استفسار اتمنى تساعدوني

[مـــفاهــيم]

عندما امتلك ترخيص تجاري واريد اكون وكيل

لشركة ما او محل ما ما هو دوري كوكيل؟

بمعنى اخر ما الذي اوفرة لنجاح هذه الوكالة؟

[شموخ دائم]

,

,


مرحبا


اخوي الكريم اذا ماعندك شركه من قبل فلا تحاول تاخذ توكيل لا ي سلعه او منتج او ماركه

اشبه لك الوضع مثل الشخص الي عنده امتحان وما درس له ودخل الامتحان وصار مو عارف كيف يتصرف هو الوضع بالضبط نفس المثال

اخوي شروطهم معروفه

1- يريدون شركه قويه وما يعطون التوكيل الا لشركه قويه ( ويعملون زياره لشركتك )
2- يريدون معرض خاص فيهم ( عليك الايجار ورواتب الموظفين )
3- يشترطون حجم مبيعات معين لازم تشتري منهم بحجم مليون ريال ( على سبيل المثال )
4- غرامه ماليه اذا لم تقم بتحقيق المبلغ المطلوب تحقيقه سنويا
5- لهم طلبات في توظيف موظفين للتوزيع

اذا ما حققت الشروط تبقى الوكاله مجرد اسم وما منها فايده وراح تفكر تبيعها
وماراح تقدر تبيع الا بموافقتهم ولازم تبيع على شركه كبيره

واذا ما قدرت تبيع راح يجيك فاكس او ايميل مكتوب فيه كلمتين
سعدنا بالتعامل معكم ونعلمكم انتهاء فتره التوكيل معكم

( نصيحه )

لاتحاول تشتري وكاله من السوق او من احد
في مثل يقول
( لو فيه خير ما هده الطير )


:)


موفق يارب



,

,


اخوك


شموخ دائم

[مـــفاهــيم]

شموخ دائم مشكور على على المعلومات المفيدة

ولكن لأكن معك صريحة، المحل ليس له فرع في قطر ويريد

فتح فرع له هنا بمساعدتي وانا لا اريد "وجع راس" اريدهم ينجحون

واريد فقط دخل شهري " نسبة"منهم للخدمات التي اسهلها لهم

فهل تعتقد هذا ينجح؟ وما يطلق عليه وكالة؟

[شموخ دائم]

,

,


مرحبا

هذا موضوع مختلف عن نظام الوكاله (المتعارف عليه) الوكيل يقوم بتقديم كل شي في بلده والشركه الاصليه في بلدها

اما طريقتك فهي اقرب للشراكه بنظام النسبه او ما يطلق عليه

( sponsor ) الراعي او الشريك او الكفاله

هو ان تقوم الشركه بالحضور الى قطر وتباشر اعمالها بنفسها مقابل رعايه القطري

كذا نفتح معاهم باب التفاوض اما نتفاوض مباشره من خلال لقاء

او نتفاوض ونفتح النقاش من خلال الايميل او الفاكس او الهاتف ونركز على كلمه sponsor

من خلال النقاش راح يحطون طلباتهم وماهي الخدمات الي يريدونها منك

وهي عاده معروفه

تسهيل امورهم في دوله قطر من خلال اداره العمل ( الفيز والتاشيرات ) والجوازات والبلديه والجمارك وتخليص معاملاتهم مع الدوله

وانتي من خلال هذه التسهيلات المقدمه من طرفك تطلبين نسبه معينه اذا كان هدفك نسبه 2% اطلبي في اول التفاوض نسبه 4%
حتى نوصل الى المطلوب 2% او بدل النسبه مبلغ متفق عليه

ابتدي اول خطوه وهي التفاوض

وشوفي الى وين راح تروح المفاوضات اذا كانت قريبه من طموحك وتحقق الامان لك توكلي على الله
واذا كانت بعيده عن امكانياتك ننهي المفاوضات والنقاش ونكتفي بالعلاقات الطيبه معاهم

اعتقد الموضوع يستحق المحاوله افتحي باب النقاش

والي فيه الخير الله يجيبه ان شاء الله

,

,


اخوك



شموخ دائم

[مـــفاهــيم]

شور طيب طيب الله ذكرك خوي شموخ دائم
وسوف نبدا التفاوض والله الموفق.