شفط الدهون بالليزر

[the prince]

السلام عليكم ورحمة الله وبركاته
أخباركم ؟؟
حبيت اسألكم عن شفط الدهون بالليزر عند الدكتور سعيد الكلداري حد جرب ؟؟
او حتى شفط الدهون العادي عند اي دكتور زين ؟؟ ويكون بسعر معقول لان اغلب الاماكن يرفعون فالاسعار
ويعطيكم الف عافيه

[الـقـاسـي]

سعيد كلداري ممتاز واخبر قال لي عن عيادته صوب بوهامور اذا ماخاب ظني بس مادري فتحها ولا للحين ..
حتى قال انه جايب جهاز لاول مره في الخليج يستخدم

[ماريسا]

كنت أبي اسوي عنده بس للأسف الاسعار ناااااار

[بنت شيوخ]

ماااااااااااادري عنه

اول مره اسمع اسمه

[الصريحه]

لاتجرب قبل ماتسال
استشير واستخير واعمل بحث بالنت واسال اهل التخصص
وان شاء االله حد يفيدك

[ساحل الشمال]

الله يوفقك ومثل ماقالت الاخت الصريحه شاور واستخير ربك والله الموفق .

[G0LD]

اقتراحي لك

مافي احسن من الرياضه الطبيعيه

حاول تشد على نفسك في الرياضه وابعد عن كل هذه المساوء التي لو حصلت مشكله لايحمد

عقباها !!

حاول تشد على نفسك واصبر على الرياضه وابتعد كل البعد عن الادويه التي تنزل في الوزن

كلها مواد كيماويه وخطره !!

اخبر واحد من الشباب الله يذكره بالخير كان متين حتى بالعافيه يركب السياره - واستمر

على الرياضه بشكل يومي واكل منتظم لكن جلس فتره حتى خف والحمدلله


ولا دكتور ولا ادويه ولا كل هذه الاشياء الكيماويه

والخيار لك

تحياتي

[تحداني]

عياده الدكتور الكلداري مفتوحه .. وهو طبيب رائع ما شاء الله عليه ..

..............................
مجرد شئ في الخاطر

مافي شئ افضل من الرياضه والاكل المنتظم .. كل ما يأتي بالطرق السريعه فإسترجاعه سيكون أسهل .. وهذه الطرق من شفط الدهون وتغير المسار .. وربط المعده للحالات المتقدمه جدا وللأوزان الكبيره جدا ..والتي من الصعب ان يتحكم فيها الشخص


كن على يقين ان الرياضه والنظام الغذائي الصحي
مهما طالت فتره النتائج .. الا ان النتيجه ستكون مرضيه .. ولن تعود عليك باي اضرار مستقبليه



ويبقى القرار الاخير لك


جملك الله برضى الرحمن

[مضاربه]

عياده الدكتور الكلداري مفتوحه .. وهو طبيب رائع ما شاء الله عليه ..

..............................
مجرد شئ في الخاطر

مافي شئ افضل من الرياضه والاكل المنتظم .. كل ما يأتي بالطرق السريعه فإسترجاعه سيكون أسهل .. وهذه الطرق من شفط الدهون وتغير المسار .. وربط المعده للحالات المتقدمه جدا وللأوزان الكبيره جدا ..والتي من الصعب ان يتحكم فيها الشخص


كن على يقين ان الرياضه والنظام الغذائي الصحي
مهما طالت فتره النتائج .. الا ان النتيجه ستكون مرضيه .. ولن تعود عليك باي اضرار مستقبليه



ويبقى القرار الاخير لك


جملك الله برضى الرحمن

انا رحت للدكتور سعيد بعد ماقريت مدحكم له شغله ماعجبني في الفيلر يمكن يكون شاطر في امور ثانيه مادري لان تخصصه جراحه يقولون شاطر في عمليات الانف عموما سالته عن جهاز الدهون وايد غالي ناااار نص الوجه بس 15000 وسويت بحث عن الجهاز الي عنده برا يسوونه 2000 دولار للوجه مع الرقبه مادري ليش ضارب ضربته في الاسعار يبي يقلد نادر صعب وغيرهم يبا هذيلا صار لهم سنين وهم يمارسون هذي المهنه مب توهم

[سارونه]

لا ليزر ولا تخسر فلوس على حاجة تقدر تسويها بنفسك - بس هالشي يبغي له اراده وعزم وقوة .

لابد من مقاطعة الكربوهيدرات ( النشويات ) ، والتقليل من اللحوم يعني في الشهر وجبتين بس ،
والاعتماد على الاسماك المشوية او التونه بالماء ممتازة وطعمها روعه .
و شرب الماء طوال اليوم ، واكل بعض الفواكة والخضروات لانها مافيها سعرات حراريه .
شرب الحليب الخالي من الدسم - دون سكر .
الرياضة ( 10 دقائق ) فالبدايه لحد ما تتحمل المشي ( ساعة ) .
وقول كلمة ( لا شكرا لا اريد ) لاي وجبة فيها ( فطاير ، سنديشات ، اكل دسم ) .

ويارب تستفيد من تجربتي :)

[تحداني]

مضاربه

هو في مجال تجميل البشره سمعت عنه انه رائع
اما في مجال التخسيس وشفط الدهون ما انصح في ولا دكتور من ما ما كان
" نادر صعب " صار رقم جدا صعب في عالم الجمال
والبنات هالايام ملهوفين عليه
وصرعات التجميل بدأت تأخذ منحى آخر غير علب المكياج للأسف
وطالت العمليات التجميليه


الاسعار ما عندي فكره عنها
ولا ادري عنها .. بس انا اتكلم عن الشخص نفسه .. انه مجال مدح واطراء في سوق النساء :)




جملك الله برضى الرحمن

[ummohammed]

مافي أحسن من الرياضة والابتعاد عن النشويات والكربوهيدرات

[مرتبش]

كم موضوع في هالصباح عن شفط الدهون وابر تجميد الدهون

ادري انكم عارفين ان تخفيف الاكل والرياضة ابرك من هذا كله .. وفوائدها اكثر من ان تعد او تحصى

فكروا فيها على المدى المتوسط والطويل..سويت عملية شفط ورجعت الدهون لانك متعود تاكل اكثر من حاجتك وبعدين؟ تشفط مرة ثانية

الرياضة مفيدة لكل شي والبنات ياريت يهتمون فيها اكثر ..الشباب نوعا ما طبيعة حياتهم فيها حركة اكثر

حتى لو اخترت العملية تبقى الحاجة لتخفيف الاكل والرياضة ..الحركة بركة

[ميموري]

انا بالنسبه لي رحت له والمفروض عندي جلسه اليوم

بس بصراحه جدا جدا جدا جدااااااااا اسعاره نااااااار

مع انه مو مضمون

انا قريت عن السمارت ليبو والالتراكونتور الاجهزه اللي عنده شفت اسعارها في بيفرلي هيلز

من 1500$ الى 2500$:eek5:

بس عنده على طول يقول 20000 ريال مع ان المنطقه صغيره

ليش شالسبب.؟؟

ماعرفت

بصراحه من شفت البنتلي في الباركنق عرفت الجواب :rolleyes2:

[the prince]

مشكووورين كلكم عالردوود
بس انا خلاص حطيت فكرت الشفط في راسي بس وين احصل لي احسن عياده وبسعر مناسب ؟
وحبيت اعرف تجاربكم او اي حد جرب الشفط
ومره ثانيه مشكوورين كلكم :)

[the prince]

Up up

[نورالهدى]

الشفط في الرميله

[the prince]

بكم تقريبا ؟؟

[أوركيدهـْ ~]

مشكلة شفط الدهون إنه الدهون تتكدس بعدين بمناطق أخرى من الجسم

وايضا خسارة فلوس على الفاضي ...

فمثل ماذكرو اللي قبلي الرياضه وتخفيف الاكلات الدسمه افضل طريقه

واذا الوزن over ممكن ربط المعده مع طبيب متخصص شاطر

[the prince]

المشكله جربت كل شي وخلاص الشفط دخل في راسي هههههههه

[Breakaway]

ما فكرت بإذابة الشحوم بطريقة الحمام البخاري؟

http://www.generationherbs.com/naturalremedies/images/SteamSauna.jpg


أنا عندي لك رأي روح للعيادة الي فيها هذه الأجهزة و صور موديلها و سو بحث في النت يمكن تقدر تجيبها بسعر رخيص أو جهاز مشابه لها و يمكن أصغر حجم و ما أعتقد ان أستعمالها صعب

[QtrGate]

في عيادة لدكتور بريطاني

يعطيك جدول غذائي منظم مع رجيم وحبوب

اسمه. نيوشرن او قريب من هاي الاسم

قريت عنه وايد والكل يمدحة

[مساهم مقرود]

دكتور كمال في العمادي يمدحونة

[الكنج]

المشكله جربت كل شي وخلاص الشفط دخل في راسي هههههههه


قفلت وياها ههههههه

[Bin.Yousef]

في حد جرب الشفط بالليزر ؟ او يعرف حد جرب ؟ نبي نشوف النتايج :)

[المظلومة]

في حد جرب الشفط بالليزر ؟ او يعرف حد جرب ؟ نبي نشوف النتايج :)

يعطيكم العافيه ع جميع الردود اللي استفدت منها ولكن انا وحده ضعيفه وطولي ووزني وااااااااااااااااايد اوكي

بس الكرش مادري شلون يروح حاولت كل الطرق يعني يبيله سنه يخف شوي تعبت

بخصوص الكلداري رفيجتي سوت عنده شفت الدهون بلليزر الصراحه الحين الكرش رااااااااااح مالها حل صدق غالي بس تدفعين في شي ثقه

انا سويت ليزر عند دكتوره خلود اللي في مدينه خليفه خلف برجر كنج الحين وجهي صار طبقات كل طبقه لون وصار حرق ف الوجه مافي فايده غير اقول حسبي الله ونعم الوكيل ع اللي يقولون دكاتره وهم ولا شي

ونرجع لموضوع الشفط هذا دكتور سعودي اسمه دكتور وليد

الجزء الاول من البرنامج

http://www.************/watch?v=-KJx9mzPAmA

الجزء الثاني من البرنامج

http://www.************/watch?v=M9tyhxa8gDE&feature=related

اي حد يبي سوال بعد ما تشاهدون هذا البرنامج راح يغنيكم عن السوال بس تبون تسونها

هذا فيديو يوضح طريق شفط الدهون بالفيديو

http://www.************/watch?v=075dnrfT4W0&feature=related

واتمني تدعون لي بالتوفيق :shy:

اتمني اكون كفيت ووفيت

اختكم المظلومة

[الأصيلة]

مشكووورين كلكم عالردوود
بس انا خلاص حطيت فكرت الشفط في راسي بس وين احصل لي احسن عياده وبسعر مناسب ؟
وحبيت اعرف تجاربكم او اي حد جرب الشفط
ومره ثانيه مشكوورين كلكم :)

إذا البطن كبير ماينفع إلا الجراحة
والنتيجة مضمونه إذا تنفذت التعليمات بعد العملية...
وحتى الذراعين,,
اما مناطق ثانية فـ الأجهزة العادية سمارت وربعه
مافيهم فايدة...

[موضي قطر]

اختي الواحد يخاف من العمليات عليك بالاعتدال في الأكل والمشي وعدم الأكل في الليل يطلع كرش وبتشوفين نتايج طيبة الا اذا كان الوزن كبير جداً فالله يعينك

[الطيبة كلها]

رميله ببلاش احسن من برع

[برنس قطر]

انا سمعت عن حبيب البسطي انه زين
والله اعلم بذالك

[OREO]

انا بالنسبه لي رحت له والمفروض عندي جلسه اليوم

بس بصراحه جدا جدا جدا جدااااااااا اسعاره نااااااار

مع انه مو مضمون

انا قريت عن السمارت ليبو والالتراكونتور الاجهزه اللي عنده شفت اسعارها في بيفرلي هيلز

من 1500$ الى 2500$:eek5:

بس عنده على طول يقول 20000 ريال مع ان المنطقه صغيره

ليش شالسبب.؟؟

ماعرفت

بصراحه من شفت البنتلي في الباركنق عرفت الجواب :rolleyes2:

البنتلي حق السايق و هو ما يجي العيادة الا بطيارته الخاصة ..