لكل موظف/موظفه بالمنتدى ممكن دقايق ؟؟؟؟؟؟

[بنت قطريه]

ا
لسلام عليكم ورحمة اله وبركاته .....

حبيت أطرح هالمووضوع للنقاش لان ودي اوصل لعده نقاط رئيسيه لاني لاحظ هالفترة اشوف معظم اللي اعرفهم دايما يفكرون يغيرون شغلهم وبالذات في القطاع الحكومي وبصراحة أنا نفس الشي بس لكل شخص أسباب معينه يعني من المشاكل اللي واجهتني بشغلي الاحباط ومهما اسوي وابذل من جهد تقدريري يكون نفس غيري واذا تكلمت معناتها اني اسوي مشاكل واعرقل سير العمل يعين بالعربي لازم اسكت وكل ماقلت لهم اني استحق منصب ومسمى افضل دايما مديري يكرر علي نفس الجمله احنا في وزارة والحكومة ماتقدر موظفينا ؟؟؟ طيب ليش ؟؟؟ ودي اعرف انا بروحي احس بالاحباط وبالقهر لما اداوم من الساعه 7 والقى الوزارة فاضيه وغيري يداوم 8 ونص ولما اطلع الساعه 1ونص وغير يطلع 12 ونص والقهر في التقييم هي تاخذ ممتاز وأنا نفس الشي :eek5: زين شلون ؟؟؟؟ وين الخلل اللي انا توصلت له انهم مايحبون يزعلون ولا يضايقون حق لكن انت تصيدتك سكته قلبه ويرتفع عندك الضغط عادي ؟؟؟ والمشكله تلتزم طول السنة وماتاخذ اجازة بس تمرض أو يصيد بعض الموظفات ظروف الحمل والولاده خلاص حطوها في البلاك ليست ومعناتها هي انسانه مهمله ليش مب حق الموظفه ولا لا ؟؟....... اتمنى من كل موظف/ موظفه يتكلم عن الاتي :

1- العمل بقطاع حكومي/ قطاع خاص؟؟
2-عدد ساعات العمل ومدى الانضباط؟
2- يوجد عمل اضافي للموظفين والموظفات أو على فئة خاصه ؟
3-هل يوجد تقدير ملموس للعمل الذي يتم القيام به؟
4- هل يتم التمييز بين الموظف الملتزم والغير ملتزم ؟
5- المميزات والمساوئ؟
6- الراتب يوازي الجهد المكلف به الموظف أقل أو أكثر؟
7- هل توجد حوافز أخرى تشجع الموظف على تقديم اقتراحات في العمل ؟؟



انتظر اجاباتكم :nice:

[kooool]

لي عودة

[روح الاطلس]

العمل بقطاع حكومي/ قطاع خاص؟؟

حكومي

2-عدد ساعات العمل ومدى الانضباط؟

6 ساعات الانضباط بالدقيقة والثانية اصلا مافي تسيب واللي يتسيب خصم من الراتب على طول

2- يوجد عمل اضافي للموظفين والموظفات أو على فئة خاصه ؟

فيه بس للي يضطرون يقعدون ساعات اضافية يعني بموافقة المدير

3-هل يوجد تقدير ملموس للعمل الذي يتم القيام به؟

لا يوجد - بل العكس هناك حرامية جهد يعني نجتهد وغيرنا يلصق نفسه معنا وهو ماسوى شي

4- هل يتم التمييز بين الموظف الملتزم والغير ملتزم ؟

لا

5- المميزات والمساوئ؟

يبي لها قائمة والحين راسي يوجعني السموحه

6- الراتب يوازي الجهد المكلف به الموظف أقل أو أكثر؟
نعم يوزاي الحمدلله


7- هل توجد حوافز أخرى تشجع الموظف على تقديم اقتراحات في العمل ؟؟

لا يوجد اي حافز حتى لو قدمنا مشروع يعتبر فريد من نوعه وغير مطبق بأي جهه اخرى الحال سيم سيم

[بنت قطريه]

لي عودة

انتظر الاجابات الصريحة :ok:

[**هـتــــــان**]

موضوع يوجع الراس :(

[بنت قطريه]

موضوع يوجع الراس :(


إذا كان مجرد موضوع ويوجع الراس ...... عيل شلون اللي يعيش هالشي بالواقع .....
اشكر مرورج أختي

أتمنى الردود تكون منها فايده واجابات عن الواقع اللي نعيشه وشكرا

[حقيقه]

للاسف الموظف الملتزم مب ماخذ حقه

عكس الموظف الثاني اللي لاعب لعبته في الاداره

[ام علي1981]

الله يرحمنا والله الدوام للساعة 3 طويييييييييل خاصة انه مايمدينا ندرس عيالنا

[غايه الطواش]

1- العمل بقطاع حكومي/ قطاع خاص؟؟
شبه خاص
2-عدد ساعات العمل ومدى الانضباط؟
8 ساعات ولكن بسبب ضغط الشغل اداوم مالبين 9 الى 10 في اليوم
2- يوجد عمل اضافي للموظفين والموظفات أو على فئة خاصه ؟
السنير ستاف عندنا مالهم عمل اضافي الا اذا داوموا الجمعه والسبت
3-هل يوجد تقدير ملموس للعمل الذي يتم القيام به؟
تقدير كبير جدا جدا
4- هل يتم التمييز بين الموظف الملتزم والغير ملتزم ؟
نعم
5- المميزات والمساوئ؟
صعب حصرها بس الي يقهر راتب الموظفه اقل بكثير من راتب الموظف مع ان نعمل نفس العمل او احيان اكثر والقهر انا مسؤلة موظف ياخذ اكثر مني
6- الراتب يوازي الجهد المكلف به الموظف أقل أو أكثر؟
لايوازي اقل بكثير لدرجه اني لقيت عرض بشركه ضعف راتبي ولكن ب 3 درجات وظيفيه اقل ...
7- هل توجد حوافز أخرى تشجع الموظف على تقديم اقتراحات في العمل ؟؟

اي نعم اقدم اقتراحات وتم تعميمها على الاداره كامله واثرت بشكل كبير في مجال العمل الي احنا فيه وتم وضع الاقتراحات في البولسي الخاصه بالاداره
وكتبت عده اقتراحات شي قدمته وشي لين الحين لكن مبدئاً الي قدمته تم الموافقه عليها بشكل شفهي

[R 7 A L]

مرحباً اختي
حياك الله واشكرك على لطرح


بالنسبة للاسئلة




- العمل بقطاع حكومي/ قطاع خاص؟؟
في القطاع الخاص


2-عدد ساعات العمل ومدى الانضباط؟
8 ساعات وكلها اداومها ولا دقيقة اتاخر او اطلع قبل انتهاء العمل
2- يوجد عمل اضافي للموظفين والموظفات أو على فئة خاصه ؟
يوجد عمل اضافي عندما يتطلب العمل وقتاً اطول


3-هل يوجد تقدير ملموس للعمل الذي يتم القيام به؟
اكيد في تقدير والحمدلله سابقاً عندما كان المدير اجنبي لا يوجد اي تقدير وعندما صار المدير قطري وجدنا التقدير


4- هل يتم التمييز بين الموظف الملتزم والغير ملتزم ؟
نعم يوجد تمييز بين الموظفين التزمين غيرهم


5- المميزات والمساوئ؟
طول ساعات العمل اليومي واجازات الاعياد قصيرة جداً هذي هي المساوي
بالنسبة للمميزات التقدير من قبل المدراء والمحبة والاخوة بين الموظفين


6- الراتب يوازي الجهد المكلف به الموظف أقل أو أكثر؟
لا والله الراتب اق من الجهد المبذول


7- هل توجد حوافز أخرى تشجع الموظف على تقديم اقتراحات في العمل ؟؟
نعم توجد حوافز وتقدير سنوي للموظفين المتمزيون




اشكرك اختي مرة خرى
وعساك على القوة

[حنان الدنيا]

1- العمل بقطاع حكومي/ قطاع خاص؟؟
اعتقد حكومي :rolleyes2:

2-عدد ساعات العمل ومدى الانضباط؟
الحمدلله انضبط ومرات اتاخر ربع ساعه وتقريبا 8 ساعات

2- يوجد عمل اضافي للموظفين والموظفات أو على فئة خاصه ؟
ايه في

3-هل يوجد تقدير ملموس للعمل الذي يتم القيام به؟
لا مافي

4- هل يتم التمييز بين الموظف الملتزم والغير ملتزم ؟
ايه

5- المميزات والمساوئ؟
لا مميزات بصراحه عندنا والمساؤى ياكثرها

6- الراتب يوازي الجهد المكلف به الموظف أقل أو أكثر؟
الحمدلله على كل حال بس لا مايوازي الشغل ولا الدرجه

7- هل توجد حوافز أخرى تشجع الموظف على تقديم اقتراحات في العمل ؟؟
:tease: مافي ولاحد يسمع

[بور بلاك]

الراتب لا يوازي الجهد المكلف به الموظف

يعني انااا موظف من سنة 2002 ومتزوج والشهادة ثنوية وعندي عيل واخر شي راتبي 12 الف

لا ويبوني اداوم من الساعه 7 ونص لين الساعه 1 ونص والله حراااام :weeping:

[ام اصائل]

العمل بقطاع حكومي/ قطاع خاص؟؟
في القطاع حكومي

2-عدد ساعات العمل ومدى الانضباط؟
8 ساعات وكلها اداومها ولا دقيقة اتاخر او اطلع قبل انتهاء العمل

2- يوجد عمل اضافي للموظفين والموظفات أو على فئة خاصه ؟
يوجد عمل اضافي عندما يتطلب العمل وقتاً اطول


3-هل يوجد تقدير ملموس للعمل الذي يتم القيام به؟
لا يوجد اي تقدير للأسف

4- هل يتم التمييز بين الموظف الملتزم والغير ملتزم ؟
نعم يوجد تمييز بين الموظفين التزمين غيرهم


5- المميزات والمساوئ؟
لا مميزات بصراحه عندنا والمساؤى ياكثرها


6- الراتب يوازي الجهد المكلف به الموظف أقل أو أكثر؟
لا والله الراتب اقل من الجهد المبذول


7- هل توجد حوافز أخرى تشجع الموظف على تقديم اقتراحات في العمل ؟؟
لا توجد حوافز وتقدير سنوي للموظفين المتمزيون




اشكرك اختي وعساك على القوة يارب

[ضوى]

1- العمل بقطاع حكومي/ قطاع خاص؟؟

حكومي بحت

2-عدد ساعات العمل ومدى الانضباط؟

من 7ونص لين 1.45 والانضباط الحمد لله مية مية

2- يوجد عمل اضافي للموظفين والموظفات أو على فئة خاصه ؟

فئة خاصة للي يشتغل خارج اوقات الدوام الرسمي وبالعدد هم 3 :)

3-هل يوجد تقدير ملموس للعمل الذي يتم القيام به؟

نعم وبشكل كبير جدا

4- هل يتم التمييز بين الموظف الملتزم والغير ملتزم ؟

بكل تأكيد وخاصة في تقييم الاداء

5- المميزات والمساوئ؟

المميزات الراحةالكبيرة التي اشعر بها وانا اعمل صباحا ، يعني اشتغل وانا احب الشغل ماشتغل لاجل الراتب بس ، احب اعطي شغلي جهدي في الوقت المطلوب وعيوب بمعنى عيوب لا يوجد ولا يعني هذا عدم وجود بعض المعوقات لاداء العمل بشكل افضل

6- الراتب يوازي الجهد المكلف به الموظف أقل أو أكثر؟

الحمد لله جدا راضية براتبي

7- هل توجد حوافز أخرى تشجع الموظف على تقديم اقتراحات في العمل ؟؟

حوافز من مدير الادارة نعم وبشكل شخصي منها هي تحديدا :)

صباحكم خير