اكاديمية الجزيرة وتحولها الى مدرسة عربية

[ام وليد]

صباح الخير ياجماعة ...

شأخباركم .. الصراحة سمعت خبروكنت حابه اتاكد عن مدى مصداقيته ..
هل فعلاً اكاديمة الجزيرة سوف تغير نظامها وسوف تحول نظام التدريس
من مدرسة بنظام اي بي الى نظام المدارس العربية المتطورة ,,,

ياليت تفيدوني ياجماعة لان الخبر وايد مأثر فيني

[المخباط]

أنا مستغربة مثلك
توهم داعينا يحتفلون بمناسبة حصولهم على الاعتراف الدولي لشهادة البكالوريا في المستويات الثلاثة وهو ما يميز قلة من المدارس
أمس ولدي يقولي ان مدرسينهم يقولون المدرسة بتتحول مستقلة
أنا اتمنى تكون مستقلة وبنفس المستوى الاكاديمي والكادر الوظيفي
وتكون الدراسة مجانية :nice:

[SmartMan]

تتغير الأنظمة ولا ماتتغير ...أعتقد المشكلة في إستيعاب الطلبة يعني ممكن شافوا مستويات الطلبة لا تتوافق

مع المستويات والمعايير الدولية ...لاتضغطون على عيالكم أكثر من اللازم خلوهم على قدهم حبة حبة . :)

المفروض يبلغون أولياء الأمور قبل بداية الدراسة علشان اللي معترض يروح يلحق و يشوف مدارس ثانية.

[زهرة قطر]

اللي عنده فكرة عن الموضوع يقول لنا شالسالفة
لأن الكثير من أولياء الأمور حاطين عيالهم عشان البكالوريا الدولية
ولدي يوم قالي الموضوع تكدرت وين باحصل له مدرسة ثانية والمدارس كلها زحمة
ومع غن غانم آل سعد صاحب المدرسة وتوهم فاتحين أكاديمية المها فياريت نعرف الأسباب اللي دفعته للتفكير في إغلاق أكاديمية الجزيرة وتحويلها لمدرسة عربية أو مستقلة وهل هذا الشئ بموافقة المجلس الأعلى
نداء حق غانم آل سعد ترى مستقبل عيالنا في ذمتك لأننا يمكن مانقدر نحصل لهم أماكن في مدارس ثانية الله يوفق عيالنا لما فيه الخير والصالح

[ام السعف]

طيب ،، ليش ما تتصلون المدرسة وتسئلونهم ؟

[زهرة قطر]

طيب ،، ليش ما تتصلون المدرسة وتسئلونهم ؟

من الساعة سبع ونص الصبح وأنا أحاول أتصل وما يردون الظاهر إن مكالمات وايد توصلهم
للأستفسار عن هالسالفة ففضلوا عدم الرد!!!!!!!

[كازانوفا]

غريبه امورهم هالمدارس
ياربي كل يوم خبر وكل يوم فاجعه للاهالي بمصير ابنائهم

لا حول ولا قوة الا بالله

[ام وليد]

صباحكم فل وعنبر ...

هل في اي اخبار عن اكاديمية الجزيرة مازل انتظر ياجماعة

[الصريحه]

الله يعينك مافيه حل الاتروحين لهم وتاخذين الخبر الاكيد منهم راسج براسهم
والله يوفقك

[هدوء الصباح]

نعم الخبر مؤكد...موجود في جريدة الراية

[المخباط]

فية اجتماع يوم الاحد الساعة 6 مساء
لمناقشة تغيير المنهج
الله يستر:rolleyes2:

[sulai6i]

صباح الخير ياجماعة ...

شأخباركم .. الصراحة سمعت خبروكنت حابه اتاكد عن مدى مصداقيته ..
هل فعلاً اكاديمة الجزيرة سوف تغير نظامها وسوف تحول نظام التدريس
من مدرسة بنظام اي بي الى نظام المدارس العربية المتطورة ,,,

ياليت تفيدوني ياجماعة لان الخبر وايد مأثر فيني



سيتم الغاء نظام البكالوريا الدولية فقط
والتدريس كما هو باللغة الانجليزية

الإلغاء اعتقد كان بسبب ان مؤهلات المتخرجين العام كانت متدنية جدا