ممكن مساعده في مجال البنوك

[$$كلنا قطر$$]

السلام عليكم
الموضوع الله يسلمكم في واحد من الربع مقدم استقالته من شغله وعليه دين في البنك
البنك سوا لحسابه بلوك وخذو عليه فوايد زياده لأن ما في فلوس في الحساب
يوم راجعهم اشترطو عليه يشتغل وينزله راتب شهر وبعدها ينفتح الحساب او يسدد القرض كامل
هل هالشي قانوني
ياريت احد شغال في بنك او عنده خبره يفيدنا
والله يجزيكم خير

[شموخ دائم]

,

,


مرحبا


الله يساعده

كيف يستقيل وعليه دين ؟؟

اذا ما سدد 3 شهور راح يقدمونه للمحكمه

ان شاء الله يشتغل باسرع وقت يارب

او كل نهايه شهر يودع مبلغ القسط في حسابه




,

,


اخوك



شموخ دائم

[bo_s3ood]

الله يعينه

بس المفرووض مايسون عليه بلووك يقدر يراجع بنك ثااني ويستفسر من عندهم

وان شاءالله الاخواان يفيدونك اكثر

[ماريسا]

السلام عليكم
الموضوع الله يسلمكم في واحد من الربع مقدم استقالته من شغله وعليه دين في البنك
البنك سوا لحسابه بلوك وخذو عليه فوايد زياده لأن ما في فلوس في الحساب
يوم راجعهم اشترطو عليه يشتغل وينزله راتب شهر وبعدها ينفتح الحساب او يسدد القرض كامل
هل هالشي قانوني
ياريت احد شغال في بنك او عنده خبره يفيدنا
والله يجزيكم خير


ممكن نعرف أي بنك؟؟؟
و ليش البنك مسويين لحسابه بلوك؟؟ هل كان يودع قيمة الاقساك في حسابه كل شهر أو لا؟؟ بغض النظر انه استقال من وظيفته وماعنده راتب

[القلم الصريح]

ضمان القرض هو الراتب الشهري

فاذا الموظف استقال وين بيكون الضمان للقرض؟؟؟

فالمفروض مايستقيل الا بعد ميحصل على وظيفه ثانيه ويحول راتبه على نفس البنك لاستمرار سداده للاقساط

الشهريه ، الحل انه يبحث على وظيفه ثانيه او يسدد الاقساط الشهريه حتى ماتتراكم عليه ويتحول موضوعه

للشرطه

[VIVA]

اي نعم هذي شي قانوني

هذا البند موجود في عقد القرض (من اهم شروط القرض الراتب وفي حال فقدان الراتب لأي سبب من الاسباب يصبح عقد القرض ملغي ويكون القرض مستحق للسداد بالكامل حالاً)

واي مبلغ يدفع للعميل من جهة عمله عباره عن نهاية خدمه وبالاخص اذا العميل اجنبي البنك له الحق بالتصرف في المبلغ ودفع جزء او كل المديونيه، لأن نهاية الخدمه تدخل في شروط القرض.

بس البنوك مايتخذون اي اجراء في حال ان العميل عنده استعداد ان يدفع او انه بينتقل الى جهة عمل جديده فيجمدون الحساب الى اتضاح الرؤيه بالنسبه لهم.

اتمنى اني افدتك ولو بالقليل واذا عندك اي استفسار بعد انا حاضر


تحياتي

[monatee]

هالشي قانوني ومثل ماذكروا اللي قبلي من نصوص العقد الراتب الشهري

لكن حصلت معاي واستقلت من شغلي وتميت 3 شهور بدون راتب لكن كل نهايه شهر قبل تاريخ الاستحقاق اودع مبلغ القسط

بس الحمدالله اشتغلت فمكان ثاني وفتحت حساب في بنك ثاني لكن الى اليوم البنك اللي قرضي فيه مادرى شسالفه وللحين اودع نهاية كل شهر قبل الاستحقاق

وعلى ماعتقد صديقك صارت عليه متأخرات وايد وماكان يدفع القسط ولا البنك مايحجز ولا يسوي بلوك على الحساب حتى لو مستقيل

[VIVA]

هالشي قانوني ومثل ماذكروا اللي قبلي من نصوص العقد الراتب الشهري

لكن حصلت معاي واستقلت من شغلي وتميت 3 شهور بدون راتب لكن كل نهايه شهر قبل تاريخ الاستحقاق اودع مبلغ القسط

بس الحمدالله اشتغلت فمكان ثاني وفتحت حساب في بنك ثاني لكن الى اليوم البنك اللي قرضي فيه مادرى شسالفه وللحين اودع نهاية كل شهر قبل الاستحقاق

وعلى ماعتقد صديقك صارت عليه متأخرات وايد وماكان يدفع القسط ولا البنك مايحجز ولا يسوي بلوك على الحساب حتى لو مستقيل



قاونينا غلط الي انتي سويتيه

انتي لازم تحولين الراتب عليهم، واذا البنك عرف وعنده النيه ان ياخذ اي جراء ضدك فله كل الحق وفوق هذا كله يطالبك ان تدفعين القرض بالكامل ويكون مستحق السداد من تاريخ الاستقاله

واي اجراء متساهل فهذا (من طيب البنك) لأن القانون واضح في مثل هذي الحالات

نصيحه اختي
حولي راتبك على البنك الي اتي ماخذه القرض منه وجنبي نفسك اي مسائله



تحياتي

[الـمـحـنـك]

والله ياخوي انا خوي فصلوه من شغله وسبب الغياب طبعأ اخوي غيابه بعذر لكن ماعنده ورقه لاسباب عائليه

كان عليه قريب 500 الف الحين عليه 800الف وزيااده عليه عيال والله يعين زين اناحنا موجودين نصرف على عيال

لكن ازبده ياخوك ان البنوك ماترحم والله يعين رفيجك صج

والقوانين ياخوك ماتدري عنها لكن اول مايصير شي او تعسر من المديون تطلع ويطلعون القوانين

لكن ربك كريم والله يهون على رفيجك وبتوفيق للجميع

[الـقـاسـي]

هذي مشكلة البنوك الربويه نفس واحد من الربع تم في محاكم ومشاكل مع البنك لانه قدم استقاله من شغله وتم سنه وخذوا عليه فايدة يمكن 200 الف او اكثر بنك الدوحة

[Abdullah_89]

اخوي انا موظف في بنك

وفي حل لكل مشكله حتى

اولا لو كان قطري يقدم كتاب حق الرئيس التنفيذي او نائب الرئيس التنفيذي يشرح فيه الوضع او يطلب مقابلته ولو تكتب لي اسم البنك عالخاص ممكن اساعدك بالتفصيل وأطرشك بالاسم

تمر علينا وايد مشاكل ويتم حلها بين الادارة والعميل

[$$كلنا قطر$$]

الله يجزاكم خير ما قصرتو
ومشكور اخوي فيفا
والريال توه مستقيل وما عليه اي متاخرات وقالهم انه راح يسدد القرض شهريا نفس ما كان بدون تغير لاكنهم ارفضو يفتحون البلوك
وما علية اي متاخرات غير هالشهر
اخوي عبدالله بطرشلك البيانات على الخاص
وألف شكر للي ردو والله يبعد عنكم الديون والمشاكل