( للبيع ) vx-r 2007 ..

[رياني للأبد]

السلام عليكم ورحمة الله وبركاته


للبيع VX-R 2007 .. آسود .. من داخل مخمل بيج ..
آتوماتيك .. شاشه .. وكامل الزيادات على قولتهم .. ماشي 145 ..
ماجاه آي صبغ على البدي ..
بدلت له صداديم جداد من شهر تقريباً ..
وبدلت له الجامه اللي قدام بعد ..
لآنه كان فيها شلخ بسيط من شوارعنا الحلوه ..
والجامه والصداديم كلهم ماخذهم من الشركه ..
وآصليين وشغلهم رقم واحد ..
السياره على يدي من الشركه .. وماجاتها آي دعمه ولله الحمد ..
جميع تشييكات السياره في الشركه ..
وإن شاء الله إني مازليت من شي معين .. لآنه الذمه آهم من البيعه ..

عالعموم ..
السياره عليها في بنك الدوحه حوالي 72 الف ..
والقسط الشهري 2500 ..
واللي يبيها يحط سعره اللي في يدي ويتحمل آقساطها الباقيه ..
آو اللي حاب ياخذ السياره كاش .. يحط سعره ..
وآرجوآ انه محد يسئلني كم طالب في السياره ..
سعر السياره معروف في السوق .. وإن شاء الله ماراح نختلف عالسعر ..
واللي جاد وشراي ماعندي مانع آصور له السياره ..
السياره مابتعتها إلا لآني ادرس برى وماعدت محتاج لها في الفتره الجايه ..
السياره على يدي من الشركه .. وما آقول آنه السياره ورده ..
لكن آلسياره نضيفه ولله الحمد .. وماتحتاج شغل للي بيشتريها ..
وتوها متجاوزه الفحص الفني بدون آي مشاكل ..
ماعتقد آنه فيه آسئله محتاجه لإجابات بعد هالكلام :tease:

والله يوفقنا وياكم جميع ..

فـ حفظ الرحمن

[بذرة غلااا]

اسوم الموترب105بدايه السوم

[الاسطورة]

موفق اخوي

[بوغازي]

بالتوفيق ان شا الله

[بُوجَآُسْم •~]

ممكن رقم تلفونك لو سمحت

[بومبارك511]

110 وناطر ردك عالخاص

[bo-ibrahem]

مواصفات موترك نفس متري بالضبط

ماعدا الجامة الامامية ..

ممشى متري 80 الف

وكالة عبدالغني سامو الموتر 135 الف

يعني انتظر بيجيب لك سعر انشالله

بالتوفيق

[قطر ديلر]

108 كاش بعد الفحص واخلص معاك اي وقت تبي

[رياني للأبد]

هلا وغلا بالجميع ..
شكراً على سوماتكم الطيبه ..
السياره واصله على الخاص ١١٦ ..

بو آبراهيم ..
كيف الطريقه اذا بعرض السياره على الوكاله ؟

والله يوفقنا وياكم ..

[بومبارك511]

117 الف وناطر ردك عالخاص

[بوغازي]

الله يوفق الجميع البايع والشاري ليش مابعت لعبد الغني دام وصلوه 135يابو براهيم ولا ما صملو

[رياني للأبد]

هلا وغلا بالجميع ..
سومه طيبه يا بو مبارك ومن وجه طيب ..
وناطرين احد يوصل لسعر معقول :)

والله يوفقنا وياكم ان شاء الله ..

[بومبارك511]

على راحتك والحلال حلالك واذا غيرت رايك طرشلي رقمك عالخاص

[ZURICH]

موفق في بيعتة

[توفني ساجدا]

118500 كاش وانطر ردك على الخاص.

[بومبارك511]

119 الف وناطر ردك عالخاص

[رياني للأبد]

بيض الله وجيهكم على السومات الطيبه ..
ماعادني ببعيد من السعر اللي حطه بو مبارك ..
والله يوفقني وياكم جميع ..

[* ولد قطر *]

بالتوووووفيق

[قطر12]

موووفق

[رياني للأبد]

يوفق الجميع ان شاء الله ..
والله لايهينكم جميعاً ..

[رياني للأبد]

العيد عليكم مبارك جميعاً ..
والله يعيده على الجميع ان شاء الله ..

الموضوع للرفع ..

[moad3]

موفق اخوي

[رياني للأبد]

اجمعين ان شاء الله اخوي ..

[BU JASSIM]

120 الف

طرشلي رقمك عالخاص ولاتهون

[رياني للأبد]

هلا وغلا بو جاسم ..
تم إرسال الرقم ..

[القطري 999]

ممكن رقمك على الخاص اذا الموتر عاده موجود

[رياني للأبد]

اللي حاب يعاين السياره ..
السياره في معرض برزان ..

[رياني للأبد]

للرفع ..