تعدي على مواطنة من قبل مضيفة طيران البحرين

[المغروره]

السلام عليكم ورحمة الله وبركاته

هاي رسالة عاجلة جداً اوجهها إلى من يهمه الامر بطيران البحرين
أعضاء منتدانا الغالي والله ماعرف شو اكتب لكم من الصدمة لا لا لا هاي كارثة وقمة المأساة

معقولة لهاي الدرجة وصلنا يتعدى علينا في الأرض وبالجو واحنا بأراضينا هاي الحقيقة

من 4 أيام كنت مسافرة على طيران البحرين ومع الأسف الشديد ياليت ما حجزت عليها بسبب سؤ المعاملة من البعض

اسمعوا قصه هاي المواطنة طلبت من الكونتر يحجز لها ومع قريبها بنفس المكان لتفادي الإحراج والمشاكل

ولكن مع الأسف اكتشفت عند الصعود هي جالسه مع مسافرين من العرب طبعاً رجال وقريبها حذفوه بصوب

حتى المسافر رفض تجلس بجنبهم لأنه مسلم حرام ياخذ أثم شو اسوي بهاي الموقف الحرج

الصراحة رفضت الجلوس وهاي من حقها من يرضى على هله يجلسون هاي حرام

شافتها المضيفة وتصرخ عليها مثل الكلب ( أعزكم الله ) no problem وبأعلى صوتها وتلوح بيدها وأمام المسافرين

المواطنة دمعتها على خدها وتقول عاملتني و كأنني ( مطلوبة أمنياً ) دون احترام و بطريقة غير مهذبة

رغم هاي المواطنة مريضه رايحه للبحرين للعلاج انا ساعدتها بلي اقدر عليه ووقفت بجانبها

مع الاسف الشديد هاي المواطنة تعرضت لنوبه ربوا حاده وتم عمل الازم لها ساعدتها بالبخاخ الحمدالله

لو صار تأزمت حالتها وراحت فيها من المسؤول تحت بند قضاء وقدر انا احمل المسؤوليه المضيفة

المصيبه انه الطيارة فاضيه والكراسي متوفرة ومحد جالس عليها كان بأمكانها تجلسها بأي مكان ومافي داعي للتعدي

هاي مواطنة وعلى أرض بلادها أنهانت بداخل الطائرة من قبل مضيفة الطيران البحريني أمام الركاب

مواقف تضيق الصدر لماذا هذه المعاملة السيئة والإذلال للعرب والإكرام للأجانب الشقر دائماً وعلى مختلف الأصعدة ؟

لو كان أحد مواطني الدول الأجنبية التي تحترم كرامة الإنسان وبالدرجة الأولى مواطنيها لقامت الدنيا ولم تقعد

وسوف يوكل هذا الشخص محاميا يسترد له حقه بالكامل غير منقوص وربما اضطرت الشركة

لدفع ملايين لهذا المواطن كتعويض عما لحق به من ضرر

"حين يحجز الزبون تذكرته يضمن بذلك مضيفات ومضيفين تتوفر فيهم شروط الكفاءة والابتسامة وحسن تقديم الخدمات".

مع الأسف الشديد كثرت هالايام سؤ تصرف بعض مظيفين ومظيفات الطيران مع المسافرين

السؤوال إلي يطرح نفسه شو المواصفات والشروط التي يجب أن تتوافر في مضيفة الطيران ؟

هل التعدي على المسافرين ؟؟؟

يمكن تكون من الشروط الضرورية و المطلوبه بمضيفة الطيران

السموحه على الإطالة




:anger1::anger1:

[meme~qatar]

لاحول ولا قوة الا بالله

[مستجدة]

ياخوي الكريم الناس باخلاقهم

فيه ناس مايتقنون التعامل مع الناس ومن حق المواطنه انه تشتكي للمسوؤلين عن سوء المعامله اللي تعرضت لها وماتسكت عن حقها

[toomi9]

حسبي الله ونعم الوكيل
المفروض ماتسكت
وتشتكي عليها عشان تادب

[خيال شمر]

لاحول ولاقوة الا بالله
وحسبنا الله ونعم الوكيل

[R 7 A L]

طيران البحرين هل هو طيران الخليج ؟


دم الحجز كرسيين بجانب بعض ماعليها لا من المضيفة ولا الطيار نفسية المفروض ماتخلي الرحلة تطير

هذا حقها

[M007]

لو ريلها كسر راس المضيفة كان زين.

[العـوا]

ترفع قضيه وتطالب بحقوقهااا

[أبورودي]

طيران البحرين غير الخليج شركتين مختلفتين
لكن كان بعلو صوتك مسحتى بيهم الارض
ولا تخلين حد يتعدي عليها
ولازم تراجعى الكاونتر قبل ما تغادريه وتتاكدي مقعدك وين

[sara jsm]

عزيزتي انا مرة صادني موقف لسوء تعامل المضيفة لي ,,
اول مارجعت الدوحة طرشت ايميل لشركة الطيران ( دون ذكر اسمها ) ,,
وعطيتهم اسم المضيفة ورقم الرحلة ووقتها وكل التفاصيل ,,
ومن ثاني يوم صار في تجاوب سريع من قبل احد المسؤولين هناك ,,
انا ماحبيت اضر حد ,, بس عالاقل تراعي نفسيه الشخص المسافر ,,
في بعضنا مريض ,, وفي البعض يخاف من الطيارة ,, لازم هي تراعي نفسيه المسافر ,,
مب تحط حرتها فينا ,, اللي انصحج فيه تشتكين عليها ,,
بس باسلوب يكون وايد لبق ,, مب هواش :)

[GAS]

انا غير مقتنع بهذا السيناريو مع احترامي الشديد لكاتب الموضوع

ومن الافضل ان نسمع تفاصيل السيناريو من الطرفين ومن ثم نحكم ...!!!

http://farm5.static.flickr.com/4152/5111122431_bb228d04ef_m.jpg

[حقيقه]

اكيد تصرف المضيفه مب صحيح وغلط

بس بما انه فيه كراسي فاضيه ليش ماقعدت في مكانها
لين ما كل الركاب ياخذون اماكنهم وترتب الامور وعقب تغير

حنا دايم نسوي كذا


وطبعاً لها الحق تشتكي

[بوعيسى1]

المفروض تشتكين على طيران البحرين
لان هذا يعتبر اهانة امام الآخرين
في الاهانة المادة (269): يعاقب بالسجن من عشرة أيام الى ستة أشهر

[مسافر77]

الله المستعان

[سكرمر]

اول شي وين الى كان معاها ليش ماتدخل ؟؟؟؟؟؟

المفروض انه يتدخل ويسنع المضيفه وتكون عبره للمضيفه

شكله كــأن نــايم

والمضيفه متعوده على هالناس تصارخ عليهم وهم يسكتون


وبعدين المضيفه مالها علاقه المفروض ان هالاخت تقعد فى المكان المقرر لها ولما تقلع الطياره تغير مكانها بدون ماتستأذن

الناس كلها تسوي هالشي

الله المستعان

[black@white]

سؤال ما دور قريبها اللي كان معها؟؟؟؟؟؟؟؟؟؟؟؟؟؟؟؟؟؟؟؟؟

[ابو علاوي]

الله يعز قطر وطيران القطرية خدمة 5 نجوم
ومضيفات فاهمات ويساعدون الكل
اما عن سلوك المضيفة فاكيد انه غلط ومحد يرضى الغلط

[كركم]

عقب ما طاحت وصار اللي صار ما تدخل قريبها اللي مسافر معاها؟ وانا اللي اعرفه ان اذا في اثنين حجزوا مع بعض يقعدون احذا بعض..لكن لو كل واحد بيحجز بروحه وعقب يقرر يقعد في المكان اللي يبيه ما يقدر خاصه اذا الطياره مليانه

[غزلان]

الله المستعان

[فرقاك عيد]

مع احترامي

طيران القطريه بنفس السوء

من مده سافرت البحرين اهلي كانو درجه اعمال وانا مالقيت واخذت بالسياحي طبعا الوالده طلبت اجلس بالكرسي الامامي اول واحد عشان اكون قريبه منهم جلست جمب الشباك ع اساس المسافرات الي بيجون جمبي تفاجئت المضيف الهندي جاي يقعد واحد معاي طبعا انصدمت واشوف المضيف ويدور ببالي ازفت فيه لو جاب اثنين يجلسهم بس كان المسافر واحد وكان بينا كرسي فاضي طبعا ماقدرت اوقف اشوف الطياره اذا فاضيه او مزحومه عشان احتج وكنت متصوووره انها ملياااااااااااااااااااااااااااااانه وربعه كانو بالكرسي الثاني ع اليسار وقاعد سوالف معاهم ويقولون له مدلعينك:anger1: حمدت ربي ان السفره للبحرين والمسافه قصيييييييره لانه غثييييث وكل شوي مسوي جنتل تبين جريده ما ارد عليه تبين مادري شنو واطنشه تبين انزل المكيف تطنيش تبين اوخره تطنيش قمه الملااااااااغه

ولما وصلنا ووقفت شفت الطياره فاااااااااااااااااااااااااااااااااضيه وعرفت ان طيران القطريه قمه في الذكاء

وعشان تتاكدون انهم اذكياء كانو ع يساري حرمتين ومتااااان ومعاهم بيبي جاء المضيف وقال لهم اجلسو جمب بعض وجاب رجال قعده عندهم الغريب انها زحمت وماحاججته وشكلها شوي وتصيح اول ماقعد الرجال وربط الحزام جاه المضيف الذكي وشاله منهم وداه ورا
كان الاحرى انا اجلس جمب الحريم والرجال مع بعض او يودونهم ورا وبدال الكرسي عشرين فاضيه

وسلامتكم

[بنت^البحرين1]

اختي وين الريال اللي معاها ؟؟
وشنو دوره اذا ما قام وتحرك على الحرمه اللي معاه قاعد يطالع بس ؟؟ شخانته ذي يعني؟؟

[بوحارب]

اختي وين الريال اللي معاها ؟؟
وشنو دوره اذا ما قام وتحرك على الحرمه اللي معاه قاعد يطالع بس ؟؟ شخانته ذي يعني؟؟

لو اتيين الدوحة بدعمج :anger1:

[VIVA]

اختي طرشي لي المعلومات والتفاصيل على الخاص لوسمحتي

واذا لكم حق ان شاء الله بتاخذينه


تحياتي

[بنت^البحرين1]

لو اتيين الدوحة بدعمج :anger1:



ييت جم مرة وبايي بعد :tease:

اشوله تبي تدعمني يعني ؟؟؟ :eek5:

[latty]

تصير واختلاف وجهات نظر

انا ضد البكاء والزعل والل والل مره كنت على القطريه رايحه البحرين وللاسف معي مسافره قطريه سوت لهم سالفه الا تجي درجه اولى قالوا حجزك سياحي وراسها والف سيف تجي درجه اولى بالاخير نزلوها وتركوها بالمطار :)

[جرير]

70% من الغلط من المواطنه وقريبها . . .


الحاله الاولى
اساسا من البدايه كانو يأكدون . . .ويصرون . . . انهم يقعدون على

كراسي جنب بعض . . . وحتى لو عطاهم التذاكر وكانت مختلفه الكراسي

يقدر يقول للمسؤل اللي في المطار . . . وهو راح يبدلهم على طول بسبب

كون المسافره مريضه وهذا مرافقها . . . والسبب الثاني كون الطياره فاضيه

راح يتجاوب وياهم بناء على السبب الاول


الحاله الثانيه
في حاله مايعرفون شي عن التذاكر او ما يدرون عن ترتيب الكراسي

وهذا اللي واضح من القصه داخل الطياره مفروض اذا شافت الوضع

صعب تخلي قريبها يقعد وياها اوهي تروح تقعد ويا قريبها . . .

. طبعا بعد ما يكلمون اصحاب الكراسي



الحاله الثالثه

في هالحاله بعد ما راحت عليها جميع الحلول بقى الحل الاخير انها تقعد مؤقت

لين يقرب وقت الاقلاع . . . تقوم وتغير مكانها . . . على اعتبار ان الطياره فاضيه



الخلاصه
طبعا كون قريبها ما قدر يسوي لها شي . . . مثل ماهو واضح . . . . فحسو انها

مسكينه . . . ووصل الموضوع لدرجه الاهانه امام المسافرين وهذ اذا دل على

شي انما يدل على نقص الخبره . . . والمطلوب ارسال ايميل للشركه برقم الرحله

وتاريخها واسم الموظفه وشنهو اللي صار بالظبط . . . .

(على فكره شركات الطيران يأخذون الايميلات على محمل الجد دايما ويتم التعامل معها )

دايما تعودو على كتابه تقرير report عن اي شخص اساء المعامله معك من اول ما تدخل

المطار لين ماتطلع منه . . . وطرشه على الايميل وحتى لو شفت معامله

مميزه من شخص معين وارتحت من معاملته وكان شخص خدوم معاك اذا بيدك تطرش

ايميل للشركه لشكر هذا الشخص لا تستحي طرشه

[£عبدالعزيز£]

على اللي فهمته

الغلط من المواطنة ومحرمها اللي ما منه فايدة مع احترامي له

لانه اول شي لازم يتاكد من ارقام الكراسي في التذكرة (البوردنق) اذا كانوا جنب بعض ولا لا

قبل ما يركبون الطيارة

..



مع احترامي

طيران القطريه بنفس السوء

من مده سافرت البحرين اهلي كانو درجه اعمال وانا مالقيت واخذت بالسياحي طبعا الوالده طلبت اجلس بالكرسي الامامي اول واحد عشان اكون قريبه منهم جلست جمب الشباك ع اساس المسافرات الي بيجون جمبي تفاجئت المضيف الهندي جاي يقعد واحد معاي طبعا انصدمت واشوف المضيف ويدور ببالي ازفت فيه لو جاب اثنين يجلسهم بس كان المسافر واحد وكان بينا كرسي فاضي طبعا ماقدرت اوقف اشوف الطياره اذا فاضيه او مزحومه عشان احتج وكنت متصوووره انها ملياااااااااااااااااااااااااااااانه وربعه كانو بالكرسي الثاني ع اليسار وقاعد سوالف معاهم ويقولون له مدلعينك حمدت ربي ان السفره للبحرين والمسافه قصيييييييره لانه غثييييث وكل شوي مسوي جنتل تبين جريده ما ارد عليه تبين مادري شنو واطنشه تبين انزل المكيف تطنيش تبين اوخره تطنيش قمه الملااااااااغه

ولما وصلنا ووقفت شفت الطياره فاااااااااااااااااااااااااااااااااضيه وعرفت ان طيران القطريه قمه في الذكاء

وعشان تتاكدون انهم اذكياء كانو ع يساري حرمتين ومتااااان ومعاهم بيبي جاء المضيف وقال لهم اجلسو جمب بعض وجاب رجال قعده عندهم الغريب انها زحمت وماحاججته وشكلها شوي وتصيح اول ماقعد الرجال وربط الحزام جاه المضيف الذكي وشاله منهم وداه ورا
كان الاحرى انا اجلس جمب الحريم والرجال مع بعض او يودونهم ورا وبدال الكرسي عشرين فاضيه

وسلامتكم


اسمحيلي اختي بس انتي حطيتي نفسج في هالموقف

لانه الكرسي الامامي على قولتج عليه طلب لانه في مسافة فاضية قدام الكرسي

..

وطبعا المضيف بيجيب الركاب قدام .. يا انهم حاجزين هالكراسي اصلا

او شافوا الكراسي فاضية واطلبوا انهم ينقلون لها

ومن كلامج يبين انج ما طلبتي تغيير المكان .. يعني الغلط مب منهم

وياما شفنا حريم غيروا اماكنهم فالطيارة والمضيفين متعودين على هالشي !!

[تلتوله]

غريبة السالفه بصراحه
أنا اكثر سفراتي على طيران البحرين ولا مره اشتكيت منه او لقيت احد يشتكي منهم
تعامل واسلوب واحترام
عكس القطريه ما رتحت لها كثر البحرينيه
والغلظ من الحرمه المفروض تتاكد من البدايه

[تلتوله]

غريبة السالفه بصراحه
أنا اكثر سفراتي على طيران البحرين ولا مره اشتكيت منه او لقيت احد يشتكي منهم
تعامل واسلوب واحترام
عكس القطريه ما رتحت لها كثر البحرينيه
والغلظ من الحرمه المفروض تتاكد من البدايه

[qatar1111]

انا غير مقتنع بهذا السيناريو مع احترامي الشديد لكاتب الموضوع

ومن الافضل ان نسمع تفاصيل السيناريو من الطرفين ومن ثم نحكم ...!!!

http://farm5.static.flickr.com/4152/5111122431_bb228d04ef_m.jpg



كلام سليم 100%

وتحس انه ملفق وفيه تظارب

عيل وين السبع وبعدين شلون رايحه علاج والي معاها قريبها ؟؟ يعني لاهو زوجها ولا ولدها
والدليل ماتدخل خير شر

[نتفـه]

الغريب تم اهانتها وزوجها ما نطق بكلمه ؟؟ وهي ولا تكلمت ؟؟
من يرضى على نفسه الاهانه ؟!
حسبي الله عليهم شنو هذيلا حاطينهم ياكلون الناس والا يضيفونهم !!

[هبوب الكوس]

اختي طرشي لي المعلومات والتفاصيل على الخاص لوسمحتي

واذا لكم حق ان شاء الله بتاخذينه


تحياتي

ليش على الخاص

احنا بعد نبغي نتأكد من المعلومات والحقيقه

[VIVA]

ليش على الخاص

احنا بعد نبغي نتأكد من المعلومات والحقيقه



على الخاص لأن ابي اسامي ومعلومات خاصه :)

[دااانة قطر]

الله يعز قطر وطيران القطرية خدمة 5 نجوم
ومضيفات فاهمات ويساعدون الكل
اما عن سلوك المضيفة فاكيد انه غلط ومحد يرضى الغلط


بالنسبه لتغيير المقااعد في الطيااره داايما تصير
ياما نحجز مقااعد جنب بعض مع الاهل لين ركلنا الطيااره لاازم يطلع وااحد في واادي
بس مااقد شفنا هالمعاامله مع اي طيراان بالعكس يشوفونا ويطلبون من اي شخص جاالس لحاله يغير وانتهت الساالفه

بس في شغله تحيير ليش تتغير الأرقاام لما تقطع البوردينق والحجز يكون غير؟؟

[هبوب الكوس]

على الخاص لأن ابي اسامي ومعلومات خاصه :)

الاخت موظفة طيران :)

[VIVA]

الاخت موظفة طيران :)




اولا اخو مب اخت :anger1:

ثانيا لا مب موظف طيران :victory:

[بوخالد911]

يجب كتابة تقرير وارساله لادارة طيراج الخليج وتذكروون كل التفاصيل


الكتابة هنا لا فائدة منها
سووى جلب تاييد الاعضاء واستعطافهم

[ابن الجزيرة]

الحقيقة ما فهمت اين الاهانة؟؟شرح طويل عريض والخلاصة ان المضيفة قالت no problemطيب اين الاهانة بالنو بروبلم هذه؟؟؟


بدلا من الكلام تبين لنا الاخت الكاتبة طبيعة الاهانة

وبعدها كلا يدلي برايه

[الصريحه]

حسبي الله على كل ظالم

[المغروره]

الحقيقة ما فهمت اين الاهانة؟؟شرح طويل عريض والخلاصة ان المضيفة قالت no problemطيب اين الاهانة بالنو بروبلم هذه؟؟؟


بدلا من الكلام تبين لنا الاخت الكاتبة طبيعة الاهانة

وبعدها كلا يدلي برايه
اقراااا اخوي الموضوع عدل مافيهااا شرح فيهااا فهم
تحيااتي

[المغروره]

يجب كتابة تقرير وارساله لادارة طيراج الخليج وتذكروون كل التفاصيل


الكتابة هنا لا فائدة منها
سووى جلب تاييد الاعضاء واستعطافهم
تحيااتي لك وشرفني مرورك

[المغروره]

ليش على الخاص

احنا بعد نبغي نتأكد من المعلومات والحقيقه
الي عنده شي يتفضل عااام مارد خاااااص
تحيااتي

[المغروره]

كلام سليم 100%

وتحس انه ملفق وفيه تظارب

عيل وين السبع وبعدين شلون رايحه علاج والي معاها قريبها ؟؟ يعني لاهو زوجها ولا ولدها
والدليل ماتدخل خير شر
فيلم؟؟؟ برااحتك
تحيااتي لمرورك

[المغروره]

تحياااتي لرددود بعض الاعضاااء والي مو مصدق وفاااهم غلط شي رااجع له
تحيااتي

[شيط ويط]

للأسف مافهمت شي من الموضوع

[Right]

لا حول ولا قوة إلا بالله العلي العظيم

شكراً لكي يا " المغرورة " لإهتمامك بموضوع الأخت المسافرة

والوقوف بجانبها ومساعدتها

وهذا ينم عن طيبتك وأخلاقك العالية والكريمة

أنصح الأخت بتقديم شكوى وعدم السكوت عن حقها

بس السؤال:

وين الرجال إلي معاها شسوى ولا قاعد يتفرج على إلي صار؟؟

[VIVA]

الي عنده شي يتفضل عااام مارد خاااااص
تحيااتي



انا كنت ابي اساعد وماابي منك شي ياالمغروره

واذا انتي مستعده تعطيني المعلومات كلها (اسم المسافره والمضيفه والتاريخ ورقم الرحله) على العام ماعندي مشكله

بس مع الاسف انتي حتى كلمت شكر ماتعرفين تقولين

على العموم تحياتي واذا انتي فعلا عندك مشكله مع اني مافهمت شنو المشكله من الي قلتيه في قصتك مابتسكتين عن حقج


تحياتي

[الوفي]

كل شي جايز ؟ والي له حق يطالب به

[باسكن روبنز]

بصراحه مابطت جبدي المضيفه ،

كثر مابط جبدي الزوج المخدي وينه!! ،

[منتهى الحكمة]

اختي طرشي لي المعلومات والتفاصيل على الخاص لوسمحتي

واذا لكم حق ان شاء الله بتاخذينه


تحياتي
تستاهل كل الشكر والتقدير والاحترام ..تعجبني هالفزعة والشهامة باللي يبرد القلب ويشفي الغليل بهالمشكلة ..حسبي الله على المضيفة

[Gentleman]

الموضوع غير واضح وهناك تضارب وتناقضات كثيرة وأمور غير معقولة في طريقة سرد القصة.

[فرقاك عيد]

لانه اول شي لازم يتاكد من ارقام الكراسي في التذكرة (البوردنق) ..ومن كلامج يبين انج ما طلبتي تغيير المكان .. يعني الغلط مب منهم




اخوي انا ماغيرت الكرسي ولاطلبت لعدة اسباب
1-قربي من الاهل
2-وجود كرسي فاضي بيني وبينه
3-قصر المسافه
4-توقعت ان البوردنق نفسه ماجاء ببالي يكون بمكان وغير وجاء جمبي واذا بحط الغلط بحطه على الموظف الي لما وزع الكراسي مايراعي وجود رجال جمب نساء او يحذف الاهل بعيد عن بعض

يعني بالرده كان رقم الكرسي ورا ورحت مع المظيفه وجدامي عايله ولما صرنا بوسط الطياره قال مضيف
قعديهم باي مكان راحو الحريم بيجلسون بكرسي وظليت انا والرجال قام قال لزوجته تعالي جمبها وبدل معاها
يعني يايجي الرجال المسافر جنتل ولا مافي امل هالمضيفين يسون شئ عدل:)

[مهره]

ترفع قضية من راي

[captin]

هذا الشيء كل يوم يصير على معظم الرحلات وينحل بكل سهولة
بالطلب باسلوب من المضيفين تغيير الكراسي اذا كان هناك مجال


اعتقد الموضوع ما يستاهل كل هالتضخيم والردود

المحاكم موجودة واذا الشخص صاحب الدعوى عنده الاثبات والدليل على تعرضه
للإهانة او سلب حق من حقوقة يروح يرفع قضية على الشركة

[lifeqatar]

بس عشان تعرفون الرياييل السنعه
مب كله تقولون أنه الريال ماله أمان

[MAZEN37]

اقترح وجود كاميرات تثبت هالمواقف

[MAZEN37]

هذا الشيء كل يوم يصير على معظم الرحلات وينحل بكل سهولة
بالطلب باسلوب من المضيفين تغيير الكراسي اذا كان هناك مجال


اعتقد الموضوع ما يستاهل كل هالتضخيم والردود

المحاكم موجودة واذا الشخص صاحب الدعوى عنده الاثبات والدليل على تعرضه
للإهانة او سلب حق من حقوقة يروح يرفع قضية على الشركة
يا كبير:nice:

[متسلف وفي الاخير]

لو انا كنت في الطيارة بفصخ عقالي بلشطها بخليها عبرة حق غيرها وبقولها انا بقعد اي مكان يعجبني وابي اشوفها تتكلم هالاشكال من الحريم مايمشون الا بالعين الحمرا

[@north_star@]

في حلقة مفقودة بالموضوع

[فتى الجود]

عادى ما لحقتوا على طيران الخليج

وأيام المظيفين البحرينين ف الثمنانيات

ماخفى كان اعظم

الحمدالله اللى افتحوا القطرية
صج غاليه

لكن الغالى سعره فيه

[بو فهد]

القطرية يمدحونها وطيران بلادك ابركها من ساعة حتى لوجارت علينا

[بوخالد911]

س : هل تم تقديم شكوى رسمية؟

[شبح الأسهم]

لاحول ولاقوة الابالله

[ولدالمنتدي]

لا حول ولا قوة الا بالله

[Doha Sun]

اخ لو السالفة صارت لي والله لا اخليها تندم قليلة الادب

[أبو بكر سالم]

ابي اعرف انا اختي انتي قلتي قريبها؟ من يكون الشخص القريب هذا يمكن قريب بس مب من المحارم على شان جذية ماطلبوا من الكاونتر انهم يقعدون ويا بعض لان السالفه فيها شي صراحة

[رجل مثالي]

السلام عليكم ورحمة الله وبركاته

هاي رسالة عاجلة جداً اوجهها إلى من يهمه الامر بشركات الطيران الخليجيه

كارثة وقمة المأساة

معقولة لهاي الدرجة وصلنا يتعدى علينا في الأرض وبالجو واحنا بأراضينا هاي الحقيقة

على طيران البحرين

اسمعوا قصه هاي المواطنة طلبت من الكونتر يحجز لها ومع قريبها بنفس المكان لتفادي الإحراج والمشاكل

ولكن مع الأسف اكتشفت عند الصعود هي جالسه مع مسافرين من العرب طبعاً رجال وقريبها حذفوه بصوب

حتى المسافر رفض تجلس بجنبهم لأنه مسلم حرام ياخذ أثم شو اسوي بهاي الموقف الحرج

الصراحة رفضت الجلوس وهاي من حقها من يرضى على هله يجلسون هاي حرام

شافتها المضيفة وتصرخ عليها no problem وبأعلى صوتها وتلوح بيدها وأمام المسافرين

المواطنة دمعتها على خدها وتقول عاملتني و كأنني ( مطلوبة أمنياً ) دون احترام و بطريقة غير مهذبة

رغم هاي المواطنة مريضه رايحه للبحرين للعلاج انا ساعدتها بلي اقدر عليه ووقفت بجانبها

مع الاسف الشديد هاي المواطنة تعرضت لنوبه ربوا حاده وتم عمل الازم لها ساعدتها بالبخاخ الحمدالله

لو صار تأزمت حالتها وراحت فيها من المسؤول تحت بند قضاء وقدر انا احمل المسؤوليه المضيفة

المصيبه انه الطيارة فاضيه والكراسي متوفرة ومحد جالس عليها كان بأمكانها تجلسها بأي مكان ومافي داعي للتعدي

هاي مواطنة وعلى أرض بلادها أنهانت بداخل الطائرة من قبل مضيفة الطيران البحريني أمام الركاب

مواقف تضيق الصدر لماذا هذه المعاملة السيئة والإذلال للعرب والإكرام للأجانب الشقر دائماً وعلى مختلف الأصعدة ؟

لو كان أحد مواطني الدول الأجنبية التي تحترم كرامة الإنسان وبالدرجة الأولى مواطنيها لقامت الدنيا ولم تقعد

وسوف يوكل هذا الشخص محاميا يسترد له حقه بالكامل غير منقوص وربما اضطرت الشركة

لدفع ملايين لهذا المواطن كتعويض عما لحق به من ضرر

"حين يحجز الزبون تذكرته يضمن بذلك مضيفات ومضيفين تتوفر فيهم شروط الكفاءة والابتسامة وحسن تقديم الخدمات".

مع الأسف الشديد كثرت هالايام سؤ تصرف بعض مظيفين ومظيفات الطيران مع المسافرين

السؤوال إلي يطرح نفسه شو المواصفات والشروط التي يجب أن تتوافر في مضيفة الطيران ؟

هل التعدي على المسافرين ؟؟؟

يمكن تكون من الشروط الضرورية و المطلوبه بمضيفة الطيران


يجب على المسؤولين توظيف موظفين أكفاء في الطائرات عندهم أسلوب أخلاقي عالي بالتعامل مع المسافرين لنجاح شركة الطيران وتفوقها على باقي شركات الطيران في العالم وشكرآ الموضوع منقول للاستفاده

[Rider]

ليش من تكون المضيفة علشان ترفع صوتها ترى تعتبر خدمه بس في الجو يعني بالعربي تخسي ترفع صوتها قسما بالله أكلها الله يكرمك الجوتي الي فرجلها

[bo_hamad]

لاحول ولاقوة الا بالله
وحسبنا الله ونعم الوكيل
عليها بتقديم بلاغ ضد الشركة

[عنوووود]

تصير لنا مواقف وايد مثل هذه سواء في طيارة او مطار او في اي مكان آخر ، لكن عتبي على أصحاب هذه الردود :

: " اوووه خلاااص شلنا بوجع الراس "

" أوووه خلاص خلها تولي أحط راسي براسها "


" مالي بارض اروح اوقف وادور على مكتب الشكاوي "


هذه الردود ضيعت حقوقنا وخلت أمثال هذيلن يظلمون غيرنا ، لأن إحنا ما وقفناهم من البداية .

يعني الأشكال هذه ممكن بكل بساطة ردعها ، أو صقلها بكثرة الشكاوي ؟؟؟؟؟

[همر]

س : هل تم تقديم شكوى رسمية؟





ج: لا

لان السالفه عاديه وماتسوى والرجال مايصير للمره وتبي تقعد جنبه غصب مع ان الطياره فاضيه والمضيفه ماعطتها ويه وقالت لها نو بروبلم !!

انت شايف الموضوع يستاهل شكوى رسميه ؟!! :)

[moh80]

ترفع قضيه عليهم اذا كان معاها حق او تكتب كتاب الى الشركة بما حصل .

[Bozizoo]

مع احترامي للبنت واللي معاها
يعني محد يعرف يرد عليها
او يوقفها عند حدها
بغض النظر عن شركه الطيران
واحد يقل ادبه عليك وقفه عند حده
بس هذا هو

[سهم حلو]

(( من طلع من داره قل مقداره))