هاتفك الجوال في الليل .. !

[فارس الكلمة]

عندما يحل المساء .. و يرخى الليل سدوله .. و يخلد الناس إلى النوم .. :)

ماذ تفعل بهاتفك الجوال .. قبل أن تضع رأسك على المخدة ؟

1- هل تغلقه و تطفي نبضاته ..؟

2- هل تتركه على الصامت ..؟

3- هل تضعه في الشاحن حتى الصباح ..؟

4- هل تتركه على سجيته مفتوحاً .. و قد يأتيك إتصالاً من أحدهم و يزعجك و يطرد النوم من جفنيك ..؟

بأنتظار ردود فعلكم ..؟ :)

[بنت السندباد]

اتركه مفتوح في الغرفة بس بعيد عن راسي , طبعا اشغل المنبه

[العقل المدمر]

اخليه سايلنت وساعات احطه عالجارج :shy:

[MAZEN37]

صامت وانت رايح
ويوم اقوم ارجع اتصل
الله المستعان على ايامنا ويرحم ايام البساطه

[الصريحه]

اطفيه
لانه وقت راحه لي

[airbus]

الصامت وعلى الشاحن

[kooool]

اتركه بين كتاب مؤسس سنغافورة وكتاب فقه السيرة

[MAZEN37]

الصامت وعلى الشاحن

ترا كثر الشحن يخرب التلفون:omg:

[قلب قطر..!]

صامت وع الشاحن ^_*

[سهم طويل الأجل]

شغال 24 ساعة

مافي سايلنت الا وقت الصلاة بس

[رذاذ]

ابعده عني واخليه على الشاحن للمنبه .

[fhd4]

لو كان أحد غيرك يا فارس الكلمة ... كان قلت له ان الموضوع سخيف وما أشوف منه أي فائدة ....

لكن دامك انت اللي حاط الموضوع ... أنا متأكد انه لك هدف ثاني من الموضوع ...

[تحداني]

4- هل تتركه على سجيته مفتوحاً .. و قد يأتيك إتصالاً من أحدهم و يزعجك و يطرد النوم من جفنيك <<< " اعترض على نهايه الجمله .. لان من سيتصل في هذا الوقت المتأخر بالتأكيد لن يكون الا من أتمنى " ..؟



جملك الله برضى الرحمن

[khalid-qtr]

اول شي اسوية قبل ما انام احط المنبة على وقت صلاة الفجر و انام

[السهم السريع]

والله ياخوي أخليه على الرنين وعلى الشحن

ما أقدر أغلقه عشان الوالد والوالده كبار بالسن وأخاف حد يتعب فيهم فيتصلون بي الأهل ساعات

وساعات تجيني أتصالات من دول مختلفة اللي خبركم أول الايام كنت ارد بس بعدين يوم عرفت انهم مشعوذين تركتهم والله انهم يخربون نومي وام العيال تفز متخرعه:omg:

[فــلان]

أضبط المنبه على وقتين الأول لصلاة الفجر و الثاني للدوام و أحطه على الصامت و أركبه على الشاحن.هذا بالنسبه للآي فون أما الجهاز الثاني مب ضروري على الصامت لأن الرقم محد يعرفه و مب ضروري على الشاحن.

[Miss]

ع الصامت :omen2:

[رمــش الغلا]

اركبه على المنبه واسكره وخ خ خ

[ضوى]

اساسا من ادخل البيت اسكره ، وزوجي وعيالي يسكرونه وقت النوم ، مستحيل يكون في جوال شغال بالبيت

[ZURICH]

شغال 24 ساعة

مافي سايلنت الا وقت الصلاة بس


and I saim him

[بشمرقي]

- منبه للفجر
- phone only
- شاحن

[The Watcher]

صامت + اخليه يشحن

[بوخالد911]

أغلقه وأقضي على نبضااته

وأمنحه راحة مني الى صباح اليوم التالي
ليكون مستعداً للعناء
:)

تحياتي قبل إطفاء ليتاتي


مسيوو / بوخالد911

[الـراسي]

اخليه مفتوح وبعيد عن راسي وعلى الشاحن

[missperfect]

الصامت ومرات اسكره وعلى الشاحن

[غزلان]

اسكره قبل بفتره اذا قمت لصلاة الفجر افتحه اشوف اذا فيه اتصال او مسج وبعدها اسكره لين الصبح

[مستجدة]

اخفض صوت الرنه واخليه قريب
لان احب اطالع الساعه اول ماقعد من النوم واعرف وقت الصلاة

[بلوتنيوم]

---------------->
الى الاستراحة
الا اذا كان لك هدف في نهاية الموضوع :tease:
ياكثر الاهداف من الاعضاء هالايام:secret:

بس علشان نجاملك وتجاملني في المواضيع برد عليك
مافي روتين معين
الا اذا انا في غيبوبة والا حمى :eek5:

[قطر**]

صامت + على الشاحن + منبه
بعيد عن راسي

[العساس]

لو كان أحد غيرك يا فارس الكلمة ... كان قلت له ان الموضوع سخيف وما أشوف منه أي فائدة ....

لكن دامك انت اللي حاط الموضوع ... أنا متأكد انه لك هدف ثاني من الموضوع ...




وصل الهذف من الموضوع؟

[فورتــك]

احطه بس فون اونلي واحطه فالصاله

[مهاجر]

شغال واحتياط يمكن حد يحتاجك في اي وقت

[بوسعود911]

شغال 24 ساعة واهم شي المنبه لصلاة الفجر والدوام

[أم قطرية]

شغال
على المنبهات
الشاحن
جنب راسي << رغم اني اعرف ان له مخاطر


اخاف يطراء طارئ على أهلي وانا نايمه

[فارس الكلمة]

شكراً لكم و لتفاعلكم .. و لردودكم الجميلة و الحلوة ..

القصد من الموضوع .. هو معرفة السلوك الإنساني مع هذا الجهاز العجيب .. في فترة

راحة الإنسان .. و خلوده للنوم ..

[شيط ويط]

صاااااااااامت

[ام السعف]

مستحيل اسكره ،، الا اذا تسكر من نفسه
ويكون على الصامت بشكل عام
يتم قريب صوب الراس واتهل منه اخبار اشكال والوان
مرات و مرات ،، ومرات احصله ساهد من غير حس ولا صوت ،،

[Rider]

أكيد اغلاق الجوال بس طبعا أحوله علشان اذا قمت اشوف الي متصل

[فلور]

اتركه في الشاحن حتى الصباح

[المتألق]

صامت .. مع تشغيل وضعيه المنبه في الصباح

وشكرا

[ام شوشي]

اتركة على الصامت

[بلوتنيوم]

سؤال خطر في بالي
الاخوة والاخوات الى يحطون الهاتف النقال قريب منهم
هل يحسون باي الم او صداع او اي مشاكل صحية في حياتهم ؟؟!

نبي نجمع معلومات وتجارب مفيدة علشان الكل يستفيد ؟؟!

[اكاديمي]

صامت وعلى الشاحن

[ام السعف]

سؤال خطر في بالي
الاخوة والاخوات الى يحطون الهاتف النقال قريب منهم
هل يحسون باي الم او صداع او اي مشاكل صحية في حياتهم ؟؟!

نبي نجمع معلومات وتجارب مفيدة علشان الكل يستفيد ؟؟!


ما اشوف وضع اللي مب حاطينه احسن مني :shy:
فلله الحمد والشكر ،،

[بلوتنيوم]

ما اشوف وضع اللي مب حاطينه احسن مني :shy:
فلله الحمد والشكر ،،

الحمدالله على كل حال
بس قلت استغل الموضوع
بما انه عندنا شريحة كبيرة مشاركة
على الاقل
نطلع بشيء او اكتشاف وباقل الجهود والتكاليف
يمكن نحصل عليه جائزة او يكون اساس بحث علمي
تذكرنا فيه البشرية :omen2:

وشكرا :victory:

[غزلان]

سؤال خطر في بالي
الاخوة والاخوات الى يحطون الهاتف النقال قريب منهم
هل يحسون باي الم او صداع او اي مشاكل صحية في حياتهم ؟؟!

نبي نجمع معلومات وتجارب مفيدة علشان الكل يستفيد ؟؟!


احطه قريب بس مسكر ماظن يسبب مشاكل اذا مسكر
يمكن تقصد اذا كان شغال وهو قريب من الشخص النايم؟

بما ان المجال مسموح للأسئله

هل تستخدمون السماعه للتحدث او الجوال دايركت؟

وهل استخدام الجوال دايركت يحسون باي الم او صداع او اي مشاكل صحية في حياتهم ؟؟!

[واحد ثقة]

أضعه على وضعية ( نوم )

وقد قمت بتخصيص هذه الوضعية ليكون الهاتف على الصامت لكل الإتصالات ماعدا رقمين مهمين جداً يرن في حالة اتصال أحد منهما ،،

[إينشتاين]

بما ان المجال مسموح للأسئله

هل تستخدمون السماعه للتحدث او الجوال دايركت؟

وهل استخدام الجوال دايركت يحسون باي الم او صداع او اي مشاكل صحية في حياتهم ؟؟!


صرفية الجوال إذا اكلم دايركت اكثر بكثير من صرفيته إذا اكلم بالسماعة وتوصل لـــ3000 في الشهر...

:) مخالفات استخدام الجوال أثناء القيادة :)

[صاحب صديق]

أضعه على وضعية ( نوم )

وقد قمت بتخصيص هذه الوضعية ليكون الهاتف على الصامت لكل الإتصالات ماعدا رقمين مهمين جداً يرن في حالة اتصال أحد منهما ،،

نفس اخيو العزيز واحد ثقه بس انا رقم واحد رقم امي لاني ما اقد انام عدل دامها بعيييده عن عيني فديت التراب اللي تمشي عليه امي . . . تحياتي للجميع

[وحيد-الشوق]

عام دائما

ما احب اخلي تلفوني صامت وانا نايم اكره هالحركه نفرض حد محتاج شيء اخوك حد من اهلك صار لي كم موقف ومن عقبها حرمت اخليه صامت خير شر

[maruuma]

مسكر من 10 بالليل لين 5 الصبح

لانه وقت نوم



ومحذوف على الارض

لان يقولون فيه شحنات حتى وهو مسكر


والله المستعان

[سكرمر]

24 ساعه شغال

[جرح الزمان]

جوالي على الصامت ليل مع نهار

وقت النوم للنوووووووووم فقط

[بلو دايموند]

على قوله الانجليز ....... تونتي فور / سفن ..خخخخخخ

[وهم قطر]

الصامت وعلى الشاحن ليستقبل يومأ مشرقأ بالحيويه مع بطاريه مشحونه مليئه بالنشاط

[م. عبدالعزيز]

اشغل المنبه واخلي الجوال على نظام الطيران Flight mode (يعني الارسال مقطوع)

[المستريح]

اسكره والصبح اشغله واشوف الى اتصل لانه يعطيك مسج

[قناص 787]

اسكره والصبح اشغله واشوف الى اتصل لانه يعطيك مسج

ياخطير انت :omg:

[busoad-qtr]

اتركه مفتوح في الغرفة بس بعيد عن راسي , طبعا اشغل المنبه حق المدرسة

[بورصجي_جديد]

أضعه على وضعية ( نوم )

وقد قمت بتخصيص هذه الوضعية ليكون الهاتف على الصامت لكل الإتصالات ماعدا رقمين مهمين جداً يرن في حالة اتصال أحد منهما ،،

نفس الشي ومسمي الخاصه الى النوم :nice:

[ضوى]

اشغل المنبه واخلي الجوال على نظام الطيران Flight mode (يعني الارسال مقطوع)

اول مرة اعرف :omg:

معلومة جديدة شكرا لك

[toomi9]

امم
والله كل شي
احطه ساعات تحت راسي ومفتوح .. ساعات سايلنت هزاز ،، وساعات عـ الجرج
بس ليش ؟

[ام السعف]

احطه قريب بس مسكر ماظن يسبب مشاكل اذا مسكر
يمكن تقصد اذا كان شغال وهو قريب من الشخص النايم؟

بما ان المجال مسموح للأسئله

هل تستخدمون السماعه للتحدث او الجوال دايركت؟

وهل استخدام الجوال دايركت يحسون باي الم او صداع او اي مشاكل صحية في حياتهم ؟؟!

لا الظاهر بتفتحون عيون بعيون علينا ،،،

استخدمه من غير سماعات ،، واعرف ناس يستخدمونه بالسماعات
وكلنا مافينا شي ولله الحمد :shy:

فالحمد والشكر لله وحده

[ام السعف]

امم
والله كل شي
احطه ساعات تحت راسي ومفتوح .. ساعات سايلنت هزاز ،، وساعات عـ الجرج
بس ليش ؟

ماما حبيبتي بخصوص التوقيع ما اتلاحظين انه صغير زيادة عن اللزوم ؟

مغط لي الشاشة بالطول :(

[فرحة الكواري]

صامت و عالجارج

[الراقيه سبشل]

اغلب الاوقات على الصامت و المنبه لصلاة الفجر

لكن في استثنائات اشيل الصامت لما اكون منتظرة اتصال مهم:telephone:

فقط:shy:

[البسمة العذبه]

اخليه فون اونلي وعالجرج لين الصبح

[honey]

مسكر طبعا بلا سندارة الفاضيين

[غايه الطواش]

كنت اسكره بس صابنتنا ظروف وبسبب اغلاق هواتفنا صار الي صار ومن بعدها اخليه شغال
صرت
اخاف حد من هلي يكون فيه شي او امي لاقدر الله تبي شي

واخليه على المنبه واحد لصلاه الصبح والثاني للدوام

[بـــــــنت النوخـّــــذه]

-
هل تغلقه و تطفي نبضاته ..؟
من بعد ما جاني ذاك الاتصال بآخر الليل ان فلان الله يرحمه وانامصرقعه :eek5:ومتشائمه من اي رنه تجيني بالليل ف خلاص حزة النوم احول الجوال و اسكره بالكامل بحيث اذا فتحته الصبح تجيني رسايل بالمتصلين حزة اغلاق الجوال^_^

[بنت شيوخ]

اضعه على وضعيه الفي اي بي طبعا انا مسميتهااا

وحاطه بها اهم الارقام وانا على ثقه ان اصحاب هاي الارقام لن يزعجوني الاااا للظروره القصوى

واكيد على الشاحن ماحب اقعد الصبح مافي شحن

[غزلان]

صرفية الجوال إذا اكلم دايركت اكثر بكثير من صرفيته إذا اكلم بالسماعة وتوصل لـــ3000 في الشهر...

:) مخالفات استخدام الجوال أثناء القيادة :)



هههههه انا ماتنطبق علي هالمخالفه ولله الحمد لأني ما عرف اسوق وفرت ثمن السماعه

الى خلاني اسأل ليش الأجانب مايستخدمون السماعات هالشي لاحظته بسفراتنا بعكس عندنا بالدول العربيه الكل بسماعته ..فكرت قلت هل انجحوا في اوهامنا ان الجوال دايكرت خطر ولازم السماعه حتى يستفيدون من تصنيعها وتصديرها لنا؟

ماعرف اذا صح ولا غلط؟

[فتى الجود]

عليكم السلام

تم الاختيار الجواب


تتركه على الصامت مع وظعه في الشاحن حتى الصباح


وتمسي على خييير

[باسكن روبنز]

وآلي ماعنده حد يتصل فيه؟ ،:(

[لمعة الالماس]

اخليه ع الهزاز لان اللي بيتصل لي في الليل لازم بيكون اتصاله ضروري

ونادر ما اصكر التلفون الا اذا فضى بنفسه

[بنت الزعيم]

لو كان أحد غيرك يا فارس الكلمة ... كان قلت له ان الموضوع سخيف وما أشوف منه أي فائدة ....

لكن دامك انت اللي حاط الموضوع ... أنا متأكد انه لك هدف ثاني من الموضوع ...

نفس الرد

[واحد في حاله]

شغال وفي يدي اقرى البرودكاست او كتاب لين ارقد واذا قمت ادوره :telephone:




هههههه انا ماتنطبق علي هالمخالفه ولله الحمد لأني ما عرف اسوق وفرت ثمن السماعه

الى خلاني اسأل ليش الأجانب مايستخدمون السماعات هالشي لاحظته بسفراتنا بعكس عندنا بالدول العربيه الكل بسماعته ..فكرت قلت هل انجحوا في اوهامنا ان الجوال دايكرت خطر ولازم السماعه حتى يستفيدون من تصنيعها وتصديرها لنا؟

ماعرف اذا صح ولا غلط؟

حسستيني انهم مسوين مؤامره لتدمير العقول العربيه المبدعه واستنزاف جيوبهم :eek5:

بكل بساطه العرب هذارين في التلفون والاجانب كلها كم كلمه ويسكر ف مب محتاج لسماعه :tease:

[meme~qatar]

on line
ماقدر اخليه صامت او اسكره
اخاف يجيني اتصال مهم واطوفه


فيني لقافة

[PRINCESS]

على طوووول الخط سايلنت
ليل ونهار
ماخليه ع العام الا,,,
يوم الجمعه والثلاثاء لان والدي يتصل ..مو مهم باقي الاتصالات
وبسسسس

[al-vtc]

انا اخليه ع الرنه واحطه عند راسي واوصل واير الجرج فيه وارقد

[ودي أكون]

اخليه عالعام .. اولا لان محد بيتصل فيني الا للضرورة القصوى ..

وماحب اسكر الجوال .. لان البيت كله تقريبا يعتمد علي .. ان صار شي ماشي اول شي يجي ع بالهم انا .. المنقذ ع قولتهم :shy:

وبالنسبه لمسجات البي بي ماهتم لها في حزة النوم .. ومن التعب ماسمعه مع ان الصوت عالي ..:shy:

ومع ان عندي 2 من ربيعاتي يرفعون الضغط طول اليوم مايطرشون شي ويوم وقت ارقادي اطرش تصبحون ع خير .. شوي الا هم مشتغلين علي مسجات :rolleyes2:

طبعا مو يوميا ومايسوونها الا فالويكند :)

بس بعد ماسمعه والله :tease:

[نور اعيوني]

انا حزت النوم جوالي احوله صاااامت..وما اشوفه الا الفجر عشان منبه الصلاه..

[راعي ال VXR]

اخليه في الصامت اولا واطفييه واشيل منه البطاريه واحطه بالشاحن :nice:

واللي في السياره على طووول عااااام لانه سيارتي ما تنزعج منه حتى لو هي واقفه بالليل بس ما تنام

[abdulbaset]

صحيح انه موبايلي من ارخص الانواع لكن
ما اقدر استغني عنه وخصوصي وقت النوم
فاستعمل التورش لايت بعد ما اطفي نور الغرفة
واضبط المنبه على صلاة الفجر
بس اسويه على الصامت
وخليه شويه بعيد عن راسي حتى اصحصح لما اوقف المنبه

[jo0ory.56]

ذكرتني بوفاة أخوي الله يرحمه ... من بعدها توبة الجوال عند السرير ...

وإذا يحتاج شحن على الشاحن ... وعلى المنبه لصلاة الفجر ...

[بنت قطريه]

اتركه على الشاحن لين الصبح
... ومفتوح ومااحطه صامت اخاف الوالده ولا بيت ابوي فيهم شي مع اني كم مرة قمت متخرعه بغى قلبي يوقف واللي يقهر اللي يكون متصل هاللي يتصلون يقولون لك """ لقد حلمت بك حلما وانك اغلقت الهاتف فستموت """ عاد اناا على طول اسكر الخط روووووحوا زين ومايتصلون غير الساعه 2 الفجر حسبي الله عليهم بس شاسوي لازم ضروري وغير ان زوجي شغله شفتات فلازم اخليه مفتوح للاسف :(

[عزتي سمو ذاتي]

على طوووول على الرنه اخاف احد يحتاج شي

والحمدالله ماتجيني ازعاجات ولاشي مايرن الجوال بالليل الا للضرورة لقدر الله

[جينير]

عندي خطين
خط عام اخليه صامت

وخط خاص للأهل يكون شغال
مايندرى عن ظروف الدنيا

[Arab!an]

التلفون اللي عندي عادة على الهزاز ..

والثاني مقطوط في السيارة وسايلنت على طول

[ROSE]

انا دايما تيلفوني اما بالشنطه او بالصاله مااخذ الجوال معاي الغرفة

اللي يبيني يتصل قبل موعد النوم

[سهم سهم]

اهملة على الصامت لين الصبح

[شيزكيك]

اخليه عادي لحد الساعه 9 وعقب اخليه سايلنت للفير واذا قمت اشرشه وايد ارتحت

[برشلوني قطر]

الجوال اسكره فليل وحتى قبل فترة النووم 10 او 11 .. متى حسيت ان مالي خلق ارد اسكره..

اما البيبي اخليه ع وضع (( متوقف عن التشغيل )) علشان لا اسمعه ولا يشتغل الليت الاحمر..

وفالسفره اسكره...

يااااااالله... اوقاات اتمنى مايكوون عندي جواال...

[الكــاســــر]

أقطع الارسال عنه (اذا ايفون اخليه flight mode واذا بيبي اخليه no bluetooth no radio no wifi)
+ شاحن + منبه

[R 7 A L]

على الصامت طبعاً

[الـقـاسـي]

انا عندي تلفون صار له سنه يمكن على السايلنت ماعمري خليته عام .. وتلفوني الاساسي مستحيل ابنده الا اذا ضايق احوله وابنده .. لكن وقت النوم لا اوطي على الرنه ويكون قريب مني .. واللي يبيني ضروري تلفون الغرفه صوته عالي

[FHN]

اغلقه طبعا عشان افتك لما اكون نايمه
واحطه ع الصامت اذا كنت ابي اصلي

[صليب الراي]

اغلقه و اضعه على الشاحن بنفس الوقت