احترام الغرب للاسلام والمسلمين ؟ ولا حلال عليهم وحرام علينا ؟


ليش هل انا مطالبة ان انزل موضوع في المنتدى عن اي شي يضايقني؟..شفت ردود تهجمية هنا لكن مثل هذا التهجم ما مر علي أبد :nice:

[ParadEyes]

ماكان قصدي انسحب بس قصدي اوضح ان الامراخطرمن انه ايكون امعلق التمثال وانه كان امسوي شي اكبر من ذلك ان اهو كان امجابله وهالشي من وجهة نظري اخطرمن اذاكان امعلقة لاني احس انه يبي ايكون امامه عشان يتقرب منه اكثر الظاهرحصل لبس في الفهم..ومازلت انكر هالشي بقلبي بيدي بقى انكرهالشي بلساني اذاصادفني مرة ثانية تتوقعون اذابلغت عنه شبتكون عقوبته؟؟

غريب فعلا.. اعتقدت بان لو السايق معلق الرمز بيكون الوضع مستفز اكثر لك..لانه بيكون الرمز ماله اي معنى غير انه يبي الركاب يشوفونه..كمن يفرض جو البوذية في السياره

لكنك قلتي ان الرمز "كان موضوع امامه عشان يتقرب منه اكثر"... معنى ذلك انه وضع الرمز لنفسه لا لركاب السيارة..
معناته انه في علاقه حميمية بينه و بين هالرمز.. كأن الرمز يبعث له الطمأنينه والسكينه ...فما برأيكم تكون عقوبة من يستشعر دينه امام الملأ؟... مجرد تساؤل لا اكثر :secret:

[التيما]

^ اعتقد اني كتبت في بداية الرد : "بعيدا عن موضوع الليموزين" :) ياريت تركز وانت تقرا..لاني علقت على جملتك فقط, لا على موضوع وجود رمز ديني في سيارة ليموزين... وهو صحيح انه ماله الحق ان يسوي في سيارة مو ملكه الي يبيه.. لكنني مثل ماقلت في رد سابق : شخصيا هذا الموضوع مايسبب لي اي نوع من التهديد..في حين ادري انه في ناس تتحسس من الرموز الدينية وتتنرفز لسبب ما اجهله...لذلك لم افتي في موضوع وجود رمز بوذا في السيارة



ليش هل انا مطالبة ان انزل موضوع في المنتدى عن اي شي يضايقني؟..شفت ردود تهجمية هنا لكن مثل هذا التهجم ما مر علي أبد :nice:

للعلم الموضوع مب تحسس ولا تهديد بقدر ماهو حق لي في مكان عام مب خاص .. تبين مثال أنه مب تهديد ؟؟

من فترة طلعت لنا صورة قطري يصلي في لندن امام الناس والناس حوله ومستغربين شكله !! واللي قاعد يصورة واللي استنكر واللي واللي ... ليش خايفين مثلا ؟؟ هاي وهو في مكان عام .. ولبس النقاب ممنوع ليش مب حرية شخصية ؟؟ يعني انا عشان اكون متحضرة لازم احترم كل شي منهم والمقابل ؟؟؟؟
لمن يحترمون الاسلام كدين اي بحترمهم كدين .. وبسمح له في مكان خاص فيه بس يسوي اللي يبي .. لكن مكان عام لا ..

متحسسه .. متهدده .. مايهمني .. المهم مايعطي نفسه الحق يحط شي مو في مكان خاص له ..

[AL ZUBARAH]

omen حاط له تمثال "بوذا" في سيارته عشان الحوادث تقل وعشان تحصل البركة:tease::dance

[راعي البيرق]

يحط صورة ياسر الخبيث

قوووووووووية هههههههههه
والله انك ذبحتني من الضحك
بس تهقى ان بيرضى بصورته هذا اذا ماصبح عليها ومسى بتفلة

[مستثمر 999]

انتي معترضه على تمثال

وش بتقولون على طلبات اولومبيات 2022


وحريه الديانات


اشعندنا غير نشجب ونستنكر

لا حول ولا قوة الا بالله

[خفوشه]

صج ماعندكم سالفه .... ألحين أكبر كنيسه في الدوحه ماتكلمتوا .. جيتوا على هاي المسكين حاط مجسم صغير .. في سيارته....

[بـن عدوان]

لو عندنا سواق تكسي مسلم في لندن او في امريكا وحاط " لاتنسى ذكر الله "

بيقولون له ممنوع ... ؟

اتركوا عنكم التناقض والأنانية

[Super Cool]

سؤال جديد طرأ علي

من فيكم اللي راح للثاني....المسلم راح لسيارة البوذي صح؟؟؟؟

الحين انت رايح تركب وياه و في سيارته مب سيارتك....تبيه يغير دينه؟؟؟ و لا تبي تفرض عليه شروط؟؟؟

الطرف الوحيد اللي له حق التدخل هو ((((صاحب السيارة)))....لكن انتي مالج حق بتاتاً

و اذا تتضايقين من ديانات الغير كان من الاساس طلبتي سواق مسلم!!!

ترى فالأخير البوذا اللي في قلب السواق اهم و اكبر و اخطر بمليوووووووووون مرة من مجرد تمثال لا يودي ولا يجيب

[هلالي]

^ حتى لو اسلامي؟.. يعني لو حاط صورة قران بتشتكي بعد؟




بعيدا عن موضوع الليموزين ....هالجملة لفتت نظري..
يعني البوذي مايستحق منك الاحترام كأي انسان؟ شنو تفرق؟.. في النهاية البوذي انسان والمسيحي انسان..والمسلم انسان..كل انسان عنده قناعات فكرية وقيم.. مالنا حق ان نتجرد من احترامه لمجرد انه مايتوافق مع افكارنا..قبل ما تفرقنا الثقافات والدول والديانات.. في النهاية كلنا بشر وتجمعنا الانسانية

وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الخَاسِرِينَ

[هلالي]

^ اعتقد اني كتبت في بداية الرد : "بعيدا عن موضوع الليموزين" :) ياريت تركز وانت تقرا..لاني علقت على جملتك فقط, لا على موضوع وجود رمز ديني في سيارة ليموزين... وهو صحيح انه ماله الحق ان يسوي في سيارة مو ملكه الي يبيه.. لكنني مثل ماقلت في رد سابق : شخصيا هذا الموضوع مايسبب لي اي نوع من التهديد..في حين ادري انه في ناس تتحسس من الرموز الدينية وتتنرفز لسبب ما اجهله...لذلك لم افتي في موضوع وجود رمز بوذا في السيارة



ليش هل انا مطالبة ان انزل موضوع في المنتدى عن اي شي يضايقني؟..شفت ردود تهجمية هنا لكن مثل هذا التهجم ما مر علي أبد :nice:
لانه عادي عندك ان يعبد غير الله في ارضه

[هلالي]

سؤال جديد طرأ علي

من فيكم اللي راح للثاني....المسلم راح لسيارة البوذي صح؟؟؟؟

الحين انت رايح تركب وياه و في سيارته مب سيارتك....تبيه يغير دينه؟؟؟ و لا تبي تفرض عليه شروط؟؟؟

الطرف الوحيد اللي له حق التدخل هو ((((صاحب السيارة)))....لكن انتي مالج حق بتاتاً

و اذا تتضايقين من ديانات الغير كان من الاساس طلبتي سواق مسلم!!!

ترى فالأخير البوذا اللي في قلب السواق اهم و اكبر و اخطر بمليوووووووووون مرة من مجرد تمثال لا يودي ولا يجيب

هالعلوم طافت انبياء الله مثل ابراهيم و محمد عليهم السلام حين كسروا التماثيل.
هزلت يارويبضه

[R 7 A L]

اكثرنا لا يرضى بهذا الفعل


ولكن ماهو العمل

[باسكن روبنز]

دام مب سيارته وملك خاص مو من حقه يحط التمثال .. بلغي الشركة عنه ولا تسكتين اختي ..

:):nice:

[سهم المراقيب]

تمثال بوذا في ليموزين ,,

صليب في فيلاجيو ,,

نجمة داود في الرتز ,,

وصنم في اللاند ,,

ومدري أيش في مدري وين lol ,,

لماذا أصبحت الرموز الدينية هاجس بالنسبة لنا ؟

الفضاوه وما تسوي ,,

[ام العيال]

والله احنا وصلنا لزمن الفتن والقابض على دينه كالقابض على الجمر فعلاً

[بنت الزعيم]

مثل ما قالت الاخت التيما
بما انها السياره تابعه لليموزين ماله حق يحط هالتمثال فيه
اما في سيارته بكيفه يعله يحترق هو وسيارته
انا لو منج كان خذت رقم السياره واتصلت للشركه نفسها وعطيتهم رقم السياره وهم يتصرفون معاه