يامدرسات الفوج السابع ...في احد منكم نزل له راتب هالشهر؟؟

[نور الكون]

السلام عليكم ورحمة الله وبركاته

عادة يجينا مسج الهودهود بان رواتبنا نزلت ومسج من البنك ان الرواتب نزلت

ويوم صرنا مستقله .......مايانا شي شسالفه؟؟؟

الله يرحم ايام الحكووومي:weeping:

بعد هالشهر مافي راتب...عفستونا :anger1::anger1:

[أم وضحى]

وعليكم السلام ورحمة الله وبركاته


سلمتنا أمس المحاسبه في المدرسة كشف راتب الشهر
وقالت احنا ارسلناها للبنوك .. احتمال يوم الخميس
أو يوم الأحد ينزلونه في حسابكم ..
مر يوم الخميس مانزل شي !
بننتظر يوم الأحد على خير ان شاء الله ..

[^امـ نواري^]

ان شاء الله بس التاخير يكون من محاسبي المدراس مو من شي ثاني ..

انتي منقولة ولا مثبته ؟
سمعت ان اللي مب مثبتين بتتاخر رواتبهم وحتى الترقيات ماراح تجيهم ولا حتى المكافآت ولا العلاوات ..
حسبي الله ونعم الوكيل

[همس الورد]

انا مب امثبته يعني ماراح اينزلون لي ؟؟لأني امقدمة أوراقي أبي ايحولوني إدارية.

[نور الكون]

الله يعينا بعد ننتظر ليوم الاحد ....اخاف ننتظر لين الشهر الياي:(

[المها قطر]

انا للحين ما نزل الراتب مع ان المحاسبة قالت لي نزلت الرواتب
حسبي الله ونعم الوكيل على المجلس الاغبى على مديرات المدارس يلعهم يلقون اللي لقيناة ويعانون ويتبهدلون ويفنشونهم ويحطون ناس كفاءة ومب حرامية مثلهم
انا حتى الافر تايم ما يحسبونة لي البخيلة مديرة مدرستنا يارب يشيلونها ...تدرون ليش مايعطون عن الافر تايم
والعمل الاضافي عشان تتوفر للمديرة اخر السنة ويعرفون انها موفرة من الميزانية اللي هي من حقنا وترجع لها.....ان شاء ما تتهنى فيها ان شاء الله حرام عليهم
حسبي الله ونعم الوكيل
اذا ما نزل راتبي اليوم انا بشتكي على المديرة من الصبح يوم الاحد في البرج

[قطرية مثقفة]

أنه مثبتة ومانزل شي ،،،، وجاني مسج من البنك بسحب القرض اللي علي ،،،،،،الحمد لله الرصيد كان في للقرض ،،،،،،،،،

[زمان الصبا]

خلونا نضرب عن دخول الحصص يوم الاحد
لين ينزلون رواتبنا
لايكون عبالهم صرنا عبيد ابوهم
حسبي الله عليهم و على من توسط لهم و حطهم في هالمكان
و الله ما يعرفون كوعهم من بوعهم
قاعدين و ينهبونا لا خوف من الله و لا حيا من خلقه
حسبي الله عليهم

[اسعاف]

الفراشين نسوا يرسلوا كتابهم للبرج

فأجلوا رواتبهم لشهر 11

فاخذ الفراشون (يطرون من المدرسين الطراروة)

يعني شحات يشحت من شحات

يعني المجلس جعل منتسبه في فقر وحاجة وذل للغير

الله يقصم ظهر الي كان السبب وفرض علينا نظام المستقلات

قولوا آمين من قلب

[تربوي]

الهذا الحد بلغ بنا الحال

:( :( :(

[بوناصروخالد]

اشدعوه ما نزلوا لكم رواتب !!!!

يقولون الفوج السابع مدللييييين !!!!!!

[خالد القطري]

ولا شفنا شي من شهر 9 :(

حسبي الله ونعم الوكيل

[قطرية مثقفة]

اشدعوه ما نزلوا لكم رواتب !!!!

يقولون الفوج السابع مدللييييين !!!!!!

أي فوج مدلل أي بطيخ ،،،،،،،، بس خلها على الله ،،،،،،،،،، إلا الفوج المكروف ،،،،،،،،كرف في المدرسة ،،،،،،، وورش الله لا يوريكم المكان ،،،،،،مدرسة أول يوم داومن فيها غبار وعنوان على المدرسة مافي ،،،،،،،،،سوء تخطيط وتخبط ماشفنه مثله ولا بنشوف ،،،،،،،، وفالحين ينزلون تعاميم وشغل ،،،،،،،،، وماحارني إلا برنامج القراءة اللي منزلينه ،،،،،، برنامج حلو وماعليه كلام ،،،،،، لكن تنزلون مشروع بهالحجم في هالظروف الملخبطه وتعممونه على الصفوف من 3 إلى 11 احنه بروحنه داير راسنه من الشغل اللي كله شو شغل ورق وبس ،،،،،،، ولما نروح المكاتب نبي قصص مافي ،،، واللي يحر ويقهر الكلام المثالي في اجتماعات المجلس ،،،،،،،،،، حسبي الله ونعم الوكيل ،،،،،

[قطرية فذة]

الحمد لله يوم اني منهم استقلت

انا من بعدهم في راااحه الله يديمها علي يارب

عقبالكم

[صاحب هدف]

الأفاضل اسعاف وتربوي
بعد التحية
نعلم أن مدارس الاستبدال ومدارس الفوج السابع لم تنزل رواتبها
على أن تنزل بحد أقصى يوم الأحد
سؤالي هو هل ستنزل الزيادات وتتضح في هذا الراتب أم لا؟
الكل يسأل ويتسائل

[صاحب هدف]

ذًكر عن زيادات للمعلمين والنواب والمدراء فهل ستشمل المعاريين والنقل
أم ستقتصر على الجدد فقط لهذا العام
ومتى سيؤخذ النائب الإداري والأكاديمي حقه وهو يحصل على راتب معلم ومهام عمل نائب
أفيدونا رحمكم الله

[الحريّه]

احنا رواتب الجميع نزلت , حتى المعلمات اللي تمت إضافتهم إلى المدرسه بدون مسمى وظيفي. واضح ان السالفه هي سالفة تأخير في إرسال أسماء الموظفات من قبل المدارس حسب تنقلاتهم أول بأول إلى الموارد البشريه , خاصة إن قاعدة البيانات عندهم - الموارد -ناقصه أحياناً وغير مستقرة أحياناً أخرى .
تحياتي:victory: