استفسار عن الاسكان والتخطيط العمراني - توزيع الاراضي

[الدوحة قطر]

السلام عليكم

اخباركم يا شباب

بغيت استفسر يا شباب عن موضوع في توزيع الاراضي

انا يوم خلصت من الاسكان وحولوني على التخطيط العمراني عشان اخلص اجرأت تقديم طلب الارض

الاوراق الي كنت موديها على اساس اني موظف جنير

بس اللحين الحمدلله صرت سنير

هل يحتاج اني اودي لهم اورقة من الشغل فيها درجتي الوظيفيه الجديده

ولا خلاص ما راح تفرق ؟؟؟

اتمنى تفيدوني ولكم جزيل الشكر

[khk]

اعتقد النظام الجديد مايفرق بين سنير وجنير

[الدوحة قطر]

اعتقد النظام الجديد مايفرق بين سنير وجنير

يعني الورقه ما راح تفيدني بشي؟؟

ولا ممكن انهم يعجلون موضوعي؟؟

[captin]

بالنسبة للدرجة الوظيفية

ماراح تفرق معاك في مسألة سرعة صرف
قسيمة الأرض الحل السريع أنك إذا تقدر تشتري
أرض في المنطقة اللي حاب تبني بيتك فيها
أفضل واسرع وفي هالحالة تاخذ البدل من التخطيط العمراني
كمبلغ نقدي , ويفرق التعويض من منطقة إلى أخرى
داخل الدوحة وخارج الدوحة.

إذا تقدر تشتري ارض توكل على الله بتكون إجراءاتك أسرع.
على طول بتروح معاملتك بنك التنمية وبتمسك الدور
تحتاج شهادة الراتب والدرجة المالية للوظيفة
في بنك قطر للتنمية الصناعية , على ضوء الراتب
يتم تحديد مدى استحقاقك للقرض الثاني او مبلغ الـ 600 الثانية.

بالتوفيق ان شاء الله

[الدوحة قطر]

بالنسبة للدرجة الوظيفية

ماراح تفرق معاك في مسألة سرعة صرف
قسيمة الأرض الحل السريع أنك إذا تقدر تشتري
أرض في المنطقة اللي حاب تبني بيتك فيها
أفضل واسرع وفي هالحالة تاخذ البدل من التخطيط العمراني
كمبلغ نقدي , ويفرق التعويض من منطقة إلى أخرى
داخل الدوحة وخارج الدوحة.

إذا تقدر تشتري ارض توكل على الله بتكون إجراءاتك أسرع.
على طول بتروح معاملتك بنك التنمية وبتمسك الدور
تحتاج شهادة الراتب والدرجة المالية للوظيفة
في بنك قطر للتنمية الصناعية , على ضوء الراتب
يتم تحديد مدى استحقاقك للقرض الثاني او مبلغ الـ 600 الثانية.

بالتوفيق ان شاء الله

لا والله وانا اخوك لو بشتري ارض ما راح اقدر اشتريها الا عن طريق البنك
ما عندي امكانيات ماديه تسمحلي اني اشتري ارض في الوقت الحالي

ما اقدر اشتري الا عن طريق اخذ قرض

بصراحة ما فيني شدة ديون على ظهري

شكلي بنطر متى تطلع لي الارض وامري لله

[بوعيسى1]

الله يوفقك

[الدوحة قطر]

الله يوفقك

اجمعين الشيخ

[العقل زينة]

مرحبا أخوي

مثل ما تفضلوا الاخوان قبل أنها ما تفرق بين جنير و سنير لأن النظام تغير و صار موحد على مساحة أقل من 1000 متر مربع

اذا خلصت و قدمت اوراقك كلها في خدمة العملاء التخطيط العمراني الدور الأرضي بيقولون لك انتظر الدور
أنت من صوبك تابع الموضوع مع ادارة الأراضي في برج التخطيط العمراني بين فترة و ثانية
لا تهمل يعني اتصل كل شهر تقريبا و اسأل عند موظف هناك اسمه خالد الكواري على هالرقم : 44955089 و ان شاء الله يفيدك و ما يقصر وياك


بالتوفيق لك و لجميع الاخوان ان شاء الله

تحياتي

[الدوحة قطر]

مرحبا أخوي

مثل ما تفضلوا الاخوان قبل أنها ما تفرق بين جنير و سنير لأن النظام تغير و صار موحد على مساحة أقل من 1000 متر مربع

اذا خلصت و قدمت اوراقك كلها في خدمة العملاء التخطيط العمراني الدور الأرضي بيقولون لك انتظر الدور
أنت من صوبك تابع الموضوع مع ادارة الأراضي في برج التخطيط العمراني بين فترة و ثانية
لا تهمل يعني اتصل كل شهر تقريبا و اسأل عند موظف هناك اسمه خالد الكواري على هالرقم : 44955089 و ان شاء الله يفيدك و ما يقصر وياك


بالتوفيق لك و لجميع الاخوان ان شاء الله

تحياتي

تسلم الشيخ ما قصرت

والله انا امرهم بين فتره وفتره

اسمي محطوط في مشروع الوكره

وكل مره يقولون لنا للحين ننطر يجينا امر توزيع الاراضي عشان نوزعها وهذا احنا ننطر وامر لله

[عبودي قطر]

والله ياخوك نفس للحاله إحنا بعد ونطر توزيع الاراضي خلصنا وياهم كل شي بس باقي يعطونه سند الملكيه ويقولون لنه اي صوب الارض والله كريم انشأ الله يوفق الكل