الواسطه تلعب دورها

[بوحسن606]

اليوم وفي زيارتي لمدرس بناتي لاجراء مقابله مع معلماتها شاهدت احدى الامهات من الجاليات العربيه وهي تتحدث باسلوب غير لائق مع احدى الموظفات القطريات وبتكبر وبصوت علي
وبما انني على معرفه باحدى الموظفات بالمدرسه اخبرتني قصتها كامله

هل يعقل مايقومون به موظفو المجلس الاعلى لمجرد ان يقوم شخص بالضغط عليهم لتسجيل ابنه في مدرسه ما يستجيبون له وبكل سهوله
هذه الام ليست قطريه وتحاول تسجيل ابنتها في المدرسه وبكل (قوات عين) تتحدث في المدرسه بان لديها واااااسطه تستطيع عن طريقها ادخال البنت للمدرسه مع العلم ان البنت لايوجد لديها اخت حتى يتم التسجيل في المدرسه
و المدرسه بها قائمه انتظار طويله بها اسماء طالبات قطريات لديهن اخوات في المدرسه ولم يتم تسجيلهن حتى الان
هل يعقل ذلك ؟؟؟

[بوخالد911]

الوااسطة تسوووي الا ما يتسوووى

!!@@!!

[بور بلاك]

حسبي الله ونعم الوكيل

[كازانوفا]

بالفعل الواسطه لها دور كبيرررررررررررررر في حياتنااااا

ليش مستغرب ؟؟؟

الظاهر انك بس تسمع عن الواسطه بس ما شفتها قدام عينك لذلك ما الومك

[العـوا]

الواسطه في كل مكان بو حسن

[FAUCHON]

محد ضيعنا غير الواسطه


حسبي اللله ونعم الوكيل

[بوحسن606]

انا اعرف ان الواسطه تسوي اي شي بس بقوات هالعين تتفاخر ب الواسطه هزلت بصراحه

[الحزين4800]

تو الناس

[الصريحه]

الله المستعان

[khaleeji]

لانهم وببساطه لاقيين ناس يلعبون عليهم

والله لو اني مكانها لاطلب منهم كتاب رسمي لاستثناء هذي الطالبه ... لان اولياء الامور الي لهم الاولويه بيعترضون ويشتكون علي

وارد عليهم بانه سيتم التسجيل حسب النظام في المجلس الاعلى يعني حسب الاولويه ... يعني تمش بوزها

والي بيجي وبيسويله راس بينطرد طرده الي ما ابغي اقوله

المشكله اننا في قطر خايفين ونمشي الواسطات وعقب نتشكى لازم يكون لنا موقف ضد هذي التجاوزات ولا نرضى على نفوسنا بالاهانه

[الموضوعي]

هذي قطر اذا يخافون من اللي لسانه طويل ويزفهم

[حبر سري]

مثل ماقال بو خالد
الواسطة اتسوي الهوايل

[ام وليد]

تقريبا كنت موجودة من فترة في مدرسة من المدارس واعتقد اهي نفس المدرسة والصراحة شفت العجب العجاب .. اتصدقون الام العربية مسويه هويليلة
في المدرسة لازم بنتها تتسجل وكانت تهدد بأسماء من المجلس الاعلى لا وبعد اسماء
اكبيرة . والمشكله دريت من مصادر ان المجلس قايمين وقاعدين بس عشان يسجلونها ... تخيلوا .. مصكرين مكاتبهم حق مشاكل المدارس المستقلة واولياء الامور وقاعدين بس لهاذي الام لأجل ايسجلون بنتها ... تخيلوا ..

والمشكلة بقلة ادب وطولة لسان .... معقولة في واسطة موقفة المجلس طول اليوم بس عشان يسجلون بنتها .... اه يازمن صرنا زمن العجايب ... مأقول الا ( حسبنا الله ونعم الوكيل )

[بوحسن606]

وفعلا يا ام وليد هذا الي صار بالضبط
والي يقهر اسلوبها الي تتكلم فيه والثقه الي عندها انها بتسجل بنتها غصب
اذا هي لقت لها واسطه وسجلت بنتها اعيالنا من وين انجيب لهم واسطه وانسجلهم ف المدارس المستقله
والله شي ماينسكت عنه بصراحه

حسبي الله ونعم الوكيل

[الـمـحـنـك]

يليت عندي وااسطه ااااه كان خلصت امور كثيره ومنها الارض لكن

ربك كريم واكبر من الوااسطه

الله يرحم الحال نتوقع اي شي في قطر

[بوحسن606]

الله ايسر امورك اخوي

ويعين كل الي يحاولون يقضون امرورهم من غير واسطات

[ريم الشمال]

ما اللوم الا الموظفة القطرية الي مخليتها تخيط وتبيط لو مقبضتها الباب تعرف شلون تتكلم
وحسبي الله ونعم الوكيل الي خلى القطري ملطشه للي يسوى والي ما يسوى
البيت بيت ابونا والقوم ناشبونا ............. لستة انتظار للمواطن وهي تبي تدخل بنتها على حساب مكان مخصص للمواطن

ريم الشمال

[ابو مشعل]

الصراحة في جنسيـة عـربيـة عندها واسطات بشكل غريب وعجيب ..
عادي تحصل عنده " وزير " واسطه :secret:


بدون ذكر اسم الجنسية :)

[R 7 A L]

الواسطة
هي الشي الوحيد الذي لا يمكن السيطرة علية

[MAZEN37]

صار اسلوب حياه عندنا ,الغرب يحارب المواضيع هذه

[الحريّه]

الموضوع في هالوقت ما يبيله واسطه من المجلس ولا غيره ! تقريباً استقرّت قوائم الطلاب والمدرسه اللي عندها شاغر حاليا في أي صف تقدر تسجل الطلاب من المدرسه بدون الرجوع إلى المجلس , خاصة إذا كان الطالب ساكن في منطقة المدرسه . المجلس رفع سقف التسجيل إلى 30 طالب في الصف , وفيه تنقلات أحيانا فيسحب ولي الأمر ملف ولده وتحدث شواغر مستجدة . يعني السالفه ما تبي واسطه ولا غيره . إذا فيه شاغر من مصلحة المدرسه تسجيل الطلاب , و إذا مافيه تقوم بإخبار ولي الأمر بذلك..
تحياتي:victory:

[ZURICH]

ياكثر اللي طلعوا على أكتاف غيرهم بسبب الواسطة

علاقات من النوع الثقيل ..... @

[غيور]

بو حسن
كن غيور على بلدك وافضح بأسم المدرسة واسم صاحب ترخيص البقالة اقصد المدرسة .

[وهم قطر]

واسطتها رب العالمين

الله راضي عليها وميسر أمورها

مب شرط واسطه

[بوحسن606]

الموضوع في هالوقت ما يبيله واسطه من المجلس ولا غيره ! تقريباً استقرّت قوائم الطلاب والمدرسه اللي عندها شاغر حاليا في أي صف تقدر تسجل الطلاب من المدرسه بدون الرجوع إلى المجلس , خاصة إذا كان الطالب ساكن في منطقة المدرسه . المجلس رفع سقف التسجيل إلى 30 طالب في الصف , وفيه تنقلات أحيانا فيسحب ولي الأمر ملف ولده وتحدث شواغر مستجدة . يعني السالفه ما تبي واسطه ولا غيره . إذا فيه شاغر من مصلحة المدرسه تسجيل الطلاب , و إذا مافيه تقوم بإخبار ولي الأمر بذلك..
تحياتي:victory:



على حد علمي المدرسه مافيها شواغر كلش بس هالام غصب تبغي اتضيفها في المدرسه من غير رغبت صاحبة الترخيص

[بوحسن606]

بو حسن
كن غيور على بلدك وافضح بأسم المدرسة واسم صاحب ترخيص البقالة اقصد المدرسة .



المدرسه ياخوي بصراحه ماعليها كلام و ماشالله عليها افضل مديره شفتها ف حياتي في تعاملها مع الاهالي وتقديرها لهم الي لازم ينفضحون هذول الي ف المجلس الي معطين هالاشكال وجه ويبغون يمشون كلامهم غصب