ابغي اسوي مشغل نسائي ومحتاجه رأيكم

[danh]

السلام عليكم

مثل ما قريتوا العنوان ابغي اسوي مشغل نسائي ومب عارفه كيف ابتدي ..

مشاغل نسائية عندنا اعتقد ما فيه واذا فيه يا ليت تعلموني حتى اروح لهم وأسأل عن بداياتهم ..

وبعد ابغي اعرف موقع مناسب اروح ادور فيه عن فيلا للمشغل وين تشوفون منطقة مناسبة ...؟

وكم بيكلفني المشروع كله بين خياطيين وماستر خياط ( مصمم ) وهالشغلات

انتظر ردودكم وآراائكم :discuss:

[حمد 2002]

يمكن تقدرين اتسوينه بشقه تجاريه ، انشاءالله الاخوان ايفيدونج اكثر

[محمودعلى]

فكرة جميلة وليها سوق

كان عندي تخيل للخطوط العريضة للفكرة بس ما اعرف ارفع ملف على المنتدي مش عارف لية ؟

عموما ً ربنا يوفقك

[danh]

يمكن تقدرين اتسوينه بشقه تجاريه ، انشاءالله الاخوان ايفيدونج اكثر

والله شقه صعب

على العموم مشكور اخوي

[المليونير الفقير]

مشروعج براي ممتاز جدا وخصوصا ان هالايام الي محتكرين السوق النسائي هنود بالتحديد الخياطين فتوكلي على الله وتمي مشروعج وانا اقولج من الحين مبروك عليج الارباح

[بوعيسى1]

مشغل نسائي ما فهمنا منه شيء قصدج مشغل حق يونيفورم الخدم وملابس المدرسية
ولا قصدج الازياء النسائية .

لو تبغين تفتحين مشغل فاعتقد النيباليين فنانين في الخياطة
والمفصل لازم يكون هندي لانهم اهل الخبرة في التفصيل

ولو تحبين تفتحين محل الازياء يعني تبين تطلعين تشكيلات وموديلات
فاعتقد تحتاجين الى مصمم وانصحج بمصصمة لبنانية او فلسطينية لان ازواقهم حلوة
ولو تحبين تزيدين شي من ازياء الغربية فعندج مصصمة فلبينية او مصمم فلبيني
ولو احتجتي الى اي معلومة ما يسير خاطرج الا طيب

[danh]

فكرة جميلة وليها سوق

كان عندي تخيل للخطوط العريضة للفكرة بس ما اعرف ارفع ملف على المنتدي مش عارف لية ؟

عموما ً ربنا يوفقك

اخوي .. ارسلت لك على الخاص من امس ما رديت علي

بانتظارك

[danh]

مشروعج براي ممتاز جدا وخصوصا ان هالايام الي محتكرين السوق النسائي هنود بالتحديد الخياطين فتوكلي على الله وتمي مشروعج وانا اقولج من الحين مبروك عليج الارباح

مشكور اخوي لتشجيعك ..

جزاك الله خير

[danh]

مشغل نسائي ما فهمنا منه شيء قصدج مشغل حق يونيفورم الخدم وملابس المدرسية
ولا قصدج الازياء النسائية .

لو تبغين تفتحين مشغل فاعتقد النيباليين فنانين في الخياطة
والمفصل لازم يكون هندي لانهم اهل الخبرة في التفصيل

ولو تحبين تفتحين محل الازياء يعني تبين تطلعين تشكيلات وموديلات
فاعتقد تحتاجين الى مصمم وانصحج بمصصمة لبنانية او فلسطينية لان ازواقهم حلوة
ولو تحبين تزيدين شي من ازياء الغربية فعندج مصصمة فلبينية او مصمم فلبيني
ولو احتجتي الى اي معلومة ما يسير خاطرج الا طيب

اخوي المشغل النسائي خياط للجلابيات فساتين الاطفال والنساء والعبايات وممكن تغليف هدايا عمل ملاحف عطور و بخور يعني كل مستلزمات النساء وبنتدرج طبعا مش كل هذا اول ما افتح بسويه لحد ما ندخل على اليونيفورم والملابس المدرسيه..

افكر اجيب مصممه فلبينية افضل والنيباليين لو الموت ما جبتهم مشاكلهم كثيره وما عندهم تفاهم :(

بودي فقط اعرف مشروع مثل هذا كم بيكلفني وافضل موقع من وجهة نظرك ادور فيه على فيلا .. بالغرافه ولا بالخريطيات ...ولا الدفنه ..

[العـوا]

محتاجه دراسة جدوى للمشروع قبل اي شيء

[بوعيسى1]

اخوي المشغل النسائي خياط للجلابيات فساتين الاطفال والنساء والعبايات وممكن تغليف هدايا عمل ملاحف عطور و بخور يعني كل مستلزمات النساء وبنتدرج طبعا مش كل هذا اول ما افتح بسويه لحد ما ندخل على اليونيفورم والملابس المدرسيه..

افكر اجيب مصممه فلبينية افضل والنيباليين لو الموت ما جبتهم مشاكلهم كثيره وما عندهم تفاهم :(

بودي فقط اعرف مشروع مثل هذا كم بيكلفني وافضل موقع من وجهة نظرك ادور فيه على فيلا .. بالغرافه ولا بالخريطيات ...ولا الدفنه ..


افهم من افكارج ياختي بانك تحبين تجمعين بين المشغل والمحل والمخزن في نفس المبنى
مما يدل على حرصج بتقليل المصاريف النقل وهذا شيء اجابي جدا. ويضمن نجاح المشروع
العموم انا ركزت انج دائما تقولين فيلا ... فمادري تقصدين فيلا تجارية ولا فيلا عادية
لان المشروع يتطلب منج المحل .... او يمكن تقصدين محل دورين العموم في كل الاحوال تبدئين من المحل ...
انزين الحين نرجع الى شيء الي هو انت دائماً تسالين ومحد راضي يجاوب وهو كم تكلفة المشروع وشنهو افضل موقع
شوفي ياختي اول شيء الامور هذه كلها تحتاج الى إدارة
اول شيء ركزي على اصول الثابتة
المحل + قيمة الخلو + اجار + كهرماء + سيارات + رواتب الادارة والعمال + عدد الخياطين + عدد المكاين + اكسسوارات الخياطة + وشيء الاهم ديكور المحل من الداخل والخارج
ولو تحبين تضيفين العطورات فتعتمد على العقد بينج وبين الشركة .. على سبيل المثال شركة اجمل للعطورات او صالون الازرق أو عطورات حرمين وغيره من الشركات تعطيك البضاعة تحت الحساب بنسبة معينة يعني افترضنا نسبتك من البيع 15% فكل ما تبيعين شي بمئة ريال يكون من نصيبج 15 ريال وشهرياً يجي مندوب من الشركة ويعمل جرد وياخذ المبلغ المستحق ولكن في شركات ما تتعامل الا بكاش أو نقداً ..على سبيل المثال شركة الرصاصي للعطورات
تاخذين العطورات بالجملة ويعطونك ديسكاونت أو خصم ... وعقب تبيعون بسعر السوق المتفق بينكم .. وغير هذا كلها تجيبين البضاعة من تايلاند , امارات , الصين , سورية ,
او على حسب الطلب والجودة ................................. فاعتقد ياختي العزيزة محد يقدر يحدد لج تكلفة المشروع لان تكلفة المشروع تعتمد عليج انت وازواقج و شطارتج في السوق.
العموم انا اشوف بان مشروع نفس هذا يتطلب منج اقل شي من 150 الى 200 ألف
طبعا ًهذا غير خلو المحل والسيارات ....
ويمكن الشباب يفيدونج اكثر ...... والله يوفقج في المشروع والى الامام ان شاءالله .

[strong woman]

أختي أرسلت لج عالخاص ... وأنتظر ردج

[اهل قطر]

اخوي المشغل النسائي خياط للجلابيات فساتين الاطفال والنساء والعبايات وممكن تغليف هدايا عمل ملاحف عطور و بخور يعني كل مستلزمات النساء وبنتدرج طبعا مش كل هذا اول ما افتح بسويه لحد ما ندخل على اليونيفورم والملابس المدرسيه..

افكر اجيب مصممه فلبينية افضل والنيباليين لو الموت ما جبتهم مشاكلهم كثيره وما عندهم تفاهم :(

بودي فقط اعرف مشروع مثل هذا كم بيكلفني وافضل موقع من وجهة نظرك ادور فيه على فيلا .. بالغرافه ولا بالخريطيات ...ولا الدفنه ..

محتاجه دراسة جدوى
لا تستعجلين
هالايام السوق الخساره فيه للي يستعجل
شوفي تنمية الاسرة عندهم دورات ممتازة دخليها
الفلل تكلف كثير هالايام ولا تاخذين بتخمينات الناس لا تنسين وراك كال شهر عماله هالكثر تبغي معاشات وايجار وكهربا وسكن عمال ومواصلات
انتي ابدي المشغل على خفيف من البيت ولو شفتي روحك ناجحه اكبري شوي شوي

[sepasteyn]

ممتااااااااااااااااااز انا هم عندي دراسة جدوى مبسطة يمكن تفيدك وبرائي مافي شي يصعب تحقيقه والكسب منه اذا ابتديتي صح وخططي صح ونفذتي صح و كنتي انتي المشرفة المبااشرة على شغلك ، واما العمالة اعتقد اذا كان الذوق العام للفكرة خليجي رح تعتمدي على مصممة خليجية وممكن تخليها شريكة واذا فساتين افراح هم ممكن تعتمدي على خليجية ولابأس من الجنسيات الاخرى (العربية) واما تنفيذ العمل ( الخياط) انا من رائي تعتمدي على الجنس النااعم من اي جنسيات نظرا لان التعديل في الخياطة يتطلب وجود الخياط اكثر من المصمم والله يوفقك .

[ايفاا]

هلا حبيبتي انا بعد كنت افكر في مثل هالمشروع
اذا لج رغبه في شراكه طرشي لي ايميلج على الخاص
لاني ماقدر اطرش ؤسايل او اي شي
و اذا ماكان لج رغبه فـ الله يوفقج المشرووع حلو