المساعد الشخصي الرقمي

مشاهدة النسخة كاملة : أبي منكم مساعده الله لايهينكم


Miss_elegant
05-04-2006, 10:07 AM
السلام عليكم ورحمه الله وبركاته ... أخواني أخواتي اعضاء هذا المنتدى مشكلتي وباختصار ... عندي مبلغ حوالي 60,000 ريال ومب عارفه اشغلهم " ستين ألف"
آخر شي ممكن أفكر فيه الأسهم ... بصراحه وضع السوق مايشجع ... وانا اذا ماشغلتهم بصرفهم على أشيا ماتسوى وبضيعهم في دقيقه بليز بليز أبي منكم اقتراحات وابيها مضمونه رجااااااء

ولكم مني كل تقدير واحترام
bnb
05-04-2006, 10:16 AM
المحافظ الإسلامية فوائد مالية سنوية ونصف سنوية
ورأس المال محفوظ
yousef7551
05-04-2006, 10:25 AM
ا شتر كيوتل والعقاريه والاجاره روح والله يوفقك
Smart
05-04-2006, 10:47 AM
اشترى بروه والله يوفقج
Miss_elegant
05-04-2006, 10:49 AM
الف شكر لكم ... بس انا ابي بعيد عن البورصه ... وأبي مدخول شهري مايقل عن 3000 ريال ... من قلب محتاجه اشغل راس المال هذا بمدخول محترم

(( للعلم تم زيادة رأس المال حتى 100،000 ريال " مئه ألف "
Smart
05-04-2006, 10:55 AM
صعبه شوى
الله يوفقج
واذا حصلتى على الطريقه دلينا الله يبارك فيج

انا بادخل بمليون يعنى كل شهر 30000 .... اووو فله... حلم جان زين يتحقق خصوصا اذا شى مضمون
Miss_elegant
05-04-2006, 11:02 AM
الله يوفق الجميع أخوي ...
في بعض المشاريع الشغاله ... مثلا :
مره حد شغلها لي وشرينا "نجال" مستعمل وكان يدخل علينا تقريبا من 3000 لين 4000 ريال شهريا ... طبعا المدخول متذبذب أبي شي يكون بنفس المستوى بس بمدخول ثابت
Smart
05-04-2006, 11:13 AM
الله يوفق الجميع أخوي ...
في بعض المشاريع الشغاله ... مثلا :
مره حد شغلها لي وشرينا "نجال" مستعمل وكان يدخل علينا تقريبا من 3000 لين 4000 ريال شهريا ... طبعا المدخول متذبذب أبي شي يكون بنفس المستوى بس بمدخول ثابت
ابه بس كم قيمة النجال والصيانه والسائق وعوار الراس وخصوصا اذا ما عندج عقد جيد ومضمون
Miss_elegant
05-04-2006, 11:20 AM
هذا هو ... الصيانه والحوسه طيرت نص الارباح ...
قيمته تقريبا كانت 120 وبعته تقريبا بنفس السعر
"حتى لو ادخل المبلغ بمشروعين مختلفين ماعندي مانع " !!!!!!!!
Smart
05-04-2006, 11:23 AM
اختى تره 100000 شوى هل الايام ,,,اذا رقم هلا ب 870000
بدوي
05-04-2006, 12:10 PM
أختي .. شوفي لج هندي شاطر ويفضل انه يكون ثقه


وافتحي مغسلة ملابس .. لأنها ناااااااااادر ماتخسر ، وانا حاليآ لقيت لي هندي


بأذن الله انه ثقه وعميل انا عنده .. بس ابي ادش بمبلغ حلو ، عشان اهتم بالمنظر


لأنه له دور لجذب الزبائن .. وعلى فكره فيه مغسله مشهووووره


ترى راعيتها وحده :) والحين فاتحه فرعين


ويقولي الهندي اللي فيها .. يعطيها 15000 شهريآ وباقي الربح له وكلللللللل شي عليه


إجارات العمال ، الكهربه ، الماي


هذا مجرد رأي


والله يوفقج أختي


0
Miss_elegant
05-04-2006, 12:21 PM
أخوي بدوي فكرتك وايد حلوه بصراحه ... وانا فكرت فيها وقلت بس بحاول ازيد راس المال شويتين وانفذها

أخوي في وين مغسلتك ... ابي اشوف مدى نجاح مشروعك

الله يوفقك يارب ... وعساك على القوه
بدوي
05-04-2006, 12:33 PM
أخوي بدوي فكرتك وايد حلوه بصراحه ... وانا فكرت فيها وقلت بس بحاول ازيد راس المال شويتين وانفذها

أخوي في وين مغسلتك ... ابي اشوف مدى نجاح مشروعك

الله يوفقك يارب ... وعساك على القوه



Miss_elegant


اختي للحين .. مالقيت الموقع اللي ابيه


واذا لقيت الموقع المطلوب .. ذيك الساعه بشتغل عليها شغل


واهم شي الديكورات الداخليه .. ولو عند الكاشير فقط .. داخل مايضر


وبيني وبينج اذا كان المحل وسيع شوووووي مو غلط أحط غرفة تبديل الملابس


لأن هالطريقه شفتها في بوظبي .. وعجبتني


وفيه كثيييييير تكون بيوتهم بعيده .. فـ راح ينجبر انه يبدل في المحل .. اذا كان مستعجل طبعآ


واذا تم المشروع بأذن الله .. انتي من أول المدعويين .. للأستفاده من اي ملاحظات :)


تمنياتي لج بالتوفيق


0
Miss_elegant
05-04-2006, 12:41 PM
السموحه من اللي طرشوا لي على الخاص ... ماقدر ارد عليكم "لازم 100"

ألف شكر لكل اللي اقترحوا وللي ساعدوا ...و اللي يحب يضيف شي خير وبركه

وأخوي بعد فكره الاستيراد والتصدير حلوه .. بس احس ان المدخول الشهري طفيف شوي
Miss_elegant
05-04-2006, 12:43 PM
معليش أخوي بتعبك معاي شوي .. بس ممكن تفسير أكثر لمساله الاستيراد والتصدير ؟!!
yousef7551
05-04-2006, 12:58 PM
افتح مطعم سندويشات فلافل وسمبوسه وكيمه + شيشه
الحساب كالتالي:
سندويش فلافل 2 ريال+ سندويش كيمه 1 ريال + سندويش سمبوسه 1 ريال + شيشه 4 ريال+ شاي كرك 1ريال + بيبسي 1ريال+ماء 1 ريال = 11ريال
توقع زباين خلال 24 ساعه في اليوم 100 واحد * 11= 1100 ريال
في الشهر 1100 ريال * 30يوم= 33000ريال
اشرايك انشاء الله توصلت الى مرادك
حسبه بسيطه وببلاش من غير اتعاب استشاريه
خبرنا ويش بسمي المطعم
اقترح سمه اكل على كيفك والبيت بيتك
jajassim
05-04-2006, 01:31 PM
معليش أخوي بتعبك معاي شوي .. بس ممكن تفسير أكثر لمساله الاستيراد والتصدير ؟!!


راسلني على هوتميل بنفس الأسم
ahmd_111
11-04-2006, 11:50 PM
فكرة فتح مشروع صغير مغسلة , بوفية , منجرة , ........ الخ
حلوة فيها راحة وممكن تحقق كأقل تقدير 40% من راس مالك في السنة الاولى هذا طبعا اذا وفق الله ...

طيب انتي قد جربتي تجيبين بضاعة ملابس , اكسسوارات , عطور ودهن عود , ......... من اي مكان سواء دبي والا السعودية والا حتى الصين وتجربين حتى ممكن تخصصين مبلغ 20000 عشرين الف ريال او حتى نصفهم وكل ما حسيتي انك محققة ربح تزيدين المبلغ شوي

والله يوفقك
بولينجر
12-04-2006, 12:29 AM
عندج محافظ بدر والريان من المصرف...

8% إلى 9% سنويا

ومضمونة
شمسة
18-06-2007, 01:23 PM
محل عبايا وشيل
المتأمل خيرا
22-06-2007, 04:57 PM
السلام عليكم ورحمه الله وبركاته ... أخواني أخواتي اعضاء هذا المنتدى مشكلتي وباختصار ... عندي مبلغ حوالي 60,000 ريال ومب عارفه اشغلهم " ستين ألف"
آخر شي ممكن أفكر فيه الأسهم ... بصراحه وضع السوق مايشجع ... وانا اذا ماشغلتهم بصرفهم على أشيا ماتسوى وبضيعهم في دقيقه بليز بليز أبي منكم اقتراحات وابيها مضمونه رجااااااء

ولكم مني كل تقدير واحترام

الأخت "Miss_elegant" ..

كتبت ورقة متواضعة "على هذا الرابط ".. :

http://www.qatarshares.com/vb/showthread.php?t=117194

يسعدني أن اسمع رأيك بشأنها.. - مع علمي أنها تحتاج لتفكير هاديء.. وبعضاً من الوقت كي تستوعب - ، وهذه المناشدة موجهة للجميع .. مهما كان الرأي.. "مع أو ضد"..