شرايكم في تصميمي حق بنيان الدور الثاني

[wldq6r]

السلام عليكم



مثل ما كتبت في العنوان يغيت رايكم في تصميمي



الصوة الاولى (المرفقات)




الصورة الثانية (المرفقات)




1- هل في اخطاء في التصميم ؟؟ (لان التصميم بدون دراسة نهائياً,مجرد هاوي )

2- اذا عندكم افكار ولا اي حاجة تنضاف للتصميم لا تبخلون علينا




اللحين دور البنيان ,انا صارلي فترة ابي ابني وعندي بعض الاسئلة :

(ملاحظة :البناء بيكون من احسن انواع الكيربي يعني الي يجوفه ما بيعرف انه كيربي)

1-انا كلمة مهندس وقالي البيت يستحمل كيربي فقط ,فهل بناء الكيربي يحتاج شهادة تحمل ؟

2-هل يحتاج استشاري للاشراف على بناء الكيربي ؟ (انا سمعت انه مايحتاج)

3-وش هي احسن شركات الكيربي وكم بيكلفني البنيان تقريباً ؟؟

(153المساحة الاجمالية : متر مربع )


واذا في اي شي لازم انتبه له,نبهونه عليه

والله يعطيكم العافيه

[شموخ دائم]

,

,


مرحبا

الله يعطيك العافيه

اخوي انا بتكلم في الامور الفنيه والقانونيه وبعلق على التصميم في وقت ثاني لانه مسئله تنسيق واحتياجات وكل انسان احتياجه يختلف عن الاخر

بناء دور اضافي تحتاج الى

1- شهاده تحمل من احد المكاتب الاستشاريه وتقدمها للبلديه
2- رخصه بناء من البلديه
3- خريطه للدور العلوي
4- موافقه كهرماء على زياده الاحمال الكهربائيه

ياريت اخوي تحط لنا عمر المنزل كم سنه مضت على بنائه وهل هو منزل خاص او شعبي

نصيحتي اخوي تبتعد عن الكيربي نهائيا للمنزل
الموضوع مو موضوع ( شكل ) الموضوع هو محد بيعطيك ضمان عليه
خاصه ان الكيربي راح يكون في الدور الثاني وهو معرض للامطار
وليس ملحق صغير او مطبخ او غرف خدم او سائق

والقرار الاول والاخير لك

بالتوفيق لك

اخوك



شموخ دائم

[wldq6r]

جزاك الله خير اخوي شموخ دائم

البيت عمره من 14 الى 15 سنة تقريباً
والبيت شعبي رقم المخطط 17

وعن الكيربي انا مجبور اني ابني كيربي لان البيت ما يستحمل غير الكيربي
واذا توفرة اي حلول اخرى فالرجاء ذكرها

[فتى الجود]

الله يوفقك انا مالى تعلييق على التصميم
لانه فيه حرية اختيار وانت اعلم شخص
بمتطلباتك واحتياجاتك


لكن لى تعليق واحد عن السقف

افي رأى انك ماتركب كيربي حاول
يـــأ انك تصب خرسانه
واذا ماتقدرعشان الوزن او التكلفه
ركب نوع من الصبيات

أسمهPrestressed
(( برستسد ))



وهي عباره عن الواح خرسانه جاهزة مصبوبة بس تركبها وتسكرها ببلاستر ويستخدمونها
في بناء الطوابق المتعدده في الأبراج
لسببين :

الأول : المنظر الجمالى

الثاني : الكيربي مزعج بشكل ماتتخيله :
01 ايام المطر
02 حتى لو وقف عصفور على السقف بتسمع صوته
03 غير انه بارد ومزعج في الشتا .
انا مجربه في بيت الزرع والصراحه النوم في الخيمة احسن

طبعاً استشير فيها استشارى عشان يفيدك ويفيدك بالأزان
وأتوقع انه السقف يتحمل وماعليك حتى اذا على التكلفة اتوقع ماراح يفرق كثيير

[بو نايف]

اخوي الازم تحسب حساب الاعمدة الخرسانية اللي طالعه من تحت لانك بتكمل عليها

وهي تحكم في التصميم والتوزيع

[alnoida]

السلام عليكم



مثل ما كتبت في العنوان يغيت رايكم في تصميمي

؟؟

والله يعطيكم العافيه

اذا على التصاميم لا تشيل هم الله مكثرها وله الحمد والمنه

لكن راجع مشاركة الاخوه الاعضاء وبعدها لاحق على التصميم

وهنا بعض التصاميم

[wldq6r]

فتى الجود ,بو نايف ,alnoida
يعطيكم العافية

اخوي فتى الجود :
عن الPrestressed او مايسمى بال Hollow Core
وين ممكن احصله وهل في مقاولين يركبونه

اخوي alnoida :
مشكور على التصاميم وممكن اذا ما عليك امر تعطيني اسم البرنامج الي صممت فيه هذي التصاميم

والله يعطيكم العافيه

[فتى الجود]

فتى الجود ,بو نايف ,alnoida
يعطيكم العافية

اخوي فتى الجود :
عن الPrestressed او مايسمى بال Hollow Core
وين ممكن احصله وهل في مقاولين يركبونه
اخوي alnoida :
مشكور على التصاميم وممكن اذا ما عليك امر تعطيني اسم البرنامج الي صممت فيه هذي التصاميم

والله يعطيكم العافيه



ياخوى ممكن الموقع "" على الخاص "
باحاول أشوفلك أستشارى
هو بيدلك على مقاول مشتغل على نوع الألواح
الPrestressed
من قبل

[ايزو]

اخوي الكيربي ممكن يكون حل اذا ما عندك حل بديل اي ان المبنى القائم لايمكن ان يتحمل الاسقف الخرسانية, بس حاول تختار الشركة المناسبة والتي تعطيك ضمان اكثر من 10 سنوات على شغلها والعادة تكون شركات لها معايير (او ما يعرف بالقطاعات) خاصة لتصاميمها وتكون اغلى شوي بس على المدى الطويل يكون ارخص

[wldq6r]

ياخوى ممكن الموقع "" على الخاص "
باحاول أشوفلك أستشارى
هو بيدلك على مقاول مشتغل على نوع الألواح
الprestressed
من قبل

والله انا لحد اللحين ما اقدر استخدم الخاص لاني عضو جديد بس ممكن احطه في المنتدى

وانا مادري وش تقصد من الموقع هل هو موقع البيت ؟؟

[jassimqtr]

اول شي روح لمركز العربي للمختبرات عشان ياخذون فحص حق العمدان ويقولون لك كم نيوتن او كم قوة الكسر للخرسانه عقبها انطلق بالمشوار وحدد اذا تبي كيربي او خرسانه او قرميد وانصحك لا تروح لشركة التيسير لان فحوصاته غير صحيحه بياخذون فلوسك ويعطنج نتيجه راسبه وماراح تقدر تبني خرسانه هذا الشي صار معي وعن تجربه واي استفسار تبي تعرفه عن هالموضوع راسلني وبافيدك بتفاصيل اكثر وادق

[فتى الجود]

والله انا لحد اللحين ما اقدر استخدم الخاص لاني عضو جديد بس ممكن احطه في المنتدى

وانا مادري وش تقصد من الموقع هل هو موقع البيت ؟؟



مكان البيت

وهل تبي رقم الاستشارى ؟

[wldq6r]

البيت في الخريطيات


وانا اللحين حصلت استشاري
في مكتب الجزيرة للمقاولات
الموجود في عماره في المحطه
الي عند دوار الجوازات

شرايكم فيه

[بوغانم8]

السلام عليكم أخووي

أنا الله يسلمك عندي للك حل احلى

في شركة تركب اسفنج مدبل باسياخ حديد واذا عطيته بلاستر يصير جنه طوووفه
في شرررركة بنت منه اربع فلل في منطقة ام صلال علي والحين خلصت الفلل

اذا للك خاطر تشووف طرش لي على الخاص

أو اي احد من الاخوان يبي يشوووف لاني بصررراحة ماصدقت عيوووني الا لما شفت بعيوووني ولما سئلت عن هالبنيان قالوا لي ان هالفكرة وليدة من شرق اسياء لان الزلازل تكثر عندهم ولما تصير الكارثة ما يصابون باضار كثيرة بعكس البنيان الحالي

كيفية البناء :

من القاعدة يزرع للك اسياخ من القاعدة بحدود مترين ويركب الاسفنج بداخل هالسياخ وبعدها يعطية بلاستر مع الاسياخ يسير جنه طوووفه عادية

لما تشوووفون بتصدقون كلامي ان شا الله

وموووفق الغالي

[wldq6r]

السلام عليكم أخووي
في شركة تركب اسفنج مدبل باسياخ حديد واذا عطيته بلاستر يصير جنه طوووفه
في شرررركة بنت منه اربع فلل في منطقة ام صلال علي والحين خلصت الفلل
وموووفق الغالي

وعليكم السلام

بس هذي يصير حق السقف ولا بس حق الطوفه

ممكن مكان الفلل بالظبط عشان اجوفه

ويعطيك العافية

[wldq6r]

اخوي الازم تحسب حساب الاعمدة الخرسانية اللي طالعه من تحت لانك بتكمل عليها

وهي تحكم في التصميم والتوزيع

يعطيك العافية بو نايف

والله ما فهمت ردك الا يوم رحت حق مهندس وعطيتىه تصميمي
قالي كل التصميم غلط لانه مش فوق العمدان

فانا حاليا اصمم تصميم جديد على اساس العمدان

[jassimqtr]

لا تستعجل في اتخاذ اي قرار لانه هذا بيت فانا اقولك الحل المناسب قبل كل شي اخذ عينات من بعظ الاعمده وحللهم وشوف تقرير المركز ومن عقبه بتقرر اذا بتسويه خرسانه او كيربي او اسفنج او قرميد اللي ودك بس قبل كل شي لازم تقرير مختبري وهو بيحدد البناء عقبه انت قرر على كيفك واذا تبيني اساعدك فالموضوع طرش رقمك على الخاص وانا بساعدك وقولك خطواتها

[wldq6r]

السلام عليكم

حصلت واحد بيبني لي ملحق كيربي ب57500 ريال

الملحق مساحته 77 متر مربع وبيكون اضافة للدور الثاني
والكيربي بيكون سعودي (على كلامه انه احسن نوع)
وبيكون كامل (تسليم المفتاح)

لا هنتو رايكم ونصيحتكم


وهذي صورة التصميم الجديد

[حسن إمام]

السلام عليكم

نصيحه لا تستخدم الكيربي و تيقن ان دائما هناك حلول هندسية لكل مشكلة. أعتقد أن إستخدامك للكيربي لهدف إما السعر أو الأحمال. و الحلول للأثنين موجودة و يمكن عمل حل بناء على متطلباتك و لكن في نفس الوقت يكون بيت مريح لك في المستقبل. بالنسبة للبريستريسد أو Hollow Block هو حل جيد للأحمال و المتانة و الشكل و لكن تكلفة تركيبه عالية نظرا لاستخدام معدات و عمالة بكمية كبيرة. يمكن أن نمدك بالدعم الفني.

ملحوظة نحن شركة مقاولات و الدعم الفني و النصيح هو رأي إسترشادي للعميل و نقوم به بدون مقابل

[فواز1976]

السقف تقدر تعمله شينكو وتصب عليه صبه خفيفه 5 سم تعمل عازل صوت وفوقها تعمل عزل مائي وحراري

بالنسبه للتصميم ......

1 لا يوجد مكان للتخزين
2 مساحه حمام الغرفه الرئيسيه كبير لكن غير مستغل .... يعني في نظري كان تقدر تعزل المرحاض عن باقي الحمام ...... تقدر تكنسل البديه (الشطاف) تستفيد مساحه اكبر لانه ماله داعي ...... مافي داعي تصغر الحمام المجاور لاجل تحط ستاند شور بينما الحمام الرئيسي يتسع له
3 عن تجربه المغطس الزاويه كبير بالفاضي وياخد مويه كثير عشان يمتلئ .... تقدر تسحط محله جاكوزي 90 * 190 افضل
4 بسم انه المطبخ مفتوح على الصاله احرص على تصميم مروحه الشفط (اكزوزت هود ) انه يكون يغطي فوق الفرن ..... عشان يسحب الادخنه والابخره ....... كما انك تقدر تنزل زي اللوح 40 الى 60 سم من السقف على اطراف المطبخ بالجهتين الي متصله بباقي الملحق عشان يحجز الادخنه من انها تنتقل الى باقي الملحق
5 ادا كان باقي السطح فاضي وتقدر تستخدمه ..... فانصح انك تغير توزيع الغرف بحيث انك تخلي الصاله والمطبخ والغرفه الرئيسيه يطلون على السطح ......بس المهم انك تضبط السطح كانه حديقه بانك تحط عشب صناعي واحواض شتلات ....... وتعلق ديكور الخشب او الخشب الصناعي على سور السطح وتحط نباتات المتسلقه تحته بيعطي منظر ولا احلى

[sweety]

بالتوفيق ان شاء الله