تنبية !!!!! ياشباب ادخلوا

[ماجد]

السلام عليكم ورحمة الله
:
:
:
:
بقولكم سالفة صارتلي وحبيت اقرا ارائكم الكريمة.

الموضوع اني رحت ابدل فلتر و زيت المكينة وفلتر

هواء حق الموتر عند اي سي ديلكو اللي في محطة

بترول اللاند مارك المهم شفت العامل فك فلتر الهواء

وراح جاب كرتون وطلع فلتر وقعد يركبة على

موتري فجيت اشيك على الفلتر الجديد الا حصلتة

وصخ وطلع ان الفلتر قديم ومنظفينة بالهواء

والحبيب حاطة بكرتون يابلفيت جديد يعني لو

ماشييكت كان دفعني قيمة فلتر هواء جديد ب150

ريال. حتى اني شكيت انه مابدل فلتر الزيت بعد

المهم رحت وكلمت المصري وقلتلة السالفة وكان

فيه ناس قاعدين عندة بالمكتب المهم قام يتعذر وطلع

معاي وقاللي اي واحد اللي ركبلك وقعد يزفه العامل قدامي.

صراحة شخصيا ماستبعد فيه تلاعب بين المصري

والعامل وان اللي صار مسرحية فحبيت اقولكم

وحذركم والواحد اذا بغى يسوي شوي الافضل انه

يقعد على راس العامل لان البوق في هوالسوالف

مثل شربت الماي.

[3abo0dqtr]

مشكووور اخووي عالتنبييه

[خيال شمر]

انا يامانصحت الربع في اي مكان طبعا غير الوكاله لانه ماتقدر ادش عندهم ... لازم انك تقعد وتشوف لانه ياجماعه العامل يبه معاشه على قده والشيطان يوزه ... يدفعكم قيمة ايل ولا فلتر ايل ولا فلتر هوا ويروح ويركب لك شي مستعمل والسلعه الي عنده الجديده يروح يبيعها للمحلات الي برى ان كان ايل ولا فلتر المهم اي شي وطبعا هو في السليم اذا يسون حسابات الجرد مكتوب في الفاتوره انه مركب للمواتر :) والله المستعان

[مهل]

اول امس رحت ابدل ايل و فلتر المكينه في محطه التيسير الي بين الوكره و الوكير ،، الايل انا شاريه ،، بس الفلتر قالولي الشباب عندهم اصلي .. و فعلا قارن لي بين الاصلي الي على سيارتي و واحد تجاري . و الي وكبه اصلي و الامور ماشيه تمام

يوم خلص قلت له كم الحساب ،، قالي ٧٧ استكثرتها شوي خصوصا اني اول مره ابدل ايل الموتر برى الشركه فما اعرف قيمه الفلتر .. قلت له جيب لي فاتوره .. راح و رد معاه الورقه الي فيها عداد الكيلو متر و ركبها في سيارتي .. قالي عطني الفلوس ٧٧ ريال قلت له جيب لي فاتوره شفيك ؟
راح و جاب لي فاتوره عاديه بخط اليد و الحساب ٦٧ .. ١٠ ريال اقل
قلت له ليش ١٠ ريال اقل و انت تقولي ٧٧ من شوي ؟
قلت له كم شغل يدكم و كم قيمه الفلتر .. ماطل ماطل قلت له هاك الـ ٧٦ ريال و رحت للكاشير
قالي شغل اليد في تبديل الايل ١٥ و في تبديل الفلتر ١٥ و قيمه الفلتر ٣٧ قلت له ليش هذا يقولي ٧٧ ريال ولا نقز لي فلسطيني اشوفه ماسك فاتورتي الي مكتوبه بخط اليد قلت له انت تشتغل هنا ،، قالي انا المدير ؟؟
قلت له دامك المدير و تسمع سالفتنا ليش ماتشوف سالفه هالاخ هذا زايد علي ١٠ ريال ،، قلي قولي اي واحد قلت له هذا .. قال خلاص انا بتفاهم وياه . و يظهر لي انه كلام بس
قلت له عطني فاتوره حقيقيه مش فاتوره حتى اسم المحطه مب فيها و فعلا طبع لي فاتوره بالكمبيوتر
قلت له ترى هالشي انا مسويه مش عشان الـ ١٠ ريال لا هذا عشانكم انتو و عشان يتسنع مع الزبايت غيري و الـ ١٠ ريال هذي ممكن ادخله السجن لو اثبتها عليه

[ماجد]

مشكووور اخووي عالتنبييه

حياك الله اخوي

[ماجد]

انا يامانصحت الربع في اي مكان طبعا غير الوكاله لانه ماتقدر ادش عندهم ... لازم انك تقعد وتشوف لانه ياجماعه العامل يبه معاشه على قده والشيطان يوزه ... يدفعكم قيمة ايل ولا فلتر ايل ولا فلتر هوا ويروح ويركب لك شي مستعمل والسلعه الي عنده الجديده يروح يبيعها للمحلات الي برى ان كان ايل ولا فلتر المهم اي شي وطبعا هو في السليم اذا يسون حسابات الجرد مكتوب في الفاتوره انه مركب للمواتر :) والله المستعان

هذا مايحصل بالضبط

وبالنسبة لي مابدل الايل عند اي محل

وانا على بالي اتعامل مع شركة موثوقة

وصارلي سنتين وانا اشييك الموتر عندهم

وحاطينلك هالمكتب والتلفزيون عشان

يلهونك عشان السرقة الله لايوفقهم

[ماجد]

اول امس رحت ابدل ايل و فلتر المكينه في محطه التيسير الي بين الوكره و الوكير ،، الايل انا شاريه ،، بس الفلتر قالولي الشباب عندهم اصلي .. و فعلا قارن لي بين الاصلي الي على سيارتي و واحد تجاري . و الي وكبه اصلي و الامور ماشيه تمام

يوم خلص قلت له كم الحساب ،، قالي ٧٧ استكثرتها شوي خصوصا اني اول مره ابدل ايل الموتر برى الشركه فما اعرف قيمه الفلتر .. قلت له جيب لي فاتوره .. راح و رد معاه الورقه الي فيها عداد الكيلو متر و ركبها في سيارتي .. قالي عطني الفلوس ٧٧ ريال قلت له جيب لي فاتوره شفيك ؟
راح و جاب لي فاتوره عاديه بخط اليد و الحساب ٦٧ .. ١٠ ريال اقل
قلت له ليش ١٠ ريال اقل و انت تقولي ٧٧ من شوي ؟
قلت له كم شغل يدكم و كم قيمه الفلتر .. ماطل ماطل قلت له هاك الـ ٧٦ ريال و رحت للكاشير
قالي شغل اليد في تبديل الايل ١٥ و في تبديل الفلتر ١٥ و قيمه الفلتر ٣٧ قلت له ليش هذا يقولي ٧٧ ريال ولا نقز لي فلسطيني اشوفه ماسك فاتورتي الي مكتوبه بخط اليد قلت له انت تشتغل هنا ،، قالي انا المدير ؟؟
قلت له دامك المدير و تسمع سالفتنا ليش ماتشوف سالفه هالاخ هذا زايد علي ١٠ ريال ،، قلي قولي اي واحد قلت له هذا .. قال خلاص انا بتفاهم وياه . و يظهر لي انه كلام بس
قلت له عطني فاتوره حقيقيه مش فاتوره حتى اسم المحطه مب فيها و فعلا طبع لي فاتوره بالكمبيوتر
قلت له ترى هالشي انا مسويه مش عشان الـ ١٠ ريال لا هذا عشانكم انتو و عشان يتسنع مع الزبايت غيري و الـ ١٠ ريال هذي ممكن ادخله السجن لو اثبتها عليه

لاحول ولا قوة الا بالله

اخوي انت على الاقل تشييك بنفسك

في غيرك يقولة الفاتورة كذا وكذا وعلى

طول ييدفع ولا يشييك على الشغل

[مسافر77]

نعم الثقة شبه معدومة في بعض الناس.
والمفروض كل واحد يشيك ويشوف بنفسه.
ويكون موجود على تبديل الفلاتر أو تنظيف فلتر الهواء أو تبديله وتبديل زيت الماكينة.

[البيان]

مشكور أخوي الماجد على النصيحه

[باسكن روبنز]

اوووف سرقه أشكره عيني عينك! ،

تسلمون للتحذير يا شباب ،

[فقط قطر]

و الـ ١٠ ريال هذي ممكن ادخله السجن لو اثبتها عليه

ما كملت النصاب ربي يسلمك......

[امير الشباب]

لا بد عل كل واحد يراقب على العامل لأنه في الأخير لاذمه ولا ضمير إلا من رحم الله زيادة على إن العامل يبي له بخشيش بعد يخلص شغله.
والله حاله؛؛؛؛؛؛؛؛؛

[مهل]

ما كملت النصاب ربي يسلمك......

بزكي عليها انا :nice:
الي يسرق ريال بيسرق مليون بس لو تسمح له فرصه .

[FULL]

واحد من الشباب اعرفه مودي موتره لكزس فورويل الوكالة سيرفس ايل وسفايف جدام وورى

المهم انه بعد ما دفع وخذ موتره طلع صوت بالسفايف (صفير) ، قال احتمال انه بسبب السفايف توها جديده

بعد فترة الا الصووت يزيييد ،،،، خذ موتره عند التيسير ويوم بطل العامل السفايف يقوله بابا سفايف خلااااص ،، قاله راعي الموتر اشلون خلاص وانا توني مبدلها ؟؟؟ شاف بعينه الا السفايف تحك عالحديد والدرامويل يبيله تورنه :(


المهم ان اغلب الوكالات عندنا شغلهم تعبااااااااان للاسف ، ويدخل من ضمنهم البورش وعبدالغني والدانه للسيارات .

[qatari 111]

كلهم ما عليييهم اماان والله المفروض كل واحد فينا يسويله فبيته ورشة صغير حق الايل والفلتر والبريكات بس عيبنا ان احنا مب فاضيين ولا شغلات التبديل ما في اسهل منها .

يعطيك العافيه اخوي عالتنبيه

[halcrow]

ماجد طلب بسيط بس

قارن بين فاتورة اي سي دلكو اللي عندك وروح ود موترك للوكالة فرع الخيسة ونفس الشغل شوف كم بيقولون لك . ترى الوكالة ارخص منهم للعلم بس .

[ولد المنصور]

جزاكم الله كل خير وابعد عنكم اعيال الحرام

[بوعلي-Qtr]

لو انا منك ما اقوم من عنده الا بتعويض مالي
عندي مشكله وحده ان بالي وسيع وماعندي شغل يعني مب احسن له

[Bo 5alid]

جزاك الله خير عالموضوع

[العساس]

اخواني
حتى سالفة تغير الزيت خلوكم على راسه
لاتحطون الموتر وتحركون
ثرى مرات لاغير زيت
او
مايغير فلتر.

حتى لو انتو عنده شيكو على الفلتر

تحياتي