باااااااااااااااااااص كروه..!

[MAZEN37]

معقول كل هذا بااص شدعوه !

يعني الشوارع ضيقه على هالباصات
فيه قياس اصغر ,تشوف الباص يوم يلف سالفه تقول قافله لافه ويا ويلك لو انت حذاه على الدوار
ناهيك انه الباص وايد عالي وكم حادثه صارت وتوفوا اطفال لانه مب شايفهم( السواق)
وبعدين كروه الحين منقعين الناس في فيلاجيوا طابور شدعوه طابور على تاكسي
صج الي ذلووهم روحوا شوفوا امس شايفهم (الحمدلله الي عندي سياره :) )

بصراحه باعتقادي لازم يفكون الاحتكار عن هالقطاع .
:telephone:

[الأصيلة]

أما حجم بعض الباصات فعلا ضخم ...
كانه باخره كبيرة...

[Ghroor]

حجم ضخم والسواقين مو متدربين عليه
والله سواقتهم مرعبة ومخيفة وخطرة جداً
وحتى حجم باصات كروة المخصصة للمدارس
كبير جداً وبالتالي يستوعب أكثر من منطقة
وآخر طفل يوصل البيت بعد ساعتين
حرام على كروة.. سوء حسابات مخجل

[أم غانم]

تَايتانيك ..

وياليت الدريولية اللي حاطينهم يعرفون يسوقون والله الواحد يخاف يمشي أحذاه شوي ويطيح

يمكن باص لندن أصغر منة ؟؟

[سكرمر]

وين الباص؟

[simsim1963]

التنسيق معدوم بين الهيئات والشركات العامه وهذي النتيجه باص ما يلائم صغر الشوارع وضيقها . لاحظوا حاجه وحده وين دور وحده التخطيط في الداخليه ؟؟؟؟ أتسائل الآن هل يوجد تنسيق بين أشغال وقسم التخطيط في الداخليه وهيئه التخطيط ؟ أشك في ذلك أو أن التنسيق غلط ليش الشوارع ضيقه كأنهم يتعمدون الى خلق زحمه فعلا .

[باسكن روبنز]

آي والله آنه باص لندن آصغر منه ،

[بوخالد911]

يبييله تصغير حجم
resize

:)

[MAZEN37]

أما حجم بعض الباصات فعلا ضخم ...
كانه باخره كبيرة...
بس الباخره في البحر !


حجم ضخم والسواقين مو متدربين عليه
والله سواقتهم مرعبة ومخيفة وخطرة جداً
وحتى حجم باصات كروة المخصصة للمدارس
كبير جداً وبالتالي يستوعب أكثر من منطقة
وآخر طفل يوصل البيت بعد ساعتين
حرام على كروة.. سوء حسابات مخجل
نقطه جميله وصحيحه كل ما كبر الباص تاخر الطالب عن البيت
لين ما يترسووه شفت التاثير


تَايتانيك ..

وياليت الدريولية اللي حاطينهم يعرفون يسوقون والله الواحد يخاف يمشي أحذاه شوي ويطيح

يمكن باص لندن أصغر منة ؟؟
اغلب الدريوليه مستقدمين حديثا


التنسيق معدوم بين الهيئات والشركات العامه وهذي النتيجه باص ما يلائم صغر الشوارع وضيقها . لاحظوا حاجه وحده وين دور وحده التخطيط في الداخليه ؟؟؟؟ أتسائل الآن هل يوجد تنسيق بين أشغال وقسم التخطيط في الداخليه وهيئه التخطيط ؟ أشك في ذلك أو أن التنسيق غلط ليش الشوارع ضيقه كأنهم يتعمدون الى خلق زحمه فعلا .
زحمه يا دنيا زحمه - لا تنسى كاس العالم


آي والله آنه باص لندن آصغر منه ،
لندن همهم تقليل البترول بس هنا الله يزيدهم


يبييله تصغير حجم
resize

:)
وش استفدنا من الفلوس الي نصرفت:weeping:

[كازانوفا]

بالفعل يخت مركبين له تواير

[MAZEN37]

بالفعل يخت مركبين له تواير
:omg: يخت

[@north_star@]

المفروض حجم الباصات يتناسب مع الشوارع وباصات كروة الكبيرة المفروض بس للخطوط الخارجيه او الهاي وي أما داخل المدن المفروض يكون حجم الباص من متوسط الى صغير .....وفعلا سواقين كروة يوم يلفون تقول يلف بقطار لانه اصلا الباص حجمه بليه

[بنت ابوها 19]

هههههههههههههههههههههههههههه


على بالهم قاعدين في بريطانيا


يمشون على نظامهم


بذمتكم هم وووووووووووين واحنا وين وبلادهم وين وبلادنا وين

[vtc_4.8]

صادق وايد وايد كبير

اتكلم عن مال المدارس كأنه سفينه تتحرك في الشارع اليوم واحد طلع فويهي من اللفه وانا كنت قريب واايد لو موتر صارلون ماسواها يمكن

المشكله معاه بزران جان رويته

وحتى عالعدوار يلصق فيك تحس انه بيدعمك
ماينلام وايد كبيره الباصات

[وهم قطر]

ماخذين حتياطهم لاستضافه كاس العالم :victory:

[تاجر121]

ماخذين حتياطهم لاستضافه كاس العالم :victory:

انا غير مؤيد لاستضافة كاس العالم
وهذا لمصلحة الشعب والمقيم

[die 4 qtr]

المدارس ماتحتاج باصات ضخمه لان اغلبية الطلاب في سياارات

مب مثل ايام قبل كلنا باصات الحين اللي في الباصات ينعدون ع الاصابع

[MAZEN37]

المدارس ماتحتاج باصات ضخمه لان اغلبية الطلاب في سياارات

مب مثل ايام قبل كلنا باصات الحين اللي في الباصات ينعدون ع الاصابع
زين ليش الاصرار:anger1: حرام صح
كل الناس تقول انه كبير وماله فايده

[R 7 A L]

نتمنى ان نشوف شركات اخرى غير كروة

مثل ماهو في ( دبي )

مستحيل تنتظر تكسي اكثر من خمس دقايق عند اي مجمع

[moh80]

بس اظن ان الدفعة الجديدة من الباصات اصغر و شكلها احلى