يا جماعه الخير الحقوو علاااااااي ابي نصايحكم ولكم الاجر

[al-sadd]

بسم الله الرحمن الرحيم

يا جماعه الخير
طبعا الكل يدري اني فامريكا ..... الى اخره
محد مادرى ههه :eek5:

المهم ان معاي في الكلاس واحد اسمه David
من فانزولا
ومعاي (( بدون ذكر اسم الدوله )) اسمه "احمود"

المهم اليوم كنا رايحين المجمع نبي نشتري ملابس للشتى خبركم درجه الحراره شوي وتوصل ١٠ تحت الصفر
مب نفس ربعنا هههههه


المهم فــ هاذي كانت يمكن المره الثانيه او الثالثه
انه يقولي نفس الجمله ، تبون اتعرفون شنهي هالجمله ؟ :nice:

سعود احس ان الكاثولك "الي هي ديانته" طوووووط
طبعا ماتبون تعرفون شقال
المهم انه سب هالديانه

وقالي قبل كنت مسيحي ولاكن دخلت الكاثولكيه
واحس مافي فرق بينهم !!!

فــ قلت بس قم ياسعود وكلمه يمكن يفهم عن الاسلام :nice:
فــ جبت له من ايده الي تعوره ههه
قتله انزين ياخي اقرى عن الاسلام يمكن يعجبك

طبعا ضحك
وقالي قريت ولاكن قليل


المهم ان المصيبه الي حصلت لي
ان الله يهداه هالـــ (( بدون ذكر اسم الدوله )) خرب السالفه كلها !
قام وقال
ادخل الاسلام تراه عجيييب
تقدر تسوج ٤ بنات مب مثل المسيحيه او الكاثولكيه !!

اهني بغييت اذبحه !!
قهرني ياناس والله قهرني !!!!

قلنا معليه وكمل الرجال كلامه
وقال واصلا في الاسلام يجوز زواج المتعه !!

ويخرررررب السالفه مره ثانيه !!
اوه صج ماقتلكم تراه شيعي !!! :secret:

المهم نرجع لكلامنا

فــ قلتله بالعربي
ياخي لاتقوله هالكلام
عطه فكره حلوه عن الاسلام مب زواج ومادري وشو

رد علاي قالي ياريال هاي مب ويه اسلام خله
بس خلنا نسولف وياه

المهم

كنت ابي اقوله او افهمه ان في الاسلام فيه شيعه وسنه
ولاكن علاشان انكون واقعيين شوي

ان قتله في الاسلام كذا وكذا وكذا
بيتعقد وبيكره شي اسمه اسلام


فــ الي ابيه منكم الحين يا جماعه الخير
نصيحه ودعوه !

النصيحه :

شالمفروظ اسوي الحين ؟ شالحل؟
لان صج احسه والله لو اكلمه بكلمتيين على طول بيسلم
ولاكن بما ان الاخ الطييب خرب السالفه وقال انه في زواج متعه
وشوه الاسلام من اوله لي اخره
فــ اتوقع يبيله اكثر من بس كلام علاشان يقتنع !!
فقلت بدزله فيديوهات في يوتيوب
ولاكن ابي نصايحكم هل في شي ثاني غير الفيديوات ؟
هل في اي طريقه ثانيه ؟
لان لقدر الله وتوفى ، ويجي اليوم الي اتحاسب عليه
بيسآلني ربي شسويت لهالانسان؟
شبقول؟ ولاشي !!
فـ تكفون نصايحكم !!



الدعوه :

ابيكم تدعونله وتدعونلي بتيسير هالموضوع
وتدعون ان محد يخرب الموضوع
والله دعوه بسيطه من ظهر غيب ممكن تستجاب
وفميزان حسناتك !!



وتصبحون على خير << الساعه 12 وثلث فليل :secret:

[مليت]

الله يبارك لك بس والله يا خوي انا مت من الضحك

على العموم لا تعقدون له الموضوع في مكاتب تعريف في الاسلام عندكم في امريكا ومواقع على النت
ولا تتكلمون في الاشياء الي تشرده من الحين

وتحملووووووووووووو تقولون له (بتختن) ترا بيشررررررررررررد

اسئل الله ان لا يحرمكم اجره

[بنت سيف]

أخوي ..

في أغلب المدن الأمريكية .. في مراكز إسلامية ..

اقترح على الفنزويللي .. يروح معاك للمركز بدون الأخ العربي ..

وفي المركز .. في كثير من المسلمين .. اللي يعطون فكرة توضيحية عن الاسلام .. وما يجبرون الشخص يسلم .. لكن يفهمونه ايش يعني اسلام ..
وهو اما يقتنع .. بعد كم زيارة .. ويسلم ..
واما لا .. لكن على الأقل بيفهم الاسلام يعني ايش ..

وعلى فكرة تقريبا المراكز الإسلامية في أمريكا كلها "سنية" ..

ولو ما لقيت مركز في مدينتك .. اسأل عن واحد في المدن القريبة منك

وفي حل ثاني في مواقع معتمدة على النت .. للتعريف بالإسلام

واقترح عليك تشوف الموقع التالي .. "الباحث الإسلامي"

http://www.islamicfinder.org/index.php?lang=arabic

وبيساعدك كثير .. وموجود باللغتين العربية والإنجليزية


تحياتي ..


بنت سيف

[ظبيــღــه]

فــ اتوقع يبيله اكثر من بس كلام علاشان يقتنع !!

اكيد يبيله اكثر من مجرد كلام
لازم يجوف الاسلام بالفعل
فالبركه فيك وبالقروب الي معااك ( باخلاقكم وتعاملاتكم و حتى تفكيركم )
خلكم سفراء للاسلام بافعالكم
ونصيحه ...صلاتك لا تخليهاا لو وين ما تكوون
"لأن يهدي الله بك رجلا واحدا خير لك من حمر النعم"

هذا الي عندي
وان شاءالله الباقي يفيدونك اكثر:victory:

[الصريحه]

الله يهديه على يدك

[حنان k]

يا جعل من رباك بالجنة يارب والله يكثر من أمثالك ونفتخر بوجود أمثالك ويارب يجعل عملك بميزان حسناتك ويسلم ع يدينك يارب

اغتنم الفرصة الان وبحكم العيد قرب قدم له هدية ( كتب عن الاسلام )

[السهم السريع]

الله يجزاك خير ويبارك فيك وفي سعيك

ويبعد عنكم عيال الحراام
وويفقكم لما يحب ويرضى يارب

عليك بزيارة موقع ضيوف قطر للتعريف بالإسلام
http://www.qgc.com.qa/en/


حفظكم المولى عز وجل

[عيون Qatar]

الله يهديه ان شاءالله

[FAUCHON]

الله يجزيك خير يا اخوي

انا اشوف لو تعطيه كتب يقراها وشوي شوي تسولف وياه عن الاسلام طبعا بدون الاخ الثالث

وكل شي بيكون اوكي

ومثل ما قالو الاخوان تروح وياه المراكز الاسلاميه وتقوله عن المسلم واخلاقيات المسلم

وتسولف معاه عن الآخره والجنه والنار


يعني شوي شوي وباذن الله تعالى الله بيسر لك

الله يوفقك ويكثر من امثالك

[عزيزوف]

خله يشرب ماي زمزم

:nice:

[بوعلي2]

الله يهديه على يدك يارب

[Ghroor]

لو هديته يا حظك
خير لك من الدنيا وما فيها
الله يكتب له الهداية على يدك

[بــو فهــد]

امورك طيبه يالذيب .. كلمه بينك وبينه واشرحله عن الاسلام وحببه فيه ,, خله يروح معاك صلاة الجمعه ,, وبعد الصلاه اقعد وياه وويا الامام او اي حد من اللي يشتغلون في المسيد وخله يتكلم ويسال الاساله اللي يبيها .. الموضوع يبيله صبر وان شالله الله بيهديه على ايدك

[hasss1969]

مثل ما نصحوك الاعضاء جزاهم الله خير ...واضيف انا من عندي ..انه ضروري تنصحه لوحدك ومايكون معك صديقك اللي يخرب عليك...يعني مثلا اعزمه عندك في غرفتك او في اي مكان هادي وبهدوء دردش معاه ...بس بشرط لازم تكون متمكن وواقف على ارض صلبة وعند معلومات كافية عن الشبهات اللي يثيرونها المسيحيين عن الاسلام ولازم تعرف كيف ترد عليها....او خلي الموضوع لواحد غيرك يشرح له الاسلام...

[الأستاذ]

السلام عليك .. وعسى الله يكتب لك أجره ..
نفع الله بك ..والله يعينك وتهدي الأثنين ..
إذا كانت لغتك تسعفك في أنك تشرح له الاسلام فأبدأ بتعريفه بتوحيد الله سبحانه وتعالى .. وماهو معنى التوحيد .. وكيف أن الله سبحانه له صفات ليست للبشر ولا ينبغي أن يكون له ولد أو زوجه ..وبالتالي فهو أحد فرد صمد لم يلد ولم يولد .. وبعدها أذكر له عن الرسول صلى الله عليه وسلم وكيف أنه رجل أمي لا يقرأ ولا يكتب فأخرج الله به أمّة من الجهل لتصبح الآن أكثر من خمس سكان العالم ..وكيف جاءنا بالتعليمات السماوية .. وتدرج معه في أهم أركان الاسلام وكيف يمكنه الدخول بالاغتسال وشهادةألا إله إلا الله وأن محمد رسول الله .. وأنه مطالب بالصلاة والصيام وسائر الأركان ..ولكن تدرج معه واحدة تلو الأخرى ..ولا تثقل عليه ودع الحواشي والفروع وركّز على ألاصول وهي التوحيد والصلاة..ومن ثم باقي العبادات.

أقترح عليك أن تزور به أحد الائمة في المساجد على أن يكون عالم بأمور الدين أو له باع في هداية المسلمين الجدد ..
أمّا لو أسلم على يدك .. من قدك ..بتأخذ أجر كل عمل يقوم به لن يموت .. يحيك ..
شدّ حيلك تراها فرصة ..
وأجتهد على حمود إللي معاك يمكن الله يهديه وتكون ضربت عصفورين بحجر ..

[بدون]

الله يوفقك إلى هدايتهما معا للإسلام الصحيح
و أن يحسن إسلامهما
فلعل و عسى قد يهتدي مع الفنزويلي أهله و جماعته
و يتسنن الشيعي و يدعو جماعته لذلك

اللهم اجعله هاديا مهتديا غير ضال و لا مضل
اللهم انفع به عبادك و أجعله سببا في هداية الضالين
اللهم اجعل جميع عمله الصالح خالصا لوجهك وضاعف له أجره حتى يوم الدين

[qatari 111]

الله يعيينك ويهدييه الاثنيين

[مشتاقة لقطر]

الله يوفقك وييسر لك الامور فيه باليوتيوب

واحد اسمه عيضة سعودي من جده منزل اكثر من تسجيل للدعوة واثارة الشبهات ارسلهم له

وعقب تناقشو فيها

والله ييسر لك وندعي لك والله وندعي له وندعي للاخ الشيعي .. بعد بالهداية

[مسافر77]

جزاك الله خير
أبعد هذا العربي الله يهديه
هالاشكال تشوه الاسلام
وتكلم مع الاجنبي بدون العربي
الله يعز الاسلام والمسلمين

[حليتان*]

الله يهديه على يدك يارب

اميـــــــــــن

[M007]

اول شي تبتدي فيه بترك ذاك الي ماتبي تيب اسم دولته

[meme~qatar]

في كتب لجميع اللغات تعرف غير المسلم بالاسلام تدريجيا

خذها من مركز التعريف بالاسلام او ضيوف قطر او الجمعيات الخيرية

ترى الامريكان طيبين ويتقبلون الاسلام
وبسرعة يتأثرون



الله يوفقك ويعينك

[الـقـاسـي]

الله يجزاك خير ويجعل هدايته علي يدك ولاتخليه ياخوي تراك مسئول عنه .. اخوي ياليت تقول لي انت وين في اي ولايه لو كنت قريب مني ممكن ادلك على مراكز اسلامية ..

[ام ريان]

جازك الله خير والله يكتبله ويسلم على ايدك وتكسب اجر

تقدر تعطيه كتيبات دينيه
وتعامله معامله حلوه بحيث يفهم انو هذا تعامل المسلمين لغير المسلمين وتقوله قصص عن الصحابه
قوله القصص وكلمه عن الاسلام باسلوب فرفوش "سليمان الجبيلان"

خذه مره وصلي قدامه
وكل شوي قوله احنا المسلمين نسوي كذا وكذا وربي انعم علينا والجنه اللي يدخلها المسلمين يكون فيها كذا وكذا قوله ربي وش بيعطي اللي يعبدونه وللي مايعبدونه
مره على مره بتشوف انه تقبل
والله يوفقك


كان عندنا خدامه هندوسيه قعدت عندنا 4 سنين كانت تشوفنا كيف نصلي وكيف نصوم برمضان وكيف نعاملها مره وحده جاتنا وقالت ابي اسلم كيف والحين اسلمت

[QatarSupport]

وتحملووووووووووووو تقولون له (بتختن) ترا بيشررررررررررررد





لووووووووووووووووووول

:d:d:d

[jassim]

مقاطع الشاب - عيضه
غنيه عن التعريف
وتكفي وتوفي

والله يهدي الاثنين الكاثوليكي والشيعي

وجزاك الله خير لانك تسعى لاعلاء كلمه الله

الله يرحم والديك ... ونعم الغرس والتربيه


* ملاحظه فالعنوان : (الحقوا علي) وليس( الحقوا علاي)