عاجل استشاره لأهل الخبره في لبنان

[بس لحظه]

مرحبا اخواني واخواتي

حبيت اطلب خبرتكم انا مسافره لبنان من 13-11 الى 18-11 وبصراحه السفر فجائه

وماجهزت اي شي ولا عديت اي جدول :rolleyes2::telephone:لكن هو مجرد حجز

تذاكر سفر وفندق ببيروت الي هو بيروت جاليري هوتيل عن طريق السفريات حابه استفسر

باالنسبه للجو بهاالوقت من السنه كيف بيكون؟ خبركم عشان نجهز عمارنا للجو وماهي

افضل الاماكن السياحيه واسعارها ان امكن للشخص وبالنسبه للاماكن غير بيروت بس النوم

يكون بالفندق ببيروت والسموحه لو كثرت بالطلبات

[مسافر77]

الجو في بيروت بكون معتدل
والجو في المناطق الثانية بارد
الملابس شتوية
الاسعار تقريبا كشخص غريب جاي الدوحة يسوي سياحة
طبعا غالية
والتسوق يبيله حد يعرف

روح هذي المناطق ومنها راح تعرف الباقي
شارع الحمرا في بيروت
بحمدون عاليه و جونية و بكفيا
وبالتوفيق والسلامة

[بس لحظه]

كل الشكر اخوي مسافر 77 لكن عندي ملاحظه بالنسبه لارقام الشوفيرات لاحظة فيه مبالغه واختلاف في الاسعار بعد الاتصال بهم عن الي انطرحت بالتقارير المصوره حاولت اعد لي جدول وان شاء الله اول مارد انزل تقرير الرحله بالصور وتحياتي للجميع

[abu abdulla]

يالتوفيق,,,,,,,انصحك بان يتم الحجز لكم عن طريق السفاره للفندق والسياره عندهم اسعار افضل،، الفندق المحجوز لكم هو الماريوت سابقا ،،،بس اذا انتم عائله اسكنوا هوليدي ان ديون قريب من كل شي وقديم شوي بس معقول او ساس مارتينيز خلف فندق فينيسيا قريب من الكورنيش وغرفه ممتازه ومكتب تاجير السيارات اللي تتعامل معه السفاره اسمه ليو كار وبتلاقين ارقامهم في منتدي المسافرين العرب

[العضو الماسي]

نصيحه افضل فندق في لبنان فينيسيا

[qatar1111]

نصيحه افضل فندق في لبنان فينيسيا

فوووووووول

ابي احجز لقبل العيد بيومين قالوا فوول

[abu abdulla]

[quote=العضو الماسي;6557275]نصيحه افضل فندق في لبنان فينيسيا[/q

فندق الفينيسيا خذ شهره لان اكبر واحدث فندق في بداية الالفين اماء الان فهناك فنادق افضل منه نظافه وخدمه مثل الفورسيزن وقري وقراند هيل وقريب بيفتح قراند حياة والهيلتون
الفينيسيا مدخله عسر وتفتيش وبهدله على كل وقت الخدمه منتهيه والنظافه لك عليها والللوبي صاير بالنص يعني وانت طالع اونازل لازم تمر على اللوبي وتشوف او يشوفك الكل
بس الناس اذاواق

[((ولدالدوحة))]

اختي لو تبين سواق بعطيج رقم واحد زين
وايد زين لو تبين راسليني خاص و بخليه يعطيج سعر زين ماعليج

[الزيبق]

رويال بلاز على الكورنيش ويطل على الروشه واذا عندكم ليسن ما يحتج من كبرها لبنان الله ايخلي القرمن وبتروحين كل مكان والسلودير اقريب منك والاسواق بعد هي كلها يومين تظيع وكان الله غفورا رحيم ترى هذه لبنان نفس دواعيس ارميله ووادي السيل وام غولينا

[بس لحظه]

اخواني الاعضاء الكرام العضو الماسي قطر 111 كل الشكر لكم والشكر موصول للأخ الكريم ابو عبدالله استفدت من معلوماتك الي طرحتها وجزيت كل الخير اخونا ولد الدوحه كل الشكر لك لو قدمت شوي كنت اخذت الرقم من عندك لكن اليوم الصبح انهيت حجز المواصلات كل الشكر لكم

[بس لحظه]

كان زين اخونا الزيبق هي قريب مثل الرميله كان محد تعب حجوزات وغيره

يعطيك العافيه عالمشاركه

[اسما]

منتظرين تقرير الرحلة اكيد بتكون رجعت