هاك لزيادة عدد المتصفحين بشكل كاذب

[عموري]

السلام عليكم
كلما دخلت الى هذا المنتدى اجد عدد الزوار الذين يشاهدون الموضوع بالمئات او الاف الزوار
الغريب في الموضوع انه حتى في ساعات الليل المتاخرة او عند الفجر نجد المئات من المتصفحين للموقع
على الرغم من ان معظم سكان قطر يكونوا نيام بسبب الشغل ثاني يوم او الدراسة الخ
فكيف يكون ذلك ؟
سمعت ان هناك هاكات يضعها اصحاب الموقع ليزيدو عدد المتصفحين بشكل غير حقيقي
يعني يكون المتصفحين مثلا 10 الهاك يخليهم 100
اللي عنده فكرة يوضحلنا الطريقة
و هل هي مستخدمة في شبكة الاسهم ؟؟؟؟

[R 7 A L]

اخوي شوف رقم عضوتك ورقم عضويتي
والجواب بيكون واضح لك

[al-sadd]

ماضن اخوي
واتوقع انه يتصمم بطريقه بالسكربت ويصير هاك


ولاكن ماله داعي ابداً !!
اولا سهل ان الواحد يكشفه
وثاني شي اخوي شبكه الاسهم من سنه ٢٠٠٥ وهو موجود وحاليا بعون الله بيدخل السنه السادسه !!

فــ ماتوقع انه يكون كبير؟

وبخصوص الي يدخلون الفجر
نسبه كبيره من الي بالمنتدى يدرسون بالخارج وانا اولهم !!
ادرس بالخارج وادخل مالمنتدى فيطلع عندكم اني ادش الفجر بتوقيتكم

وغير هذا مش اجباري ان الكل قطريين !!
يعني يمكن كويتيين سعوديين ماراتيين .. الخ

وفكر معاي اخوي شوي
المنتدى للاسهم
فاجبراري اتلاحظ عدد متواجد وبشكل دوري
علاشان اخر الاخبار عن البورصه !


فــ شيل الفكره عن بالك اخوي =)
واذا تبي الهاك اتفظل الرابط
ماعاد اني متاكد مليون بالميه ان مامنه فايده ابداً
ولاكن من يدري
اتفظل


يمنع وضع وصلة مباشرة الى منتدى آخر
يرجى وضع المشاركة والاشارة الى نقلها
تم التحرير بواسطة المشرف

[khaldoon]

اخوي لاحظ انه هذا المنتدى يسمح لك بالتصفح و التعلم و الاستفاده من غير ما تكون مشترك فيه بينما كثير منتديات ما تسمحلك تتصفح الموضوع الا لما تشترك فيها

كثير توصلني ايميلات عن مواضيع اباحيه و فضائح و مصايب و اغراءات و عنوانين ناريه من منتديات على الايميل و الايميل الواحد يبعث نفسه من كذا شخص و نفس الايميل و نفي المنتدى و كله كذب في كذب

تفتح الرابط يقولك ما تقدر تشوف الموضوع الا لما تشترك ....تشترك ما تلاقي الموضوع اصلا

[bojassem13]

اخوي بالنسبه للهاك فما اعتقد ان منتدى الاسهم القطريه محتاج لمثل هالشغلات
وانت عارف ان الكل يبي يسجل فيه وبالنسبه للرد اللي قال ان رقم الاشتراك واتوقع انه يقصد انه رقم كبير

ارد عليه واقول للعلم اخوي قبل كان الاشتراك عن طريق ايميل مجاني واي نوع عادي واداراة الموقع شافت الزحمه والاقبال على الموقع حطة قانون انه يجب التسجيل عن طريق ايميل مسجل

وهذا يدل على ان المنتدى عليه الطلب للتسجيل

مع انه ما يحتوي على فرع للاغاني ولله الحمد او الافلام مثل كثير من المنتديات الثانيه

اما بخصوص الهاك اللي انت تقصده ومثل ما قال احد الاخوان هذا كان ممكن دمجه في تصميم المنتدى

وهالشي تستخدمه كثير من المنتديات اللي تحتاج هالشغلات

بس تأكد ان منتدى الاسهم القطريه ما يحتاج مثل هالهاكات

[busheikha]

السلام عليكم
كلما دخلت الى هذا المنتدى اجد عدد الزوار الذين يشاهدون الموضوع بالمئات او الاف الزوار
الغريب في الموضوع انه حتى في ساعات الليل المتاخرة او عند الفجر نجد المئات من المتصفحين للموقع
على الرغم من ان معظم سكان قطر يكونوا نيام بسبب الشغل ثاني يوم او الدراسة الخ
فكيف يكون ذلك ؟
سمعت ان هناك هاكات يضعها اصحاب الموقع ليزيدو عدد المتصفحين بشكل غير حقيقي
يعني يكون المتصفحين مثلا 10 الهاك يخليهم 100
اللي عنده فكرة يوضحلنا الطريقة
و هل هي مستخدمة في شبكة الاسهم ؟؟؟؟


http://www.markosweb.com/www/qatarshares.com/

:nice: