البته - كوت بوستة - الطرنيب - البالوت- لعب حتى الادمان

[yosif1]

http://farm1.static.flickr.com/112/260978328_40c2fa9b3b.jpg

السلام عليكم ورحمة الله وبركاتة

شنو هالعبة الي ضيعت وقت الرجال ودمرت بيوت واشغلت وقت الشباب

اشوي اشوي تراني انا واحد من عشاق لعبة كوت بوستة

لكن شوفوا شنو الي يسير عن بعض الشباب الله يهديهم

تلاقيهم وقت المجلس يتركون الدنيا والعيال ويتجهون الى

الكوت بوستة حتى وقت الصلاه ياخرونها عشان اللعب .

وبعض الشباب اخسروا ربعهم او اخوانهم بسبب الخلاف على العبة

وانا واحد شهت على اكثر من هوشة بسبب لعبه الورق

عشان متهم ان الربع غاشين

عشان شذية انا لمى العب اكون كول حتى لمى تكون لورقة في يدي

شنو فيها خاست الخبصة في يدي شنو فيها او لبست كوت

اما توصل المواصيل ان اسب او امد يدي على ربعي عشان وورقة

بعض الشباب تارك بيتة وعيالة الله يهديهم عشان لعب الورقة

من الساعة 8 الى قبل الشروق

وخصوصا في رمضان

وانتشرت العبة وتلعب في كل مكان حتى مره شفت شباب يلعبون داخل الطياره

[Mshari]

والله اخوي لعبه مسليه خصوصا البلوت

بس الغلط اننا نضيع وقتنا عليها

يعني وقت الفراغ مب ادمان

[الـقـاسـي]

والله ياخوي انا عن نفسي مدمن لعب ورقة .. لكن طبعا كل شي له حد يعني الحمد لله وقت الصلاه على طول نقطها ونروح نصلي ونرد نكمل ..
عن نفسي دايما نجتمع فالبيت ونلعب ورقه ويا الشباب احسن من الهياته والدوارة بدون هدف ..

ههههههههههه اما سالفه الطياره شكلك شايفني اخبر مره انا وعمي مسافرين ورحلة طويله وكنا نلعب ورقه فالطياره ..

[تاجر121]

والله يالغالي لعبة الطرنيب لعبة حلوه
وروعة
اوقات يصير الي اتقول عليه الي هو السب بس انا عن نفسي كول وبارررد واذا اني خسرت اقول حق الشباب عااااادي الا لعبه (( شنـــــــو قاعدين نلعب على بنتلي واقف بره )) سهلات يعني ؛؛؛؛؛؛؛؛؛؛؛

[captin]

صار لي عشرين سنة اروح رحلات واجلس
في مجالس مع ناس تلعب الورقة لكني عمري
مالعبتها ولاتعلمتها واللي يضحك للحين ما اعرف
الهاس من السبيت من الديمن ولا انواع اللعب اسمع عن الجوكر
والبرازيلية لكني ما اعرف الفرق بينهم
هههههههههههه

لين جيت المجلس خذت لي زاوية وقعدت اقرا الجرايد
العربية والانجليزية صفحة صفحة والعالم هناك لعب
وهواش وصراخ لين الفجر:anger2:.

[البدع]

أنا مدمن جوكر

وشطرنج

[alrheeb2020]

اي والله مصييبه هاللعبه ..

كوت بو اربعه وجوكر ..

الله يفكنه من غثاهم مضيعين كل وقتنه ^^"

[بوحارب]

يازين الجوكر

وخاصه على السيف والهوى يطير الورقة :)

شي شي حلووو

اي صح ودلة الكرك احذاك لازم عشان تصيد اللي يزرقون هههههه

[meme~qatar]

في بنات يلعبونها
في المدارس والجامعة

لكن الحمدلله ماحبها خير شر

والله يهدي ويحفظ الجميع

[هام السحاب]

مدمن هند

[yosif1]

والله اخوي لعبه مسليه خصوصا البلوت

بس الغلط اننا نضيع وقتنا عليها

يعني وقت الفراغ مب ادمان

صج لعبة مسلية والله يثبتك اخوي


والله ياخوي انا عن نفسي مدمن لعب ورقة .. لكن طبعا كل شي له حد يعني الحمد لله وقت الصلاه على طول نقطها ونروح نصلي ونرد نكمل ..
عن نفسي دايما نجتمع فالبيت ونلعب ورقه ويا الشباب احسن من الهياته والدوارة بدون هدف ..

ههههههههههه اما سالفه الطياره شكلك شايفني اخبر مره انا وعمي مسافرين ورحلة طويله وكنا نلعب ورقه فالطياره ..

هههههه صج يمكن انا شايفك في الطياره


والله يالغالي لعبة الطرنيب لعبة حلوه
وروعة
اوقات يصير الي اتقول عليه الي هو السب بس انا عن نفسي كول وبارررد واذا اني خسرت اقول حق الشباب عااااادي الا لعبه (( شنـــــــو قاعدين نلعب على بنتلي واقف بره )) سهلات يعني ؛؛؛؛؛؛؛؛؛؛؛

خلك كول على طول
ومشكور على المرور



صار لي عشرين سنة اروح رحلات واجلس
في مجالس مع ناس تلعب الورقة لكني عمري
مالعبتها ولاتعلمتها واللي يضحك للحين ما اعرف
الهاس من السبيت من الديمن ولا انواع اللعب اسمع عن الجوكر
والبرازيلية لكني ما اعرف الفرق بينهم
هههههههههههه

لين جيت المجلس خذت لي زاوية وقعدت اقرا الجرايد
العربية والانجليزية صفحة صفحة والعالم هناك لعب
وهواش وصراخ لين الفجر:anger2:.

بل احسن لك اخوي وبلاش ادمان على الكوت والعصبية الي مالها داعي

[مالي ومال الناس]

<<<< حريف بلوت من 10 سنين

كرهت الجوكر والبرازيليه وبنت السبيت بعد البلوت , لأنها لعبة ذكاء مب اعتماد على الحظ وخلاص

مستواها والشطرنج متقارب , لان فيها خطط بالنزلات وخط الرجعه لخويك

بالنسبه للي يزعلون في اللعب يمللون بصراحه , لان اللعب يتحول من تحدي ووناسه الى تحدي وحرب

[Realistic]

اخوي العيب مب من اللعبه .. العيب من الي يلعبونها

الحمدلله طول عمرنا في ميالس ونلعب جوكر وهاند وبرازيليه وبنت السبيت .. ولين اذن المؤذن .. نهد كل شي ونروح نصلي .. واذا اتصلوا لنا اهالينا ومحتاجينا في شغله .. نهد اللعب ونروح لهم ..

اعيد مره ثانيه .. العيب مب من اللعبه ترى .. العيب من بعض الي يلعبونها

[VIVA]

^^^

الصح العيب من اللعيبه مب من اللعبه

بالنسبه لي انا مدمن هند

[صليب الراي]

توني كنت في مجمع تجاري واسأل مال خدمة العملاء عن وين احصل محل يبيع ورقة لعب ؟

قال لي : معرفشي ، بس هيَ حرام

قلت : حرام ؟

قال : ايوه حرام بيؤلو كيدا عندنا بمصر ان الكوتشينه حرام

قلت : طيب اخوي ما تعرف ليش قالوا انها حرام ؟

قال : يمكن لأنو بيلعبو بفلوس وبيراهنو عليها

قلت : ايييي بئا كيدا .. قزاك الله كول خير ياخويا

وتركته ورحت

بعض العقول في راحة وتحاول تبتعد عنها افضل لك ولها :)