أجنبي في مستشفى النساء ( الخور )

[التيما]

:secret:



السلام عليكم ..

صار موقف في مستشفى الخور لي شخصيا .. كان عندي موعد هناك بحكم انه أخف من حمد ..

وأنا انتظر الموعد في قسم الانتظار يات وحدة الظاهر فرنسية أو منهم لان كلامها فرنسي بس تتكلم انجليزي وقعدت حذاي وجا الثور بغلها وجلس احذاها :secret: طبعا أنا استنكرت شيسوي هاي من صجه ؟؟ :rolleyes2: وبما اني التيما وما اسكت التفت صوبها وقلت لها : Please do not allow men to be here .. ( مو مسموح للرجال هني ) قالت لي : I want him with me, I'm afraid ( ابيه معاي لاني خايفة ) :anger1: ليكون رياييل واحنا ماندري قال ايش خايفة ...
قال لي الريال : I've got permission from the reception ( انا عندي اذن من الاستقبال ) :telephone:

طبعا انا عصبت عيل ليش في حمد يرفضون دخول الرياييل وهني لا لانهم اجانب ؟؟

وانغز وانا معصبه عند الاستقبال واسألهم ويقولون لي : لا ممنوع حسبي الله عليه قاعد عندكم ؟ .

والله وجاو معاي وطردوه شر طردة وهو معند يقولهم مافي لوحة تمنع هالشي .. وهم يحاولون فيه ويابو له ممرضه فلبينية تفهمه وقالهم : عيل ليش تسمحون للحريم يجيبون عيال من الرياييل :eek5: .. ونادوا له السكيورتي وعلى ما وصلوا كان طالع وهو يقول بالعربي : خلاص خلاااااااااااااص خلااااااااااص .. :nice:


صراحة موقف عجبني من استقبال المستشفى وحبيت أحييهم .. :nice:

وسمعتهم يقولون انهم كانوا حاطين ممنوع بس قالوا لهم شيلوه .. زين ليش ؟ يعني هم عارفين ان هالاشكال ما يكسر راسهم الا هالقوانيين لازم يحطون ورقة ان ممنوع دخول الرياييل واللي يبي يدخل مع مرته لأي سبب كان ممكن ماتعرف عربي أو أسيويه وماتعرف انجليزي ينتظرونهم بغرفة انتظار الرجال وعقب تناديه لمن يجي دورة عشان يترجم ..

هل ممنوع فعلا يحطون ورقة ممنوع دخول الرياييل ؟ طيب لو هو ممنوع ليش مايحطون الورقة ؟
هل مسموح ؟
ليش ما يحطون سكيورتي رياييل عند البوابة من الخارج ؟

[المعنى88]

وييييييييه ........... انتي راقدة البلد تتغير وانتي تردين ورى
البلد فيها كنيسة وفيها اختلاط في الجامعات .......... لما تروحين مستشفيات اوروبا ولا امريكا ولا اسيا
دوري لج على مستشفى خاص للنساء بدون دخول الرجال ...

[همس الورد]

اناشفت واحدقطري قاعدمع وحدة اتوقع انه اخوها في انتظار النساء بس يوم كلمته الممرضة انه يروح ناحية الرجال على طول راح بدون أي مناقشة .

[بلوتنيوم]

المفروض يكون في 3 مناطق انتظار
نساء - رجال - عائلات
احيانا المريض محتاج مساندة عائلية :secret:

[روح الاطلس]

كسر خاطري الاجنبي :(

[الرويـس]

الرجال وحلينا مشكلته
زين و الشقرا المسكينة وش صار عليها ؟.. تمت غرقانه في خوفها ؟ :( ما يصير

[التيما]

وييييييييه ........... انتي راقدة البلد تتغير وانتي تردين ورى
البلد فيها كنيسة وفيها اختلاط في الجامعات .......... لما تروحين مستشفيات اوروبا ولا امريكا ولا اسيا
دوري لج على مستشفى خاص للنساء بدون دخول الرجال ...

الحمد لله اني مب راقدة وفديت بنات الريسبشن والله .. ماقصروا وياه واسمحي لي ممنوع وجود الرياييل في انتظار الحريم .. واللي قلتيه ماله خص بالمستشفى ..

[التيما]

اناشفت واحدقطري قاعدمع وحدة اتوقع انه اخوها في انتظار النساء بس يوم كلمته الممرضة انه يروح ناحية الرجال على طول راح بدون أي مناقشة .

لو في حريم لازم يطلع .. أصلا عيب والله ريال قاعد بين الحريم .. وحده تتألم والثانية بتولد والثالثة تقولها فحص مادري وين و و و والله عيب .

[التيما]

المفروض يكون في 3 مناطق انتظار
نساء - رجال - عائلات
احيانا المريض محتاج مساندة عائلية :secret:

في هاي انت صاج .. صح .. لان الموجود حاليا للرجال والنساء .. وحل حلو اللي قلته :nice:

[التيما]

كسر خاطري الاجنبي :(

:anger1: طلع برا المستشفى ونقع في الشمس نقعه .. ههههههههههههههههه :tease:

[التيما]

الرجال وحلينا مشكلته
زين و الشقرا المسكينة وش صار عليها ؟.. تمت غرقانه في خوفها ؟ :( ما يصير

والله ماتصدق .. هههههههههه تمت تدور مافيها الا العافية وتدور في هالاعلانات واللوائح يمكن تحصل قانون ولا شي يخلي هالبغل يدش .. ما لقت :nice:

[الرويـس]

في اعتقادج ليش الاستقبال اسمحوا له يدش معاها في اول مره

لاحظي سؤالي عن السبب وليس عن من الذي سمح
:(

[التيما]

في اعتقادج ليش الاستقبال اسمحوا له يدش معاها في اول مره

لاحظي سؤالي عن السبب وليس عن من الذي سمح
:(

اخوي انا مادري عن السبب .. بس مرات أشوف حريم مايعرفون انجليزي ويدشون رياييلهم يترجمون لهم هاي شفته بعيني بس الريال ينتظر في الممر أو قسم انتظار الرياييل ..

فالظاهر ماتعرف انجليزي عدل لاني طول الوقت اسمعها تقول حاضر بالفرنسي .

[حقيقه]

المفروض يكون فيه انتظار مختلط

لانه ساعات يحتاجون بعض

المريض يكون نفسياً تعبان او يعاني

[التيما]

المفروض يكون فيه انتظار مختلط

لانه ساعات يحتاجون بعض

المريض يكون نفسياً تعبان او يعاني

:nice: صح في هاي صح ..

[الصريحه]

عجبتيني
هذا الرد ولاباش
لك حبه فوق راسك

[سمو الاميره]

المفروض يكون في 3 مناطق انتظار
نساء - رجال - عائلات
احيانا المريض محتاج مساندة عائلية :secret:

100% صح..~

[التيما]

عجبتيني
هذا الرد ولاباش
لك حبه فوق راسك

:shy: يسلمووو

[ضوى]

انه ينتظر في مكان النساء غير مقبول بتاتا ، ولكن انه يدش معاها للطبيب فهذا شئ من حقه مافيها شئ

في مستشفى النساء من كم يوم انتظرنا بمكان انتظار النساء للسونار ، شوي الا ينادون على رقم واحدة وقفت عند باب الطبيب هي وامها اتوقع شوي الا جاي زوجها وداش معاها غرفة التلفزيون الظاهر يبي يتطمن على زوجته اتوقع هذي مافيها شئ ، بس اذا ينتظر في مكان كله نساء فهذا مب من حقه ابدا

[التيما]

انه ينتظر في مكان النساء غير مقبول بتاتا ، ولكن انه يدش معاها للطبيب فهذا شئ من حقه مافيها شئ

في مستشفى النساء من كم يوم انتظرنا بمكان انتظار النساء للسونار ، شوي الا ينادون على رقم واحدة وقفت عند باب الطبيب هي وامها اتوقع شوي الا جاي زوجها وداش معاها غرفة التلفزيون الظاهر يبي يتطمن على زوجته اتوقع هذي مافيها شئ ، بس اذا ينتظر في مكان كله نساء فهذا مب من حقه ابدا

صح كلامج وانا معاج .. والخوات في الريسبشن قالوا له نفس الكلام .. طلبوا منه يروح غرفه انتظار الرياييل ولمن يجي دورها يدخل معاها وعيا .. بس عقب اطردوه ..

[بصمة قطرية]

زين سويتي اختي ..
لازم يحترمون القوانين ..
اللي يقهرني لما اروح طواري الأطفال سواء السد او الريان واروح انتظار النساء اشوف كل واحد مرتز جنب مرته ..!!!!

وبصراحة مرات يكونون قطريين ..

اتضايق بصراحة واقول للممرضة على طول ان هاي انتظار نساء مش رجال ..!!
قولي لهم يروحون ينتظرون هناك ..

كم مرة تكرر هالشي ..

واللي ينرفز مرات مافي كراسي يعني اروح اقعد جنبه ..!!:anger1::anger1:

[غزلان]

المفروض ينتظر بقسم الرجال واذا جا دور زوجته تناديه ولا تتصل له رنه ويدخل معاها

[روح الاطلس]

:anger1: طلع برا المستشفى ونقع في الشمس نقعه .. ههههههههههههههههه :tease:



حلااااااااااااااام ولله :(

[مسك روز]

ثور و بغل !!

ماكان له داعي هالالفاظ بارك الله فيج

وبخصوص الاجانب ترى للحين ماشفتي شي

[nadeemy]

اختي لو سمحتي سؤال بسيط
لو كنتي في بلاد الغربه مع زوجك في امريكا مثلا , واظطريتي لا سمح الله انك تذهبين للمستشفى , ما تتمنين ان زوجك يكون معاك خطوه بخطوه ولحظه بلحظه ؟

[بـن عدوان]

كفو والله ...

[dream~qa]

الصراحة غلط أنهم يطردونه برا المستشفى المفروض يقعد في غرفة انتظار الرجال وبعدين يدخل مع زوجته لما يجي دورها وهذا من حقهم .

[alizz]

جزاك الله خير اختي التيما
والنعم فيج اخت الرجال والحرمه الي خايفه شمنه لايكون من المسلمات المحتشمات الي حولها والمفروض يكون في رجال امن عند البوابه يمنعون هالاشكال.
الله يكثر من امثالج

[hasss1969]

موضوع ينحل بهدوء وماكان لازم كل هالضجة....يعني الرجال كان بيعاكس الحريم هناك؟؟الرجال جاي مع زوجته لموعد عندها...دخلتينا في لغات وترجمة عشان موضوع مثل هذا...

[فلتة زمانها]

غريبه انتي مدرسه ومربية اجيال وهالشكل الفاظج
توصفين ريلها انه بغل وثور
عالعموم ‏ الحركه ‏ اللي سويتوها مو حلوه
المفروض نراعي الناس في مثل هالمواقف
يمكن ‏
المره في الغربه ماعندها حد يداريها
غير ريلها ‏ اما انكم تطردونه بهالطريقه حسستوني
انكم حوش ,‏ بخصوص الانجلش كلامج غلط
الصح انج تقولين ‏it's not allowed 4 males 2 set n this area
‏ لووووووووول

[latty]

عادي بالاهلي انتظر دوري بصاله الانتظار النساء مكتوب عليها قدام الترا ساوند جات انجليزيه مع رجلها ودخلوا قلت لا مايصير رحت الاستقبال قلت لها ابتسمت وقلبت شفايفها وقالت ايش اسوي طبعا انا اللي طلعت وهو اللي جلست وظليت واقفه لحد ماجاء دوره طبعا قبلي ودخل

الصراحه لاحظت نقطتين بالامر

ببلادهم يحترمون القوانين عندنا يدوسون القوانين

ولاحظت ان كل الموظفين باي مكان حتى لو سوبر ماركت يفضلونهم علينا

والدليل واضح ادخل حتى لو محل ايس كريم بتشوف الركضه للاجنبي اما انت طق براسك بالطوفه


اه يااااااازمن

[التيما]

زين سويتي اختي ..
لازم يحترمون القوانين ..
اللي يقهرني لما اروح طواري الأطفال سواء السد او الريان واروح انتظار النساء اشوف كل واحد مرتز جنب مرته ..!!!!

وبصراحة مرات يكونون قطريين ..

اتضايق بصراحة واقول للممرضة على طول ان هاي انتظار نساء مش رجال ..!!
قولي لهم يروحون ينتظرون هناك ..

كم مرة تكرر هالشي ..

واللي ينرفز مرات مافي كراسي يعني اروح اقعد جنبه ..!!:anger1::anger1:


هاي اللي عصب فيني .. لو مافي كراسي والحريم زحمه وين بيقعدون بالله حذاه مثلا ؟؟ :anger1:

[hasss1969]

غريبه انتي مدرسه ومربية اجيال وهالشكل الفاظج
توصفين ريلها انه بغل وثور
عالعموم ‏ الحركه ‏ اللي سويتوها مو حلوه
المفروض نراعي الناس في مثل هالمواقف
يمكن ‏
المره في الغربه ماعندها حد يداريها
غير ريلها ‏ اما انكم تطردونه بهالطريقه حسستوني
انكم حوش ,‏ بخصوص الانجلش كلامج غلط
الصح انج تقولين ‏it's not allowed 4 males 2 set n this area
‏ لووووووووول

عمرك اطول من عمري اختي فلتة زمانها..كنت بكتب في تعليقي السابق على الموضوع تصحيح للجملة اللي كتبتها باللغلط لكن نسيت هالنقطة وكأنها ما جات ببالي..
فعلا انتي فلتة زمانها..
الله يوفقك ويزيدك علم ...

[التيما]

عادي بالاهلي انتظر دوري بصاله الانتظار النساء مكتوب عليها قدام الترا ساوند جات انجليزيه مع رجلها ودخلوا قلت لا مايصير رحت الاستقبال قلت لها ابتسمت وقلبت شفايفها وقالت ايش اسوي طبعا انا اللي طلعت وهو اللي جلست وظليت واقفه لحد ماجاء دوره طبعا قبلي ودخل

الصراحه لاحظت نقطتين بالامر

ببلادهم يحترمون القوانين عندنا يدوسون القوانين

ولاحظت ان كل الموظفين باي مكان حتى لو سوبر ماركت يفضلونهم علينا

والدليل واضح ادخل حتى لو محل ايس كريم بتشوف الركضه للاجنبي اما انت طق براسك بالطوفه


اه يااااااازمن

:weeping: والله لو مدت بوزها للين الصبح يطلع يعني يطلع

[التيما]

المفروض ينتظر بقسم الرجال واذا جا دور زوجته تناديه ولا تتصل له رنه ويدخل معاها

يس هالمفروض بس منو يفهم ؟

[التيما]

غريبه انتي مدرسه ومربية اجيال وهالشكل الفاظج
توصفين ريلها انه بغل وثور
عالعموم ‏ الحركه ‏ اللي سويتوها مو حلوه
المفروض نراعي الناس في مثل هالمواقف
يمكن ‏
المره في الغربه ماعندها حد يداريها
غير ريلها ‏ اما انكم تطردونه بهالطريقه حسستوني
انكم حوش ,‏ بخصوص الانجلش كلامج غلط
الصح انج تقولين ‏it's not allowed 4 males 2 set n this area
‏ لووووووووول


ثور و بغل !!

ماكان له داعي هالالفاظ بارك الله فيج

وبخصوص الاجانب ترى للحين ماشفتي شي





ترى كلمة بغل وثور مب مسبة للعلم .. وبخصوص اننا وحوش صراحة الحمد لله اني وحش .. وموضوع الانجلش زين مني طقطقت كم كلمة ..

[التيما]

اختي لو سمحتي سؤال بسيط
لو كنتي في بلاد الغربه مع زوجك في امريكا مثلا , واظطريتي لا سمح الله انك تذهبين للمستشفى , ما تتمنين ان زوجك يكون معاك خطوه بخطوه ولحظه بلحظه ؟

في امريكا عادي عندهم .. بس احنا لنا قوانينا وعاداتنا والمفروض هو يحترمها ..

[التيما]

كفو والله ...

تسلم أخوي

[التيما]

موضوع ينحل بهدوء وماكان لازم كل هالضجة....يعني الرجال كان بيعاكس الحريم هناك؟؟الرجال جاي مع زوجته لموعد عندها...دخلتينا في لغات وترجمة عشان موضوع مثل هذا...

صراحه تعبتك وانت تقرا الموضوع وعقب تعبت وانت ترد ..

طيب اصلا انا رحت بسكات اكلم الريسبشن وهم كلموه بهدوء بس هو لا نه مب محترم للقوانين عيا يطلع .. وين الهدوء اللي تقول عنه ..


جزاك الله خير اختي التيما
والنعم فيج اخت الرجال والحرمه الي خايفه شمنه لايكون من المسلمات المحتشمات الي حولها والمفروض يكون في رجال امن عند البوابه يمنعون هالاشكال.
الله يكثر من امثالج

يسلموووو


الصراحة غلط أنهم يطردونه برا المستشفى المفروض يقعد في غرفة انتظار الرجال وبعدين يدخل مع زوجته لما يجي دورها وهذا من حقهم .

هم ما قالوا له اطلع برا .. قالوا له انتظر في انتظار الرياييل هو رفض وراح طلع برا

[QatarSupport]

ونادوا له السكيورتي وعلى ما وصلوا كان طالع وهو يقول بالعربي : خلاص خلاااااااااااااص خلااااااااااص ..
:nice::nice:

[بدون]

كفو و الله ، و اللي يدافع عنهم : للعلم فقط هم عارفين القوانين بس يستهبلون
يعني الأجنبي أول ما يدش الدولة يكون عارف كل شي و يسوون لهم محاضرات يفهمونهم إيش المفروض يتقيدون فيه من القوانين و خاصة بالنسبة للتعامل مع النساء المسلمات المحجبات
و أبصم بالعشرة أن الفرنسي كان عنده علم بس حاول يتخطى القوانين
ما شاء الله عليج ، و الله لو أن هذا الموضوع عدا بدون أي تدخل منج اختي ألتيما كان الحين شفتو كل طايفتهم غايرين على غرفة انتظار النساء .

[باسكن روبنز]

كفوو يا آلتيما ،:victory:


بس شكلج هدمتي بيت الانكلينزي ،
ماظني بتخليه مرته دقيقه بالبيت عقب ماخلاها وطلع ههههههههههه ،