المساعد الشخصي الرقمي

مشاهدة النسخة كاملة : افيدوني .. عن ماليزيا .. جزاكم الله خير


QatarSupport
31-10-2010, 08:59 AM
السلام عليكم ورحمه الله وبركاته

اخوكم محتاج مساعده و معلومات بخصوص ماليزيا

كــ " شهر عسل " :shy:

ياليت تفيدوني بـمعلومات عن ماليزيا من كافه الامور

فنادق و مدن و اماكن سياحيه اللي تصلح لناس توهم متزوجين

و اكوون شاكر لكم :nice:
بسك يازمن
31-10-2010, 09:18 AM
اولا الف مبروك وعسى ربي يوفقك في زواجك ويرزقك الذريه الصالحه

اما عن ماليزيا، فالافضل تكتب متى بتروح، لان صيفهم يبدأ من مارس تقريبا، يعني حر شديد ورطوبه عاليه

احى منطقه في رأيي هي جنتنغ، وهي منطقه جبليه وبارده وحلوه وفيها مدينه ملاهي، عشان تتشبب :-)

وفي العاصمه شارع اسمه شارع العرب قريب من فندق ماريوت، على فكره انصحك بالسكن فيه لانه روعه ومكانه روعه

وباقي السياحه تكون في الجزر خارج العاصمه

انصحك تروح سنغافوره، قريبه، حوالي ساعه بالطائره، بعد حلوه ونظيفه كأنك في اوروبا لولا الطقس

ماليزيا تعتبر غاليه اذا قارنتها ببانكوك، لانن عملتها صارت غلى من الريال القطري، يعني تصرف كانك في قطر

ربي يوفقك

على فكره، ابحث من مواقع السفر والسياحه عندهم معلومات اكثر
SKYTECH
31-10-2010, 09:27 AM
السلام عليكم
بخصوص المدن عندك ثلاث مناطق
كوالالمبور - بينيق - لانكاوي - جنتيق هاي لاند

المدة
كوالامبور 4-5 ليال
بنينق 4-5 ليال
لانكاوي 2-3 ليال
جنتيق هالاند 2-3 ليال وبتقدر تروح عليها من كوالامبور - الماسفة 25 كم بس الميزة انه الجو رهيب في جنتق هايلاند

الفنادق :
كوالامبور عندك escort hotel بصراحة عجيب وواسع ورخيص وراقي
لانكاوي sheraton بعطيك جو رهيب وما لك خاطر تطلع من الفندق
جنتيق هايلاند هو فندق واحد
بيناق rasasaysa ملكي وقريب من كل المطاعم والمناطق السياحية وعلى البحر

بخصوص المواصلات
نصيحتي ما تحجز من الدوحة روح هناك وبتلاقي الف واحد احسن وارخص وبيقعد معاك طول اليوم

المناطق السياحية بتختلف من شخص لاخر بس اظن اني طولت عليك ومللتك فاسمحلي على القصور
هند88
31-10-2010, 10:47 AM
الف مبروك ..:nice:

بس مانصحك في ماليزيا لشهر العسل وايد متعبه:rolleyes2:
مادري ليش الناس متولعه فيها
دامكم معاريس جدد روح مكان مايكون تعب:victory:
روح المالديف :)
http://www.qatarshares.com/vb/showthread.php?t=410163
بوجاسم 2009
04-11-2010, 10:46 AM
الله يوفقك في زواجك ويرزقك الذريه الصالحه

انا ان شاء الله رايح ماليزيا في نهاية الشهر

جدولي بيكون

يومين في سيلانجور - فندق صن واي لاجون
3 ايام لنكاوي - فندق هوليدي فيلا
3 ايام بينانج - فندق هوليدي ان
5 ايام كوالالمبور - فندق ماريوت

يعني اسبوعين في ماليزيا

تحياتي