تسجيل الدخول

مشاهدة النسخة كاملة : مشكله في توصيل النت من البيت للمجلس الله لا يهينكم ،،(صوره توضيحيه)


abdo222
31-10-2010, 12:25 AM
السلام عليكم ،، شحالكم ،، عندي مشكله في توصيل الوايرلس الله لا يهينكم ،،،

الصوره توضح وضع البيت ،، عندي وايرلس راوتر (حق كيوتل) في البيت بس في المجلس الارسال ما يوصل او يوصل خفيف ويقطع،، وماافي بلوق حق النت في المجلس،،

المطلوب :

1- انه النت يوصل بالمجلس (وايرلس)
2- اوصل الريسيفر بالانترنت (كيبل) "بس مب اني امد واير من البيت"

حصلت حل انه في شيئين اسمهم
Range expander + Bridge

مع هال الاثنين الارسال بيوصل المجلس مقوى ويكون في جهاز في المجلس اقدر اخذ منه كيبل للرسيفر،
المشكله: انهم اثنينهم غالين (حوالي الف ريال) و انه هل في جهاز واحد يجمع هال الاثنين !؟
و يشتغل مع راوتر كيوتل !؟
و شلون التوصيل بينهم !؟

يعطيكم العافيه ،،، فمان الله
أبو العمرين
31-10-2010, 09:54 AM
السلام عليكم ..

في كذا حل ياخوي ..

الحل الاول :-

انه لو في جهاز ثابت فالمجلس انه دايما موجود ممكن نركب عليه قطعة اسمها آلفا وهذي ميزتها انها تلقط اشارة الواير لس من مسافات بعيده .. وهي تركب باليو اس بي .. وعن طريق الواير بتركب جهاز واير لس بنخليه هو الي يشتغل مكان البردج

يعني عوضنا الـRange expander + Bridge بقطعة الـ آلفا + جهاز واير لس بنخليه يشتغل بردج

وانا اقدر اوفر لك القطع كاملها مع الاعدادات

ثاني حل واتوقع انه غير مجدي .. والي هو انك تسحب واير من البيت للمجلس في نقطه معينه وتبته فالطوفه وتصير سوكت خاص بالنتورك .. بس على حسب كلامك انه مافي سوكت اصلا يعني بنضطر انه نسحب الواير داخل ترنكات علشان نضمن صلاحية الوايرات بس هالطريقه غير مجديه ومكلفه

انا افضل الطريقه الاولى ياخوي بس يكون عندك جهاز فالمجلس تضمن وجوده هناك لانه هو الي بيوزع النت

واي شي انا حاضر


تحياتي
متسلف وفي الاخير
31-10-2010, 10:14 AM
غير قطع اللفا لاتفكر جرب الالفا وتدعي لي
abdo222
05-11-2010, 10:19 PM
يعطيك العافيه أبو العمرين ،، كفيت ووفيت d: ،، يعطيك العافيه على وقتك والفن
أبو العمرين
07-11-2010, 02:19 PM
الله يعافيك فديتك وماسويت الا الواجب
والسموحه على القصور ^^
ضوى
18-11-2010, 09:24 PM
ابو العمرين ، ممكن توضيح اكثر ؟؟

اشلون يعني جهاز الفا = جهاز ثابت ؟؟ ابي تفصيل اكثر لانه عيالي يعانون من نفس المشكلة
أبو العمرين
21-11-2010, 09:25 AM
ابو العمرين ، ممكن توضيح اكثر ؟؟

اشلون يعني جهاز الفا = جهاز ثابت ؟؟ ابي تفصيل اكثر لانه عيالي يعانون من نفس المشكلة

تم حل المشكله بطريقة ثانيه من غير وايرات توعوار راس ولا جهاز الفا

اذا حاب تعرف الطريقه انا حاضر مع توفير الاجهزة والاعدادات كامله

تحياتي
vtc_4.8
22-11-2010, 07:35 PM
احسن وارخص حل هو جهاز الافا سعره 120 ريال تقريبا (في الدوحه سعره الاصلي اقل) مايقصر ولو بغيت تطوله تشتريله تطويله usb بس 20 ريال تقريبا 15 متر ولا احلى ... او مانفع في اريل او قاعد تنباع بحدود ال60 ريال ينحط بدال اريل الالفا ويكون اقوا منه وبتلقط من الفريج الثاني بعد

بالتوفيق
Marboosh
22-11-2010, 08:01 PM
احسن وارخص حل هو جهاز الافا سعره 120 ريال تقريبا (في الدوحه سعره الاصلي اقل) مايقصر ولو بغيت تطوله تشتريله تطويله usb بس 20 ريال تقريبا 15 متر ولا احلى ... او مانفع في اريل او قاعد تنباع بحدود ال60 ريال ينحط بدال اريل الالفا ويكون اقوا منه وبتلقط من الفريج الثاني بعد

بالتوفيق


لا هنت اخوي , وين احصل هالاريل ؟ والواير بعد ؟
ضوى
22-11-2010, 08:08 PM
تم حل المشكله بطريقة ثانيه من غير وايرات توعوار راس ولا جهاز الفا

اذا حاب تعرف الطريقه انا حاضر مع توفير الاجهزة والاعدادات كامله

تحياتي

والله ودي بهالشئ ، بس شنهي التكلفة ؟؟
Hassan111
25-12-2010, 02:30 AM
في جهاز اتوصله مع الاراوتر او بعدين اتوصله في المهربه كنه بلك عادي او يجي مهاع بلك ثاني تركبه في الهربه في المجلس واتكون وصلت النت من خلال واير الكهربه.

الجهاز موجود في الدوحه في محلات الكمبيوتر.
engalaa_qa
15-02-2011, 11:40 AM
اي مساعدة انا جاهز ممكن تتصل بي و انا لاقيلك الحل
بـنـت ڪرز
16-02-2011, 08:54 PM
عاد شسم الاريل

اقول حق البياع الاريل اللي احسن من الالفا يعني ؟! :secret:
أبو العمرين
20-02-2011, 03:44 PM
اي حد عنده اسفتسار على نفس الموضوع انا حاضر والسموحه على القطعه طول هالفتره

^^ تحياتي