ايهما افضل العلاج بامريكا ام المانيا؟!! بلييييز ساعدوني

[بونو]

السلام عليكم جميعا..
حبيت اسأل بخصوص علاج الscoliosisانحناء العمود الفقري.. ف اي مكان افضل علاجه جراحيا .. امريكا أم ألمانيا؟ سبب ترددي هو ان دكتورين رجحوا لي امريكا وبأنها متقدمه عن ألمانيا ب50 سنه.. وانا في حيره ف الاختيار لان المعروف بأن ألميانيا معروفه بالتفوق ف علاج العظام!!
ارجوكم افيدوني من اللي عنده خبره تامه ف هالموضوع.. ومن المستشفيات المرشحه .. ف انتظار ردودكم
وشكرا
( اذا ف حاله scoliosis اجرت عمليه بليز تراسلني عالخاص لان محتاجه اتكلم معاها بالتلفون)

[R 7 A L]

امريكا اخوي وتوكل على الله

[متداول عالمي]

امريكا

[الـقـاسـي]

انا بقول الي اعرفه

عندي واحد من الشباب راح المانيا عشان هالمشكله ولده عنده انحنا في العمود الفقري وسوا عمليه ومانفعوه بشيء نهائيا وبعدها راح امريكا وسوا العمليه وانا شفت ولده قبل وبعد العمليه بصراحة فرق كبير جدا والحمد لله الولد بعدها بكم يوم يمشي ومافيه الا العافيه مع العلم انهم سوو له عمليه من قبل ومانجحت ..

المستشفى اللي سوا فيه هو جونز هوبكنز ولاية ميريلاند من افضل المستشفيات صراحة في امريكا ..
اذا محتاجة معلومات اكثر عن المستشفى انا حاظر ..

وممكن تراسلينهم وتشوفين شيقولون بس نصيحة لاتروحين المانيا لان كل اللي اقابلهم رايحين المانيا متحسفين انهم ماراحو على امريكا قبل المانيا

[شهد]

استخير احسسن

انا بنسبه لي امريكااا

[al wab]

السلام عليكم ورحمه الله وبركاته

الله يشفي مريضكم ويقومه بالسلامة

راح ادلك على مشتشفى Werner Wicker Klinik بالمانيا

متخصص وعن تجربة شخصية معاهم لمدة 6 سنوات بحكم المراجعات لي معاهم

والحالات اللي شفتها وتكلمت معاهم وعندهم

انحناءات سواء كانوا شباب او اطفال والاهم من هذا كله انهم بعد الفحوصات يقررون باجراء

العملية او تأخيرها اذا كان في ضرر او صعبة بالنسبة للاطفال

انصح بالمستشفى ولكن ماراح انكر انه ايضا اميركا مش جيدة في هذا المجال ولكن ليس مثل

ماذكر الاخ متقدمين على المانيا بـ 50 سنة !!!

وتقدرون تسألون عنه اكثر عن طريق اللجنة الطبية او الاتصال

بالمكتب القطري الطبي في المانيا

وهذا موقع المستشفى ايضا يوجد بنفس المستشفى مكتب عربي ممكن التواصل معاهم

عن طريق الهاتف او الايميل

http://www.werner-wicker-klinik.de/index.html

http://www.werner-wicker-klinik.de/Abteilungen/arabisch.html

-----

وعلى هذا الرابط تجدون الأسئله الأكثر تكراراًً والاجابة عليها بخصوص جراحة العمود الفقري

http://www.werner-wicker-klinik.de/Abteilungen/faq.html


وبالتوفيق ان شاء الله

[وهم قطر]

ان شاء الله امريكا

أما المانيا متخصصين للعظام كسور وماشابه

[مسافر77]

طبعا ألمانيا أحسن في علاجاتها العظمية ومتقدمة أكثر
هذا اللي أعرفه والله أعلم
يرفع لأصحاب الأختصاص والمعلومات الصحيحة

[تحداني]

انا سمعت عن ألمانيا كثير في مجال العظام
وتختلف التجارب بإختلاف حاله المريض .. من الصعب جدا نحدد البلد
بس لو كان في حالات مقاربه من حالتكم .. من الافضل انك تستشيرهم


ولو يساعدونك الاطباء
راح يكون افضل ..



ما اتشوفون شر
جملك الله برضى الرحمن

[الصريحه]

استخير واسال
على حسب اي مستشفى في المانيا او امريكا
وبعدها اقرر
والله يشفيك

[fahad otaiba]

الله يشفي الجميع

[ودي أكون]

امريكا احسن ..

وحده من هلي راحت المانيا عشان ظهرها بعد .. من شهر 7 ولحد اللحين اعلاجها مافيه اي تقدم .. وكلمت السفاره وغيروا لها المنطقه .. المانيا بس ودوها منطقه ثانيه عند دكتور ثاني ..

ولحد اللحين بعد ماشي نتيجه .. ومن كم يوم كلمتها واتقول علاجها مطول ومددوا لها 6 شهور !!


انصحج بامريكا وعسى الله يشفي كل مريض يارب ..

[SmartMan]

أسمع كلام الدكتور وتوكل على الله .....الدكاترة أبخص بهالأمور

[مستثمر999]

بالنسبه للعظام مالك الا المانيا ومستعد روح لمستشفي الجامعة في دوسلدورف فهناك برفسور خطير جدا متخصص بالعامود الفقري وعندك ايضا واحد في مدينة اخن غير انه المصحات عندهم ممتازة جدا وتساعد على الشفاء السريع باذن الله واذا محتاج لمساعدة انا حاظر

[missperfect]

استخير ربك ،، والله يشفي المريض

[مشاكل]

امريكا بلامنازع
وفي ولايه في امريكا مااتذكر اسمها كلها مستشفيات ومراكز بحوث طبيه
الطب في امريكا الاكثر تطور وبراحل عن امريكا سواء من ناحية الاطباء او الاجهزة او التقنيات المستخدمه

الله يشفي كل مسلم ويبعد عنه كل مرض

[قطري vip]

امريكا بلامنازع
وفي ولايه في امريكا مااتذكر اسمها كلها مستشفيات ومراكز بحوث طبيه
الطب في امريكا الاكثر تطور وبراحل عن امريكا سواء من ناحية الاطباء او الاجهزة او التقنيات المستخدمه

الله يشفي كل مسلم ويبعد عنه كل مرض

اعتقد انها نورث كارولينا والمستشفى اسمه ديوك من احسن المستشفيات وهو ايضا جامعه

للبحوث الطبيه

[الأصيلة]

أمريكا من تجارب الآخرين..
بعدين أرخص ومعاملة أفضل...
وبالشفاء العاجل إن شاء الله..

[السليطي 1]

اكبر مستشفى للعظام و الظهر في اوروبا و في المانيا تحديدا يوجد في ميونخ

و تحديدا في مدينة صغيرة اسمها ((( مور ناو ))) و هي بجانب

((( جارمش ))) على حدود النمسا مستشفى في قلب الطبيعة

سيفيدك كثيرا اتمنا ان تزورة

[عبدالمحسن]

بدون مقارنه

امريكا في جميع المجالات

[Most Wanted]

امريكا من واقع تجربه في علاج الوالده الله يحفظها ويعطيها الصحه
واخذ شوري روح اللجنه الطبيه وخل يطرشون التقارير لك وشوف شنو يردون عليك

وماتشوفون شر انشالله

[بونو]

اشكركم جميعااااا