برمجة كمبيوتر شفر تاهو من اللي عنده خبره

[qatari 111]

السلام عليكم

اخواني بغيت منكم حد عنده جهاز برمجة الكبيوتر او حد جربه هل فييه مشاكل ويأثر على السياره من ناحية الخراب .
هل صحيح انه يقلل من صرفية البترول ويعطي عزم بزيادة عدد الاحصنه

ارجووو منكم الافااااده لاهل الخبره والمجربييين

[qatari 111]

سبحان الله

[kuw]

التزويد انا ولله الحمد والشكر لي مواضيع وتجارب وخبرة
التزويد له فوائد منها زيادة قوة للمحرك ومن الطبيعي ان هالقوة لها آثار جانبية للمحرك
لانك راح تضغط زيادة وتولد حرارة زيادة وطبعا بنزين بزيادة وراح تقلل العمر الافتراضي
للمحرك
عندي محرك دينالي وصلت الى 485 هورس باور على التاير بكام وروس رياضية
اذا تبي اي امر ثاني انا حاضر راسلني وما يصير خاطرك الا طيب
بالتوفيق

[Qtr33]

ماله اي ضرر بس نصيحتي خل السياره شركه احسن :)
السبب :-

1- الضمان يطيح
2- السرعه مفتوحه (سرعه زايده مانبي)
3- الوسوسه (بكره اذا صار اي شي فالسياره على طول الواحد يفكر فالبرمجه)

وبخصوص الصرفيه نعم تخف لان الشركه مرخين عـ ـالبترول حبتين ^_^

[qatari 111]

التزويد انا ولله الحمد والشكر لي مواضيع وتجارب وخبرة
التزويد له فوائد منها زيادة قوة للمحرك ومن الطبيعي ان هالقوة لها آثار جانبية للمحرك
لانك راح تضغط زيادة وتولد حرارة زيادة وطبعا بنزين بزيادة وراح تقلل العمر الافتراضي
للمحرك
عندي محرك دينالي وصلت الى 485 هورس باور على التاير بكام وروس رياضية
اذا تبي اي امر ثاني انا حاضر راسلني وما يصير خاطرك الا طيب
بالتوفيق

يعطيك العافيه اخوي

بس انت خوفتني بخصوص الاضرار والحراره اذا راح يكون في الارضرار هاذي راح اهون ببرمجة الكمبيوتر

سألت المحل اللي فالمرخيه يقول ماراح ترتفع الحراره وصرفية البترول راح تقل وقال راح يعطيني ضمان سنه اذا صار شي لاسمح الله

بس انا مستغرب من سيارتي ماتقفل وصلت ليين تحت ال190 وما قفلت شوي بيوصل ال 200
بس الصراحه اول مره واخر مره اجرب سرعتها ماشاءالله لا اله الا الله والله اني خفت صار وجهي ابيض وجسمي بارد من الخرعه :shy:

وانا بغيت ا حق القومه بس عالدوار او اعدي من واحد يرفع ضغطي واهم من كل هذا الصرفيه تكون اقل

مشكوور اخوي

[qatari 111]

ماله اي ضرر بس نصيحتي خل السياره شركه احسن :)
السبب :-

1- الضمان يطيح
2- السرعه مفتوحه (سرعه زايده مانبي)
3- الوسوسه (بكره اذا صار اي شي فالسياره على طول الواحد يفكر فالبرمجه)

وبخصوص الصرفيه نعم تخف لان الشركه مرخين عـ ـالبترول حبتين ^_^

ابشرك السياره ماعليها ضمان وارد السعوديه ولا عمرها طبت الشركه كلها فالتييسير لله الحمد ما شتكيت منها
بخصوص السرعه عندي مفتوح جربت مره وحده واخر مره اجربها توبه

وانا يهمني صرفية البترول والعزم على الدوار واذا بعدي من واحد يرفع ضغطي

تسلم على النصيحه

[=المريخي=]

اخوي مافي تاهو مافيه قفله انت لو تلاحظ العداد ماينزل عن ال190 او 193 يتم ثابت مب نفس المواتر الثانيه يبند والبرمجه في الي منها اضرار وفيه الي مافيها اضرار انت قوله برمج لي عالسيفتي وامورك تمام بس اذا ارتفعت عن السيفتي السياره تكون قوتها مب طبيعيه بس المكينه ماراح تبطي معاك

[قــ502ـطرالعز]

السلام عليكم .. اخوي رووح حق كار سيت الي جنمب نجمه الهند عند بدر السليطي الشخص يبيع جهاز برمجه الديابلو قوي ومضمون وتقدر في وقت ترجع السياره لوضعها الطبيعي موفق ...

[qatari 111]

تسلمون وما قصرتوا يا اخوان عالنصايح والمعلومات
بيض الله وجييهكم

الصراحه انا لا حظت من كلامكم ان البرمجه تأثر على السياره يعني معنى ان المكيينه ماراح تعمر ولا بتم على حالتها .
ومع احترامي للمحلات اللي عندنا بقطر اللي يبرمجون ويبيعون الجهاز ما عندهم خلفيه عن البرمجه او يمكن بس يبون يمشون بضاعتهم لاني سألتهم اكثر من سوال احس انهم يتخبطون بالكلام مب عارفين ويش يقولوان وسعر الجهاز بعد غالي قطعه اكترونيه بحجم الكف او اكبر بشوي قيمتها من 1900 ريال الى 2250 ريال وفي واحد من اخوانا اعضاء المنتدى جزاه الله الف خير قال لي فالدمام يسوونه على 500 ريال وعطاني معلومات جبييده ومفيده وان البترول الخليج غير عن بترول امريكا بالاوكتين والجهاز حق سيارات مواصفات امريكا

وشكرا على نصاييحكم ومعلوماتكم

[الكونغرس]

روح محل ستي كار اللي جنب مطعم نجمة الهند اللي عند دوار التلفزيون يبرمج وبضمان وانا مجرب من قبل مرتين والامور كلها في التمام .

[احساس رابح]

برمجه الشفر والجمس نفس الشي

اخوي انا برمجت جمس سيرا في البحرين بـ 800 ريال والصراحه الموتر صار طياره
بسسسسسسسسسسسس

وانا راد على الخط قلت خلني اجرب الموتر المهم دعست فيه رفيجي يمشي على لكزس 250 وانا في جنبه
تبطلت عمود الشفت بس الحمدلله الله ستر وماصار شي يوم وديته الشركه قالوا لي الموتر مايتحمل في الجمس سيفتي بدال مايكسر القير او الكارونه يكسر العمود

بس المكينه مايصير فيها شي وتمشي وانت واثق من الموتر

ونصيحتي لك فوق الـ 120 خطر خطر خطر

[qatari 111]

كثر الله الف خيركم

وانا هونت ابرمج لان فييه سلبيات