شنهي رواتب كهرماء يا إخوان ؟?

[s4qatar]

إستفسار بسيط بشأن رواتب كهرماء لحملة الثانوية العامة

رجاء ً إللي عنده فكرة لايبخل بها

[الخفي]

(( رواتبهم كانت زينه والحين انزلت عن قبل

اذا عندك ثانويه راح يكون اساسي لا يقل عن 4000

وعلاوه سكن وعلاوه اجتماعيه

وعلاوه تنقل

طبيعه عمل ممكن

مناوبه + عمل اضافي اذا تشتغل شفتات

[AL ZUBARAH]

كهرماء تطبق قوانين ديوان الخدمة

[s4qatar]

يعني الإجمالي كم لوظيفة مكتبية ؟؟؟

[الخفي]

(( كهرماء تطبق قانون الموارد البشريه نعم ))

[الخفي]

يعني الإجمالي كم لوظيفة مكتبية ؟؟؟



وظيفه مكتبيه كبدايه

الاساسي لايقل عن : 4000 ريال

الاجتماعيه : 1050

السكن : 1500

طبيعه العمل : 700 ريال تقريبا كوظيفه مكتبيه

التنقل : 1000 ريال

علاوه خاصه للقطريين فقط : تقريبا 800 ريال

تقريبا قريب ال 10 الاف كبدايه

[s o s o]

الراتب الاجمالي لحملة الثانويه يعني الدرجة التاسعه يوصل حاليا 10000 ريال في كهرماء

[باندلر]

الله يكون بالعون ....
وش تسوي 10000 في الوقت الحالي..

[rashid-1]

الله يكون بالعون ....
وش تسوي 10000 في الوقت الحالي..

والله إذا تتعشى وتتغدا في فنادق خمس نجوم و24 ساعة في الكوفي شوبات ال 10000 ماتسوي شي

الله يرزقك القناعة قول آمين

[captin]

كهرماء ينطبق عليها قانون إدارة الموارد البشرية
مثلها مثل باقي وزارات الدولة الأخرى وينطبق عليها
بالتحديد جدول رواتب الجهات التشغيلية يعني الثانوية العامة يبتدي على بداية الدرجة المالية التاسعة 4500 ريال بالإضافة الى بعض العلاوات الأخرى يعني كله على بعضه مايتجاوز 10,000 ريال للأعزب

سابقا كان عندهم مزايا ورواتب عالية وتأمين صحي وبدلات تعليم وغيرها أشياء كثيرة
لكن الحين ماتسوى تعبها مثلك مثل اللي يداوم في باقي الوزارات الثانية لاتطوير ولاتدريب ولالغة انجليزية وتقييم الأداء نسبة الامتياز فيه ماتتجاوز 15% يعني راح ينطبق عليك ان حبتك عيني ما ضامك الدهر وان كنت في حالك ومجتهد وبعيد عن الانظار ماراح تحصل الامتياز ولا الترقيات

اذا حصلت في قطر للبترول او احدى توابعها مثل شركات الغاز او مؤسسة قطر او دوحة لاند
توكل على الله خلال سنوات قليلة بتحس بالفرق وبتكون نفسك من جميع النواحي المادية والعملية , الله يوفقك

[بوعبدالله779]

والله إذا تتعشى وتتغدا في فنادق خمس نجوم و24 ساعة في الكوفي شوبات ال 10000 ماتسوي شي

الله يرزقك القناعة قول آمين

اذا بتروح كل يوم حق هل الاماكن اعتقد لازم تتقدم لوظيفة وزير يمكن تقدر تسدد فواتير هل الاماكن وتتفوشر جدام الكل

[STAR]

أنا أقول مش حالك..شي احسك من لا شي..
وان لقيت وظيفة احسن قدم استقالتك...

[باسكن روبنز]

تبي نصيحة آخو؟ ،
روح آمن الدوله آبرك لك ،

معاش طيب ومرتاح آن شالله ،
وحقك مايضيع بالرواتب والبدلات وآحلى مافي الموضوع آنك تخدم بلادك ،



الله يوفقك يالطيــب ،:)