هامر H3 ايش رايكم !!!!!!!

[بو عبدالرحمن السهم]

خواني بغيت رايكم أفكر أشتري هامر H3 اشرايكم فيها زينه ومريحه تسوى ولا Vx احسن وانا موب من النوع اللي يغير يعني بغيت شي يتم

[لمت داون111]

السلام عليكم

والله ياخوي بصراحه محد يمدح الهامر والي خلي الشباب يطبون عليها بالبدايه هو انه سعرها مب غالي ذاك الزود وشكل جديد غير الجيات والنياسين وكنت اعرف اثنين من الربع والله خذوها اول مانزلت وماتمت ست شهور عندهم وباعوها علي طول وارجعو للجي ! واذا تبي نصيحتي خلك علي الفور ويل المعروف ابرك لك بس اذا انك مب من النوع الي يغير كل سنه انصحك تصبر عمرك كم شهر لين مانشوف بدي الكروزر الجديد اخر هالسنه او في صيف سنه 2007 راح ينزل اكيد يعني الموضوع ماراح يتعدي سنه او سنه ونص وتاخذ بدي جديد احسن من انك تدفع ذاك الزود وعقب ماينزل البدي الجديد تطيح نص قيمه موترك ! نفس ماصارت هالنكبه حق شباب اعرفهم سنه 97 يوم شرو في اكس ار لمتد بـ 160 الف وعقب كم شهر نزل البدي الجديد ويوم اعرضو مواترهم والله اعلي سعر جاهم 110 الاف ! شوف الفرق في شهور قليله !

وبالتوفيق ان شاء الله يالغالي

[بو عبدالرحمن السهم]

شاكر ردك اخوي وما قصرت >>>بس بعد اللي عنده خبر عنها يقول

[BURBERRY]

اخوي اذا انت في خاطرك الموتر خذه و توكل على الله و استانس ..

لان اغلب الناس بيقولون لك خذ كروزر ..

بصراحه انا لاعت جبدي من كثر ما اشوف الكروزر في الدوحة

[ولدالدوسري]

يعطيك خير الي بتاخذه ويكفيك شره وشوف رايك مو راي الناس انت الي بتسوقها مب احنا

[hamoor4ever]

اخوي اذا تبي موتر غير الجي ..

اسمع مني باجر مر على وكاله الفولكس واجن ..

وشوف الطوارق عندهم نوع ب 159000باقي منه اخر سياره . شوفه قبل ماتاخذ الهمر وتحسف

وشوف الفرق السما والارض

وبعدين الطوارق اتحدى حد ساقه ومايمدحه وغير جذيه كشخه وماشاء الله الموتر ماعليه كلام على حسب اللي جربوه .. وبصراحه كفايه انه الماني

واذا ماعجبك .. صراحه مالك الا ال في اكس واسمح لي انه شفت الهمر بصراحه سياره مهب عمليه كلش بس اللهم شكل من برع يعجبك .. وصدقني بتمل منه بسرعه ..

عموما اذا عاجبك ولك خاطر فيه لاتتردد .. لان مستحيل تلاقي سياره بيتفق عليها الكل .. يعني حتى الكروزر صارو يقولون لك يملل شكله مافي سياره الا وحطو فيها عيب

بعدين انا سألت الوكاله يقولون شكل 2007 نفس الشي
يعني لو تنطر سنه ونص تاخذ لك الشكل اليديد
وسلامتكم

[بو عبدالرحمن السهم]

خواني العاشق المحروم

ولدالدوسري

hamoor4ever

مشكورين وما قصرتوا بكره بروح الوكاله وبقارن وشكرآ

[مساهم متوهق]

اخوي اولا السلام عليكم

بالنسبه للهمر الصغير عجيب صراحه انا عندي واحد استخدمته ولين الحين موجود عندي وبصراحه مافيه شي بس اذا انت راعي سفر تروح بر يعني تسافر عن طريق البر ع الخط يزعجك صوت الهواء بس وغيره مافيه شي الغالي صح انه خمسه سلندر بس عجيب حتى في البر بعد حلو مب ع كلام الناس

[عالي مستواة]

والله ياخوي ما انصحك فيه الصراحه

انا كان عندي واحد من اول دفعه كنت طالبه والصراحه الموتر مافيه شي ايجابي ينذكر غير انه همر
سافرت فيه ولوع جبدي على الخط الصراحه وممل ومافيه ذيك الكماليات اللي الواحد يستانس عليها والموتر الصراحه بتملل منه ... لانه مايمشي خير شر بس فسه ريافه وثابت على الخط هذا احسن مافيه والا هو موتر ضيق ومايسوى ... واكثر اللي عندهم يحاولون يصرفونه

وعلى فكره انا ما تم عندي الا شهر ونص وبعته لاني مابلعته كللللش بس انغريت فيه اول ماشفته في النت
ومثل ماقالوا لك الاخوان بسعره تقدر تشتري سيارة احسن واجود منه وومكن تلقى الرفاهيه اللي ماتلقاها فيه وموتر اذا جيت تبيعه بتبيعه بسعر حلو في المستقبل

والله يوفقك اخوي