القطريين المغتربين في الخارج ... (جروبات) .. (شللية) .. و(تنفيخ) [الأرشيف]

البدع

05-11-2010, 08:28 PM

هذي ظاهرة لاحظتها موجودة بكثرة في الخارج

سواء بين الطلاب او الموظفين المغتربين (بالذات اذا كانوا جماعة في مكان واحد)

وهي انهم يقسمون انفسهم الى (جروبات) و (شللية) بين بيعضهم البعض

وتجد كل جروب او شلة بروحها .. وكل واحد يعاند الثاني

والسبب برايي هم الخبثاء (تلاقي واحد خبيث يريد ان تكون القيادة له هو او ان تكون كلمته فوق الكل ويستخدم اسلوب النقزات او التفيخ ضد معارضيه)

تلاقي الخبيث يسوي لنفسه مجموعة ويتواصل معاهم ... (وينفخ) فيهم سواء ضد الجروب الثاني او ضد لشركة او قبيلة معينة او جهة حكومية كملحق ثقافي او سفارة

وللاسف يسير الجميع وراءه ويردون مايريد هذا (الخبيث) بدون تفكير

والي خلاني افتح هذا الموضوع هو اتصال مع احد الاصحاب السعوديين الي حكالي قصص حزنت لسماعها عن شباب موجودين في احدى الدول الغير عربية

كنت اظن التنفيخ داخل (البيت فقط) .. ولكن تفاجأت ان الجماعة بؤوا ينفخون على المستوى الخليجي والعربي

والي يسب في أهل بيته .. هذا واحد مافيه خير

وسلامي لشلة الجروبات والشللية

التيما

05-11-2010, 08:36 PM

شسالفه ؟ مافهمت شي

simsim1963

05-11-2010, 08:40 PM

مافهمنا منك شي

عليان قطر

05-11-2010, 08:42 PM

مرحبا يا البدع
كيفك يا غالي

ماذا تريد ايصاله

AL HAJRI

05-11-2010, 08:49 PM

وش سالفتك انت ,,
على اي اساس حكمت ان الطلاب اللي في الخارج شلل وفساد و و و ,,
عيب عليك , هذولا اللي انت تكتب عنهم بيرفعون اسم بلادهم قطر في المستقبل ,,

فـــ ماله داعي كلامك هذا ,,
وإذا ,, واقول اذا كان هناك نوعية من اللي تكلمت عنهم مع اني ماقد سمعت عنهم ابد اثناء تواجدي في بريطانيا من 2007 ,,ولكن اذا كانت موجوده فهي ضئيله جدا ومالها ذكر ,,

فــ موضوعك ابدا ماله داعي والمفروض انك بدل ماتتكلم عنهم انك تفتخر بمثل هالنوعيه من الطلاب اللي بيرفعون راس بلادهم وراسك في المستقبل ,, وتحثهم على الصبر من خلال بعدهم عن اهلهم وبلادهم ,,

شنايدر

05-11-2010, 09:13 PM

انا في الخارج .. واقول اصابعك مب سوا فديتك ..

بنت ابوها 19

05-11-2010, 11:15 PM

حكالي !!!

مافهمنا شي ياخوي

الـقـاسـي

05-11-2010, 11:19 PM

والله اللي انا اشوفه بالعكس ياخوي .. اشوف الطلاب هنا القطريين بالذات على يد وحده ويحسدونهم باقي شباب الخليج لان روحاتهم وجياتهم واجتماعهم دايما ويا بعض ومايخالطون باقي الشباب كثير ..

فلاتعمم اذا شفت حاله وحده على البقيه .. وان كانت موجوده لاكن ياخوي اصابع يدك مب سوى وفي كل بيت بتحصل نفس هالحاله لكن بشكل عام الحمد لله الوضع طيب

al-sadd

05-11-2010, 11:20 PM

الحمدلله انا فمينيسوتا
ومافي اله انا و واحد
فـ ماقدر احكم

R 7 A L

06-11-2010, 02:23 AM

meme~qatar

06-11-2010, 02:27 AM

ماعتقد هالشي يصير بين شبابنا

يمكن تقصد جنسيات اخرى

بس القطريين على قلب واحد

باسكن روبنز

06-11-2010, 02:59 AM

^
بصراحه بالغتي حسستيني القطريين نازلين من السما ،
في كل مكان الزين والشين ،:)

بس موضوعك غريب يالبدع ،
آعرف شباب وايد يدرسون برع وماقد سمعت مثل هالسوالف منهم! ،

مع آحترامي لصاحبك السعودي بس لاتحكم على شباب قطر من سوالفه والمفروض ندعي لهم ونساندهم معنوياً ،
الله يحفظهم ويصبرهم بغربتهم ويردهم بالسلامه رافعين رووسنا فوق آن شالله ،

الـقـاسـي

06-11-2010, 04:09 AM

انا في امريكا للعلاج
والى اشوفة من ترابط واخوة بين القطريين هني شي لايوصف
ترابط قوي حتى وهم في ولايات بعيدة عن بعض الا انهم متواصلين بالكلمة الطيبة والاخوة الكريمة
والله يطول بعمارهم حتى احنا الى جايين علاج متواصلين معنا ويعرضون الخدمة دوووم

صدقت والله حصوصا الشباب اللي في دسي سي وحتى اللي انتقلوا منها ماشاء الله عليهم تقول اخوان

al-sadd

06-11-2010, 04:25 AM

Fahad Alqahtani

06-11-2010, 04:29 AM

على اي اساس تعمم
هذا انا في فلوريدا ومافيه فرق بين السعودي والاماراتي والقطري
وكلهم عل قلب واحد واكثرهم القطري على القطري والدليل اول مايجون الشباب الجدد نسنكهم عند واحد من الشباب ونخلص اوراقهم وننصحهم .. حول ديتونا
فيمكن عندك مشكلة اجتماعية فعلشان كذا تقول ان ماعندهم ترابط اجتماعي

QatarSupport

06-11-2010, 07:48 AM

كلام غير صحيح

انا حاليا لي بامريكا حول السنتين

و بالعكس نحن كطلاب قطريين مترابطين و متواصلين جدا

اقلها مره بالاسبوع تشووف كل القطريين مجتمعين اما في بيت ولا شقه احد القطريين

و فوق هذا متواصلين مع الشباب اللي بالولايات الثانيه

و كلن يكن للثاني الاحترام و التقدير

و اذا ذكرت هذا الشي ممكن تكون فئه قليله جدا مع اني ما شفتها ابدا ..!!

احترامي لموضوعك .. ليس له من الصحه اي شي :)

باسكن روبنز

06-11-2010, 09:58 AM

اعجبتني ردود ومشاركات آهل قطر المتغربين ،
الله يحفظكم ويوفقكم يالذيابه ،:victory:

الـقـاسـي

06-11-2010, 10:02 AM

بس كلمه الحق تنقال
عندنا اهني كلنا نتجمع من قطريين وامراتيين وسعوديين وعمانيين
ولاكن سبحان الله عمرهم الكويتيين ماجاو للمجلس !
مستغرب صراحه

احنا كلنا على بعض يمكن ٣٠ شخص !
و تقريباً ٥ او ٦ شباب من الكويت
ولا مره جاو المجلس !!

صاحب المجلس امراتي
كل جمعه يجمع الشباب ونقعد سوالف وضحك
وعنده دش فيها القنوات الخليجيه

ونتونس معاهم

فــ ممكن اقولك ان الخليجيين عموماً على قلب واحد مش بس القطريين

تصدق نفس الشي اللي انا ملاحظه اشوف دايما الكويتيين مايختلطون ويا باقي الشباب الخليجيين دايما بروحهم ..
الا على طاري الدش شنو نوعه ترى حصلت ريسيفر عجيب فيه كل القنوات العربيه وبدون صحن فيه حول 210 قناه عربيه اذا لك خاطر قولي بدلك عليه

QatarSupport

06-11-2010, 10:08 AM

تصدق نفس الشي اللي انا ملاحظه اشوف دايما الكويتيين مايختلطون ويا باقي الشباب الخليجيين دايما بروحهم ..
الا على طاري الدش شنو نوعه ترى حصلت ريسيفر عجيب فيه كل القنوات العربيه وبدون صحن فيه حول 210 قناه عربيه اذا لك خاطر قولي بدلك عليه

انا استخدم دش نت ورك فيه " بكج عربي " و ريسيفر ثاني بس عشان قناه الكاس
اي نوع اللي عندك ؟

طارق

06-11-2010, 10:38 AM

من تجربه أهل قطر في الخير يتجمعون أكثر من السؤ
لكن
وجود الشلل حقيقه وتجدها في كل الشعوب

rawda

06-11-2010, 11:16 AM

انا مغترب واول مره اسمع هالكلام .. معني تغربت الين اللحين في دولتين وثلاث مناطق مختلفه !! ماعمري شفت هالشي

!!

بس لي عوده

بوسنافي

06-11-2010, 11:34 AM

عضو مشاكس

06-11-2010, 12:18 PM

خاطري مرة تختارعنوان مناسب مافية كلامات غريبة وموضوع مافية كلمات غير لائقة
دايمن مب عاجبك شي في المجتمع وتجيب اشياء ماشفناها مادري وين عايش انت

بوعبدالله779

06-11-2010, 12:41 PM

في كل مكان في الزين والشين وفي كل مكان وفي كل شعب فيه اللي اخلاقه حميده واللي اخلاقة ذميمه والكلام اللي انكتب ما تقدر تقوله عن الكل يا راعي الموضوع

البدع

06-11-2010, 02:02 PM

.... هو يروح ويرد على بلاد كان يتدرب فيها ، وكانو الشباب فيها مب عاجبينه

لو تلاحظون هذا تقريبا ٤ او ٥ موضوع على نفس القصه والنقزات

صف النفس وانا اخوك وانسى الاي راح وابدا صفحه جديده

والله يوفقك

بوسنافي

هم موضعين .. وليسوا 4 او 5 مواضيع

اما الموضوع الاول فكانت نقزة لم يفهم منها احد في المنتدى الا (اصحابها)

اما هذي المقالة فكانت (صريحة عيني عينك) ... بعد اتصال هاتفي من احد الاصحاب السعوديين كشف المستور وانه حديث (مجالسهم) رغم بعدهم عنهم ... والسبب ان (اصحابها تجاوزوا المنطق) في النتقاد ...(والان) عليهم ترتيبها امام (الغير) ولو (مجاملة) .. وعليهم ينسون موضوع العشاء والهزات وانا اخوك

واعتذر من باقي الاخوان عن عدم الرد بسبب ضيق الوقت

وياهلا فيك

mohd89

06-11-2010, 02:18 PM

انا من المغتربين
للاسف البلد اللي انا فيها "استراليا" تكاد تخلو من الطلاب القطريين تماما :(
ولكن فيها خليجين وبالذات سعوديين كثير وكلهم قلبهم على بعض ويحبون بعض
وأي شي ينقص ما يقصرون فيه الاخوان وما في فرق بين قطري وسعودي وأماراتي الكل واحد
وهذا الكلام اللي انت كاتبه تقول صديق قاله لك
يعني انت ما عايشته بنفسك
او قد يكون هو عضو في هالشلل اللي تقول عنها ووصلك الكلام من وجهة نظره

موضوع ماله مغزى للاسف ولا يستاهل النقاش

][ الوحيد ][

06-11-2010, 02:24 PM

الـقـاسـي

06-11-2010, 08:56 PM

انا استخدم دش نت ورك فيه " بكج عربي " و ريسيفر ثاني بس عشان قناه الكاس
اي نوع اللي عندك ؟

لا اخوي دش نت ورك خله يولي الباكج مالهم مب شي ..
انا الرسيفر اللي عندي تشبكه على النت ويطلع لك كل القنوات ووضح عالي جدا ..
واهم القنوات
القنوات الخليجيه كلها
الجزيره العاديه والرياضيه والكاس ,, باقه mbc .. قنوات روتانا والنايل سات وهالسوالف كلها وبعد فنون والراي والقنوات الحلوه هذي ..

اذا تبي بطرش لك رقم الرجال اللي يبيعه يوصله لك بالبريد

Arab!an

06-11-2010, 09:11 PM

شسالفه التنفيخ

R 7 A L

06-11-2010, 09:42 PM

لا اخوي دش نت ورك خله يولي الباكج مالهم مب شي ..
انا الرسيفر اللي عندي تشبكه على النت ويطلع لك كل القنوات ووضح عالي جدا ..
واهم القنوات
القنوات الخليجيه كلها
الجزيره العاديه والرياضيه والكاس ,, باقه mbc .. قنوات روتانا والنايل سات وهالسوالف كلها وبعد فنون والراي والقنوات الحلوه هذي ..

اذا تبي بطرش لك رقم الرجال اللي يبيعه يوصله لك بالبريد

هالرسيفر يلمة دش ( صحن ) ولا شلون
وكم سعر الاشتراك

تحداني

06-11-2010, 09:52 PM

هدهد سليمان

06-11-2010, 10:07 PM

شسالفه التنفيخ
يمكن عندهم محل بنشري ؟

A M A

06-11-2010, 11:45 PM

أنا كنت ما برد على الموضوع لكن لما شفت إنه الموضوع
فيه إتهامات وتعميم ولم يخصص الأخ البدع أنه هناك فئه معينه
هي من تعاني من هالمشاكل النفسيه، قلت لازم أرد وأوضح بعض الأمور

خلني آخذ معاك الموضوع نقطه نقطه...أولاً إنت عممت عالطلاب
القطرين...وواحد من الأعضاء رد عليك وقالك أصابع يدك الوحده
مب سوا...وفي كل مكان فيه الزين والشين...ولكن مشكلتنا هالأيام
إنه الخير يخص والشر يعم...والكل وصل لهالعقليه إنه لو في مجموعه
من الناس في مكان كانو سيئين فكل الناس فهالمكان بيكونون سيئين

النقطه الثانيه، الشخص إلي قالك هو سعودي الجنسيه، والنعم فيه ما
إختلفنا وهو صديق لك والله يطول بعمره إن شاء الله...لكن ليش ما فكرت
إنه هالشخص يعاني من مشكله مع الأشخاص القطرين إلي قابلهم وممكن
يكون صاير بينه وبينهم Touch وقال عنهم هالكلام، ممكن يكون هو
قابل الفئه الصغيره إلي كانت سيئه وعمم عالشباب القطريين كلهم

أتمنى أخوي إنك تراجع نفسك، ومثل ما قلت لك أصابع يدك مب سوا
أهل قطر والخليج المغتربين على يد وحده إن شاء الله، كفايه عليهم
غربتهم لا تضغطون عليهم زياده

:)

بعيد النظر

06-11-2010, 11:47 PM

من الـ 2006 لين الـ 2010 !
فـ مدينة كان فيها 94 قطري ..

ما جفت الي تقول عليهم ..
والله والنعم فيهم واحد واااحد !

الـقـاسـي

06-11-2010, 11:48 PM

هالرسيفر يلمة دش ( صحن ) ولا شلون
وكم سعر الاشتراك

لا اخوي مايبي له صحن ولا شي بس تشبكه فالتلفزيون والانترنت وانتهى الموضوع عجيب ماله حل ..
سعره تشتريه اول مره 399 دولار مع الشحن ويكون شغال حق سنه كامله وكل سنه تجدده بـ 100 او 110 دولار لسنه كامله ..

انا اعتذر عن صاحب الموضوع لاننا خرجنا عن الموضوع الاصلي لكن هذا شي بعد يمكن يفيد الطلاب المغتربين اللي ظلمت اغلبهم

الـقـاسـي

06-11-2010, 11:53 PM

ان كانت هناك شلليه وجروبات .. فالطلاب القطريين
هم قد يكونوا بعيدين تماما عنها .. وهناك جنسيات محدده من دول الخليج
تظهر فيها ملامح كل تلك الامور بشكل واضح

ما معنى " التنفيخ " ؟؟

جملك الله برضى الرحمن

بصراحة رد يثلج الصدر اختي تحداني الزمن .. انا عاشرت كثير من الطلاب في امريكا قطريين وخليجيين والله انه مافي مثل القطريين هنا انا ما اقلل من قدر باقي الاخوان لكن كلمه الحق تنقال افضل شباب مروا علي شباب قطر وبشهاده اغلب الخليجيين والعرب هنا

Fahad Alqahtani

07-11-2010, 03:38 AM

لا اخوي مايبي له صحن ولا شي بس تشبكه فالتلفزيون والانترنت وانتهى الموضوع عجيب ماله حل ..
سعره تشتريه اول مره 399 دولار مع الشحن ويكون شغال حق سنه كامله وكل سنه تجدده بـ 100 او 110 دولار لسنه كامله ..

انا اعتذر عن صاحب الموضوع لاننا خرجنا عن الموضوع الاصلي لكن هذا شي بعد يمكن يفيد الطلاب المغتربين اللي ظلمت اغلبهم

تكفى ياخوي افزع لي مالقيت الا الدش نت ورك ويبي لي رقم الضمان ولا اشتري العدة ب 400 دولار.
لو تقدر تعطيني الرقم او العنوان والله لادعي لك انا وام العيال ..

الـقـاسـي

07-11-2010, 03:39 AM

تكفى ياخوي افزع لي مالقيت الا الدش نت ورك ويبي لي رقم الضمان ولا اشتري العدة ب 400 دولار.
لو تقدر تعطيني الرقم او العنوان والله لادعي لك انا وام العيال ..

ابشر طال عمرك ماطلبت شي شيك الخاص

Super Cool

07-11-2010, 04:00 AM

والله العظيم انك صادق!!!!

و شوفة عيني حالياً مع العلم اني شفتها كذلك في 5 تجارب سابقة و بالضبط بنفس الطريقة كل مرة....شلل و قروبات و كل واحد يدقر فالثاني

و اكثر ما تصير من الكويتيين و من بعدهم القطريين

La Bella

07-11-2010, 04:25 AM

ـ ممكن تفاصيل الريسيفير على الخاص
ـ وهل تقطع الخدمة او تفصل

La Bella

07-11-2010, 04:26 AM

تكفى ياخوي افزع لي مالقيت الا الدش نت ورك ويبي لي رقم الضمان ولا اشتري العدة ب 400 دولار.
لو تقدر تعطيني الرقم او العنوان والله لادعي لك انا وام العيال ..

ـ ممكن تفاصيل الريسيفير على الخاص
ـ وهل تقطع الخدمة او تفصل

AL HAJRI

07-11-2010, 04:41 AM

اسميك ان الموضوع تغير ,,, ههههههههههههه

الشيخ انا بعد ابي الريسيفر وكافة تفاصيله بعد ياريت ع الخاص لو سمحت ,,

QatarSupport

07-11-2010, 06:41 AM

لا اخوي مايبي له صحن ولا شي بس تشبكه فالتلفزيون والانترنت وانتهى الموضوع عجيب ماله حل ..
سعره تشتريه اول مره 399 دولار مع الشحن ويكون شغال حق سنه كامله وكل سنه تجدده بـ 100 او 110 دولار لسنه كامله ..

انا اعتذر عن صاحب الموضوع لاننا خرجنا عن الموضوع الاصلي لكن هذا شي بعد يمكن يفيد الطلاب المغتربين اللي ظلمت اغلبهم

اذا انت تقصد arab tv network جربته و ما صلحلي

الوضوح تعبان جدا .. و يعلق مع ان اتصال الانترنت عندي عالي جدأ ..!!

تحسفت اني خذيته :weeping:

Fahad Alqahtani

07-11-2010, 08:05 AM

ـ ممكن تفاصيل الريسيفير على الخاص
ـ وهل تقطع الخدمة او تفصل

ماعندي رسيفر
الرسيفر مذكور من قبل الاخ القاسي بيض الله وجه.
وكلمت القاسي وماقصر عطاني رقم الشخص اللي ركب الرسيفر وبكره بكلمه ان شالله .

الـقـاسـي

07-11-2010, 10:04 AM

اسميك ان الموضوع تغير ,,, ههههههههههههه

الشيخ انا بعد ابي الريسيفر وكافة تفاصيله بعد ياريت ع الخاص لو سمحت ,,

ههههههههههههههههههههههههههه اي والله تغير من قلب .. ترى للعلم مب انا اللي ابيع الرسيفر

G0LD

07-11-2010, 10:55 AM

انا في امريكا للعلاج
والى اشوفة من ترابط واخوة بين القطريين هني شي لايوصف
ترابط قوي حتى وهم في ولايات بعيدة عن بعض الا انهم متواصلين بالكلمة الطيبة والاخوة الكريمة
والله يطول بعمارهم حتى احنا الى جايين علاج متواصلين معنا ويعرضون الخدمة دوووم

كفو والله عيال قطر ماعليهم منقود والحمدلله وابشر بهم اذا صكةالحلقة البطان سواء بالخارج او في ارضهم

ومسبوقين عليها ماجابوها من بعيد

لاهنت يا الذيب

تحياتي

فراغ

07-11-2010, 02:07 PM

ما عليش
دخلت الموضوع متأخر (أشغال الدنيا)
المهم
أنا عشت التجربة من فترة أربع أعوام

في الغربة مالك ألا خشمك لو هو عوي
كنا طلبة بعضنا يقرأ في الجامعة والبعض الأخر في الكليات القريبة من الجامعة
تقريبآ كنا كقطريين عشرين طالب وأماراتي وخمسة عشر كويتي وعدد من السعوديين
وكانت الجلسة في مجلس القطريين كل مساء
وكانت من أروع الجلسات خصوصآ مع أخوانا الخليجيين
وكانت هنالك تعاون لأبعد الحدود بين الدارسين وكل واحد عندة مشكلة في مادة يتعاون الكل في حلها وطباعتها
حتى من جمال الجلسة كانوا أخوانا السودانيين والعراقيين وليبيين يحضرون بشكل شبه أسبوعي
ويتعجبون من رقي الحديث الخليجي
ولم أرى ما ذكر في الموضوع الرأس
لكن لا أنكر أنه قد يكون هنالك مثل ما ذكر
لكن أحب أن أضيف الى اليوم يوجد تواصل مع أخوانا الخليجيين وخصوصآ الكويتيين والسعوديين حتى بعد أنتهى الدراسة

مخطط قطري

07-11-2010, 02:30 PM

يجماعه الخير فشلتو راعي الموضوع يعني طلعتو برا الموضوع هو صحيح موضوعه خيالي شوي
بس صج يعني على الاقل جاملوه شوي وخلكم في صلب الموضوع :)
بس اكثر شي عجبني في الموضوع التنفيخ مادري حسسني بواحد ينفخ تواير عند الشاليهات في سيلين
على طاري سيلين يالربع من سمع عن النمر يقلون وصل هناك صج؟:tease:

ابو ضمير

07-11-2010, 02:44 PM

ولا اقول ايش هذي بعد جروب:eek5: ما اخابرها من اللغه العربيه :nice: اممم يمكن شي ينأكل :rolleyes2:

ابن قطر

07-11-2010, 02:50 PM

اخونا البدع يمكن الي نقلك الكلام هو السبب في التفكير الذي انت فيه

والله يوفقكم جميعااااااااا وصدقني اخوي البدع ترى احنا بالدوحه واي خدمة ممكن نقدر عليها ترانا حاضرين

والله يوفقك بالدراسة ووسع خاااااااااااطرك ولا تصير زعوووووووووول ترى بالاخير انتوا كلكم ربع واخوان

صدقني ابوي بالبيت الواحد الاخوان يتزاعلون فما بالك بالغربة الكل مشتاق حق ديرته والكل صار ما يواطن

نفسه ومشتاق حق الجبسات الزينه والقشتات عمومااااااااااا ترد بالسلامة

qqaattaarr

07-11-2010, 04:58 PM

انا في بريطانيا صار لي سنتين قريب وانشاء الله اخلص
الصراحه الاغلبيه قلوبهم على بعض الا من رحم ربي
لكن وقت الصج والله كلنا على قلب واحد

بلوتنيوم

07-11-2010, 05:24 PM

وضح ... افصح .... يالبدع
واذا كان هناك حادث فردي معين
ترا مايجوز تعممه على الاغلبية العظمى؟؟!

Dear All

07-11-2010, 07:56 PM

خص ولا تعم
اي بلد
وين شفتهم
وعلى اساس حكمت عليهم
كلام من وين جايبه
كل الي راحوا وتغربوا كانوا اخوان في الغربه
ياليت توضح
والرجاء من الادارة حذف الموضوع الي ماله اي اساس

الـقـاسـي

07-11-2010, 10:53 PM

خص ولا تعم
اي بلد
وين شفتهم
وعلى اساس حكمت عليهم
كلام من وين جايبه
كل الي راحوا وتغربوا كانوا اخوان في الغربه
ياليت توضح
والرجاء من الادارة حذف الموضوع الي ماله اي اساس

لا اخوي هو عنده الدليل على كلامه .. مكالمه من واحد سعودي وضحت له وبين له كيف اوضاع القطريين في الخارج ..
تصدق هالسعودي اللي كلمه فضح الطلاب القطريين ..
اصلا من العيب ان تعتمد على انسان لتحكم على انسان ثاني والمشكله ان الاخ البدع عمم على الجميع