O0o0 عجوز ومتشببه والله حالـه Stop O0o0

[شبح الصمت]

مدخل //

اليوم تشوفين نفسج قمر وصغيرونه في هالكــون

وباكر لي جاء باكر تقولين حسافه على وقتا مضى

صراحة انا تحز بخاطري لين اشوف مره كبيرة عمرها ما يقارب 50 أو أصغر ومتكشـفه ومطلعه الوجه ومب مشكلة لو مطلعته إلا مكياج ملطخه الوجه أخضر أحمر أصفر رموش اش طولها !!

ليش ما سألتي نفسج أنا ليش قاعده أسوي جذيه ليش ما اسوي هالشيء بين هلي ربعي زوجي ليش قدام خلق الله اخليهم يتمعنون يطنزون ياخذون سيئات على حسابي !!! ما تدرين أنج محاسبه وانا ما اقصد الكبار فقط بعد الصغار في السـن بس كل البلاء واللوم على من هم مربونا قدوتــنا !!

يعني تحصلينها تدخل مجمــع وإلا في أي مكان دفه ملونه ما تركب عليج يمه يمه تراج يمه ولين جاء موقف وسولفتي معاها وقلتي لها يمـه تحسين انه خاطرها تعطيج بوووووكس ادخلج في الطوفـه ,,

صراحة فديت عجيز قبل وفديت البطوله وفديت ريحتهم

سبحان الله شوفوا الفرق امس انقليزيه في سوق واقف تصور تدرون قامت لهم وحده من العجيز ام بطووووووووووووووووله الي عند البسطات الي فالشارع وقامت تزاعق عليها هي انتي هي يلا مناك لا تصورين يلا والله اقولكم الانقليزيه خافت وشلت نفسها ما كملت تصوير

مب هالشيء لانها جاءت وصورت السوق لا لانه وقفت تصورهم والا اهي العجوز ما عندها مانع تصور بس تصور العجيز لين الحين الغيره موجودة ربي يحفظهم !!

وفي حريم تحصلونها تدلع وتسوي لها حركات !!!
ما فكرتي أنج محاسبه على كل حركة وكل شيء تسوينه !!
انتي مدرسة لازم تعدين جيل طيب الاخلاق مب جيال تجلسين معاه عادي بناتج تحصلينهم جالسين فالشيشه قمتي وجلستي كانه عادي ويمدون لج الشيشه وتلقطينها كانه داشه سباق اسرع شفطه سهلات الدعوة عامـة !!



مخرج //

يـــــــــلا تناظرين الكون بعيونج وتحسبين انه ملك يبن ايدينــــج

ردي لخالق السماء والكون وتذكري انج بتحاسبين يوم الحسابي

اهداء لكم المقطع الي تحت

http://www.************/watch?v=u2a1qx3j8Mg

حطو يو توب دوت كم مكان النقط وسمعوها

[ميموري]

موضوع فيه نوع من المبالغه

او انا عايشه في عالم اخر

[دلة الرسلان]

تقدر تقول اللعب في وقت بدل الضايع :(

[العـوا]

بتاخذ زمنها وزمن غيرهااا

[شبح الصمت]

موضوع فيه نوع من المبالغه

او انا عايشه في عالم اخر



اشلون نوع من المبالغه !!!

يمكن انتي ما تطلعين وتشوفين وهذا الشيء نعمه من رب العالمين

احسن لج

شرفني مرورج

[شبح الصمت]

تقدر تقول اللعب في وقت بدل الضايع :(



صراحة شيء يقهر

الواحد يشفق على حالها

:weeping:

[شبح الصمت]

بتاخذ زمنها وزمن غيرهااا



في موضوعك يالعوا ذكرت الشيبان !!

عيل ذولي شالحل معاهم

:omen2:

[do7awi]

انت مبالغ وايد.

اشدخل الانقليزية اللي تصور في المتشببات؟
وحدة و تصور سوق قديم مع زي النساء. و العيوز مب متفصخه .. يعني مثل ما يشوفونها في الشارع يشوفونها في الصورة .. سيم سيم.

و المرأة بطبيعتها تحب انها تكون جميلة و تتجمل..

المشكلة تدري وين؟ المشكلة ان مادري من قايل لهم ان هالاصباغ حلوه!!!! الله يلوع جبودهم!!

[ودي أكون]

إذا كان رب البيت بالدف ضارباً ... فشيمة أهل البيت كلهم الرقص !!


واتقولون بــو 16 و18 سنه فعلتهم وتركتهم !!

[شبح الصمت]

انت مبالغ وايد.

اشدخل الانقليزية اللي تصور في المتشببات؟
وحدة و تصور سوق قديم مع زي النساء. و العيوز مب متفصخه .. يعني مثل ما يشوفونها في الشارع يشوفونها في الصورة .. سيم سيم.

و المرأة بطبيعتها تحب انها تكون جميلة و تتجمل..

المشكلة تدري وين؟ المشكلة ان مادري من قايل لهم ان هالاصباغ حلوه!!!! الله يلوع جبودهم!!




انا اقولك عن الغيره شوف هالعجوز وهي مغطيه ومحدن يعرف ملامح وجها وما رضت على نفسها وذيج مكتشفه ومكياج وحاطه بلاوي وسهلات تبي العالم كلهم يشوفونها !!!

ما قلنا ما تتجمل بس بالمعقول ياخوك والله في أشياء مبالغ فيها مبالغ فيها مب لهم بنقول فرضا للصغار يلا مع انه بعد غلط بس اهي No No No

:weeping:

[الرويـس]

انه (الاحتفاظ بالرونق )
:(

[ضي البدر]

يمكن قصدك بعض الحريم (اللهم احفظنا واستر على بنات المسلمين) ياتكون كبيرة او مطلقة وبالحالتين بيقولون لك عادي بنخربها عاف علينا الزمن ومحد له عندنا شي...

طبعا مو الكل بس الي ناقصه عقل ودين..

والحمدلله مانشوف هالنوعية عندنا وايد ومنتشره...
بس عيووز ماقد شفت يمكن قصدك جنسيات ثانيه !!! عندهم عادي

[شبح الصمت]

إذا كان رب البيت بالدف ضارباً ... فشيمة أهل البيت كلهم الرقص !!


واتقولون بــو 16 و18 سنه فعلتهم وتركتهم !!

الله يستر عليهم والله
ما ينلامون من الي يشوفونه من الكبار
ارحم الله والديج
:(


انه (الاحتفاظ بالرونق )
:(


الواحد عليه من الرونق الداخلي القلب دامه طيب

الرونق الخارجي بيكون طيب

بس دامه في الباي باي رح يكون في الباي باي

:weeping:

[شبح الصمت]

يمكن قصدك بعض الحريم (اللهم احفظنا واستر على بنات المسلمين) ياتكون كبيرة او مطلقة وبالحالتين بيقولون لك عادي بنخربها عاف علينا الزمن ومحد له عندنا شي...

طبعا مو الكل بس الي ناقصه عقل ودين..

والحمدلله مانشوف هالنوعية عندنا وايد ومنتشره...
بس عيووز ماقد شفت يمكن قصدك جنسيات ثانيه !!! عندهم عادي


ياخوك انا ما حطيت الجنسية ولا ذكرت عشان ما تقولون فيني حقد على احد

لا انا اتكلم بالعاميـه كلهم

وليش 50 توها صغيرة !!!

يبيه هذه مدرسة مدرسة خلالالالاص

:weeping:

[ام السعف]

اغلب مواضيع المنتدى تصب في قالب مراقبة الناس وذكر مساوئهم ،،

ترى من راقب الناس مب زين يبتلي لو ترك نفسه حكم على تصرفات الناس ،،

قولوا اللهم عافنا مما بلاهم واهدهم واهدنا للصراط المستقيم ،،

العجوز الحترة ام السعف

[الرويـس]

الواحد عليه من الرونق الداخلي القلب دامه طيب

الرونق الخارجي بيكون طيب

بس دامه في الباي باي رح يكون في الباي باي

:weeping:

عطونا سر من اسرار الاحتفاظ بالرونق سواء الداخلي او الخارجي
:(

[شبح الصمت]

اغلب مواضيع المنتدى تصب في قالب مراقبة الناس وذكر مساوئهم ،،

ترى من راقب الناس مب زين يبتلي لو ترك نفسه حكم على تصرفات الناس ،،

قولوا اللهم عافنا مما بلاهم واهدهم واهدنا للصراط المستقيم ،،

العجوز الحترة ام السعف



مب مشكلة اختي ام السعف خلينا نحكم على تصرفاتهم

يمكن علا وعسى موضوعنا يفيد فئة من هذولي الي مسوين هالحركات

وترجع الى رب العالمين وتعرف انه الي تسويه غلط !!

صح ولا الا

:nice:


عطونا سر من اسرار الاحتفاظ بالرونق سواء الداخلي او الخارجي
:(

ياخوك ما جربت احط مكياج عشان اعطيج الجوهر الخارجي

:tease:

[الرويـس]

^
شفت شلون انك فاهم الموضوع غلط
:(

[ام السعف]

مب مشكلة اختي ام السعف خلينا نحكم على تصرفاتهم

يمكن علا وعسى موضوعنا يفيد فئة من هذولي الي مسوين هالحركات

وترجع الى رب العالمين وتعرف انه الي تسويه غلط !!

صح ولا الا

:nice:



ياخوك ما جربت احط مكياج عشان اعطيج الجوهر الخارجي

:tease:

:unsure:

***
ما ادري شاقول لك ،، بس شخصيا امممم
ما ادري ،، كيفكم انتوا احرار :shy:

[بـــــــنت النوخـّــــذه]

البارح رايحه مع الوالده موعد الله يعطيها الصحه والعافيه وفي غرفة الانتظار اشوف ذيج المتشببه مع بناتها ومع البلاك بيري وهات يا مسجات وضحك 00وماشيين وعيونهم بالبلاك بيري اهي وبناتها 0<<حركه ماحبها الي يمشون ومفهيين :(0انصدمت 000معليه مايخالف انا مع الاهتمام بالمظهر وان الوحده تحافظ على نفسها وتكون روحها روح شباب على طول ولكن يعني المسئله يبغيلها اشوية رتوش من الذوق والحشمه والاحترام والوقار عشان تكتمل الصوره للأم المثاليه ^_^ ف اذا كانو البنات مراهقات لاتكونين انتي مراهقه على كبر 00للاسف البعض فاهم معنى الحيويه والنشاط وروح الشباب غلط 000خصوصا في الاعراس ولبسهم الي مايناسب السن نهائيا" اقول شرايكم اسكت :secret:

عموما من الاخر:

أم +حشمه+هيبه ووقار + حيويه ونشاط +اهتمام بالمظهر+قدوه حسنه=أم مثالية
سلام(ن) عليكم

[شبح الصمت]

^
شفت شلون انك فاهم الموضوع غلط
:(




الجوهر الخارجي يتكون من

الابتسامة البريئ طبعا

الجوهر الداخلي يتكون قلبك الطيب
المؤمن الي يخاف من رب العالمين
وما يخطي

[شبح الصمت]

البارح رايحه مع الوالده موعد الله يعطيها الصحه والعافيه وفي غرفة الانتظار اشوف ذيج المتشببه مع بناتها ومع البلاك بيري وهات يا مسجات وضحك 00وماشيين وعيونهم بالبلاك بيري اهي وبناتها 0<<حركه ماحبها الي يمشون ومفهيين :(0انصدمت 000معليه مايخالف انا مع الاهتمام بالمظهر وان الوحده تحافظ على نفسها وتكون روحها روح شباب على طول ولكن يعني المسئله يبغيلها اشوية رتوش من الذوق والحشمه والاحترام والوقار عشان تكتمل الصوره للأم المثاليه ^_^ ف اذا كانو البنات مراهقات لاتكونين انتي مراهقه على كبر 00للاسف البعض فاهم معنى الحيويه والنشاط وروح الشباب غلط 000خصوصا في الاعراس ولبسهم الي مايناسب السن نهائيا" اقول شرايكم اسكت :secret:

عموما من الاخر:

أم +حشمه+هيبه ووقار + حيويه ونشاط +اهتمام بالمظهر+قدوه حسنه=أم مثالية
سلام(ن) عليكم



ارحم الله والديج

وين الي قالوا اني بالغت !!!

كاهي اختي بنت النوخذه قالت مثال حي شافته امس قدام عيونها !!

اللهم اغفر لي وحللني ان اخطيت

[ضي البدر]

ياخوك انا ما حطيت الجنسية ولا ذكرت عشان ما تقولون فيني حقد على احد

لا انا اتكلم بالعاميـه كلهم

وليش 50 توها صغيرة !!!

يبيه هذه مدرسة مدرسة خلالالالاص

:weeping:


اولا ً انا مب (ياخوك):anger1:
ثانياً هالنوعية من العيايز مب عندنا بمعنى اصح مب قطريات.

[دلة الرسلان]

عطونا سر من اسرار الاحتفاظ بالرونق سواء الداخلي او الخارجي
:(

الابتعاد عن المكياج قدر الأمكان الا في الشديد الئوي يحفظ البشرة برونقها الخارجي ،الرونق

الداخلي هو الأساس وينعكس على الخارجي ويجعل للشخص سواء رجل او امرأة في وجهه

نور طاعة الله والابتعاد عن المعاصي وقرأة القرآن .

[شبح الصمت]

اولا ً انا مب (ياخوك):anger1:
ثانياً هالنوعية من العيايز مب عندنا بمعنى اصح مب قطريات.

بترك الرد للمشاركين

:eek5:

[الرويـس]

بصراحة انا قابلت رجال لا زالوا محتفظين بجاذبيتهـــم
وكذلك نساء في عز رونقهن وورعتهن ما شاء الله :(

بس اللي شفته ان الطاعة مش هــــي السر الحقيقة لذلك
والا ما كان شفنا اللي شفناه من حيوية ونشاط الأوربيين
ومن جاورهم .. رغم تقدم السن الفضيع :(

يمكن تكون هذه حقيقة تقف رد امام رد دلة وشبح لا اقصد من خلالها التقليل من قدر سبب الطاعة
بس عطونا سر :(

[ظبيــღــه]

^^

يمكن السر هو

حب الذاات والثقه بقدراات النفس واحترامهاا:telephone:

[@north_star@]

فعلا ومرات تشوف عيوز متكشخة كنها بنت العشرين لا وتدلع بعد خخخخخخخخخخخ....

[دلة الرسلان]

بصراحة انا قابلت رجال لا زالوا محتفظين بجاذبيتهـــم
وكذلك نساء في عز رونقهن وورعتهن ما شاء الله :(

بس اللي شفته ان الطاعة مش هــــي السر الحقيقة لذلك
والا ما كان شفنا اللي شفناه من حيوية ونشاط الأوربيين
ومن جاورهم .. رغم تقدم السن الفضيع :(

يمكن تكون هذه حقيقة تقف رد امام رد دلة وشبح لا اقصد من خلالها التقليل من قدر سبب الطاعة
بس عطونا سر :(



نقلتنا لمجتمعات ثانية ودائما نقارن بين امهاتنا وامهاتهم ليش اهلنا مهدودين بينما هم

منطلقيين وكاشخين وتشوف العجوز راسمة شفتيها باحمر الشفاة وتسوق عربتها الأوتماتيكية

وتتسوق حاجاتها الخاصة ؟
اسباب كثيرة وكلن يدلو بدلوه وبيتغير الموضوع بس اللي اعرفه أنهم يتناولون أدوية

فيتامينات ومعادن وحديد وكلها بقصد حماية الجسم يعني مش علاج ويمارسون الرياضة

بشكل منتظم وما عندهم خدم ولا دريولية وجوهم ربيع :)

[شبح الصمت]

بصراحة انا قابلت رجال لا زالوا محتفظين بجاذبيتهـــم
وكذلك نساء في عز رونقهن وورعتهن ما شاء الله :(

بس اللي شفته ان الطاعة مش هــــي السر الحقيقة لذلك
والا ما كان شفنا اللي شفناه من حيوية ونشاط الأوربيين
ومن جاورهم .. رغم تقدم السن الفضيع :(

يمكن تكون هذه حقيقة تقف رد امام رد دلة وشبح لا اقصد من خلالها التقليل من قدر سبب الطاعة
بس عطونا سر :(

صـج يالرويس

قلبت الموضوع عن الصحه والجمال

هههههههههههههههاي

:nice:


^^

يمكن السر هو

حب الذاات والثقه بقدراات النفس واحترامهاا:telephone:


لا انا بقولكم الخوف من الأمراض اذا قصدكم عن الاجانب يخافون على نفسهم يبون صحتهم دوووم عال العال

:nice:



فعلا ومرات تشوف عيوز متكشخة كنها بنت العشرين لا وتدلع بعد خخخخخخخخخخخ....

شفت اشلون
ومشكلة بعضهم خلنا ساكتين
:secret:






نقلتنا لمجتمعات ثانية ودائما نقارن بين امهاتنا وامهاتهم ليش اهلنا مهدودين بينما هم

منطلقيين وكاشخين وتشوف العجوز راسمة شفتيها باحمر الشفاة وتسوق عربتها الأوتماتيكية

وتتسوق حاجاتها الخاصة ؟
اسباب كثيرة وكلن يدلو بدلوه وبيتغير الموضوع بس اللي اعرفه أنهم يتناولون أدوية

فيتامينات ومعادن وحديد وكلها بقصد حماية الجسم يعني مش علاج ويمارسون الرياضة

بشكل منتظم وما عندهم خدم ولا دريولية وجوهم ربيع :)

امهاتنا محشومين من هالاشكال
وانتو ترى انحرفتو عن الموضوع بس مب مشكلة

الي في خاطركم قولوه

[الصريحه]

الله يهدي الجميع

[بنت ابوها 19]

جات على ذوله بس


في ناس صارو جدات وللحين مصرين انهم شباب
يسون اشياء ويلبسون لبس


انا استحي البسه

[شبح الصمت]

الله يهدي الجميع

اللهم امين يارب العالمين



جات على ذوله بس
في ناس صارو جدات وللحين مصرين انهم شباب
يسون اشياء ويلبسون لبس
انا استحي البسه



مب مشكلة خلها تلبس وتشبب في بيتها
يمكن اختي متزوجه وهي صغيره وعيالها الحين ماشاء الله عليهم لاحقينها
انا اقصد الي برى يعني أوفر أوفر المكياج فيهم
وتدلع وتمخطر وتروح وتجي ولا حسيب ولا رقيب

:(

[غزلان]

انتهى زمن العجايز

مع توفر وسائل التشبب

حلاته المرأه تعيش عمرها مثل ماخلقها ربها

[شبح الصمت]

انتهى زمن العجايز

مع توفر وسائل التشبب

حلاته المرأه تعيش عمرها مثل ماخلقها ربها




أي والله صــدقــتــي أختي
ارحمـم الله والديـج

[OTOsan]

لسان حالها يقول :

مــن مُعـــيري قلبـــاً صحيحــا ولــــو .. طـــرفة عيـــنٍ إن كـــان قلـــبٌ يــُعــارُ
لا الـــزمــــــان الزمــــــــــان فيمــــا ..عهدناه .. قـــديمـــاً ولا الديـــارَ الـديــارُ
وغـــرام الشــبــــــــاب اشهــى الــى .. النفـس وان كان في المـشـــيب الوقارُ :(

الله يهديها :(

[qatari911]

اي الله يحفظهم لشبابهم

ياخوك خلهم يستانسوون

:tease:

[bo7mood72]

لسان حالها يقول :

مــن مُعـــيري قلبـــاً صحيحــا ولــــو .. طـــرفة عيـــنٍ إن كـــان قلـــبٌ يــُعــارُ
لا الـــزمــــــان الزمــــــــــان فيمــــا ..عهدناه .. قـــديمـــاً ولا الديـــارَ الـديــارُ
وغـــرام الشــبــــــــاب اشهــى الــى .. النفـس وان كان في المـشـــيب الوقارُ :(

الله يهديها :(



وهاذي عجوز أتجدد أصباها
زينه اللي مضى قامت تماري به

[نورالهدى]

أنا أقول ان بعض النساء الغافلات عن دينهم
يصور لهم الشيطان أنهم لو وضعو المكياج تثبت لنفسها قبل الناس بأنها جميلة ومحط للأنظار
وخصوصا إذا بدأت تكبر في العمر
ففي تفكيرها المتأخر بأنها بهذا الشكل ستصبح أجمل وأصغر
للاسف
غياب أو
نقص الوازع ديني

وبعد الصغيرات أشوف وجوههم اتخرع من كثر المكياج اللي يحطونه والعدسات وحالتهم حاله
الله يهدينا ويستر علينا جميعا

[Rashid554]

تتشبب ليش ما تتشبب دام انها مو متعريه فمن حقها تتشبب وتتكشخ وتلبس الي تبيه
مشكله المعقدات :)

[Rider]

تسلم اخوي على الموضوع وفعلا هالشي ملاحظ وياكثرهم عندنا فالدوام تحصل الوحده في نهاية الاربعيين ومسويه نفسها بنت

[الراقيه سبشل]

موضوعك جميل اخوي :nice:


يـــــــــلا تناظرين الكون بعيونج وتحسبين انه ملك يبن ايدينــــج

ردي لخالق السماء والكون وتذكري انج بتحاسبين يوم الحسابي


ممكن اسرقه؟:shy:

[شبح الصمت]

تسلم اخوي على الموضوع وفعلا هالشي ملاحظ وياكثرهم عندنا فالدوام تحصل الوحده في نهاية الاربعيين ومسويه نفسها بنت

الله يعينكم كبروو وتشببو مب مشكلة تشببي بس ستري على نفسج
:weeping:


موضوعك جميل اخوي :nice:


يـــــــــلا تناظرين الكون بعيونج وتحسبين انه ملك يبن ايدينــــج

ردي لخالق السماء والكون وتذكري انج بتحاسبين يوم الحسابي


ممكن اسرقه؟:shy:

الله يسلمج
ومابه الا حلالكم يا زوار المنتدى



اي الله يحفظهم لشبابهم

ياخوك خلهم يستانسوون

:tease:

اوكيك بصدقك
هههههههاي
:nice:


وهاذي عجوز أتجدد أصباها
زينه اللي مضى قامت تماري به

الله المستعان


أنا أقول ان بعض النساء الغافلات عن دينهم
يصور لهم الشيطان أنهم لو وضعو المكياج تثبت لنفسها قبل الناس بأنها جميلة ومحط للأنظار
وخصوصا إذا بدأت تكبر في العمر
ففي تفكيرها المتأخر بأنها بهذا الشكل ستصبح أجمل وأصغر
للاسف
غياب أو
نقص الوازع ديني

وبعد الصغيرات أشوف وجوههم اتخرع من كثر المكياج اللي يحطونه والعدسات وحالتهم حاله
الله يهدينا ويستر علينا جميعا

احنا نبي المدرسة تكون مدرسة قدوه مب تكون قدوه للغلط
ارحم الله والديك اخوي


تتشبب ليش ما تتشبب دام انها مو متعريه فمن حقها تتشبب وتتكشخ وتلبس الي تبيه
مشكله المعقدات :)

اي معقدات اخوي
انا مب معقده
ههههههههههههههاي
انا اقول تشبب في بيت زوجها مب عند خلق الله وتصير مطنزه لهم

[باسكن روبنز]

ياشينها والله لي تشببت على كبـر ،
ويازين المره العوده بالبطوله والعبايه فوق الراس ،

يقولك المثل ياشبح ،
آم لم تستح فأصنع ما شئت ،



الله يهديهم ،

[Miss]

الله المستعاان ..
احيانا في البيوت تقام حفلات .. ونحضر هالحفلات بحكم الدعوه اللي ارسلوها لنا .. اثناء الحفله تدخل امرأه :eek5: والله العظيم ننصدم كلنا من اللبس .. يوم نسأل عنها يقولون جدة صاحبة الحفله .. :eek5:افواهنا نفتحهاا للاخر من هول الصدمه .. لكن شنقوول .. العقل نعمه
فديت امي وفديت بطولتها http://www.blqees.com/vb/images/smiliesimg/23.gif

[شبح الصمت]

ياشينها والله لي تشببت على كبـر ،
ويازين المره العوده بالبطوله والعبايه فوق الراس ،

يقولك المثل ياشبح ،
آم لم تستح فأصنع ما شئت ،



الله يهديهم ،



اللهم آمين
والله يغفر له ويرحمهم
لا هنت على المشاركة
اوكي لبسي في البيت وكشخي بس برى ليش تخلين العالم تشوفج بنظرة تعجب !!!

الله يستر عليهم ويغفر لهم وعلى اهالينا يارب

[شبح الصمت]

الله المستعاان ..
احيانا في البيوت تقام حفلات .. ونحضر هالحفلات بحكم الدعوه اللي ارسلوها لنا .. اثناء الحفله تدخل امرأه :eek5: والله العظيم ننصدم كلنا من اللبس .. يوم نسأل عنها يقولون جدة صاحبة الحفله .. :eek5:افواهنا نفتحهاا للاخر من هول الصدمه .. لكن شنقوول .. العقل نعمه
فديت امي وفديت بطولتها http://www.blqees.com/vb/images/smiliesimg/23.gif



ماشاء الله عليها مب مشكلة تعدل فالبيت وتكشخ خلها بس انتو يالبنات لكم نظرة عليها يمكن لانها ماشاء الله محافظة على رشاقتها
خلوها تستانس بس داخل البيت وبين اهلها مب برى قدام خلق الله
وتزيد في المكياج والحركات الي مالها معنى وتدلع !!!

:weeping:

[عزتي سمو ذاتي]

استغرب من ردود البعض أن أخوي شبح الصمت مبالغ بالموضوع

بالعكس مرت علي اشكال كثيرررررة بالذات في المجمعات تحصلها جدة ومتشببه مسويه اللي البنات مايسونه

حلو الوحدة تهتم بنفسها تكشخ وتلبس وتبين انها اصغر من عمرها بس باحترام وفي بيتها وسط زوجها واعيالها

المشكلة نحصلها جدة والوجه فل ميك اب ومسويه النفخه ونص الشعر طالع وزيادة بلاك بيري كأنها مراهقه موام اعيال

حلاته الوحدة كل ماتكبر يزيد قدرها واحترامها حلاتها لمر الواحد قدامها غصب عنه يغض البصر ويحترمها لأنها ام مربية اجيال

الواحد مايقول غير الله يهديهم يارب .. ولاحول ولاقوة إلا بالله العلي القدير

[عزتي سمو ذاتي]

اولا ً انا مب (ياخوك):anger1:
ثانياً هالنوعية من العيايز مب عندنا بمعنى اصح مب قطريات.



كل ماانطرح موضوع كلمه وحدة عند الأغلب تنقال مب قطريات

كأن القطريات معصومات عن الغلط استغفر الله .. بالعكس أختي اعرف حريم
عز المعرفة وجدات وتستغربين باللي مسوينه باعمارهم وهم موبس قطريات إلا بنات قبايل اصل وفصل

[شبح الصمت]

استغرب من ردود البعض أن أخوي شبح الصمت مبالغ بالموضوع

بالعكس مرت علي اشكال كثيرررررة بالذات في المجمعات تحصلها جدة ومتشببه مسويه اللي البنات مايسونه

حلو الوحدة تهتم بنفسها تكشخ وتلبس وتبين انها اصغر من عمرها بس باحترام وفي بيتها وسط زوجها واعيالها

المشكلة نحصلها جدة والوجه فل ميك اب ومسويه النفخه ونص الشعر طالع وزيادة بلاك بيري كأنها مراهقه موام اعيال

حلاته الوحدة كل ماتكبر يزيد قدرها واحترامها حلاتها لمر الواحد قدامها غصب عنه يغض البصر ويحترمها لأنها ام مربية اجيال

الواحد مايقول غير الله يهديهم يارب .. ولاحول ولاقوة إلا بالله العلي القدير


ارحم الله والديج اختي وبيض الله وجهج
الله يستر عليهم ويغفر لهم ويتجاوز عن خطاياهم

[شبح الصمت]

بعد ملاحظة نسيتها طاحت قصدي انسدحت ما قدرت القطها بسرعه !!!

الحين وحده عمرها 50 سنــة تسوي تنفيخ شفايف ليش !!!

تنفيخ خدود !!!

عملية تصغير خشـم !!!!

زراعة شعر !!!

طبعا ما جبت شيء من عندي

الي يبي يكحل عيوونه يمدحون عيادة صوب المطار نار على علــم مب ذاكر اسمها !!

يمر ياخذ فره ذاك الصوب وبيشووف بأم عيــنه

:shy:

أدري من راقب الناس مات هماً بس مقصدي يمكن وحده من هذولي تتصفح النت بعد وتدخل وتشوف موضوعـي وتحس أنه في شيء غلط في حياتها وترجع لنفسـها !

[G0LD]

نسأل الله ان يهديهم ويستر عليهم بالدنيا والاخره

والله يرحم امهات المسلمين الي حرصوا على تربية اطفالهم وستروا على نفسهم

والحمدلله لازالت الام مدرسه ولازال من فيه الخير موجود


ولاشك هناك من غير ملتزم بحياته وعدم مراعات السن

نسأل الله الهدايه

تسلم يا الذيب على الطرح

[R 7 A L]

اكيد الى تسوي كذا عندها نقص
وتبي تسد هالنقص

اللهم ارحمنا برحمتك

[دلة الرسلان]

بعد ملاحظة نسيتها طاحت قصدي انسدحت ما قدرت القطها بسرعه !!!

الحين وحده عمرها 50 سنــة تسوي تنفيخ شفايف ليش !!!

تنفيخ خدود !!!

عملية تصغير خشـم !!!!

زراعة شعر !!!

طبعا ما جبت شيء من عندي

الي يبي يكحل عيوونه يمدحون عيادة صوب المطار نار على علــم مب ذاكر اسمها !!

يمر ياخذ فره ذاك الصوب وبيشووف بأم عيــنه

:shy:

أدري من راقب الناس مات هماً بس مقصدي يمكن وحده من هذولي تتصفح النت بعد وتدخل وتشوف موضوعـي وتحس أنه في شيء غلط في حياتها وترجع لنفسـها !


بالنسبة لهذه الجزئية -عمليات التجميل - فالحكم هنا للشرع هل تجوز ام لا والشيء الأكيد أن من

يحتاج لعمليات التجميل هن السيدات في مثل هذه السن المهم ما تظهر زينتها الا لمحارمها من

الرجال ، وتزين في عين زوجها ويقنع ويركد ترى ما يضبطون الخدود ممكن خد فوق والثاني

تحت :(

[المستريح]

بعد ملاحظة نسيتها طاحت قصدي انسدحت ما قدرت القطها بسرعه !!!

الحين وحده عمرها 50 سنــة تسوي تنفيخ شفايف ليش !!!

تنفيخ خدود !!!

عملية تصغير خشـم !!!!

زراعة شعر !!!

طبعا ما جبت شيء من عندي

الي يبي يكحل عيوونه يمدحون عيادة صوب المطار نار على علــم مب ذاكر اسمها !!

يمر ياخذ فره ذاك الصوب وبيشووف بأم عيــنه

:shy:

أدري من راقب الناس مات هماً بس مقصدي يمكن وحده من هذولي تتصفح النت بعد وتدخل وتشوف موضوعـي وتحس أنه في شيء غلط في حياتها وترجع لنفسـها !

وهل يصلح العطار ماافسده الدهر

[شبح الصمت]

نسأل الله ان يهديهم ويستر عليهم بالدنيا والاخره

والله يرحم امهات المسلمين الي حرصوا على تربية اطفالهم وستروا على نفسهم

والحمدلله لازالت الام مدرسه ولازال من فيه الخير موجود


ولاشك هناك من غير ملتزم بحياته وعدم مراعات السن

نسأل الله الهدايه

تسلم يا الذيب على الطرح

ارحم الله والديك يالغالي وبيض الله وجهـك
وصدقت أمهاتنا ماشاء الله عليهم الي تربوا على السنع والغيره ماشاء الله عليهم والحشمه ربي يحفظهم ربوا اجيال وهالاجيال ربو اجيال واجيال
الله يستر على أمهات المستقبل من التطور



اكيد الى تسوي كذا عندها نقص
وتبي تسد هالنقص

اللهم ارحمنا برحمتك

اللهم آمين يارب العالمين


بالنسبة لهذه الجزئية -عمليات التجميل - فالحكم هنا للشرع هل تجوز ام لا والشيء الأكيد أن من

يحتاج لعمليات التجميل هن السيدات في مثل هذه السن المهم ما تظهر زينتها الا لمحارمها من

الرجال ، وتزين في عين زوجها ويقنع ويركد ترى ما يضبطون الخدود ممكن خد فوق والثاني

تحت :(

عمليات التجميل فيها خطر وفي حالات الحوادث ملزومين عليها أنه يسوونها لتجميل الشخص ,, أما الأنسان الكامل والكامل وجه الله ليش يغير في خلقته يرضى بخلقة رب العالمين ويقول الحمد لله والشكر
وعاد خد فوق وخد تحت هذه مشكلة
الله يغفر لنا ولهم يارب



وهل يصلح العطار ماافسده الدهر

ما أتوقع يصلحه لانه إذا فات الفوت ما راح ينفع الصوت
لا هنت
:)