استفسار

[mariamm]

السلام عليكم ورحمة الله وبركاته

حبيت استفسر منكم بخصوص شهر العسل في شهر 2

اذا شخص ميزانيته 50 الف وين افضل مكان يروح له لشهر العسل في شهر 2

انتظر منكم الرد

[mariamm]

up

up


up

[MAZEN37]

ماليزيا بدون تردد

[Mohammed.a]

ماليزيا حلوه
لو تحسبيها
20 الف تذاكر من الدوحة بزنزس و داخل ماليزيا اقتصادية
10 او 15 الف فنادق
والباقي تنقل وترفيه
( التسوق برع الحسبه )

[بنت السندباد]

ماليزيا وسنغافورة ,

[mariamm]

والله ودي اروح اوروبا بس المشكلة هالوقت عندهم برد

البرد يهووون بس ياخوي مطر وما نقدر نستانس

واشلون الجو شهر 2 في ماليزيا ؟؟

[منصوربن حمد]

اذا اسبوعين بدون مشتريات قوية انصح لندن

[ابو خليفه]

الله يسعدج في سفرتج وين ماتكوووونين

المهم نصيحتي لج ابعدي عن اوروبا في شهر2 لاسباب كثيرة

وانصحج بالجزر سواء مالدييف او سيشل

[كايد الوكره]

ماليزيا بدون تردد
شهر 2 الجو باااااااااارد ثلج

مراح تستانس , من شده البرد

( ماليزيا - سنغافوره - جزر المالديف )
وانصحك كـــ تجربه ماليزيا

[باسكن روبنز]

ماعرف ،
بس حبيت آقولج مبروووك الزواج ، :)

[mariamm]

تسلمون وما قصرتوا على ردودكم

والله خاطري اروح جزر المالديف بس احس بتملل لان مدة السفرة بتكون اسبوعين

وكان ودي اروح اوروبا بس برد والله قهر

يعني مالي غير ماليزيا :(

[قطريه ماركه]

المالديف ....

[captin]

غير ماليزيا وسنغافورة مثل ما اذكروا الأخوان

انصح أيضا استراليا جولد كوست في شهر فبراير الجو يكون عندهم
ربيعي وممتاز ويكون عندهم موسم السياحة الأوربية وايضا السياحة من اليابان والصين
جولد كوست تقع في مقاطعة اسمها كوينز لاند واقرب مطار لها هو
مطار بريسبن وعلى فكرة تطير لها طيران الاتحاد مباشرة من ابوظبي
وهذا رابط لمقاطعة كوينز لاند واهم المعالم السياحية اللي فيها
ومن ضمنها جولد كوست
http://www.queenslandholidays.com.au/
وهاذي معلومات ايضا من خلال احد المواقع العربية عن جولد كوست
http://travel.maktoob.com/vb/travel19951/


بالنسبة للطيران عندج أكثر من اختيار

رحلة مباشرة على القطرية الى مدينة ملبورن او مدينة سيدني ومنها
طيران داخلي الى جولد كوست

رحلة بتوقف بسيط في ابوظبي ومنها الى مدينة بريسبن ومنها الى جولد كوست بالسيارة

رحلة عن طريق ماليزيا والتوقف لمدة ليلة ثم المغادرة الى بريسبن ومنها الى جولد كوست
وفي طريق العودة التوقف بماليزيا لمدة 4 او 5 ايام قبل العودة الى الدوحة على القطرية

رحلة على القطرية الى سنغافورة وتغيير الى الطيران السنغافوري او الاسترالي وتكملة الرحلة الى بريسبن والعودة الى سنفافورة والتوقف بها لمدة 3 او 4 يام للتسوق ثم العودة على القطرية الى الدوحة.

بالنسبة لميزانية 50 الف ريال تقدرين تروحين بها لكن السفر يكون على الدرجة السياحية والفنادق تكون 4 نجوم والتنقل بواسطة المواصلات العامة والتقليل من المشتريات

بالنسبة لمبلغ 50 الف ريال تسوي شغل كثير للأوروبيين يقدرون يلفون بها 4 دول في ظل ضبط النفقات وعدم الشراء العشوائي.

وفي النهاية انصح تمرين على شركة طيران الاتحاد مكتبهم جنب السنتر وتسألينهم عن تكاليف الرحلة كاملة بالسكن الى بريسبن وبعدها تمرين سفريات ريجنسي وتسألين ايضا عن تكاليف الرحلة كاملة وتسوين مقارنة وتاخذين القرار المناسب وتحددين على ضوء ذلك الوجهة المناسبة

رحلة سعيدة ان شاء الله

[mariamm]

تسلمون وما قصرتوا

تسلم اخوي كابتن ما قصرت على المعلومات

وان شاء الله بمر السفريات وبشوفهم

يعطيك العافية اخوي

[يحفظك ربي]

بالتووفيق اختي وان شاء الله تكون رحله سعيده وموفقه :)