فزعتم .. شباب متعطلين في صبخه.. عاجل

[qtr.wolf]

السلام عليكم و رحمة الله و بركاته

في شباب من جماعتنا متعطلين

طالبكم الله يجزاكم خير نفاخات اللي تطلع السياره من التغريسه (( اللي توضع تحت السياره طبعا ))

ياليت اللي عنده يسعفنا بها و باردها عليه اول ما نخلص

[واحد ثقة]

أي صبخة ؟

[شيط ويط]

ههههههههههههههههههه

[شموع قطريه]

شموديهم الصبخه !!
ان شاءالله يلقون حد يساعدهم ولا اتصلوا على الفزعه محد حولك الحين الشباب كلهم في العنن :)

[بوحارب]

المشكلة لو تتصل لأقرب مركز بيقولك مب شغلنا وروح دور لك على برقدون يطلعك

هالشي صار معانا قبل شهر

كنا مغرزين في ريحه ( موترين ) وسقت علينا الماي

ورحنا لمركز الخور وقالوا مب شغلنا :(

لين ما جانا واحد اسمه علي الكواري الله يذكره بالخير وطلع لنا مواترنا بمبلغ وقدره

الرجال عنده برقدون ويطلع الناس المغرزة

اذا تبي رقمة بطلعه لك

الله يعينكم اخوي

[qatar.com]

اخوي شوفلك احد عنده جيك رالي

[almaf1a]

وين المكان الونش ينفع؟

[saud580]

روح محلات البحريه واخذ قلص لنجات تقريبا طولها 500 متر اذا كان الموتر بعيد

والقلص ذي تقريبا سعره 500 ريال واضمن لك ما ينقص وبأذن الله بتطلعون الموتر

[الصريحه]

الله يعينكم

[بومحمد55]

الله يعينكم

[qatari 111]

اتبون اجييبلكم غدا حاضرين

الله يعينكم

[لابس بشت]

وين مكانكم ؟؟؟

[فارس قطر]

الله اعلم انها اصبخة الزوير لاني شفت ناس صبح مغرسين فيها وماقدرت امر عليهم

لانها كلها بحر

[ZURICH]

ياخوي الحل انكم تشوفون لكم قلص طويـــــــــــــــــــــــــــل

السيارة لو طلعت بالنفاخات بتطيح مرة ثانية لانها وسط صبخة



الرام بوقرون لعبتة هالمكان

:)

[simsim1963]

الله معاكم

[وهم قطر]

الله يعينكم

[Arab!an]

الله يرزقكم باخوان شما =) اخبر شباب العديد ماشالله عليهم يحبون ينفعون ومزهبين عمارهم عدل

..

سوري حوران على التعليق على التوقيع ..

بس عجبني العسكري اللي في صورة .. كان شاد بطنه مسكين وعقب ما مر الامير ريح بطنه وصادته الكيمره ~p:

http://img6.imageshack.us/img6/6713/8av70315.jpg

هذي العسكريه والا بلاش :nice:

[نجم سهيل]

السلام عليكم

اخوي ماحددت للشباب مكانك .. وانا داش بقول لك .. مالك الا النفاخات ترفع والقلص يكون راكب وسحبة مع رفعة الموتر علشان مايرد يطيح مرة ثانية

الله يعينكم

[ZURICH]

الله يرزقكم باخوان شما =) اخبر شباب العديد ماشالله عليهم يحبون ينفعون ومزهبين عمارهم عدل

..

سوري حوران على التعليق على التوقيع ..

بس عجبني العسكري اللي في صورة .. كان شاد بطنه مسكين وعقب ما مر الامير ريح بطنه وصادته الكيمره ~p:

http://img6.imageshack.us/img6/6713/8av70315.jpg

هذي العسكريه والا بلاش :nice:





تعليق حلو منك Arab!an

واللي عجبني الزوم عندك ماشاء الله عليك
وشكلة واقف معاهم بدون سلاح .. عسكري متمرد

:)

[باسكن روبنز]

هههههههههههههههههههههههههههههههههههههه ،

بصراحه لاتعليق ،

[sendarala]

الله يعينكم

[تاجر121]

اذا الرجال لين الحين موجود بطرش له واحد يمكن ياخذ منه على حسب موتره من 2000 ريال الى 5000
اذا لين الحين موجود طبعا راسلوني بالخاص وهذا شغلة هالشغله فلسطيني ومعروووف
والله يعينهم يارب

[رجل الجزيرة]

اذا الرجال لين الحين موجود بطرش له واحد يمكن ياخذ منه على حسب موتره من 2000 ريال الى 5000
اذا لين الحين موجود طبعا راسلوني بالخاص وهذا شغلة هالشغله فلسطيني ومعروووف
والله يعينهم يارب

الرجال طالب فزعة وإنت تقول: بفلوس؟

[تاجر121]

الرجال طالب فزعة وإنت تقول: بفلوس؟
اوكي فزعة بشي اقدر عليه ومن عيني هذي قبل هاذي
بس الرجال وضعه صعب للغايه
ومعروف النظام بالعديد محد يساعد حد نظام امريكي يا بابا
الا بحالات سهله وبيسطه

يالغالي الرجال الي كنت بطرشه له عايش على هاي الشغله يعني الرجال الي بيطلعه سيارته ما راح تتضرر وما يبيلها تكاليف بترول وتجهيز وصيانه وغيره وغيره ليش انت ما رحت اطلعه ولا خايف على موترك من الخراب او الضياع هذا بحر واذا مد البحر عليه السياره عليها العوض والشغل مش عيب
والله اعرفوه بالعقل ما شافوه
انا لو عن نفسي ما اخاطر بنفسي ولا بحلالي وما ارمي نفسي بالتهلكه
وخلي الناس تترزق
وانت عارف وانا عارف بالعديد وبمثل هالامور محد يوقف حق حد ورح انت وشيلهم

[بنت ابوها 19]

اذا الرجال لين الحين موجود بطرش له واحد يمكن ياخذ منه على حسب موتره من 2000 ريال الى 5000
اذا لين الحين موجود طبعا راسلوني بالخاص وهذا شغلة هالشغله فلسطيني ومعروووف
والله يعينهم يارب

ماخبرت فززعه بفلوووس

[تاجر121]

ماخبرت فززعه بفلوووس

اهناك اختي مافي شي اسمه فزعه خاصه بالصباخ
يجوز العالم توقف ويصير الموقف كأنة سينما
ههههههههههه
والشباب عارفين اذا السياره جاها ماي بحر راحت السياره تتدمرت خلاص من ربلات وحديد وكل شي يعني احسن يحرقها
وصرااااحه استغرب من الشباب الي يربعون اهناك بمواترهم بلصباج ....... وشكراااا

[qtr.wolf]

جزاكم الله الف خير.. و ما قصرتوا ... خلاص طلعناهم و اسمحوا لي على التأخير في الرد ..

[تاجر121]

جزاكم الله الف خير.. و ما قصرتوا ... خلاص طلعناهم و اسمحوا لي على التأخير في الرد ..
الله يحفظهم يارب ويردهم سالمين غانمين
ومن طلعهم يالغالي

[hamoor4ever]

اهناك اختي مافي شي اسمه فزعه خاصه بالصباخ
يجوز العالم توقف ويصير الموقف كأنة سينما
ههههههههههه
والشباب عارفين اذا السياره جاها ماي بحر راحت السياره تتدمرت خلاص من ربلات وحديد وكل شي يعني احسن يحرقها
وصرااااحه استغرب من الشباب الي يربعون اهناك بمواترهم بلصباج ....... وشكراااا

صحيح كلامك اخوي خلي العالم تترزق وهو المقصود فيه خلي العالم تنصب وانت الصاج وانا سمعت عن الشخص اللي تقصده بس مبلغ 5000 مبلغ كبير وسالفه ان الموتر يحرقه اذا صاده البحر كثر منها وهالسوالف الناس المشكله وايد تبالغ فيها ترى اللي بيصيد الموتر ماي مب شي ثاني يعني عقب مايطلع الموتر يغسله ويرجع جديد وانا شخصيا مريت بتجربه مشابهه وموتري قعد بالبحر يوم كامل ولما طلع مافيه الا العافيه لين بعته عقب هالسالفه بسنتين وهو مافيه شي

[وهم قطر]

اهناك اختي مافي شي اسمه فزعه خاصه بالصباخ
يجوز العالم توقف ويصير الموقف كأنة سينما
ههههههههههه
والشباب عارفين اذا السياره جاها ماي بحر راحت السياره تتدمرت خلاص من ربلات وحديد وكل شي يعني احسن يحرقها
وصرااااحه استغرب من الشباب الي يربعون اهناك بمواترهم بلصباج ....... وشكراااا

يالله بيوم اشوم موترك طاب في الصبخه بشوف تدفع ال5000 ولا تخليه في الصبخه

اول مره اسمع في دفع فلوس اخبر اذا الوقت متاخر مافي الا البركدووون عشان الونش طويل بس ومن 400 الى 800 ريال والله لاسكن في سيلين في خيمه لمساعده الناس أذا بـ5000

[الرايــق]

اهم شي ردوا بالسلامة ..

[Qtrstyle]

والله الصراااااحه مالك حل يابونظاااام امريكي ..
بس الحمدالله انك قلت انه فلسطيني مو قطري p=

أخبر ربعناااا نشااامى واللي يقدر يسوي شي مب مقصر اكيد
بحر ولا غيره ^.^

[غير عنهم]

الله على الدنيا ويش هالكلام الي يعور القلب صارت الفزعه بفلوس الي يقول يطلع بمبلغ وقدره والي يقول 5000الاف ريال ويطلع سيارتك فضحتونا يالربع المعروف عن شباب قطر وقسم بالله بدون مجامله انهم اهل فزعه بشكل غير طبيعي وبدون مقابل لا وبعد يوم تطلع سيارتك يذبح لك خروف على سلامتك مايخاذ منك الفلوس.

[شموع قطريه]

صج نصاب هالفلسطيني اشدعوه شايف اهل قطر مغفلين ولا راقدين على بنك !! الله لايحوج احد له هذا اللي يستغل مصايب الناس علشان يبتزهم !

الحمدلله عيال قطر نشامى ويساعدون بعضهم بعض ومب محتاجين لهالنوعيه من النصابين

[دانـة قطـر]

له له له يا زلمه
فزعه بفلوس؟!!!
بدكاش بدكيش بدكوش

[واحد 11]

اذا الرجال لين الحين موجود بطرش له واحد يمكن ياخذ منه على حسب موتره من 2000 ريال الى 5000
اذا لين الحين موجود طبعا راسلوني بالخاص وهذا شغلة هالشغله فلسطيني ومعروووف
والله يعينهم يارب

معقول يعني ... 5000 ريال هذي قيمة شحن سيارة الى لبنان
واللي بينفع احد مايطلب فلووووس

الحمدلله انه طلع وللامانه الشباب هناك في سيلين والعديد مايقصرون ويساعدون اللي يشوفونه محتاج وكلامك مب صحيح انهم مايساعدون

[بوحارب]

يا جماعة الخير مب عدلة عليكم قمتوا على الرجال وطلعتوه حرامي

الرجال حب يفيده باللي يقدر عليه

واذا تقوله انه فلسطيني مب قطري ولأنه فلسطيني طلع حرامي ولو انه قطري بيطلعه ببلاش

تراكم غلطانين

شوفوا هالموترين حق ربعي وكانوا مغرزين في الصبخه


ومن الساعة 3 الفجر لين 10 الصبح


حتى مركز الشرطة طردنا وقالنا مب من شغلنا ورحوا دوروا لكم اي برقدون



http://im1.gulfup.com/2010-11/12889937591.jpg (http://www.gulfup.com/)

وفي الأخير طلعهم لنا واحد معرووووووف عند كل شباب قطر وخذ على الموتر 750 ريال

وما قلنا عنه حرامي ولا شي بالعكس بيض الله وجهة جانا من الشمالية لين ورى ذخيرة في عز الحر

يعني وش الأحسن ادفع 1000 ولا 2000 واطلع موتري ولا انطر فاعل خير لما يجيني عقب شهر

ويمكن السمك يسبح داخل الموتر وفاعل الخير للحين ما جى

وترى فيه شباب وايد وقطريين يشتغلون هالشغله يطلعون الناس المغرزة وبفلوس

والله يرزق كل من يكسب الريال من عرق جبينه :omen2:

[تاجر121]

صج نصاب هالفلسطيني اشدعوه شايف اهل قطر مغفلين ولا راقدين على بنك !! الله لايحوج احد له هذا اللي يستغل مصايب الناس علشان يبتزهم !

الحمدلله عيال قطر نشامى ويساعدون بعضهم بعض ومب محتاجين لهالنوعيه من النصابين

عالاقل انا اكون خذت اجر متفق عليه صحيح ولا لاء
وما اجبرتك ولا ضربت يدك بعصا وقلت لك ادفع او تعال جيبني وطلعني من بيتي ومرتي واعيالي واتصل علي با وقت بالليل يعني لو اربعه الفجر واطلع لك خاص نص ومستكثر ال 2000 ريال وانا قلت يعني بالعقل لوو سيارتك لا تقل عن 180 الف ريال بتهون عليك فيها ولا اشلون الرجال الي اقصد عنه هاي شغلة ياكل عيش من ورا هالشغله ويخاطر بروحه عشان يأكل بيته وهله ويقدر يعيش ما عنده وظيفه صباحيه افهموا قصدي وبس خلتنوي نصاب استغفر الله بس وووللأسف خذيتوا الي تبونه من كلامي وخليتوا الي تبونه ::: المهم ما علينا
ومحشومين هل قطر عمرهم ما كانوا مغفلين وحبايبنا وازيدك من الشعر بيت فيه ناس اقطرين شغالين هالشغله وياكثرهم

[مهل]

ابن ابوي ،،، الرجال يبي حد يفزع له و هذا يقول بفلوس . ان خليت خربت

ليتني قريت موضوعك قبل والله الي خابر ناس مجهزه مواترها بونشات ٧ طن لهذا الغرض يبون الاجر و الطيب

[هام السحاب]

يا جماعة الخير مب عدلة عليكم قمتوا على الرجال وطلعتوه حرامي

الرجال حب يفيده باللي يقدر عليه

واذا تقوله انه فلسطيني مب قطري ولأنه فلسطيني طلع حرامي ولو انه قطري بيطلعه ببلاش

تراكم غلطانين

شوفوا هالموترين حق ربعي وكانوا مغرزين في الصبخه


ومن الساعة 3 الفجر لين 10 الصبح


حتى مركز الشرطة طردنا وقالنا مب من شغلنا ورحوا دوروا لكم اي برقدون



http://im1.gulfup.com/2010-11/12889937591.jpg (http://www.gulfup.com/)

وفي الأخير طلعهم لنا واحد معرووووووف عند كل شباب قطر وخذ على الموتر 750 ريال

وما قلنا عنه حرامي ولا شي بالعكس بيض الله وجهة جانا من الشمالية لين ورى ذخيرة في عز الحر

يعني وش الأحسن ادفع 1000 ولا 2000 واطلع موتري ولا انطر فاعل خير لما يجيني عقب شهر

ويمكن السمك يسبح داخل الموتر وفاعل الخير للحين ما جى

وترى فيه شباب وايد وقطريين يشتغلون هالشغله يطلعون الناس المغرزة وبفلوس

والله يرزق كل من يكسب الريال من عرق جبينه :omen2:



لاتقول هاذي الصبخه الي قريب الحوطه الحمره

[باسكن روبنز]

الشغل شغل وماله علاقه بالجنسيه ياجماعة الخيـر ،
والله مره غرزت في سيلين وشباب قطر يمرون علي كنهم مايشوفوني ،:rolleyes2:

ترا النخووه مهب في كل واحد للآسف ،

[R 7 A L]

الحمدلله على السلامة


اهم شي انة طلع

[حليتان*]

الحمدلله على السلامه

اخبر مره غرزت فلفان بعراوي وطلعني بوحوض <<< كان العرااوي جديد ماماشى شي وعورني قلبي :(

[طارق العلي]

الحمدلله على السلامه

اخبر مره غرزت فلفان بعراوي وطلعني بوحوض <<< كان العرااوي جديد ماماشى شي وعورني قلبي :(

صباح الخير اخوي شخبارك وين هالمنطقه اللي اسمها ( فلفان ) اول مره اسمع عنها

[GULFSUN]

صباح الخير اخوي شخبارك وين هالمنطقه اللي اسمها ( فلفان ) اول مره اسمع عنها

يقصد في لفان ( راس لفان ) :)

[تبتلشٍ]

لي في سيليين معروفيين السوداني والفلسطيني يتصيدونون ع لي طيحيين في الصبخه السوده ولا المقاطع يضربون ع الناس

[رجل الجزيرة]

اوكي فزعة بشي اقدر عليه ومن عيني هذي قبل هاذي
بس الرجال وضعه صعب للغايه
ومعروف النظام بالعديد محد يساعد حد نظام امريكي يا بابا
الا بحالات سهله وبيسطه

يالغالي الرجال الي كنت بطرشه له عايش على هاي الشغله يعني الرجال الي بيطلعه سيارته ما راح تتضرر وما يبيلها تكاليف بترول وتجهيز وصيانه وغيره وغيره ليش انت ما رحت اطلعه ولا خايف على موترك من الخراب او الضياع هذا بحر واذا مد البحر عليه السياره عليها العوض والشغل مش عيب
والله اعرفوه بالعقل ما شافوه
انا لو عن نفسي ما اخاطر بنفسي ولا بحلالي وما ارمي نفسي بالتهلكه
وخلي الناس تترزق
وانت عارف وانا عارف بالعديد وبمثل هالامور محد يوقف حق حد ورح انت وشيلهم

أقول جعلني ما أحتاج لك.

[رجل الجزيرة]

الشغل شغل وماله علاقه بالجنسيه ياجماعة الخيـر ،
والله مره غرزت في سيلين وشباب قطر يمرون علي كنهم مايشوفوني ،:rolleyes2:

ترا النخووه مهب في كل واحد للآسف ،

إلا أهل قطر أهل فزعات وأهل النخوة في الكثير منهم أهل قطـر.

[حمد]

اخبر اول ماخذت ليسن غرزت عن بحر راس بوعبود :)

[ابو ضمير]

جزاكم الله الف خير.. و ما قصرتوا ... خلاص طلعناهم و اسمحوا لي على التأخير في الرد ..

هههههههههههههههههههههههههههههههه اخ بس اخ راحت الفلوس عن اخونا تاجر121 خيرها بغيرها يا تاجرنا هههههههههه ومبروك لاخونا صاحب السيارة بس اهم شي تلحق على السيارة وتنظفها عدل وتزيتها اجزاءها الي تحت قبل لا تتصدء

[ابو ضمير]

الله يحفظهم يارب ويردهم سالمين غانمين
ومن طلعهم يالغالي

ايه بس مب مشكله ادري انها مب من قلبك:nice:

[ابو مشعل]

الشغل شغل وماله علاقه بالجنسيه ياجماعة الخيـر ،
والله مره غرزت في سيلين وشباب قطر يمرون علي كنهم مايشوفوني ،

ترا النخووه مهب في كل واحد للآسف ،


:)
--------------------------

[Mishari]

الله يكوون في عووونكم ان ماا خاااب ظني الصبخه العووود الي بعد المراكز على اليسار .

شووف سووو لك نجلاات وارفعوو الموتر

[MAZEN37]

الله يعينك

[a7medooo]

انا مستغرب من الي قال 5000 وذكر الجنسية يعني كلكم رديتو عليه بس ما حد ركز يعني اول شي المبلغ مش منطقي ثاني شي ما حد قاله شنهي جنسية الريال يعني الي فهمته ان قاعد يولعها ويبي يخليكم تطيحون بالفلسطينين ما ادري ليش يعني لو واحد ثاني بحط الرقم وبخلي الموضوع حق راعي السالفة هو يتصل ويفهم ويستفسر ما ادري ليش ذكر الجنسية