الي تحب العبايات تدخل

[$بنت شيوخ$]

بنات المنتدى بقولكم مشكلتي مع العبايات كنت افصل العبايه ب 1000 الى 1800 هاذيلا فيهم شغل واخليهم حق الزيارات بصراحه ماقدر افصل منهم وايد لانهم غاليين نصحوني بنات بسوق فالح رحت فصلت عند محل والله الشيله مخرومه وبس كم يوم غسل راحت العبايه الخلاصه ابي عبايات افصلهم والخامه تكون جيده والخياطه نظيفه الي يعرف يدلني الله يجزيه خير واهم شي يكون السعررخيص

[$بنت شيوخ$]

شدعوه عطوني ويه

[umjasem1]

ريم الامارات اللي في سوق واقف .. عباياته حلوة وشغله تمام ^_^

[$بنت شيوخ$]

مشكوره ام جاسم شفيهم البنات صارو يبخلون بلنصيحه

[الأصيلة]

نور العيون بمدينة خليفة الجنوبية
حبايب في العزيزية
وإذا تقدرين روحي السعودية الكل يمدح عباياتهم من حيث الخامة والسعر..
أنا جربت عبايات جده...

[$بنت شيوخ$]

مشكوره ياالأصيله

[حراير قطر]

دوم افصل عبايتي عند رفيق بالستي سنتر

واختار كريب سعودي ...

[$بنت شيوخ$]

تسلمين حراير

[MeMe]

مملكة العبايات اللي في شارع الفروسية, اسعاره وايد زينة وكريب سعودي رقم واحد عنده وايد حلو

[$بنت شيوخ$]

مشكوره مي مي

[انا حره]

روحي السعوديه حلووه عباياتهم وبالعثيم تهبل محلات العبي

الحين بشارع معيذر التجاري فاتحين محلات شكثر روحي وشوفيهم وبالعزيزيه بعد

[عنابي 2010]

معيذز التجاري روعه وموديلات حلوه والاسعار مناسبه

اللله يوفقج

[$بنت شيوخ$]

تسلمين انا حره شكرااا عنابي

[همس 1]

مووفقه

[ريومه87]

محل بدون اسم ف الستي

[ذيب الريان]

والله انا عن نفسي كبل عباياتي من الامارات افصل مرة وحده

[جاكوار]

عبايات الحلوين وريم الامارات فالخريطيات
واسعارها تحت الالف

[cupcake_time]

حببتي .. اهم شي يكون كريب سعودي .. وطريقه الغسل بعد عشان ماتخترب العباه .
علمي الخدامه تغسل لج العبايه فليل بمشامبو العبايات على يدها طبعا وتنشرهم والصبح اتشيلهم ترى الشمس خصه الظهر تخرب العباه .. وبدعين لي ان شاء الله

[umhend]

عندج سوق العزيزيه للعبي وسوق خريطيا بعد وانا طالبه عبي من بحرينيه كانت عارضه عبيها
هنا في المنتدى وامس وصلو عباياتي حلوووي وايد عجبوني اسمها قمرة البحرين

[crystal tear]

عندج محل البحرين للعبايات فسوق الخميس والجمعه تفصيله وايد حللو وقطعه ماتخترب اتم فتره طويله فوق السنتين ,, هو كان قبل فسوق الاحمد بس يوم اهدموه راح سوق الخميس والجمعه ,, وفي محلات عبي وايد ذاك الصوب بس انا ماجربت غير البحرين للعبايات

[الـآنسـہ]

عندج محل البحرين للعبايات فسوق الخميس والجمعه تفصيله وايد حللو وقطعه ماتخترب اتم فتره طويله فوق السنتين ,, هو كان قبل فسوق الاحمد بس يوم اهدموه راح سوق الخميس والجمعه ,, وفي محلات عبي وايد ذاك الصوب بس انا ماجربت غير البحرين للعبايات


صحيح كلامج انا نصحوني فهي و عن تجربه الحمدالله ,
العبايات ما تخربت اللهم الطقطق يطيح :p

و شارع معيذر التجاري كله محلات يديده فاتحه اسعارهم بين الـ 200 - 600 حسب الشغل ,
الأهل يفصلون هناك و على حسب كلامهم الخامه ممتازه و تتحمل

ان شاء الله تلقين اللي تبينه و اللي فيه خير لج

[جود 88]

عندك محلات العزيزية والريان
لكن كنت اشتري عباياتي من السعودية الاحساء والدمام والرياض كمان والله ماتصدقين شاريتهم اكثرهم صار له اكثر من 3 سنوات وموديلاتهم للحين ماشية بسوقنا وخامتهم روعة
كريب سعودي اصلي او اختاري فارسي

[أم شيوخ]

في وحده جديده قطريه تصمم عبايات والكل يمدح عبيها اسمها دار نوف للعبايات اذا تبين رقمها قوليلي

[سحايب قطر]

ممكن اعرف رقم دار نوف للعبايات ، سمعت عنهم بس ما قدرت اوصل لهم

[]دانة الدنيا]

روحي المنتزة ارخص من العزيزية

[أم وضاحي]

عباياتي أفصلها في الخبر
و العبايات العاديه اللي حق السوق و مواعيد المستشفى عند القطريه إللي في السيتي
و اختي توها مفصله عبايات عند محل في المنتزه توه فاتح واااايد تمدح شغله و تقول ببلاش و خاماته ممتازه

[Silent Heart]

انا اخذ من السعوديه جزيره الاميرات بمول العثيمين

نوعيه القماش زينه وعاشت وياي مع الغسيل

واسعارهم خياليه

[روضه الجنة]

سوق الديرة

[عوآآآآشـي]

رفيق فالستي احسن كريب سعودي جربته

[أخت الغالي]

سوق فالح عبيه حلوة وعمليه لشغل للجامعه ....

سحاب - ريم الامارات - النجوم - الجوري - تصاميم - الروني ...

فيه بمعيذر والريان ...

[أخت الغالي]

ماتسوى الحسى والخبر ... عشان عباه حتى لوكشخة مايستاهل العنوة ...

[Eman Qtr]

عندج المحلات اللي في الستي مثل رفيق والعباية القطرية عباياتهم عملية وحلوة

[ضي البدر]

عندج الله يسلمج محلات العبي الي في العزيزية.. وأنا أتعامل مع محل أفنان وتوليب.. وموفقة يارب..

[قطرة ندى]

حبيبتي في اي محل تروحينه لازم تختارين الخامه الزينه
عندج اذا العبايه حق الدوام والكرف احسن شي الكريب السعودي
ولكزس رخيص ويستحمل الكرف بس عيبه ثقيل اشوي
أنا الحين استعمل ندى واايد ناااعم وخفيف ومايمسك الغبره من تحت بس انتبهي فيه منه اللي (بلمعه) هذا خايس ويتمشع
بسرعه ع العموم أخذي السمبل واسألي على نوع الخلق وسعره ومدى تحمله

عندج محل المندول في العزيزيه خياطه مرتب ونظيف واسعاره حلللوه*

[tamy]

عبايات القطريه ورفيق
اسعارهم زينه يعني من 650 لين 2000 بس ولا تتغير عبيهم

[فطووم]

موفقه

[مها88]

بنت الجزيرة // بسوق أحمد بن علي

شغله تمام .. كأنه جاهز

[المبرمج صلاح]

ماشاء الله بالتوفيق