&& يوميات لمُدرسة في مدرسة مستقلة &&

[خليفـة]

ندخل في الموضوع مباشرة
:)
05.00 صباحا : تصحى الأخت المُدرسة من نومها .. وتصلي الفجر .. وعقبها تجهز عيالها ( ان كانت متزوجه واطفالها بالمدرسة ) وتجهز نفسها لمغادرة البيت .

06.15 صباحا : موعد خروج أغلب المُدرسات من منازلهم .. محاولة ً منهم لتجنب زحمة الشوارع واكتظاظ السيارات وقت الذروة .. والتوجهة مباشرة لمقر العمل في المدرسة المستقلة .

07.00 - 02.00 وقت الدوام الرسمي في أغلب المدارس المستقلة
( خلونا نقف وقفة صمت وتأمل في مدة الدوام الطويلة والمبالغ فيها )

02.30 - 02.45 الظهر .. موعد وصول المُدرسة المسكينة لمنزلها بعد معاناة زحمة السيارات والدوارات والاشارات وما يتخلل ذلك من لوعة جبد .

03.00 العصر .. بتكون صلت العصر .. وكلت لها لقمة بسيطة .. والحين بتحاول تنام لها ساعة او ساعة ونص تريح فيها نفسها شوي .

04.30 العصر .. بتصحى من نومها .. وبتشوف أطفالها لو كانت ام لاطفال .. وتبتدي رحلة معاناة جديدة في تدريسهم وحل واجباتهم وتحمل مشاكلهم وهواشهم مع بعضهم البعض .

06.00 بعد المغرب .. بتبتدي في تحضير مادتها لليوم التالي .. والي ماقدرت تنتهي من تحضيرها في المدرسة بسبب كثرة الحصص .. او تلقيها لحصص الاحتياط بدلا من فلانه الي عندها اجازة وضع او فلانة غايبة بدون عذر .. او فلانة الي دبرت عمرها وجابت لها اجازة طبية لكم يوم .

07.30 بعد العشاء .. بتكون عشت اليهال .. وعقبها بتجهزهم للنوم .. وتجهز ملابس واغراض ومستلزمات الاطفال لليوم الدراسي الجديد التالي .

08.30 ليلاً .. بتكون مهدودة الحيل .. ولايعة جبدها .. واي حد يقولها : مساج الله بالخير يا ام فلان
بترد عليه : مالكم خص فيني .

09.00 ليلاً .. احتمال تقعد لها ساعة بالكثير جدام التلفزيون تشوف اعادة المسلسل الفلاني الي ما تابعته في وقته بسبب ظروف عملها .. او ممكن تجهز مستلزماتها الشخصية لليوم الثاني ( قبلا لا تنام )

10.00 ليلاً .. موعد النوم بعد الانتهاء من يوم حافل بالعمل والمكدة .


ملاحظة :
من الساعة 05.00 الصبح .. لين الساعة10.00 المساء وهي غرقانة في العمل
لو سألني أحد وين وقت زوجها المسكين ؟؟؟
بقول له : ماله الا الجمعة والسبت بس .

تدرون شالمشكله ؟؟

المشكلة ان الجمعة والسبت ( من وجهة نظرها ) هي اجازتها الاسبوعية الي ترتاح فيها
يعني بالعربي .. الزوج ماله الا ان ينتظر لين اجازة الصيف
:nice:
هههههههههههههه

الله يكون بالعون

[مناحي السادس عشر]

يعني بالنهايه قعدتها في بيتها ابرك لها مليون مره من هالروتين اليومي
مع انه كان في فتره الثمانينات والتسعينات لبداية الالفين النسبه الكبيره من المدرسات هم قطريات وبعض العربيات
ومع هذا الحياه كانت بسيطه وسهله والكل عايش ولا زحمة حصص ولا شي
اذكر كان جرس الحصه السادسه والاخيره يرن الساعه 12:30 وانا في ثالث ثانوي
الحين عيالي يجون 2:30 واحيانا 03:00 :(

[خليفـة]

يعني بالنهايه قعدتها في بيتها ابرك لها مليون مره من هالروتين اليومي
مع انه كان في فتره الثمانينات والتسعينات لبداية الالفين النسبه الكبيره من المدرسات هم قطريات وبعض العربيات
ومع هذا الحياه كانت بسيطه وسهله والكل عايش ولا زحمة حصص ولا شي
اذكر كان جرس الحصه السادسه والاخيره يرن الساعه 12:30 وانا في ثالث ثانوي
الحين عيالي يجون 2:30 واحيانا 03:00 :(

اي والله انك صادق يا مناحي
لكن ياخوي .. بعض الحريم مظطرين يشتغلون لتحمل أعباء الحياة المعيشية
وفيه البعض ياخوي .. من الممكن ان تكون مُطلقة او أرملة ولها أطفال
وفي مثل هالحالات .. تكون المرأة مظطرة غصباً عنها ان تشتغل للحصول على راتبها

وفي حال قررت اي مُدرسة ما تداوم .. راح يُطلق عليها أسم :
متقاعسة
حسب ما ورد في صحيفة العرب امس على لسان أحد المسؤولين في المجلس الأعلى
:)
شكرا لاهتمامك وردك يالغالي
والله يخلي لك اليهال ان شاء الله

[الصريحه]

الله يعينهم
والله ان المراه فعلا في جهااااااااااااااااد

[السد]

لا تنسون يوم السبت اجتماعات في المدرسة

[العساس]

الظاهر راح تزيد ظاهرة تعدد الزوجات

[خليفـة]

الله يعينهم
والله ان المراه فعلا في جهااااااااااااااااد
اي والله
الله يكون في عونهم


لا تنسون يوم السبت اجتماعات في المدرسة
صدقت .. ومشكور على الاضافة


الظاهر راح تزيد ظاهرة تعدد الزوجات

شكلك تبيها من الله تزيد
هههههههه
شكرا لمرورك

[ام شوشي]

الله يكون في عونهم ها المدرسات وان شاء الله مايضيع اجرهم عند رب العباد وعلى ها التعب
مستخسرين عليهم زيادة رواتبهم وياليت اجازة الصيف سنعة الا كل سنة يقلصونها وكلامك اخوي
مالكم امل با لنسبة لطول الدوام ماقلت الا العدل اذاكانت بنت يكون الوضع على مايرام اما اذاكانت
متزوجة الله يكون بعونها بتكون المسؤليات عليها كثيرة

[بلوتنيوم]

التدريس من المهن الراقية
لكنها مهنة
وصعب حد يدخلها تحصيل حاصل
او اداء واجب
المدرسين يستاهلون كل خير على المجهود
الى يقومون فيه
ومحتاجين انشاء جمعية خاصة فيهم في اسرع وقت
علشان تعالج مشاكلهم
وتعيد للمهنة رونقها الى ضاع

[خليفـة]

الله يكون في عونهم ها المدرسات وان شاء الله مايضيع اجرهم عند رب العباد وعلى ها التعب
مستخسرين عليهم زيادة رواتبهم وياليت اجازة الصيف سنعة الا كل سنة يقلصونها وكلامك اخوي
مالكم امل با لنسبة لطول الدوام ماقلت الا العدل اذاكانت بنت يكون الوضع على مايرام اما اذاكانت
متزوجة الله يكون بعونها بتكون المسؤليات عليها كثيرة
يزاج الله خير على المشاركة الطيبة اختي ام شوشي


التدريس من المهن الراقية
لكنها مهنة
وصعب حد يدخلها تحصيل حاصل
او اداء واجب
المدرسين يستاهلون كل خير على المجهود
الى يقومون فيه
ومحتاجين انشاء جمعية خاصة فيهم في اسرع وقت
علشان تعالج مشاكلهم
وتعيد للمهنة رونقها الى ضاع

كلامك طيب اخوي
بارك الله لك وفيك

[مرتبش]

حلو الكلام
بس هي انسانة كبيرة وعندها القدرة على اتخاذ القرار المناسب لها ..العمل او البيت

لكن تعال حق طفل عمره سبع سنوات يقوم 5 ونص ويرجع البيت 2ونص من المدرسة

متى بيدرس ويسوي الهومورك ومتى بيلعب ومتى بينام ...اوه نسيت متى بياكل طفل المستقبل اللي بيخترع لهم جهاز اجديييد مهضوم يضبط اوتار العود.

[غابت الشمس~]

ياحليلج صج مدلعتها باللي كاتبته هههههههههه

والله هذا كله نقطه من الوااااااقع اللي تعيشه المعلمة المكروفه !!

[مجنون الفتك]

والله لو أنا مدير الخدمات المشتركة وبدون مبالغة أصرف حق كل معلمة قطرية مبلغ وقدره 35000 الف ريال قطري .تكريما لجهودها الجباره . عشان اخر الشهر لما تسحب من مكينة البنك وأتشوف الراتب تنسى تعب الشهر .

[خليفـة]

حلو الكلام
بس هي انسانة كبيرة وعندها القدرة على اتخاذ القرار المناسب لها ..العمل او البيت

لكن تعال حق طفل عمره سبع سنوات يقوم 5 ونص ويرجع البيت 2ونص من المدرسة

متى بيدرس ويسوي الهومورك ومتى بيلعب ومتى بينام ...اوه نسيت متى بياكل طفل المستقبل اللي بيخترع لهم جهاز اجديييد مهضوم يضبط اوتار العود.
كلام سليم و بمحلة
بس ماعرفت سالفة أوتار العود اخوي .. اش تقصد
ههههههههه


ياحليلج صج مدلعتها باللي كاتبته هههههههههه

والله هذا كله نقطه من الوااااااقع اللي تعيشه المعلمة المكروفه !!
مدلعها .. وليس مدلعتها
ماله داعي تبالغين اختي غابت الشمس وتقولين ان نقطة من الواقع
لأن لو كان الواقع اكثر من الي ذكرته بكثير مثل ما تفضلتي
كان ماشفنا ولا مدرسة قطري في المدارس المستقلة
صحيح انهم تعبانين .. وتعبهم لا يُطاق
ولكن . ليس لدرجة نقطة في بحر
ربي يوفقهم ويعينهم


والله لو أنا مدير الخدمات المشتركة وبدون مبالغة أصرف حق كل معلمة قطرية مبلغ وقدره 35000 الف ريال قطري .تكريما لجهودها الجباره . عشان اخر الشهر لما تسحب من مكينة البنك وأتشوف الراتب تنسى تعب الشهر .

جزاك الله خير اخوي
خل ينزلون مستحقاتهم المالية في وقتها .. وعقب بنطالب بزيادة الراتب
ههههههه
شكرا لمرورك اخوي
وشكرا لمشاعرك الطيبة

[The MooN]

[SIZE="6"]

الزوج ماله الا ان ينتظر لين اجازة الصيف
:nice:
هههههههههههههه

الله يكون بالعون


مسكــــــــــــــــــــين ههههههه ههههه ههههههه (( شرّ البليّة ما يضحك )) :(


والله لو أنا مدير الخدمات المشتركة وبدون مبالغة أصرف حق كل معلمة قطرية مبلغ وقدره 35000 الف ريال قطري .تكريما لجهودها الجباره . عشان اخر الشهر لما تسحب من مكينة البنك وأتشوف الراتب تنسى تعب الشهر .

:nice::nice::nice::nice:

[ام عبدالعزيز]

انا موظفه بس مو مدرسه

جربت قعدت البيت بعد الزواج وعقب ماكبروا اليهال صج كليت مخه ريلي لين رديت وظيفتي..

وصج طبيعة الشغل غير خصوصاا المتفوووقين دراسيا سابقااا اي ايام المدرسه يحسووون بثماار دراستهم انهم منتجيين بالعمل.

وعقب مانرد انا واليهال نتغدا ونصلي العصر..ونقعد لين 7 المساء ومن بعددهااكوون فاضيه..

وصراحه مايقصر ابوهم معاي..

وبس هاي يوميياتنا

[QatarRose]

انا حتى الويك اند مااجوفها تاخذه لنفسها بعد تضطر انها تخلص تحضير وتجهيز شغل وتصحيح

ومن هالامور اللي ما عندي خبره فيها ..

طول وقتها مشغوله بهالمدرسه ونظامها التعجيزي ..!

فعلا النظام الجديد قمه في التعذيب ..

الله يعينهم ,

عندي ادام 10 ساعات في اليوم ولا اني ارجع البيت اخلص شغل الدوام ..

[السد]

المشكلة انهم اختزلو 8 وظائف في وظيفة واحدة

[غابت الشمس~]

مدلعها .. وليس مدلعتها
ماله داعي تبالغين اختي غابت الشمس وتقولين ان نقطة من الواقع
لأن لو كان الواقع اكثر من الي ذكرته بكثير مثل ما تفضلتي
كان ماشفنا ولا مدرسة قطري في المدارس المستقلة
صحيح انهم تعبانين .. وتعبهم لا يُطاق
ولكن . ليس لدرجة نقطة في بحر
ربي يوفقهم ويعينهم

هد أعصابك اخوي

انا أتكلم عن واقع اشوفه واعيشه كوني معلمه
إذا انت تشوف شي ثاني هذا راجع لك ..

والله يعين الجميع *_*

[خليفـة]

هد أعصابك اخوي

انا أتكلم عن واقع اشوفه واعيشه كوني معلمه
إذا انت تشوف شي ثاني هذا راجع لك ..

والله يعين الجميع *_*

الله يعطيج العافية اختي غابت الشمس
انا مركلس حدي واعصابي هادية حدها والله
كل المسألة ومافيها ان مافي داعي نبالغ زيادة عن اللزوم ونحلف بالله
على ان الوضع الي انا ذكرته مجرد نقطة من الواقع كما تفضلتي
لأن لو زاد الوضع اكثر من المذكور .. راح يكون القبول بمثل هالوظيفة اقبال على الاعدام

ومثل ما ختمتي كلامج اختي : الله يعين الجميع
:)

[honey]

الحمدلله اللي انا في البيت

[التيما]

انا يومي يبدأ 5 ونص ويدوب اجهز نفسي وولدي يفطر ويروح مدرسته في الباص ست ونص انا اطلع 7 الاربع .. وأوصل بدري الحمد لله دوامي قريب .. وبعدين في الدوام لين 2 وطبعا مانوقف احنا نتنافس مع النحلة ههههههههههههه .. أرجع 2 وربع واتغدا وادرس ولدي وانتظر باص النادي يجي ياخذه ولمن يطلع يا ارقد يا اروح السينما في السيتي وعقب لين رجع ولدي يتعشا وينام وانا اقعد اشوف التلفزيون لين 12 او 1 بالليل ..
أنا صراحة أحب التعليم كثير وأحب أدرس لكن بالصورة اللي سووها فينا كرهت التدريس ..

وتوني من شوي سمعت في برنامج الدار إن العلاوة التشجيعية 40% أو 15% بتنلغي وبيحطون مكانها مسميات أخري والله أعلم شناوين عليه ..

لكن والله لو نقص راتبي نص ريال ؟؟ قطيت التعليم ورى ظهري لابوهم لابو اللي يقعد لهم .. وهم الخسرانين لاني بحصل بدل الوظيفة الف ومن غير استقالة وبالواسطه .. مالت عليهم

[غابت الشمس~]

الله يعطيج العافية اختي غابت الشمس
انا مركلس حدي واعصابي هادية حدها والله
كل المسألة ومافيها ان مافي داعي نبالغ زيادة عن اللزوم ونحلف بالله
على ان الوضع الي انا ذكرته مجرد نقطة من الواقع كما تفضلتي
لأن لو زاد الوضع اكثر من المذكور .. راح يكون القبول بمثل هالوظيفة اقبال على الاعدام

ومثل ما ختمتي كلامج اختي : الله يعين الجميع
:)

الحمد الله انك مهدي اعصابك ومركلس

لكن مو تدقق على كل حرف

نقطه من الواقع <<<< مجرد تشبيه وكناية عن كثرة الضغوطات
شكلي بعطيك درس بلاغه :secret:

[خليفـة]

الحمدلله اللي انا في البيت
الحمدلله الف مرة
وعقبال ما نشوفج صاحبة ترخيص ان شاء الله
:nice:


انا يومي يبدأ 5 ونص ويدوب اجهز نفسي وولدي يفطر ويروح مدرسته في الباص ست ونص انا اطلع 7 الاربع .. وأوصل بدري الحمد لله دوامي قريب .. وبعدين في الدوام لين 2 وطبعا مانوقف احنا نتنافس مع النحلة ههههههههههههه .. أرجع 2 وربع واتغدا وادرس ولدي وانتظر باص النادي يجي ياخذه ولمن يطلع يا ارقد يا اروح السينما في السيتي وعقب لين رجع ولدي يتعشا وينام وانا اقعد اشوف التلفزيون لين 12 او 1 بالليل ..
أنا صراحة أحب التعليم كثير وأحب أدرس لكن بالصورة اللي سووها فينا كرهت التدريس ..

وتوني من شوي سمعت في برنامج الدار إن العلاوة التشجيعية 40% أو 15% بتنلغي وبيحطون مكانها مسميات أخري والله أعلم شناوين عليه ..

لكن والله لو نقص راتبي نص ريال ؟؟ قطيت التعليم ورى ظهري لابوهم لابو اللي يقعد لهم .. وهم الخسرانين لاني بحصل بدل الوظيفة الف ومن غير استقالة وبالواسطه .. مالت عليهم
ههههههه
اعصابج اختي
بديتي مشاركتج بهدوء اعصاب وانهيتيها بعصبية مالها حل هههههههه
الله يوفقج ويحفظ لج ولدج ان شاء الله
ومسألة العلاوة التشجيعية .. عندي لج بشارة .. بس قبل لا اقول لج البشارة ابيج تسحبين حلفتج
وتدفعين كفارة عنها هههههههه
للأسف الشديد .. اليوم انا في المجلس الأعلى .. وقال لي واحد من الربع في الرواتب ان بالفعل بتنلغي العلاوة التشجيعية الـ 40% وبتحط مكانها بعض الاعلاوات الأخرى مثل :
علاوة اي سي دي أل .. وعلاوة دورة لغة انجليزية .. وبعض العلاوات الأخرى
بالعربي .. وباختصار .. العني الشيطان .. وخلج مكانج
ولاتفكرين تروحين مكان ثاني اختي .. لان الحصول على وظيفة بمكان اخر
وبنفس راتبج الحالي مستحيل .
بيكون أقل شي 50% اقل من راتبج .. وهالنسبة ما تعتبر بسيطة طبعاً
بالتوفيق .. ولا تنسين تدفعين الكفارة
:nice:


الحمد الله انك مهدي اعصابك ومركلس

لكن مو تدقق على كل حرف

نقطه من الواقع <<<< مجرد تشبيه وكناية عن كثرة الضغوطات
شكلي بعطيك درس بلاغه :secret:
هههههههه
طيب ولا تزعلين اختي غابت الشمس .. انا اسف وحقج علي
بس الي خلاني اركز على كلامج انج قلتي : ( والله )
والحلف بالله على شي لمجرد التشبيه مو شي بسيط
على كل حال .. يشرفني اخذ محاظرة في البلاغة عندج
ففي كثير من الدول المتقدمة .. يقوم الطالب بتدريس استاذه
:nice:

[sendarala]

لا وكل هذا


اخيرا نسمع في برنامج الدار ( حسن الساعي )

ان سمع خبر

الغاء العلاوة الاجتماعية من مدرسي المدارس المستقلة


يعني بعد كل هذا التعب وطول اليوم المدرسي راح ينقصون من رواتبنا


ما نقول الا

لا حول ولا قوة الا بالله

[خليفـة]

لا وكل هذا


اخيرا نسمع في برنامج الدار ( حسن الساعي )

ان سمع خبر

الغاء العلاوة الاجتماعية من مدرسي المدارس المستقلة


يعني بعد كل هذا التعب وطول اليوم المدرسي راح ينقصون من رواتبنا


ما نقول الا

لا حول ولا قوة الا بالله

ان شاء الله تكون العلاوة الاجتماعية فقط لان قيمتها : 2500 ريال
ولكن الي سمعته ان بيلغون العلاوة التشجيعية والي توصل قيمتها اكثر من 3500 ريال
:(
الله المستعان