ابي ابتدي تجاره وتكون دخل ثاني بس بكم وشلون !!!!هيلب بليييز

[أم شيوخ]

من اسم الموضوع بليز ابغى احد يعرف شلون ابتدي تجاره بسعر قليل واحولها الا مبلغ حلو ويكون دخل ثاني لي بليييييز ابي اقتراحات ومعلومات منكم...
وشكرا مقدما

[ONLY 4 YOU]

لو جات في بالج فكره لا تفكرين وتقولين سواها أحد قبل يعني المشروع فاشل ...
لا بالعكس شوفي شنو احتياجات الناس شنو الأشياء اللي يحتاجها السوق ...
وعلى فكره التجاره فيها ربح وخساره ممكن ما تتوفقين في اول مشروع ويمكن تنجحين واتمنى هالشي ... بس أبي أوصل فكره (التجاره ربح وخساره ) .... :nice:

للعلم عندي محل في سوق واقف ... يعني عندي خبره قليله :shy:

الله يوفقج وانشاء الله تتوفقين في تجارتج :)

[BURBERRY]

ابتعدي عن التجارة ما يجي منها إلا عوار الرأس و الخساره

اعرف كذى واحد الي فتح له شركة و الي فتح له مصنع و ماعينو ربح مثل ماتوقعو

اذا تبيين تتاجرين احسن شي العقارات .. اشتري لج بيت و اجريه او عماره و بترتاحين

[أبو العمرين]

السلام عليكم ورحمة الله ..


اول شي ردا على الجميع الارزاق بيد الله عز وجل ..

ثاني شي تعقيبا على كلام اخوي only 4 you

كلامك صحيح انه التجاره ربح وخساره .. ولا بد الواحد يكون حاط خطة عمل من قبل ما يبدأ مشروعه حتى لو كان جدا صغير المشروع لابد تكون له خطة عمل ..

وبالنسبه لج اختي قبل ماتشوفين احتياجات السوق او متطلبات السوق فالمجتمع الي انت فيه .. لازم تشوفين نفسج وتعرفين انتي شتحبين وشنو الي ممكن تكونين مميزه فيه وتبدين تربطين مقارنه بينج وبين متطلبات السوق .. بحيث تشوفين هل قدراتج ورغباتج او الي شي الي تتمزين فيه ممكن يأثر تأثير ايجابي فالسوق وبالتالي يعود عليج بربح مادي ؟

او بشكل ثاني .. اذا في تجاره معينه شفتيها وعجبتج وشايفه روحج انج قادره عليها وودج تمارسينها .. لازم تشوفين هالتجاره من كل النواحي .. ناحيه ماديه ومعنويه وتحسبينها صح بحيث اذا بتبدأين تجاره موجوده اصلا وفي ناس بادين فيها .. معناتها انه انتي بتنزلين منافسه لهم وهم اصلا لهم سوق

فراح تختلف من فكره لفكره .. ومن مشروع لمشروع

فشوفي انتي اختي شلي تبينه وشلي حابيته وشلي ممكن تبداين فيه .. وطبعا رأس المال له دور على قد راس المال تقدرين توزعين جوانب خطة العمل وفكره التسويق مالتج .. وحجم المبيعات .. والخ

واي ش انا حاضر ,,, تحياتي

[aljabal]

أختي نصيحة تاجري في شيء انتي تتقنيه وتتميزين فيه عن غيرج حتى الكل بشوف بضاعتج مميزة
حتى لو أكل بس يكون أكل محترم ونكهة جديدة ومميزة صدقيني ما بعد التميز إلا التوفيق والنجاح بإذن الله تعالى

[lifeqatar]

:nice:

[free money]

اختي عليكي بالتجاره
والله بارك بالتجاره
لكن ما تتوقعي انك تربحي مبالغ ضخمه من اول شي
بدك تصبري وتتعبي شوي اولها بعدين الامور لحالها بتصير تتحسن وتتيسر

والله يوفقك لكل خير

[AL ZUBARAH]

افتحي محل بيع الفسيخ للمصرين و المهياوه والماكولات الشعبية. بتصيرين مليونيرة خلال سنة. حطي حارس امن على المحل عشان يفاجج بين الزباين من كثر الزحمة. :nice::protest::tomato::strong3:crazy:dance:strong :fight::eek:

[تاله]

اختي اذا المبلغ اللي عندج مب وايد ابتدي من البيت اي شي انتي تقدرين عليه وشاركي في المعارض
حبيبتي انا ابتديت تجارتي من البيت وربي والله الحمد وفقني والحين ناويه افتح محل وتجارتي كانت بالصدفه كنت رايحه دبي اجازه وقريت اعلان منزلته اماراتيه تعطي دوره عمل البخور والعود والمخمريات دشيت الدوره ولله يزيها خير هي انصحتني افتح مشروعي والله يوفقج ويفتح لج ابواب الرزق الحلال

[مشتاقة لقطر]

اشتري بضاعة انت تعرفين تروجن لها


يعني انتي مقتنعة بالمنتج نفسه

مثلا بعض الاحيان اشتري بضاعة انا مشمقتنعة فيها ..والله اركنها عندي بالبيت مالي نفس حتى انزل موضوع عنها لان انا مش مقتنعة ..

بس اللي احبه ومقتنعة فيه ايدع فيه واروجه بمستوى عالي وشوفي موضوعي هذا ممكن يفيدج :

http://www.aroosmall.com/vb/forumdisplay.php?f=14

وفيه موضع ثاني بارجع انزله بنفس الموقع