نجوم العلوم افضل برنامج تنتجة قناة قطر الفضائية خلال العشر سنوات الاخيرة

[السليطي 1]

بعد ميئات البرامج من الغش و اللوث و الهم و الغم و الاختلاط و الهز

خرج لنا تلفزيون قطر ببرنامج مميز و اسمة نجوم العلوم

البرنامج علمي بحت و لاول مرة اشعر ببرنامج ذي فائدة

من تلفزيون قطر .

فالف شكر لمن ساهم في انتاج هذا البرنامج .

[saud580]

فعلا......... وأنا.....أأيدك بكل قوه ......... برنامج رائع ومفيد ...... فعلا فعلا راقي وممتع ومفيد....

[التيما]

انا من متابعينه .. صراحة برنامج وااايد حلو ولو يحولونه لبرنامج تلفزيون الواقع ونشوف شيسوون 24 ساعه وااايد أحسن ..

صراحة تحية لكل من ساهم في هالبرنامج من أصغرهم لين أكبرهم ..

[شبيه الريح]

شسم البرنامج

ومتى وقته

[البدع]

اتفق معك قلبا وقالبا

تلفزين قطر لعبها صح هذي االمرة

[روح الاطلس]

هذا البرنامج يعتبر النسخة الثانية

السنة اللي فاتت جابوه بعد

لكن كانت الاختراعات من وجهة نظري افضل واجمل وكنت اراهن على بعضها بالفوز


لكن القهر كانت لجنة التحكيم كلها اجانب ورئيس اللجنة لبناني وشاف افشل اختراع وعطاه المليون جائزة البرنامج الله اعلم لو كان فيه محسوبية لكن انقهرت لاني كنت اتابع البرنامج وفيه اختراعات فعلا جميله ومفيدة وتفيد الانسان والبشرية مب اختراع اللبناني


تدرون شنو اختراعه كان واللي فاز بالمليون ريال؟؟؟


عشان تعرفون مدى اهمية اختراعات العرب في الوقت الحالي

وعشان تعرفون اهتمامات قطر

كان اختراعه السخيف واللي وصلوه للسماء

عباره عن جهاز صغير يتركب على آلة العود وظيفته بدل ما المطرب يعدل الاوتار يدويا يقوم الجهاز آلياً بضبط الاوتار :) كان اسم الاختراع دوزان يعني دوزنة العود!!!

اختراع مفيد جداَ


واتوقع هالسنة نفس الشي بيختارون اسخف جهاز ويفوزونه


والقطري احمد الخاطر مسكين احسهم حاطينه بس عشان يطلع ان فيه قطري بينهم

اختراعه كل العلماء قالوا مستحيل يتحقق وحنى فيزيائيا نظريته مستحيله

هو يبي يسوي مغناطيس يعطي طاقة غير متناهيه!

طبعا المبدأ غلط لان كل شي بالدنيا له نهايه لايوجد شي لا متناهي وفيزيائيا مثل ماقالوا العلماء مستحيل اثبات وجود شي لامتناهي

بس يجاملونه


وفيه اختراع لوحده سعودية عبارة عن جاكيت ينلبس وفيه مكيف يوزع على باقي الجسم!

اما الاختراع اللي ودي يفوز وفعلا مفيد جدا انسانيا وطبيا

الاول اختراع جهاز اخذ الخزع الطبية
والثاني عربة تسوق للمعاقين

وبنشوف في الاخير من بياخذ المليون

[السليطي 1]

اشكركم على المرور