صوره من "الفزعه" عن النمر (( صوب اسباير ))

[al-sadd]

بسم الله الرحمن الرحيم

طبعا كلكم دخلتوا وقلتو واخيراً شي رسمي
وفنفس الوقت منصدمين انه وصل من الخريطيات لي اسباير :eek5:

اتفظلوا الصوره

http://www.mediafire.com/imgbnc.php/6a89a8d5ab30fb4482d6b7c80c13444f017988a878d9091b12 e27b682d116eed6g.jpg

ولاكن هالموضوع بفتحه علاشان غرض واحد بس
وهي سالفه النمر والاشاعات !

واضح من الصوره انها ملعوبه بالفوتشوب
والله يا جماعه الخير هالشغل كله ماخذ مني ولا ربع ساعه !
وانا واحد بعيييد عن الفوتوشوب ولا اعرفله !
مابالكم بالي فنان فوتوشوب !
وطول عمره مطييح ع الفوتوشوب !!!
مستعد يطلع صوره ولا هو نفسه يكذبها !

الي حاب اوصله للي يسون هالشغلات
ترى في ناس انظلمت وانتو السبب واولهم الداخليه !
تلقاهم مسكو النمر من يومين وهالبزاريين للحين كل يوم يطلعون صور واشاعات مالها اول ولا تالي :anger1:

شالهدف؟ تبي تراوي ربعك ان جفت النمر
اي اوكي جفت النمر وبعدين ؟
صرت مقلوع ؟ اي رجوله هاذي الي تخلي اهل بلادك يتغربلون
علاشان امور تااافهه !

وطبعا لاننسى حبيب القلب البلاك بيري ! وصله الهمز
بين الي يطلعون اشاعات وبين الناس
يجيك يطرش صوره وفغضون نص ساعه !
كل اهل الدوحه درو وشافو الصوره !!

والله ماقول اله
الله يصلحكم !

ملاحظه يشهد علاي ربي
ان مافتحت الموضوع اله من الي اقراه
ستين الف موضوع وستين الف كومنت
على شي تافه وعلى اشاعات مالها اول ولا تالي
والله رفيج اخو رفيج ابو جدي قالي انه شافه
ولا يجيك الثاني سمعت صوت النمر !!
!!
يالي يقول هالكلام ادخل "قوقل" واكتب (( فتاوى ترويج الاشاعات ))
وشوف الاثم الي عليك ! ودور الكفاره يمكن يغفرلك ربك !


زمن مافيه خير

[حقيقه]

ينتظر الاشاره الحبيب

[طارق العلي]

http://www.mediafire.com/imgbnc.php/6a89a8d5ab30fb4482d6b7c80c13444f017988a878d9091b12 e27b682d116eed6g.jpg

يحليله واقف مع خلق الله ينتظر الاشارة تفتح خضره يفكر نفسه سيارة ههههههههه

جزاك الله كل خير اخوي على نصح الاخوان بمسئلة الاشاعات

[al-sadd]

ههههههه
حلوه هاذي ينتظر الاشاره ^^
منورين =)

[وارث العز]

أخبرة راح البحرين ويك أند وبيرجع

[al-sadd]

لا يا وارث
يقولون لك كنسل السفره وقال بشوف اخرتها ويى هالقطريين يا انا يا هم
الله يستر ^^
منور اخوي

[Special man]

ههههههههههههه هههههههههههههههه

صديقــي الصدووق النمر هنا مشكور ياأخي الصوره عجيبه والالوان واضحه جدا ههههههههه:nice:

[الصريحه]

ماينلامون الناس
اللوم اخوي على كل مسؤول ماصرح وعنده اخر الاخبار
الناس خايفه ومن حقها تعرف والموضوع اكيد بيزيد ويتبهر
لكن مازال المسؤولين مايصرحون

[umabdulla77]

http://www.mediafire.com/imgbnc.php/6a89a8d5ab30fb4482d6b7c80c13444f017988a878d9091b12 e27b682d116eed6g.jpg

اما نمور البرتقالي ماله حل يحليله واقف عند خط المشاة بعد عشان يعبر
متبع قوانين المرور عفية عليه يبي يوصل فيلاجيو وحديقة سباير بسلام :tease:


يعطيك العافية اخوي عالموضوع وفعلا كثرت الاشاعة حول هالموضوع بدرجة ان احنا سكان الوكرة وخفنا لانه لو كان فعلا مانصاد جان وصلنا من زمان

[نتفـه]

هالناس ما عندهم سالفه ,, يعني بالعقل ,, لو للحين هايت هالنمر كان اكيد ماكل واحد من الاوادم يبي يعيش المسكين .. شهالنمر الخارق اللي ما ينصاد من كم يوم ولا ياكل و لا يشرب !!!!!!!
مشكله اللي يعيشون الدور ويلعبون العاب فوتوشوب ,,
الله يهديهم بس ,,
وتسلم ع الموضوع اخوي ,,

[VIPLady]

احلى ما بالموضوع كله
النكت والتعليقات الي ألفوها وكتبوها من طلعت سالفه النمر وتوصلنا بالمسجات والبرودكاست
فضيييييعه ههههههههههههههه

[رجل مثالي]

الحشره مع الناس عيد هذا مثل قديم انا اشوف ان طالما ما جاء خبر تأكيد من المسؤولين عن هروب النمر فيكون موضوع النمر أشاعه وشكرا

[بوحارب]

يقولك النمر اليوم بيروح الغارية يأجر بانشيات هههههههههههههه


لاهنت يالحبيب على طرح الموضوع والصراحة بعض الناس مادري وش سالفتهم مع الأشاعات هذي

يا انهم بزارين ولا ناس ما يخافون ربهم

شي ماله داعي ابدا

ويسلمو

[همس الورد]

على هالطاري.. اذكرمن كم سنة كنت في السيارة في الصباح وانا في طريقي للمدرسة وكنت في عجلة من امري استوقفني طائر الطاووس يريد ان يعبر الشارع في احدالأحياء السكنية في الدوحة وانتظرته الى ان عبر الشارع يبدوانه ايضا كان هاربا من احد البيوت في ذلك الحي.هذه فقط ملاحظة اذكرها لمن يقتني مثل هذه الحيوانات والطيوران يحافظ عليها في منزله حتى لايربك العالم.

[butterfly qatar]

الله يهديهم

الاشاعات صايره عندهم مثل الهوى الي يتنفسونه

[بدون]

الإشاعات أصبحت السبب الذي يعيش من أجله بعض الناس
و نسوا أن الإشاعة تكبر و تتعزز و تنتشر بسرعة رهيبة بسبب التكنولوجيا الحديثة
و تصبح كذبة كبيرة يتحمل وزرها إلى يوم القيامة

جزاك الله خيرا على الموضوع القيم

[دااانة قطر]

خخخخخخخخخخخخخخخخخخخخخخخخخخخخخخخخخخخخخخ
ياكبرها عند الله

[جنوب الدوحه]

خاف يخالفونه ^_^

[VIVA]

انتوا نمر واحنا تمساح :eek5:

شسالفه؟! :anger1:


http://dc153.4shared.com/img/bQglnqx9/s7/0.5023514529426356/_online.jpg



صرح مدير عام الإدارة العامة للدفاع المدني مساء أمس بأن رجال الدفاع المدني تمكنوا من الإمساك بتمساح يبلغ طوله متراً واحداً في منطقة مقابة بالمحافظة الشمالية. وأوضح أن غرفة العمليات تلقت بلاغاً من أحد المواطنين يفيد بوجود تمساح أمام باب منزله، وعند وصول رجال الدفاع المدني للموقع عثروا بالفعل على التمساح وتمكنوا من الإمساك به، مضيفاً أنه تم تسليمه لإدارة الثروة الحيوانية.


المصدر (http://www.alwasatnews.com/2975/news/read/495280/1.html)

تحياتي

[rawda]

ماتتوقعون ان حان الوقت انهم يسكرون خدمه البلاك بري في قطر ؟؟

[STAR]

هالنمور يشبه مال كورن فلكس..‏!‏

[همس الورد]

والطاووس مسكين يوم يعبر الشارع محد قال عنه شي؟؟

[بلوتنيوم]

الفاضي يعمل قاضي
والفراغ يصنع المستحيلات
والناس تحب تتكلم وتتواصل
ومافي مواضيع على الساحة
فطلع لنا النمر
وماصدقنا نحصل موضوع يشغلنا:omen2:

[القحطاني505]

ينتظر كروة توصله للسوق المركزي ..

[abdulla999]

النمر موجود مش اشاعة عيل ليش تمشيط المناطق

[فتى الجود]

مطبق قانون المشاه

خايف من ادارة المرور تخالفه


هههههههههههههههههههههههههههههههههههاى

[MaRuKoO]

اشكره تركيب :looking: ما يبيلها اول ما شفت الصوره قبل لا اقرا عرفت انها تركيب
نعرف نفرق ترى شعباللك :nice:

[باسكن روبنز]

عشان جذي مافكر في يوم آشتري بلاك طيري ، :)
تسلم يالسد ،


وترجع بالسلامه يالغالي ،

[R 7 A L]

المشكلة اني اسمع من الربع ولاهل ان السالفة صج
والى زاد الطين بلة ان مافية اي مصدر رسمي بين ان السالفة صج او لا


صراحة تعبنا نفسياً واحنا بعيد عن اهلنا وعيالنا ونسمع هالخبر

[ألعب بعيد]

زين واللي يقول لكم ان من سنة شايف لي نمر صوب بيتنا ؟

اقسم بالله ان اني شايف نمر جمب بيتنا يوم كنت رايح المدرسة .. @

ابي اعرف شالغرض من تربية حيوانات مفترسة وقابلة لاكل لحوم البشر ... ؟

[بنت^البحرين1]

المشكلة اني اسمع من الربع ولاهل ان السالفة صج
والى زاد الطين بلة ان مافية اي مصدر رسمي بين ان السالفة صج او لا


صراحة تعبنا نفسياً واحنا بعيد عن اهلنا وعيالنا ونسمع هالخبر



لا اخوي الموضوع جد .. انا متابعه البرنامج على قناة قطر مع المذيع حسن الساعي .. ونبه الجميع وقال بسكم اشاعات يا جماعة واهل البلاك بيري بعد .. وقال اخذوا الحيطة والحذر ياهل الخريطيات وسكروا البيبان على يهالكم

على فكرة البرودكاست انتشر عندنا ومطرشين لي ان النمر قرر يقضي الويك اند فالبحرين:nice:

[$ طلال $]

تم قتل النمر في ام صلال محمد اليوم

[بو فهد]

تم قتل النمر في ام صلال محمد اليوم

ممكن المصدر عن قتل النمر ولا بعد اشاعة

http://www.s-oman.net/avb/attachment.php?attachmentid=395620&stc=1&d=1271153961

[التيما]

ممكن المصدر عن قتل النمر ولا بعد اشاعة

http://www.s-oman.net/avb/attachment.php?attachmentid=395620&stc=1&d=1271153961

الخبر قوات لخويا .. تم تأكيد مقتل النمر في مزرعة الشيخ فالح بن محمد آل ثاني ..

الحمد لله

[$ طلال $]

وهاي صورة النمر قبل الهروب

http://up.arab-x.com/Oct10/kxv91311.jpg

[همسه]

كلام الخويا ماصادوه اللي يتكلمون عندهم ثنين فهود في مزرعة في ام صلال

الله سبحانه و تعالى اعلم

[ZURICH]

ارشح هالنمر دخول موسوعة جينيس لحصولة على اشهر إشاعة

في جوهرة الخليج .. قطــــ ( العـــز ) ـــــــر

:)

[بصمة قطرية]

كلمت 999 قالوا لا يزال طليييييق ..!!!

[طارق العلي]

كلمت 999 قالوا لا يزال طليييييق ..!!!

ممكن تعطيني رقم مركز 999 ابي اتصل عليهم واتأكد لأنهم يقولون صادوه

[ZURICH]

ممكن تعطيني رقم مركز 999 ابي اتصل عليهم واتأكد لأنهم يقولون صادوه



لاتتصل وتخسر روحك

مافي بلاغ عن نمر هارب
لهدرجه النمر ماخذ النوم من عنونك ..

:)

[طارق العلي]

لاتتصل وتخسر روحك

مافي بلاغ عن نمر هارب
لهدرجه النمر ماخذ النوم من عنونك ..

:)

لا والله ماهمني لا نمر ولا اسد حمدلله انا رابط عند باب الحوش سلقه خله يقرب بس

[مريش]

امس كنا انتنور له في بر ام صلال
لكن الظاهر للحين مانصاد !!

قسم بالله حسيت ان هالنمر جني

يطلع ويختفي يطلع بمكان لوتحوسه كله ماتلاقيه

ان شاء الله اليوم الاخير للنمر المفتل

ومثل ماقلت يالسد لو عندي انا فوتوشوب الحين
كان سويت بلاوي

النمر مانصاد لكن الداخليه يجب بعد تضع حد

ليش الدول المجاوره في تصاريح من وزاراتهم ومن مسؤولينهم الا احنا

ليش امورنا دوم بسكوت !!

مب من الحين من زمان لكن لاحول ولاقوه

[طــمــوحــة]

امس كان في ام صلال

والدوريات تارسه المكان؟

شنوهالنمر اللي يمشي ومعاه نافيقيتر يدور فيها قطر كلها :s

[بدون]

ارشح هالنمر دخول موسوعة جينيس لحصولة على اشهر إشاعة

في جوهرة الخليج .. قطــــ ( العـــز ) ـــــــر

:)

:nice::nice::nice:

أرشحه معااااك :)

[كلاسيك قطر]

المشكله انهم يصدقون الشي

اول امس واحد يقولي في ام العمد زحمه ومادري شنو يقولون النمر

والله حاله

[قطري009]

مشكله

الفوتوشوب

[بصمة قطرية]

ممكن تعطيني رقم مركز 999 ابي اتصل عليهم واتأكد لأنهم يقولون صادوه

999 :eek5:

[doha2012]

سلام عليكم


بما ان محد كذب الخبر رسميا ف اكيد بنصدق

وتوهم يكذبون الخير وبنهم من كم يوم ........ ليش هالرعب

حتى عجايزنا قفلوا بيبانهم اللي كله مفتوحه ....

اشاعات ولافيه احد يقول لا لا تصدقون كله كذب


شكري الجزيل اخي الفاضل على موضوعك اللي اتاح لي فرصه

اطلع بعض مما بداخلي من قهر .....!!

[خزامئ]

اللة يهديهم

[بنت ابوها 19]

ذكرتني اقدم بلاااااااااااااااغ


في بفررررريجنا قطووووووووو

[الرويـس]

النمر صوبوه

[alrheeb2020]

أخبرة راح البحرين ويك أند وبيرجع


ههههههههههههههههههه والله سوو جو عالبلاك بيري ههههههه

[بوخالد911]

بكرة النمر معزووم عندي ع الريوووق

اللي وده يحضر ؛ عاادي الدعووة فررري للكل


ا

[ضوى]

يفشل الموضوع الصراحة ، خاصة انه الداخلية ماأكدت هالشئ ولا حصلوا اي شئ ليش لخويا مب من ضمن الداخلية ؟؟؟؟؟

[ضوى]

عنبو وش هالنمر اللي يدور الدوحة شارع شارع وماشافه اي احد من الدوريات ؟؟؟

[الرويـس]

^
ضوى
وليش مسمينه نمر ؟ النمر يصيد ولا ينصاد
:(

[ضوى]

^
ضوى
وليش مسمينه نمر ؟ النمر يصيد ولا ينصاد
:(

الرويس وصلنا خير

يصيد يعني معقولة ماصاد ولا بني ادم من اللي صادفهم ؟؟ مايجوع هالنمر ؟؟؟ على الاقل بنشوف بقايا عظام بشرية ، على الاقل بنشوفه وهو ياكل فريسته يعني وين مثلا يتخبى في حوطة في البر ؟؟؟ وهم يقولون يتجول من الشمال ووصل لاسباير ؟؟

شئ غير منطقي

[الرويـس]

كل اللي قلتيه يأكد (نموريته)
:shy:

[ملسونه]

اكيد ملعوبه

يعني لو صج النمر واقف بتحصل السياره السوده مكمله

الا بتحصلها في الصوب الثاني ماشيه عكس خخ


يعطيك العافيه

[STAR]

طلعوك مروج اشاعات بسبب صورة اللي سويتها )=

[روح الاطلس]

السد انت بأمريكا والجرايد خلوك مروج اشاعات اهنيه خخخخ شوف جريدة العرب حاطين صورتك

[بصمة قطرية]

http://sphotos.ak.fbcdn.net/hphotos-ak-snc4/hs137.snc4/37166_1682782709842_1245830870_1879120_4300367_n.j pg


الدوحة - الوطن

ذكرت وزارة الداخلية، في بيان نشرته على موقعها الإلكتروني، أمس، أن غرفة العمليات تلقت يوم الثلاثاء الماضي «26» اكتوبر بلاغا عن مشاهدة حيوان من أحد أنواع فصائل الفهود، المعروفة باسم «شيتا»، في منطقة اختصاص إدارة أمن الشمال.. وفور تلقي البلاغ باشرت الجهات الأمنية إجراءاتها في التعامل مع مثل هذه البلاغات.. كما توالت بعد ذلك عدة بلاغات من الجمهور عن لمح ووجود لهذا الحيوان في مناطق متفرقة وعند انتقال الجهات الأمنية لتلك المناطق المتفرقة لم يتبين لرجال الشرطة والدوريات المختلفة أي وجود لحيوان من هذا النوع، علما بأن بعض تلك البلاغات كان كيديا وقد تم اتخاذ اللازم حياله.

وأوضح العميد علي محمد النعيمي مدير إدارة أمن الشمال (منطقة اختصاص البلاغ) أن إدارة أمن الشمال عبر أقسامها المختلفة وكذلك إدارات الشرطة المساندة والجهات الأمنية الأخرى تتعامل مع كافة البلاغات الواردة بجدية تامة ويتم أخذها على محمل الجد إلى أن يثبت صحة موضوع البلاغ من عدمه.

كما أوضح أن ليس هناك ما يدعو إلى القلق، حيث إن الجهات الأمنية حريصة كل الحرص على كفالة الأمن والطمأنينة في المجتمع..مشيرا إلى أن جهود رجال الشرطة وفرق البحث المختلفة مستمرة في تقصي حقائق البلاغات الواردة إليها بشأن مشاهدة هذا الحيوان.

كما ناشد أيضا جميع المواطنين والمقيمين عدم الالتفات إلى الإشاعات والأحاديث مجهولة المصدر وعدم المساهمة في نقل الأحاديث غير الموثوقة منها، مما يبث الرعب والخوف في نفوس المواطنين والمقيمين.

تعقيب الوطن:

بيان وزارة الداخلية يعبر عن حكمة قيادتها في التعامل مع الأحداث، فقد تحملت بكل مسؤولية العبء الأكبر من جراء هذا البلاغ، حيث استنفرت قواتها وسيّرت دورياتها من الفزعة ولخويا والأمن والطائرات المروحية، وجابت جميع المناطق وقامت بتمشيطها بالكامل بحثا عن النمر «المزعوم»! الداخلية تعاملت مع الخبر الكاذب بجدية، وهذا يحسب لها ويعكس أقصى درجات الحس الأمني ويبين الأهمية التي تمثلها حياة المواطنين والمقيمين، وهذا يمثل أهمية المعلومة الأمنية لدى الوزارة مهما كانت درجة دقتها أو مصداقيتها، ويجب التقصي منها والتعامل معها على أنها حقيقة حتى يثبت العكس. ونحن إذ نتابع باعتزاز بالغ وتقدير كبير عمل رجال الأمن، وحرصهم على ترسيخ دعائم الاستقرار في كل أرجاء البلاد.. إلا أنه في المقابل تسودنا حالة من الاستياء والتذمر مما يقوم به البعض من ناقصي العقل والحكمة واللامبالين بنتائج تصرفاتهم الطائشة بالإعلان عن بلاغات كاذبة أو كيدية لأسباب تافهة وساذجة وسخيفة، منها على سبيل المثال لا الحصر: «أبغي أسوي مقلب وأخوّف الربع»!! ومنهم من يلتقط المعلومات ويروّج لها بشكل غير مباشر دون أن يتحقق من صدقيتها ويكفي بالقياس العقلي أن يعرف أن المعلومة مفبركة وغير صحيحة.

http://www.al-watan.com/data/2010103...l=firstpage1_1

[al-sadd]

شفتو شلون هههه
اول مره اصمم فوتوشوب
ويحطون الصوره فاول صفحه في الجريده هههههههه
ها حد وساها قبلي ؟ ههههه
بس كلمه الحق تنقال ابي حقوقي كااامله هههه
انا اتعب وغيري ياخذ ^^

[كلاسيك قطر]

شفتو شلون هههه
اول مره اصمم فوتوشوب
ويحطون الصوره فاول صفحه في الجريده هههههههه
ها حد وساها قبلي ؟ ههههه
بس كلمه الحق تنقال ابي حقوقي كااامله هههه
انا اتعب وغيري ياخذ ^^

عاد ماحطو اله في جريده الوطن

الوطن كلها اشاعه ونفس البلاك بيري

[al-sadd]

عاد ماحطو اله في جريده الوطن

الوطن كلها اشاعه ونفس البلاك بيري

لا يقولون لك المره الجايه ع الجزيره
وبعدها CNN
بس عطني كم شهر هههههه :nice:

[كلاسيك قطر]

لا يقولون لك المره الجايه ع الجزيره
وبعدها cnn
بس عطني كم شهر هههههه :nice:


اها زين والله

حط صورتي معاهم