لا مااااااااااااااااااااا يصير الا اطلق ؟؟ [الأرشيف]

مشاهدة النسخة كاملة : لا مااااااااااااااااااااا يصير الا اطلق ؟؟

ابن قطر

05-11-2010, 02:06 AM

دون مقدماااااااااااات اتصل بي صديقي يشكي مما حصل لابنه وطلب مني ان انصحه لانه يريد

يطلق زوجته قبل العرس ؟؟؟؟؟؟

ويقول انه يرفض الحديث معي وقلت له لاتشيل هم شرط ماااااا يطلق ..

واتصلت فيه وطلبت منه ان اراه في اي مكان يريده وقال لي نتعشى عمي بمطعم بسوق واقف

قلت له لا خلنا من العشى تعال نتلاقى عقب صلاة العشاء بالمجلس فقال اعذرني ماااا اقدر اخذ

راحتي معااااااااااك قلت له تدري تعال نتمشى صوب الكورنيش ..

وجاء اخر كشخه الازرار نفس الساعه والسيااااااااااااااره مب كشخه وبس وبصراحه علميني

على اسمها بس نسيت بس اكيد مب مرسيدس ولا كروزر ...

عمومااااااااااااااااااااا قلت له ليش مزعل ابوك وما تبي تعرس وايش الي صار مع

خطيبتك الي اعرفه انكم تبغون بعض من زماااااااااااان ..ايش الي صاااااااااار

قال صح كلامك بس احين انا ما ابغيها خلاص بطلق قلت ليش عيل انا طالع معاك دام انك

ماخذ القرار ....قال بس ابغي اشرح لك حجتي وتقنع ابوي

وقلت ليش ابوك يدري وما اقتنع قال اي نعم ...

قلت له كم عمرك اليوم قال الشهر الجاي بكمل 30 سنة ويضحك وقلت له خطيبتك كم عمرها

قال حول 24 سنة ,,,,,,,

انزين شسالفه قال اسمع انا تكلمت معاااااااااااها بصراحه وقلت لها انتي تحبيني صح

قالت ما عندي غيرك بالدنياااااااااااا ....

قلت لها ولا اي تجربة حب وقلت لها علميني وما راح ازعل

قلت له انا بدوري هاي كله وباقي اسابيع يفترض انكم معاريس

قال اشوا اني عرفتها على حقيقتهاااااااااااااا

قلت له خير ايش قالت لك

قال تصدق اعترفت انها تحب وااااااااااااااااحد غيري ؟؟؟؟؟؟؟؟؟؟؟؟؟

قلت استغفر الله ليش جذي عاد يا بنيتي تكسرين قلب الولد ..

في قلبي هالكلام

وقلت علمني بالتفصيل ....قال انا سالتها وهي قالت انا كنت معجبه يوم عمري 15 سنة

بواحد من اعيال خالتي مب حب بس اعجااااااااااب ... وحلفت لي بس انا ما اصدقها ,,

قلت له ولد خالتها معرس قال اي وعنده اعيال قلت له يا اولدي انت طلبت منها تقولك

وتفتح قلبهاااااااااااااااا ... بس ما اعتقد السالفه تستحق انك اطلق ,,,

المصيبه يوم قال لو اخر بنت ما راح اخذهااااااااااااااااااااا

وعقب قلت له في ذمتك في سبب غير هالسبب قال لا والله قلت له البنت تصلي وتخاف الله

قال نعم في هذه انا اشهد بس خلاص صرت ما اتقبلهاااااااااااااااااااااااااااااا..

بس لانها انعجبت في واحد وهي عمرها 15 سنة ...

وعموما لا اطيل عليكم لا يرغب بالفتاه وقلت في خاااااااااااااطري هناك الكثير من معشر

الرجال الافضل ان لا تكون المراه صريحه معهم لاننا كلنا نملك عقلية الرجل الشرقي

والفتاه هي الضحيه ..

وهناااااااااااا اقول كلنا بشر نعجب بكثير من الناس وحتى ان لم نعلن ذلك ...

امل ان اسمع الاراء للمحاوله دون ان يقدم على الطلاق وممكن ان يرى هو تعليقاتكم

ويتعقل

تاجر121

05-11-2010, 02:42 AM

شوف يالغالي :
اول شي ما تقدر اتلومه
وثاني شي هو مخير بينه وبين نفسه يبيها ولا ما يبيها وكل انسان خطاء

باذكر لك موقف
مره جاني تلفون من ناس وقاموا يسئلوني على شخص كيف سلوكه وكيف اخلاقه ؟
وانا يالغالي جبتها على بلاطه
الي كان يكلمني اخو البنت : فقلت له يا فلا شوف كلنا لاعبنا وسينا وفعلانا وكنا شباب ومراهقين والولد كان نفسنا راعي لعبه وسوالف لكن شوف بعد ما تزوجنا عقلنا وشفنا حياتنا والحمد لله وتبنا
قال لي صحيح انا الله غفور رحيم
وهذا الشي ما يعيبه يعني ما يشرب ؟. اجبته اي ما يشرب
والحين تزوج والله شايل مرة بعينه

بالنسبه حق موضوع خويك
القررار يرجع له وقوله خلك واقعي يا فلان : انت ما كنت اتخربط وراعي سوالف وخرابيط ؟ والبنت نفس ياخي ربك غفور رحيم وخله يتوكل على الله اذا البنت اتريده لين الحين حرام

إينشتاين

05-11-2010, 02:44 AM

غلطة العمر هي الصراحة وكشف المستور لشريك الحياة عن الماضي سواء للرجل أو المرأه....
ماعتقد إنه ممكن ينسى هالموضوع حتى لو جازف وتزوجها وراح يكون غيمة سوداء تعكر صفو علاقتهم طوال السنين...
ومن رحمة الله إن المكاشفة صارت قبل الزواج وقبل مايتدبسون في بعض.

meme~qatar

05-11-2010, 02:48 AM

الله يهديها
ماكان لازم اتقوله
لان الريال مايتقبل فكرة ان زوجته كانت تحب غيره او حتى مجرد اعجاب

وهو سؤاله مش في محله كلش
المشكله قال حق خطيبته قولي الصج ومابزعل
يوم قالتله الصج قال بطلقها

الله يهديهم ويوفقهم للي فيه الخير والصالح لهم الاثنين

آآآآآآآآآآآآآآآآآآآآآآآآآآآآآآآآآآآآآآآآآآآمين

بنت^البحرين1

05-11-2010, 02:51 AM

أكبر خطأ وهالخطأ فااااااااااااااااااااادح جدا أن تبوح المرأة للرجل بمثل هذه الأشياء

أخوي احنا مانبي مثاليات احنا نعيش في مجتمع هذي طريقة التفكير فيه .. البحريني والقطري والكويتي والسعودي والاماراتي والعماني كلهممممممممممممممممم سوى .. مايقبل ولا بمجرد يتخيل أن زوجته كانت على علاقه بشخص غيره .. هذي غيره وهذي فطرة كل الرجال وهالشي المجتمع الخليجي متشدد فيه .. تلقاه هو متحرر ويقول انا فري بس لما يوصل للموضوع ذي باالذات لا وألف لا

أعرف وحده مثل هالحادثة نوعا ما .. قالت مرة في جلسة صراحة قالي زوجي لو في شي في حياتج قبل خل نتصارح ونعلم بعض هو قالها ان قبل كانت له علاقات بس من خذها قطع كل شي .. وهي كانت مسمية حق ولد عمها بس ما تم الموضوع وتسكر عليه وكل واحد راح في سبيله .. حذرتها ألف مرة انها تتكلم وتقوله دام الموضوع راح من سنين وهي تزوجت .. حتى لو قال اي عادي بكرة لو ابسطها يتلاقون في مكان ستين الف مية فكرة بتيي في راسه

اللي ابي اقوله .. هو موضوع انها تخونه لا .. بس دام شي صار قبل وانتهى وهي قفلت عليه والله هداها وصارت ماتشوف الا زوجها .. ليش تفتح على نفسها باب هي في غنى عنه ؟؟

المجتمع يتقبل فكرة الريال اللي له علاقات سابقة والناس كلها تقول عنه " كان طايش وفترة شباب وركد " والبنت لين تكبر وتعيل وتصير يده وتنحط في قبرها ، لين ييوا يخطبون اعيال اعيالها بيقولون ايييييي يدتهم فلانه كانت كيت وكيت وكيت ..

اعرف والكل يعرف ان هالنظرة خطأ .. لان الكثير ممن يمن الله عليهم بالتوبة ويصير هالشي ماضي .. لكن مجتمعنا ماشي بهالطريقة

أخوي صدقني يطلقها أرحم من أن يتزوجها .. خلاص هو مب طايقها وان خذها بتشوف الضيم معاه لانه خلاص ماعاد يثق فيها ويشوفها انها انسانة مو قد الأمانة ولا يمكن ان يثق فيها .. شالفايدة تجبرونه ياخذها وهو نفسه عافتها ؟؟

الله يوفق البنت ان شاءالله

ونصيحة لكل بنت لا تتهووووورين أن كانت هناك أخطاء ماضية استغفري وتوبي للخالق فانه يقبل التوبة .. وأبدا أبدا لا تتكلمين في حياتك الماضية حتى لاتندمي ( لحد يفهمها انها غش للزوج لا .. بس انا اقول اذا كانت قاصدة التوبة والعودة بنظافة قلب وخلق فمالمانع..)

وفقك الله الجميع لما يحبه ويرضاه

Super Cool

05-11-2010, 02:54 AM

ههههههههههههه اعذرني اذا قلت لك هالانسان مب صاحي

انا مب مصدق ان هذا السبب الحقيقي.....واضح اناه ما يبيها من الأساس و شكله كان يتسبب و لقاها حجة!!!!

المشاعر بيد الله لو هي سوة شي يعني غازلت ولد خالها ولا صار بينهم شي....لكن مشاعر ((((المراهقين)))) بالذات على بيزة و كلها خرطي....لا و من 10 سنين بعد

والله مب صاحي

باسكن روبنز

05-11-2010, 02:55 AM

قوله يتعوذ من آبليس ،
وينسى آغلاط الماضي ويبتدي وياها حياه جديده ويستر عليها ،

آيييييييييييه لو يدري رفيجك ببعض بلاوي الحريم آلي من تحت لتحت ،
جان بيعرف آنه هو بخير ،:)

آتمنـى صج تقنعه وتفهمه بهالشي وبلغه تحياتي وقوله بندعيله بالتوفيــق آن شالله ،

تاجر121

05-11-2010, 02:58 AM

الاستاندر

05-11-2010, 03:01 AM

مرحبا اخوي
مابقولك في كل بيت في الخليج هالشي صاير بس صاير في كثير من البيوت
ان بنت تنعجب في ولد عمها وولد عم ينعجب في بنت عمه وعيال الخال والخاله والعمه نفس الشي
ويمكن رفيجك نفس الحاله ويمكن انت ويمكن انا
وثاني شي هو طلب منها الصراحه لازم يتحمل الرد اللي بيجيه
ومانصح اي حد يقول ماضيه حق شريك حياته
لان حتى لو رفيجك خذاها صدقني بيدخل بينهم الشك
ودمت بصحه وعافيه
والله يوفق رفيقك ويصلح اموره وان شاء الله اطيب اموره معاها وتكون غيمة وعدة على خير

ابن قطر

05-11-2010, 03:04 AM

اشوف ردودكم وما اقدر انطق اقول صح الي بيسويه او غلط

بس البنت مسكينة صدقوني بس خلونا في مكان ابوها او اخوانها توها 24 سنة وتتطلق وعلى سبب

انا اشوفه مب ذاك الزود هي اعترفت بكل براءه...

نورالهدى

05-11-2010, 03:24 AM

انا ما اشوف ماضي
بصراحه
واضح انه قاعد يدور سبب حتى يتخلص من هالانسانه المسكينه
الواضح هو ماعنده ثقه بنفسه
والا بيقتص من ياهل
كانت معجبه في ابن خالتها
ماقالت ابن الجيران
ترى الظلم حرام
بكرى الله بيبليه لأنه تجنى على بنت العالم
ترى هالبنت أصلا مالها ماضي
بالغصب بنسوي لها ماضي
يعني بنكذب الكذبه وبصدقها
أعوذ بالله من غضب الله
أقول البنت ماتستاهل واحد مثله
لأنها أحسن منه وأفضل
يبغيلها واحد يصونها ويتقي الله
يعني موضوع ماله معنى ويرز الويه ويقول حق صاحبه ماله حق
ترى هو ان تركها ماله في الطيب نصيب وهي الله يحبها انه خلصها من انسان
غير أمين
وشكرا

لمعة الالماس

05-11-2010, 03:37 AM

بوعيسى1

05-11-2010, 04:21 AM

والله ياخوان انا احترم آرائكم بس ابي حد يقول لي ليش الولد سأل هذا السؤال ؟؟؟؟

سبب الاول هو وهو معجب بالبنت اكثر من لازم وشكلها البنت وايد حلوة وهذا الشيء ركز عليه الولد فقال فيه نفسه هذه ملكة الجمال بس ان شاءالله انا الوحيد في قلبها ومحد دخل قلبها قبلي وهني ما قدر يتحمل الغييرة في داخله الي قال خلني اسئل البنت وعقب اكتشف بان البنت كانت معجبة فالرجال تحطم نفسياً .

سبب الثاني هو بان احتمال يكون ماضي الولد مربوط بالبنات وفي نظرته كل بنت تلعب وخاصةً بنت الحلوة
شكله كان يغازل وعند اكثر من بنت يرجع لها .. وهو اكيد قاعد ياخذ الشورة مع البنات .. فخبرك البنات تغار من بعض فيمكن وحدة منهم قالت حق الولد اسئلها هذا السؤال ولو قالت اي ابعد عنها .... فالرجل الي يغازل يكون دائماً تفكيره سلبي ودائماً يشك بخطيبته او زوجته ... يعني ما يرتاح نفسية ويتخيل نفسه فيلسوف او دكتور نفسي للبنات وفي الأخير والله ما يدق سلف ولا يدري شو سالفة ....
العموم انا احترم آراء الجميع بس ما اقول الا بان البنت ما له اي ذنب وهي مدام صارحت طهورة ان شاءالله
والولد الله يهديه ... ونصيحة للبنت لو الولد مغازلشي انت طالق بعد شهرين .... وسلامي

الصقري

05-11-2010, 05:58 AM

بالله فيه رجال يسأل هالسؤال لزوجته !!!
ما يسأل هالأسأله إلا شخص شكاك وواضح إن الولد ماضيه أسود ويمكن خيره للبنت إنهـا ما ترتبط بشخص تفكيره مريض!!!
بس قول له إذا طلّق لا يرمي المحصنات ويطلع كلام عليها بأنهـا راعية علاقات

ابو خليفه

05-11-2010, 07:21 AM

سبحانكــ يارب كل انسان اجية قترة مراهقة وينه وين العصر الي حن عايشين فية

طارق

05-11-2010, 07:43 AM

هذي عمره 30 سنه بس مخه مخ طفل في ال 10 سنين
تطلق منه أفضل
لأنه تافه

قلم محايد

05-11-2010, 09:01 AM

والله اسمح لي يا خوي بس هذا الشاب مب مال زواج !

عيل قالت له كانت معجبة بولد خالتها يوم كان عمرها 15 سنة و قال بيطلقها !! يعني مايدري ان كثير من البنات حتى كلموا بالتلفون و يمكن بعضهم (طلعوا) مع شباب بس هالاشياء تصير بالخش ؟! و هذي المسكينة كانت صريحة معاه لانها تحبه و قالت له اللي في قلبها و قام طلقها !

بس اقول دام هاي تفكيره فاهوه مايستاهلها .. و مايدري يمكن الله يبليه بوحدة لعابة بس من تحت لي تحت !! و ساعتها بيحس بالندم في اللي سواه بهالبنية المسكينة !

الأصيلة

05-11-2010, 09:09 AM

المفروض تكبر بعينه لانها ارتاحت له وفتحت له قلبها وصارحته

يعني بيتاكد بانها بتكون زوجه مخلصه وصادقه

وبعدين هاي اعجاب بالمراهقه

يعني لو للحين متعلقه فيه جان ما صارحته ولا قبلت الزواج فيه

الشيطان يستانس لين يفرق بين زوجين وخاصه لين قرب موعد العرس

والله يجمعهم على خير وان شاء الله تنحل المشكلة والرجال كبير وخله يكبر عقله

كلام صحيح والمسكينة ارتاحت له وحبت تبدتدي
معاه على صراحة
لكن البعض مب كفو معاهم الصراحة..
المهم ...المطلوب تحذره لأن هذا ظلم لهذي المسكينة
وتقوله إن الله بينتقم منك وبيقطك بوحده لها علاقات وخرابيط أكثر..
ولو إني أشوفه بهذا العمر خلاص رح يصرف نظر عن الزواج أصلا
لأنه يمكن معقد شوي وتفكيره ضيق منحصر في الكشخة والكلام عن سوالف البنات...
وإلا كان ماهمه موضوع صار من سنين ومجرد إعجاب
ليش كان يبغيها تكون في غرفة مسكر عليها طول العمر حتى يجي هو بسلامتها ياخذها...

qtrose

05-11-2010, 09:28 AM

الصريحه

05-11-2010, 11:25 AM

اكبر خطا ان البنت تفتح ماضيها للرجل

حقيقه

05-11-2010, 01:45 PM

احسن لها افتكت منه هالمعقد

عمرها كان 15 يعني في سن المراهقه وشيء طبيعي تعجب بحد من اهلها من الجيران من التلفزيون ممثل مغني

الله يرزقها اللي احسن منه

فلتة زمانها

05-11-2010, 01:53 PM

صج انسان حقير

روح الاطلس

05-11-2010, 02:20 PM

اخوي ابن قطر الموضوع محتاج شوي تحليل

تخيل لو رضى فيها وماطلقها وتمم الزواج

بتكون حياتهم جحيم وشك وغيرة لان الاخ مفتكر ان البنت راعية حب وتجارب والدليل سألها انتي لك تجارب حب سابقة

وقالت له انها ايام المراهقه انعجبت بولد عمها

وهو رجل واضح انه ماعنده يمين يسار اول ماسمع هالكلمة شب ضو وقال بيطلق

وثاني شي البنت واضح انها تفتقر الى الحكمة والرزانه وطريقة التعامل مع الرجل

تكلمت معاه كأنها تتكلم مع وحده من صديقاتها وهذا غلط

تعامل المرأة مع المرأة يختلف عن تعامل الرجل مع الرجل
وتعامل المرأة مع الرجل ايضا يختلف

من عدم الحكمة ان تتحدث امرأة مع رجل في هذه المواضيع

واعتقد حتى لو قالت لها انها يوم كانت ام خمس او ست سنوات كانت تحب ولد عمها بعد بيعصب ويتضايق

ومن خلال هالموقف يتبين ان الشخصيتين متناقضتين

الرجل غيور ومافكر بعمر البنت وقتها
والبنت تنقصها الحكمه والذكاء على بالها الصراحة شي جميل في هذه الامور وان الشخص اللي تكلمه مثالي او لنقل رصين وبيتقبل

والله يكتب لهم اللي فيه خير سواء الزواج او الانفصال

بنت ذياب

05-11-2010, 04:31 PM

صج معقد !!

خيرة والله انها افتكت منه !!

ياريت اخوي تخليه يقرى الموضوع عشان يحس بغلطته ..

الراقيه سبشل

05-11-2010, 04:44 PM

اهو مب كفو ياخذها

ولو يطلقها بتكون خيره لها والله يرزقها بشخص يستاهلها

لو كذبت عليه كان ابتدت حياتها معاه بكذبه وصارت حياتهم كذب بكذب

ولو ماتراجع عن قراره الله بيبليه

والله يهديهم

toomi9

05-11-2010, 07:09 PM

ماعنده سالفه
هو ماسال هـ السؤال الا لانه كان جيه ومار بتجارب عشان جيه جى فـ باله هـ السؤال

دام اعترفت وعمرها ١٥ اعجاااب بس اعجاب لاتكلمه ويكلمها ولا مقابلات ولا هم يحزنون واعتقد عمر الـ ١٥ بزر وماتفهم هـ السوالف
بصراحه ،، عقلية غبيه مع احترامي ، ولو اصر يطلقها احسن للبنت مب له لان بتفتك من شره ومن شر تفكيره الي جيه
اللهم عافنا فيما ابتليتهم

التيما

05-11-2010, 08:33 PM

في ناس لازم يكذبون عليها عشان ترتاح ؟؟ الله يهديه .. اولا لازم نعترف ان البنت اخطأت في البوح بهالكلام وكانت غبية .. ثاني شي الولد كان المفروض يطلع ريال وقد كلمته لمن قالها ماراح ازعل بس صج طلع بزر .. طيب نفرض هالشي صار بعد الزواج كان بيطلق بنت الناس على هالسبب التافه ؟ وموضوع انه يقرر بروحه !! ليش بنات الناس لعبة ؟؟
أنا أتفق مع الأب بعدم الموافقة على الطلاق مو عشان السبب تافه .. بس لانه المفروض يتعلم يكون قد كلمته للبنت ويكبر ويخلي عنه حركات المبزره اللي سواها .. صج ماعنده سالفه .. والله لو اني مكانها رميته وماعليه حسوف وخيره لها ..

بـــــــنت النوخـّــــذه

05-11-2010, 08:59 PM

دون مقدماااااااااااات اتصل بي صديقي يشكي مما حصل لابنه وطلب مني ان انصحه لانه يريد

يطلق زوجته قبل العرس ؟؟؟؟؟؟

اسمحلي اخوي بهذي الكلمه الرجل من هالنوعيه مايشك بهذي الطريقه ويكون جلّ اهتمامه هذي النقطه إلااذ كان الرجل له تجارب مع نساء 000فهو يشوف صوره زوجته بصوره النساء الي تعرف عليهم 0 ولا يراها اهي بل يرى تجاربه السابقه 00وكلامي هذا مهب موجه لصاحبك بصفه خاصه بل عامه لجميع الرجال الي من هذه النوعيه
عموما" 15 سنه سن مراهقه وصغيره واجد والحمد الله ماكانت اتحب غريب ألا ولد خالتها وتزوج بعد 0000 وكان الله غفورا" رحيما

سبحان الله بعض الرجال على الرغم من سنهم الكبير الا ان عقلهم صغير 000
عموما" انا صراحه لو مكانك انصح صاحبك انه يطلق بنت الناس دامهم على البرّ لان هذي النوعيه من الرجال مستحيل يقدر يتعايش مع مرأه بدون مايشك 000فأعتقد يطلقها ويترك غيره ياخذها وتشوف نصيبها لان اذا بدايته بهذي الطريقه فالطلاق افضل 000اذا مافيه ثقه من بداية الزواج يفضل لا الرجل يتزوج ولا المرأه الشكاكه تتزوج 000
والله يستر عليهم دنيا وآخره ^_^

STAR

05-11-2010, 09:00 PM

عزتي سمو ذاتي

05-11-2010, 09:04 PM

الله يهديه إن شاء الله ويصلح باله .. المشكلة هو موصغير عمره 30 سنة يعني المفروض تفكير يكون اكبر من كذا

هو لوبس يفكر شوي بيشوف ان هالبنت هي اللي فيها خير لانها كانت كتاب مفتوح له وكانت صادقه وماكذبت بجوابه

بس لوانا مكانها راح انا اطلب الانفصال عنه حتى لواموت فيه لان هو طلع موقد كلمته تركها تفتح قلبها وفي الأخير قال ماابيها

وسمي2016

05-11-2010, 09:17 PM

دون مقدماااااااااااات اتصل بي صديقي يشكي مما حصل لابنه وطلب مني ان انصحه لانه يريد

يطلق زوجته قبل العرس ؟؟؟؟؟؟

ويقول انه يرفض الحديث معي وقلت له لاتشيل هم شرط ماااااا يطلق ..

واتصلت فيه وطلبت منه ان اراه في اي مكان يريده وقال لي نتعشى عمي بمطعم بسوق واقف

قلت له لا خلنا من العشى تعال نتلاقى عقب صلاة العشاء بالمجلس فقال اعذرني ماااا اقدر اخذ

راحتي معااااااااااك قلت له تدري تعال نتمشى صوب الكورنيش ..

وجاء اخر كشخه الازرار نفس الساعه والسيااااااااااااااره مب كشخه وبس وبصراحه علميني

على اسمها بس نسيت بس اكيد مب مرسيدس ولا كروزر ...

وكأنما لسان حالك يقول لنا بانه اخر زقرته!!!!!<<<<

عمومااااااااااااااااااااا قلت له ليش مزعل ابوك وما تبي تعرس وايش الي صار مع

خطيبتك الي اعرفه انكم تبغون بعض من زماااااااااااان ..ايش الي صاااااااااار

قال صح كلامك بس احين انا ما ابغيها خلاص بطلق قلت ليش عيل انا طالع معاك دام انك

ماخذ القرار ....قال بس ابغي اشرح لك حجتي وتقنع ابوي

وقلت ليش ابوك يدري وما اقتنع قال اي نعم ...

قلت له كم عمرك اليوم قال الشهر الجاي بكمل 30 سنة ويضحك وقلت له خطيبتك كم عمرها

قال حول 24 سنة ,,,,,,,

انزين شسالفه قال اسمع انا تكلمت معاااااااااااها بصراحه وقلت لها انتي تحبيني صح

قالت ما عندي غيرك بالدنياااااااااااا ....

قلت لها ولا اي تجربة حب وقلت لها علميني وما راح ازعل

قلت له انا بدوري هاي كله وباقي اسابيع يفترض انكم معاريس

قال اشوا اني عرفتها على حقيقتهاااااااااااااا

قلت له خير ايش قالت لك

قال تصدق اعترفت انها تحب وااااااااااااااااحد غيري ؟؟؟؟؟؟؟؟؟؟؟؟؟

قلت استغفر الله ليش جذي عاد يا بنيتي تكسرين قلب الولد ..

في قلبي هالكلام

وقلت علمني بالتفصيل ....قال انا سالتها وهي قالت انا كنت معجبه يوم عمري 15 سنة

بواحد من اعيال خالتي مب حب بس اعجااااااااااب ... وحلفت لي بس انا ما اصدقها ,,

قلت له ولد خالتها معرس قال اي وعنده اعيال قلت له يا اولدي انت طلبت منها تقولك

وتفتح قلبهاااااااااااااااا ... بس ما اعتقد السالفه تستحق انك اطلق ,,,

المصيبه يوم قال لو اخر بنت ما راح اخذهااااااااااااااااااااا

وعقب قلت له في ذمتك في سبب غير هالسبب قال لا والله قلت له البنت تصلي وتخاف الله

قال نعم في هذه انا اشهد بس خلاص صرت ما اتقبلهاااااااااااااااااااااااااااااا..

بس لانها انعجبت في واحد وهي عمرها 15 سنة ...

وعموما لا اطيل عليكم لا يرغب بالفتاه وقلت في خاااااااااااااطري هناك الكثير من معشر

الرجال الافضل ان لا تكون المراه صريحه معهم لاننا كلنا نملك عقلية الرجل الشرقي <<<

عقليه متحجره ان خالفت امر الله!!!!

والفتاه هي الضحيه ..

وهناااااااااااا اقول كلنا بشر نعجب بكثير من الناس وحتى ان لم نعلن ذلك ...

امل ان اسمع الاراء للمحاوله دون ان يقدم على الطلاق وممكن ان يرى هو تعليقاتكم

ويتعقلاقوله :ماله حق ينكث بوعده بانه مايزعل,,,,وهذي كبيره عند رب العالمين
يرجع لخطيبته ويراضيها احسن له,,,,,والعبد اذا ارتكب معصيه تتعلق بالعبادات
وبينه وبين ربه,,,,فرب العباد غفور رحيم,,,,اما ظلم الاخرين فالله شديد العقاب.

اخي الفاضل ابن قطر,,,,ان كانت سالفتك هذي واقعيه وتستنير بالاراء فانت عملت صواب
وهذا شي نادر,,,,,,,تؤجر وتشكر عليه,,,,,,,,

ربي يوفق لما فير الخير والصلاح,,,,,,,,اللهم امين

PARIS

05-11-2010, 09:34 PM

الحمدلله على نعمة العقل من وجهة نظري ان البنت كانت واجد صغيرة والاعجاب عادي في هالسن ومسكينه بولد خالتها .... لاحول ولاقوة الابالله ... تصرف الولد ان دل فهو يدل على صغر عقله ونظرة الضيقه للحياة ... والبنت اعترافها مثل ماقالوا الاعضاء يدل على برأتها وقلبها الصافي لانها اذا كانت خبيثه مستحيل كانت بتعترف له ... واذا حصل وتتطلقت الله يعوضها باحسن منه ....

ابن قطر

06-11-2010, 12:08 AM

اقوله :ماله حق ينكث بوعده بانه مايزعل,,,,وهذي كبيره عند رب العالمين
يرجع لخطيبته ويراضيها احسن له,,,,,والعبد اذا ارتكب معصيه تتعلق بالعبادات
وبينه وبين ربه,,,,فرب العباد غفور رحيم,,,,اما ظلم الاخرين فالله شديد العقاب.

اخي الفاضل ابن قطر,,,,ان كانت سالفتك هذي واقعيه وتستنير بالاراء فانت عملت صواب
وهذا شي نادر,,,,,,,تؤجر وتشكر عليه,,,,,,,,

ربي يوفق لما فير الخير والصلاح,,,,,,,,اللهم امين

والله حقيقية

وللاسف الانسان في لحظة يعمى.......................

ابن قطر

06-11-2010, 12:14 AM

فرقااااه عيد...
بتفهموني يعني هو ايام المراهقة كان ملااااك...‏!!‏

وثانيا اصلا طلع مب ريال..عيل يقولها قولي الصج وماراح ازعل وآخرتها يطلع
مب قد الكلمة...‏!!‏

قووول للبنية فرقااااه عيييييييد

واصلا امبين انه راعي تجارب من سؤاله..

عيل صك الثلاثين وليحين ماتزوج...‏!!‏

نعم انا اقول ايضااااااااااااااااااااااااا شكاك وراعي تجارب

ولكن والله ظلم يطلق لان اعتقد داخله انسان طيب بس الشك عااااااااااااميه

فرقاك عيد

06-11-2010, 01:19 AM

انا اقول البنت تسجد سجدة شكر لله انها تخلصت من رجل بعقليه طفل

باسكن روبنز

06-11-2010, 03:13 AM

بدون زعل ،
حزات آشوف شباب وايد بعقليات غريبه ،

آقول في خاطري الله يعين البنت آلي بياخذها ،:secret:

MAZEN37

06-11-2010, 08:13 AM

الله يعينه

المستريح

06-11-2010, 09:00 AM

بالعكس المفروض يتمسك بها لانها صريحه معاه ويمكن هالموضوع مضيق عليها انها خاشته عنه وبغت تبدا حياتها على الصراحه لوشئ كبير ماعلمته وهذا مب موضوع يتم الطلاق عليه استغرالله العظيم الله العالم بعض الحريم شسوو قبل الزواج الله يستر عيوب الناس انارائ يتعوذ من ابليس الله يوفقهم

black@white

06-11-2010, 12:46 PM

الشاب عمره 30 يعني انسان واعي وفاهم ويعرف الصواب والخطا فهو ليس بالمراهق الذي لايعرف كيف يتعامل مع الامور بعقلانيه
الشاب اعطى الفتاه الامان بان تقول الحقيقه واعطاهها وعد بان لا يزعل من ذلك
البنت احست بالراحه والامان معه فصارحته والنتيجه ينكث بعهده معها
النصيحه للبنت وليس للشاب ان الطلاق ارحم لها من الاستمرار مع هذا الشاب لان حياتهم معا سوف تكون مليئه بالشكوك والمشاكل
وفق الله الجميع

وطن

06-11-2010, 12:57 PM

يسرح البنت احسن لانه مب كفو يستمر معاها وينكد عيشتها

اخاف هو اللي عمره 24 مب هي !!!

لاحول ولا قوة الا بالله

ما يحق له اصلا حتى لو غلطت بشي اكبر
ان الله غفور رحيم

والبنت تصلي وتخاف ربها وكان اعجاب من بعيد !!!

الله يصلح حاله

صليب الراي

06-11-2010, 04:08 PM

بعض الأشكال مب كفو المصارحة والكلام الجامد

وهذا الشاب أكثر مثال على العقل الصغير والمقطن

الله يعوض البنت بمن هو أخير منه ويرزقها السعادة والرضا

صج صج بعض الرجال مب كفو اصلا المصارحة

والأدهى من ذلك والأمر يخرب بيت عقلك انت لين الحين ماطيحت الميانه مع البنت ولاسافرت ولاسكنت معاها وقاط عليها سؤال شكبره . قولي الصج . كنتي تحبين غيري ؟

ااااااااخ بس ليتني ابو البنت كان اوريه سنع الله قسم بالله

ام ريان

07-11-2010, 12:41 PM

السبب تاااافه
هي كانت صغيره وكان مجرد اعجاب والاعجاب ممكن كانت تعجبها حركاته او حركه معينه يسويها مش شرط حب وهذا هو متزوج وفي حاله

وبعدين هو طلب الصراحه لو كذبت عليه وبعد زواجهم عرف بالصدفه بيعتبرها خاينه وهي على ذمته

متسلف وفي الاخير

07-11-2010, 01:37 PM

ان كيدهن عظيم

الضمير الحي

07-11-2010, 01:42 PM

امحق ريايل .....
يحاسب مراهقه بهالعمر
على اساس ان البنات في هالعمر مااعجبوا بحد @ @ !!!!
حتى لو قالت حبته في هالعمر اي حب اوعشق او اعجاب بالنهاية عبط ولعب بزران ولين يكبر الواحد يضحك على نفسة .....
قال بيطلق ؟؟؟
اصلا لوطلقها هي الكسبانه وهو الي راحت عليه
خليه يموت شهيد عقب بيتزوج الحور العين الي له بالجنه الي عمرهم مااحبوا الاهو ....

ام السعف

07-11-2010, 01:45 PM

يمكن اخير لها ،، يالله الخيرة فيما اختاره الله
ربنا يعوضها بواحد احسن منه ،،

والله يوفقه بوحدة احسن منها ،،

حليتان*

07-11-2010, 01:50 PM

احسن له الصراحه

باجر شلون راح تكون نظرته لها عقب ما يعيشون تحت سقف واحد ...!

عنوووود

07-11-2010, 03:52 PM

يعني هو يضمن ياخذ غيرها وتكون ذكية وداهية وماخلت ولا بقت بس ماتكون صريحة معاه .

أنا نصيحتي يطلقها عشان مصلحتها هي مب هو " لأنه متخلف وبيراويها نجوم الظهر "

ذوق

07-11-2010, 06:16 PM

الرجال متخلف ، وخيره للبنت ان يطلقها ، بالعكس انا أأيد رايه وبقووووووووه

دوحة العطاء

07-11-2010, 09:23 PM

المفروض هالأشكال من الأساس مايتزوجون ويبهدلون في بنات الناس
خل ياخذ وحده مثله عشان يرتاح
سلامي للشباب 18 و19 وربي وسماي انهم أفهم وأعقل من عقليات 30 سنه
وأنا أفضل انه يطلقها ويتزوج وحدة مثله
والله اني ماألوم البنات اذا ماتزوجوا ...الله يرحم ارجال أول ارجال الشهامة

unless

07-11-2010, 10:35 PM

اكبر خطا ان البنت تفتح ماضيها للرجل

لافض فوكواما البنت اللي تكشف ماضيها للرجل اتحمل ماجاها ..ونصيحة
نبدأ حياة جديدة..وما فات مات..لأن فيه امور مايمحيها الزمان.

jeep-srt8

08-11-2010, 12:09 AM

يعني كيف ؟؟

هو عطاها الأمان ؟؟؟؟؟؟؟؟؟؟؟؟؟؟؟

وثاني شيء البنت عمرها 15 سنة ..وقالت اعجاب ...حتى لو قالت حب ..ابسط جواب ماكانت تعرف انه الوضع كذا ؟؟

عمرها 15 يعني سن المراهقة ..احنا الشباب وانا الحمدلله ماقد علقت مع اي بنت وما افكر لاني بصراحة مب فاضي لهالشغل وما احب اكسر خاطر اي حد ..المهم ..انت كم مرة اعجبت ببنت ؟؟؟؟على طووول تعجب ..وكم مرة عشقنا مدرساتنا هههههههههههههههههههههههههههههه ها تخيل انك مكانها كيف بكون جوابك ..نفس الشيء

يعني مالك حق الصراحة ..وهي عجبتني وبقوة انها صريحة ..والله يرزقها بواحد يقدرها

حمد بن سعد

08-11-2010, 01:05 AM

زواج على حب مايدوم وايد وهاذا رايي

والله يوفقنا وياكم

N.QTR

08-11-2010, 06:45 AM

اخوي صاحب الموضوع،،

مع احترامي ،،

بس لو كان هذا الشخص صاحب اخلاق عاليه ، وعارف دين الاسلام صح وخايف ربه كان ما تكلم بهالطريقه او ما فكر بهذا التفكير الغبــــي ،،
شلون يتزوج ويبي يظلم البنت معاه حـــــــــرام عليه،،
شلون يأسس بيت زوجيه واذا هو مش قد الزواج؟؟:anger1:

اللهم عافنا عما ابتلاهم:rolleyes2:

(قال تعالى في سورة النور)

{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ

وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
(26) سورة النــور

الله يرزقهــا بالزوج الصالح اللي يخاف ربـــــــــه ،، لانها ستجد السعاده الابديه معاه..

تحيتي واحترامي،،

KABOOM

08-11-2010, 07:02 AM

والله النساء لاهم ضحايا ولا شي

بالعكس الا اذكيا ومعطين الرجال على كيفهم

تقوله اللي يبي يسمعه ههههههههههههههههههه

وفاكين عمارهم

لان كل شي حلال للولد وكل شي حرام على البنت !!!!!!

فــ ما نلوم البنات

لازم الرجال يكبر عقله شوي مثل مالحريم مكبرين عقولهم

اما بنسبه للقصه يمكن الله خلى البنت تتكلم عشان
تفتك منه لانه شكله دعله من قلب !!

شيط ويط

08-11-2010, 08:04 AM

لا تعليق

دلة الرسلان

08-11-2010, 08:28 AM

وانا بعد معاه انه يطلق قبل العرس احسن ما تكون مطلقة بعده .

ummohammed

08-11-2010, 09:17 AM

وعسى أن تكرهوا شيئا وهو خير لكم
فعلا الطلاق الحين أحسن من بعدين والله يرزقها بواحد اعقل منه

ودي أكون

08-11-2010, 09:24 AM

يعني طوووول ماكان معاها ماسألها هالسؤال ؟!

فترة الخطوووبه !!

احين قبل العرس جاا وسألها ؟!!

بصراحه هي وحده من الثنتين ..

ياا إن الولد هذا موب صااحي .. أو .. أنه صدق موب صااحي ..:tease:

واضحه .. يدور له مخرج على حساب البنت .. وواحد مثل هذا محد يتشره عليه .. فرقاه عيد ..:)

umabdulla77

08-11-2010, 10:21 AM

مسكينة هالبنت ما تستاهل واحد مثله ، هذا جزاها يعني؟؟؟

قالت معجبة ما قالت حبته وكلمته وسوت معاه علاقة!!!!

هي افتحت قلبها وكانت صريحة ، مب مثل الي يسون بلاوي

وبعدين يسون روحهم شريفات!!! هي مجرد كانت معجبة حالها

حال أي مراهقة طبيعية ، كلنا بسن المراهقة انعجبنا وكان لنا

تصور لفارس الأحلام والمسكينة كان ولد خالتها يعني انسان مقرب

انعجبت يمكن بشكله أو أخلاقه ، يا ناس قالت اعجاااااب ، وحتى

لو حبته ، الحب بسن المراهقة اعجاب مو ذاك الحب الي يقولون عنه!

يللا الحمد لله بان على أصله ومبين انه شاف له شوفة او حجة حصلها

علشان يفتك من هالمسكينة :(

:nice: :nice: :nice:

الحمدلله انه تبين لها صغر عقله المريض

وهو ماسألها الا لان سوه فيه قبل والا لو شخص مو راعي ماضي ماسأل هالاسئلة اللي مالها داعي

وهي ربي راح يرزقها بريال احسن منه وربي يعوضها خير

وماانكشفت حقيقته قبل الزواج الا من حب الله لها لانها تستاهل شخص افضل منه

وياريتها مسوية شي غير الاعجاب مكلمته او شي مع انها ام 15 مراهقة وصغيرة وجافت فيه فارس احلامها يمكن مو اكثر من جذي ونتيجة اخلاقها العالية صارحته ودليل انه مافي قلبها غير زوجها وفي الاخير هذا رده

وبصراحة اللي يقولها فتحي قلبج موب زعلان عليج ولما تصارحه يقولها مابيج ماله امان لانه كذب عليها ،،هذي يبي حجة انه مايتزوج والا اللي في عمره عيالهم وراهم وهو عزوبي

الحمدلله والشكر ربي لايبلينا بهالاشكال

الحمدلله الذي عافانا مما ابتلاهم

ابو محمد7

08-11-2010, 10:28 AM

باختصار وبعيد عن الكلام العاطفي

اذا كان هذا هو السبب الحقيقي وهذا هو مستوى عقله وطريقة تفكيره

فانا اقول الطلاق خير وبركة وافضل حق البنت اذا هالانسان ماعدل من طريقة تفكيره الافضل له مايتزوج

ALRAYYAN

08-11-2010, 12:25 PM

هو غلطان يسال وهي غلطانه تجاوبه على سؤال مثل ذي
بقولك شي وهذا رايي .. الانفصال الحين احسن من انه يقعد معاها كم شهر ويطلقها
خله ياخذها عن قناعه او يتركها لنصيبها بعد عن قناعه

اذا هذا تفكيره من الحين اقول الله يعينه على اللي بياخذها لان اللي يكسر قلب بنت مصليه وخايفه ربها وماباقي على عرسهم شي
الله بيطيحه في وحده تلعبه على الشناكل

وان شاء الله انها خيره لهالبنت اللي مايسوى عليها قالت له الصج .. والمشكله ان كل السالفه اعجاب ولواحد يقرب لها وكانت ياهل ام 15 سنه

ربي يوفق الجميع

ابن قطر

08-11-2010, 02:22 PM