النمر (كفى بالمرء كذبا أن يحدث بكل ما سمع )

[T.NT]

عن حفص بن عاصم قال : قال رسول الله صلى الله عليه وسلم : ( كفى بالمرء كذبا أن يحدث بكل ما سمع ) رواه مسلم في المقدمة صحيح الجامع.

وعن أبي هريرة أن النبي صلى الله عليه وسلم قال : ( كفى بالمرء إثما أن يحدث بكل ما سمع ) السلسلة الصحيحة .

قَالَ النَّوَوِيّ : فَإِنَّهُ يَسْمَع فِي الْعَادَة الصِّدْق وَالْكَذِب فَإِذَا حَدَّثَ بِكُلِّ مَا سَمِعَ فَقَدْ كَذَبَ لإِخْبَارِهِ بِمَا لَمْ يَكُنْ , وَالْكَذِب الإِخْبَار عَنْ الشَّيْء بِخِلَافِ مَا هُوَ وَلا يُشْتَرَط فِيهِ التَّعَمُّد .

قد يسمع الإنسان في العادة الصدق والكذب، فإذا حدث بكل ما سمع سيكون فيه بعض تحديثه كذب، وهذا معنى حديث ((كَفَى بِالْمَرْءِ كَذِبًا [ أو إثماً] أَنْ يُحَدِّثَ بِكُلِّ مَا سَمِعَ))

لأنه يسمع الحق والباطل، والصدق والكذب، فإذا حدث بكل ما يسمع فمعنى ذلك أنه سيكون في حديثه كذبٌ ولابد .


ومن حّدث عن رسول الله - صلى الله عليه وسلم - بحديث يُرى أنه كذب، فهو أحد الكاذبين، أو الكاذبَين، قال ابن حبان - رحمه الله – في قوله عليه الصلاة والسلام ((كفى بالمرء إثماً)): زجر أن يحدث بكل ما سمع حتى يعلم علم اليقين صحته.

قال عبد الرحمن بن مهدي - رحمه الله - : لا يكون الرجل إماماً يُقتدى به حتى يمسك عن بعض ما سمع.

وعن المغيرة بن شعبة قال : قال النبي صلى الله عليه وسلم : ( إن الله حرم عليكم عقوق الأمهات ووأد البنات ومنع وهات وكره لكم قيل وقال وكثرة السؤال وإضاعة المال ) رواه البخاري .

[حبر سري]

يقول لك في عضوة وياينا كلمت تسعات وقالوا لها نمرين بعد مهب واحد , وبنغال بعد

يالله خذ

[بدون]

شكرا على التذكير ، و جزاك الله خير اخوي

معظمنا ينتظر الإجابة الشافية ، و بيان الحقيقة من المسئولين لكي ينقطع دابر الإشاعات اللي وصلت النمر للقمر في رحلة مكوكية<<< ترى هاي غشمرة مب إشاعة :)

[MAZEN37]

بوركت وجزيت خير

[الوان]

جزاك الله خير
و يبي له تثبيت
لأن هالشي ينطبق على كل الامور مش بس النمر
لو الكل التزم بهالحديث راح تكون حياتنا بدون اشاعات
الله المستعان

[هتـان قطر]

يقول لك في عضوة وياينا كلمت تسعات وقالوا لها نمرين بعد مهب واحد , وبنغال بعد

يالله خذ


طيب ليش اخوي حبرسري ما تتصل على نفس الرقم وتتأكد

لان كلامك فيه تكذيب لهذه العضوة ومهب حلو في حقها الصراحة

اتمنى تتصل وتبلغنا وش قالوا لك بالضبط

[دااانة قطر]

اخوي الله يحفظه في لخويا
وقريبة صديقتي في الشرطه
وكل وااحد فيهم يقول الخبر صحيح لأن داايم تجيبهم بلااغاات وأمر بالتوجه لمكاان الحدث
لكن ماافي فاايده مب محصلينه
يوم اقول لهم اشااعه وانتوا تصدقون كل بلاالغ مصممين ان صدق
المهم اخر خبر وصلني الباارحه ان في بنت مخطوفه وشكله النمر أكلها
بالله عليكم حد مرت عليه هالساالفه
والموضوع خذ اكبر من حجمه

[الصريحه]

يااخي الخطا من المسؤولين اللي لين الحين ماصرحوا بشيء
اقول ارجعوا للخيام احسن

[ام ريان]

تري الخبر ماهو كذب والله وفعلا نمرين مو واحد ومن اخطر انواع النمور نفس ماقال بنغال
وصاحب هالنمور هو نفسه صاحب البيت اللي ساكنه فيه اختي وبيته لصق في بيت اختي وهالنمور شارده من عنده
ورفيج اخو زوجي النمر داش حوش بيتهم اول امس والله العظيم وعلى ماتصلو في 999 هو كان مختفي


اتمنى الجميع ياخذ حذره ولايستهين بالموضوع

[حبر سري]

طيب ليش اخوي حبرسري ما تتصل على نفس الرقم وتتأكد

لان كلامك فيه تكذيب لهذه العضوة ومهب حلو في حقها الصراحة

اتمنى تتصل وتبلغنا وش قالوا لك بالضبط

والله ياهتان لاراح اتاكد ولا شي
اتصل وبعدين اجي في منتدى محد عارفني فيه ولا حد يدري انا من واقول انا تاكدت؟ طيب انتوا عارفين انا من اصلا علشان اتصدقوني؟؟
الحافظ الله
كان صدق , فانا مارحت نمت في الشارع انطره يجيني
كان كذب فالاشاعات وايد
بعض المرات الروايات الرسمية ماتصدق , اروح اصدق كلام منتديات وبلاك بيري؟
انا مااقول انه صدق
ولا اقول انه كذب
الله اعلم

وبعدين افرضي اني اتصلت لهم (او حتى مااتصلت) وجيت وكتبت اني اتصلت , طيب شالفايدة؟شاللي راح يصير اصلا؟الحين انا ممكن ارد عليج واقول لج جزاج الله خير انا فعلا اتصلت وقالوا لي انهم ثلاث نمور , وسبع ضبان , وورل ! وشراح اتقولين لي حزتها؟

كل ماظهرت اشاعة , الكل يقول انا اتصلت وانا قالوا لي وانا اكدوا لي , وولد عمي يقول , وولد خالتي يقول , طيب انت من اصلا؟
مابي اطلع برع الموضوع علشان راعي الموضوع (جزاه الله خير) مايزعل

وجزاج الله خير ياهتان على اسلوبج الراقي

[هتـان قطر]

والله ياهتان لاراح اتاكد ولا شي
اتصل وبعدين اجي في منتدى محد عارفني فيه ولا حد يدري انا من واقول انا تاكدت؟ طيب انتوا عارفين انا من اصلا علشان اتصدقوني؟؟
الحافظ الله
كان صدق , فانا مارحت نمت في الشارع انطره يجيني
كان كذب فالاشاعات وايد
بعض المرات الروايات الرسمية ماتصدق , اروح اصدق كلام منتديات وبلاك بيري؟
انا مااقول انه صدق
ولا اقول انه كذب
الله اعلم

وبعدين افرضي اني اتصلت لهم (او حتى مااتصلت) وجيت وكتبت اني اتصلت , طيب شالفايدة؟شاللي راح يصير اصلا؟الحين انا ممكن ارد عليج واقول لج جزاج الله خير انا فعلا اتصلت وقالوا لي انهم ثلاث نمور , وسبع ضبان , وورل ! وشراح اتقولين لي حزتها؟

كل ماظهرت اشاعة , الكل يقول انا اتصلت وانا قالوا لي وانا اكدوا لي , وولد عمي يقول , وولد خالتي يقول , طيب انت من اصلا؟
مابي اطلع برع الموضوع علشان راعي الموضوع (جزاه الله خير) مايزعل

وجزاج الله خير ياهتان على اسلوبج الراقي



للامانة اخوي حبر سري انا كنت شاكة في صحة الخبر

لكن بما ان البعض اتصل صح على الشرطة وما نفوا

لهم الخبر هذا يخلينا نتشكك بس ما نكذب الخبر بتاتا


وهالاخت اللي اتصلت هي بتنقل كلام الشرطة لها

وهالشي بينها وبين ربها وما اعتقد بتكذب او بتتبلى عليهم


والخطأ كله يقع على عاتق المسؤولين اللي ما يطلعون

في وسائل الاعلام يوضحون او يحذرون الناس

اصبحنا في هرج ومرج من الاقوال الباطلة او الصادقة

ما ندري صرنا في دوامة


لكن اكرر مرة ثانية اخوي حبر سري مهب حلو نكذب الشخص

بعينه ونقول بشكل غير مباشر انه يكذب

الكلمة الحلوة بدها

[حبر سري]

للامانة اخوي حبر سري انا كنت شاكة في صحة الخبر

لكن بما ان البعض اتصل صح على الشرطة وما نفوا

لهم الخبر هذا يخلينا نتشكك بس ما نكذب الخبر بتاتا


وهالاخت اللي اتصلت هي بتنقل كلام الشرطة لها

وهالشي بينها وبين ربها وما اعتقد بتكذب او بتتبلى عليهم


والخطأ كله يقع على عاتق المسؤولين اللي ما يطلعون

في وسائل الاعلام يوضحون او يحذرون الناس

اصبحنا في هرج ومرج من الاقوال الباطلة او الصادقة

ما ندري صرنا في دوامة


لكن اكرر مرة ثانية اخوي حبر سري مهب حلو نكذب الشخص

بعينه ونقول بشكل غير مباشر انه يكذب

الكلمة الحلوة بدها

اختي هتان
مب سالفة تكذيب او تصديق
انا وضحت لج , كان صدق ولا كان كذب , واضح ان الكل قاعد يجيب سالفة من عنده , اللي يقول نمر , واللي يقول نمرين , واللي يقول نمر واسد تصوري!!! واللي يقول مادري من جانا , واللي يقول انا اتصلت , طيب هالامور هاذي كلها ماتزيد من اثارة الفزع في المجتمع؟ طيب انا الحين باقول لج شي :
انا اتصلت وقالوا لي نمر ومعاه لبوة
وشرايج؟ شنهي الفايدة اصلا؟ خلينا واضحين , مب سالفة تكذيب او تصديق , لكن تذكروا شي مهم :
ترى الكل يقدر يكتب ويقول انا سويت وانا شفت
مب تكذيب لاحد , هذا الواقع , والكلام مافي اسهل منه
وسبحان الله انتي بنفسج تتكلمين وتقولين بما ان البعض اتصل !! الرد سهل :
باقول لج البعض بعد اتصل , او سمع , او وصل له ع البلاك بيري ان مافي شي مثلا!!! ماتلاحظين انه شي مضحك , تناقض في كل شي , والكل ياكد على كيفه

الحافظ الله , واحنا محتاطين اللهم لك الحمد
ظهر تصريح رسمي , كان بها , ماظهر تصريح رسمي , ليش اعور راسي بكلام ناس مااعرفهم؟وازيد من الاشاعات يبلفيت اني صايد السالفة وابي اسوي سبق؟

شوفي كم موضوع انكتب وكم سالفة اطلعت , والكل قاعد ياكد , كل الناس اتصلوا بالشرطة سبحان الله !! ومادري اي شرطة هاذي اللي لها مع كل مواطن سالفة غير!! اللي يقول نمر , واللي يقول نمرين , واللي يقول راحوا مادري وين , واللي يقول نمر واسد , واللي يقول راعيه مسجون , واللي يقول مسافر , واللي يقول اعرف جارهم !!! واحنا ماعندنا الا ننشر بكل وسيلة , خبرج نبي ناخذ لنا سبق صحفي!!ومطرشين صور انهم شايفينه في الخليج الغربي!! لا وفي اعضاء اكدوا ان الصورة صج , وهم يمكن ماشافوها , ولو اتشوفين الصورة بتضحكين لي بكرة , صورة تركيب عيني عينك وكلام فاضي , واللي يالف مثل هالسوالف يقضد منها انه يضحك على الناس
سالفة ان الشي بين الواحد وربه فهاذي صحيحة , والنعم بالله , وكفى به شهيدا , لكن ياجماعة الله عطانا عقول نفكر فيها ونوزن الامور

[المتألم]

لو علم الناس ما في الإشاعات الكاذبة من إثم لتوقفوا عن نشرها:secret:
ولكن نحن في زمن الناس أنفسهم يروجون للإشاعات ويزيدون قوتها وفرح من يؤلفها :eek5:
..

أول أيام سالفة النمر جاني خبر إن في نمر من أكثر من شخص وخصوصا واحد يعيش
بالخريطيات ،، لما حسيت إن الموضوع جد وفي شرطه طرشت للي عندي بالبلاك بيري
بطريقه رسميه عشان ينتبوا .. :rolleyes2:
في ناس عندي ما صدقوا وأعتبروا إني جايب إشاعه أبيها تنتشر وبصراحه عجبني ردهم:shy:
رغم معرفتي بما في الإشاعة من إثم وإدراكي لهالشئ وأنني والحمد لله لا أسعى بها
إلا إن التحذير كان الأهم عندي :nice: وعقب شوي الكل قام يتكلم عن النمر حتى الجرايد والكريكاتيرات :anger1:

عسى ما شر لو قطو أمسكوه ، :omg:
عقب ساعه من الخبر عرفت أنهم مسكوه وبس وأنتهت السالفه هذا لو هي صج
حتى كان ودي ساعتها اروح الاحقه بالسياره وادعمه وبس :victory:

المشكله إن الموضوع تطور ، بلد كامل مب لاقي نمر ، بلد صغير كله بر لا في أشجار ولا أحراش ولا غابات :rolleyes2:
يتخبىء فيها ، لو قطو انصاد من أول يوم أشلون لو نمر .. :eek5:

أبسط شئ لو الدوله عندها إحصائيه لعدد النمور تشيك وتنتهي السالفه هل في نمر شارد ولا لا :discuss:..

أضببة البر محد خلاها بحالها وجايين على نمر محد لاقيه ،، بعض المرات وأنا أقرأ النكت والتعليقات
أضحك :tease: :tease:
بصراحه لأن يبين حجمه حجم فأر ولا جربوع مهب نمر ذا اللي دولة كامله تلاحقه ..

حتى المدينة التعليمية أعتفست الخميس :telephone: ،، يه مره وحده طلع في نمور وأسود بالبلد وأحنا قضينا حياتنا
زين لو شفنا سرب طيور مار فوق الكورنيش ومولي صوب البحر .. :anger1:

وحتى لو كان في نمر نمرين وش له الخوف ،، الحمد لله الكل ببيته والكل يتنقل بسيارته
او بالمواصلات وكم واحد واقف بالشارع ولا طفل يلعب فيه

يوم اسمع الخوف والهلع أقول اللي يسمعهم يقول عايشين بسويسرا ولا بلاس فيغاس الشوارع
ما تخلى من الورعان يلعبون ويتضاربون ويتسدحون .. :eek5: :tease:

بعض الامور المفروض خلاص تنتهي عقب ما نسمعها وتروح ما نوقف عندها
حدنا ننكت عليها ونوسع صدورنا ..

يوم الخميس يوم سمعت سالفة المدينة التعليمية صج تضايقت :anger1:حسيت إن الناس ما عندهم شغل
فاضين للنمر صج مب مسجات وضحك ونكت
الموضوع شاغل بالهم ..:rolleyes2::eek5::omg:

المهم كل إنسان يخاف على نفسه من الإشاعه والسير بها
لإن إثمها مب هين واللي يخاف على نفسه بيقرأ عن هالموضوع ويتعظ
واللي ما يريد بكيفه ..

يالله نشوفكم على خير ورانا نمر نسمع أخباره مب فاضين للمنتدى :eek5:

[حبر سري]

لا ويقول لك يالمتالم ان اليهال صاروا يتفززون من نومهم وهم خايفين ويصيحون!!!