يامدير ادارة المرور مانبغي رادارات مكشوفة للسائقين نبغيها مجهولة متنقلة غير مكشوفة

[بالول]

الحين وانا راجع على خط الشمال الا وجسر الجوازات واقف من جهة الشمال للجنوب من كثر الزحمة والسبب تصادم سيارتين وحدة لاندكروزر فيها قطري وثلاث اطفال صغار والثانية بحوض ... وكلا السائقيين تعرضوا لاصابات وجات سيارات الاسعاف ونقلتهم ......

صراحة استبشرنا خير بطريق الدوحة السريع ولكن في ظل تهور عدد كبير من السائقين ... كبار وصغار ... مواطنين واجانب ..... وتجاوز سرعاتهم السرعة المحددة على الطريق اصبح من الضروري وضع حد لهذه السرعة الجنونية على شوارعنا ..... فالردار المكشوف لم يعد حل للحد من السرعة الزائدة ....

اطالب وبقوة الاخ الخرجي ان تكون الرادارات في الخطوط السريعة مخفية وغير مرئية امام السائقين ...........

بالفعل اصبح الوضع غير مطمئن وصارنا نسمع عن حالات وفيات في كل نهاية اجازة اسبوعية ....

[bus3od]

والله انه مب حل لان دامك ماتشوف الشي ما بتعمل له حساب و الدليل ان مازالت السرعه موجوده بالرغم من انتشار الرادارات المتحركه

انا اشوف الحل هو الرادار الي ينحط في بداية الخط ونهايته ويحسب الوقت في هالحاله اظن الكل بيلتزم بالسرعه طول الطريق

[qatari 111]

الاسباب كثييره غير السرعه في منهم سواقته الله بالخير يربك اللي حوليه بسواقته يكسر يمين ولا يسار بصوره مفاجئه او يمسك بريك مفاجئ من غير سبب الظاهر انه يتخيل شي قدامه بني ادم قاطع الطريق او سياره وقفت فوجهه الله اعلم .
وعندكم بعد المدربين اللي يعلمون الناس سواقة السيارات في مدارس تعليم السواقه اذا هم فيهم عيب فالسواقه فما بالكم يعلموان الكثير من الناس السواقه يعني بدال ما يكحلونها عموووووها

ومعروفه الجنسيات اللي تدرب الناس السواقه حدث ولا حرج ,وعندكم بعض الشبااب الله يهديهم يسرعون بسرعه جنونيه رغم انهم شافوا وسمعوا الحوادث ومن الاقربون لهم وربعهم ولكن للاسف يتم اسبوع مهدي السرعه وينسى الموضوع ويرد لعادة السرعه والمسابق .

ما نقول الا الله يحفظنا وياكم من كل مكروه

[مالك أمل]

أؤيد كلامك وبكل قوه بعد حادث الجمعة

وخصوصا أن الطريق اصبح مغري للسرعة لدى البعض

فاليوم يومك يا أبوسعد رادارات متحركة ومخفية

[R 7 A L]

انا من المؤيدين لوجود ارادرات بجميع نواعها الواضح والمخفي
ومع تنفيذ الغرامات حتى على نفسي .


ولكن !!!

مثل ماذكر الاخ qatari111
وجود الغشمان على الخطوط مما يربك الاخرين حتى لو يمشون شوي شوي والسبب في وجود الغشمان هو ان عملية الحصول على رخصة القيادة صارت تجارية مدارس خاصة ليست مملوكة للحكومة المهم لديها الكسب المادي .


وثانياً
الخطاء الكبير الذي تقوم بة ادارة المرور والدوريات من ( اسقاط الجزء الكبير ) من المخالفات
نتمنى ان تكون قرارات ادارة المرور اقوى مما هي علية الان .

[باسكن روبنز]

والله لو يحطون رادار ثابت في كل نص كيلو مثل دبي ،
حل آفضل بكثير ومع الآيام الكل بيتعود يمشي على ريس سرعة الشارع ،

بس لايخشونه خش مثل غيره ،
بعض الشباب من القهر آول مايصيدهم الرادار المخشوش تلاقيه داعس الريس حده ويالله خذ من هالحوادث ،



ماسوينا شي ،:weeping:

[ماريسا]

أؤيد اقتراحك بقوة
و ياريت الرادارات بكل المناطق و بكل الشوارع بلا استثناء
و أتمنى فرض مخالفات سرعة تبتدي من 10 الاف ريال قطري
عشان المتوحشين اللي الي يسوقون و يرعبون الناس ع الطريق و يحسبون الشوارع ملك أبوهم يتسنعون مع سواقتهم الزبالة و الي نسوا أن القيادة ذوق و أخلاق!! حسبي الله و نعم الوكيل و الله يورجيهم سوء أعمالهم في أهاليهم عشان يحسون

[فارس قطر]

الحل بسيط وياليت ادارة المرور تطبقة باسرع وقت

الدراسة الى صارت على تجاوز الاشارات الحمراء نجت 100 % وذالك برفع سعر الغرامة

الى 6000 الاف ريال والحزام /500 ريال

اتمنى تتطبق على تجاوزات السرعة القاتلة فهذا هوا الحل الوحيد .

لتصبح

داخل المدينة فوق سرعة 100/ الف ريال
خارج المدينة فوق 120 / خمسة الاف ريال

وشوفو المستهترين اشلون بيلتزمون مثل ماالتزموا بالحزام وقطع والاشارات.

ان شاء الله يتطبق هذا القرار

رحمة بالابرياء اللذين ليس لم ذنب.

[ALRAYYAN]

قبل لاتطالبون الخرجي بهالرادارات ورفع المخالفات من 500 لين 5000 ريال

طالبوه اول شي بالتشديد وعدم التهاون بصرف رخص السواقه بالواسطات بدون تراي .. بس تعرف لك حد تعال اطلع شارع وانتهت السالفه
ومدارس السواقه كلها هنود وسودانيين وهم اسوء ماخلق ربي في السواقه في شوارعنا
وعقب تعالو شوفو الحوادث .. ترى اكثر الحوادث واغلبها مب من السرعه وبس .. الا من سوء التصرف
والسواقه اللي الله بالخير من 50 % من سائقين هالايام

الحين صار الواحد يسوق ومايدري ينتبه حق الرادارات المكشوفه ولا المخشوشه ولا سرعة موتره
ولا حق بعض هالحريم اللي سواقتهم الله بالخير ولا حق هالدريوليه العلل ولا حق كروه واستهتارهم ولا حق شنو وشنو

قسم بالله الواحد كره الطلعه من البيت .. واخرتها تعال خش لي رادار وتبون المخالفه 5000 ريال

ليش الراتب كم 5000 ريال فيه

استغفر الله العظيم على الصبح

[ورقــة أمــل]

لا أؤيد بتاتا

احيانا الواحد يكون مستعجل او عنده ظرف ويشخط ولايشوف الرادار عيل كدوا ادارة المرور شوف كم رادار بيصيده على خط واحد

يكون مكشوف افضل

والحل مب في الرادار الحل في اعطاء الرخص حق ناس يعطون اشارة يمين وهم يلفون يسار

ولافي توعية ولافي تدريب بقوانين الطريق والدروس النظرية اللي يعطونها الله بالخيرررر

ولا حركة الدوار الخايسة هذي يلفون على الواحد وهو في خطه

خاصه هالاجانب تلاقيه توه جاي من بلاده مايعرف شي ويالله مسكوه ليسن وتعال سوق

او بعض الحريم الله يهداهم ماسكة الخط السررريع وتسوق اربعين ولا تلفلف على خلق الله بدون اشارة ولاهم يحزنون

لحد يقولي الحل في زيادة المبلغ لان هاي مب حل جذري عقب بتيون تحطون موضوع شكبره ليش وليش

[ALRAYYAN]

لا أؤيد بتاتا

احيانا الواحد يكون مستعجل او عنده ظرف ويشخط ولايشوف الرادار عيل كدوا ادارة المرور شوف كم رادار بيصيده على خط واحد

يكون مكشوف افضل

والحل مب في الرادار الحل في اعطاء الرخص حق ناس يعطون اشارة يمين وهم يلفون يسار

ولافي توعية ولافي تدريب بقوانين الطريق والدروس النظرية اللي يعطونها الله بالخيرررر

ولا حركة الدوار الخايسة هذي يلفون على الواحد وهو في خطه

خاصه هالاجانب تلاقيه توه جاي من بلاده مايعرف شي ويالله مسكوه ليسن وتعال سوق

او بعض الحريم الله يهداهم ماسكة الخط السررريع وتسوق اربعين ولا تلفلف على خلق الله بدون اشارة ولاهم يحزنون

لحد يقولي الحل في زيادة المبلغ لان هاي مب حل جذري عقب بتيون تحطون موضوع شكبره ليش وليش

ولا الحين ادارة المرور مقصرين اختي عشان الاخوان يطالبون برادارات مخفيه

لو عندج بلاك بيري او تعرفين حد عنده شوفي كم رادار مخفي يوصلج خبر عنه في اليوم الواحد

الله المستعان بس

[الصريحه]

معاك نبي نبقي على ارواح الشباب المستهتر وارواح ضحاياهم

[حبر سري]

لو يحطون مليون رادار , في الشجر , في العمارات , تحت الارض , مخفية , ولا ظاهرة , كل ربع كيلو ولا كل مليون كيلو , اللي مايسرع ماراح يصيده الرادار

[ummalaz]

لو يحطون مليون رادار , في الشجر , في العمارات , تحت الارض , مخفية , ولا ظاهرة , كل ربع كيلو ولا كل مليون كيلو , اللي مايسرع ماراح يصيده الرادار

صح لسانك اخي الكريم ولا راح يسوي حادث :nice::nice:

[بوخالد911]

اهم شي الالتزام بالقوانين

[reya7]

أقول ياخوي موسم التخييم بدأ من تاريخ 4/11/2010 وتعال نحسب خلال ال6 شهور بس في الموسم تعال نحسب كم حادث في سيلين بس وأعتقد أن موضوع الحوادث يتكرر على هذا الخط كل سنه .. وسمعنا وسمعنا أن بيزيدون خطين زياده .. كلمه أخيره ياليت تحسب كم عدد الوفيات من بداية الموسم لين نهايته .. ماقول ألا الله يحفظ الكل.

[متسلف وفي الاخير]

والله ماعرفنا لكم انا اقول سبب الحوادث والزحمه كلها من الحريم مايعرفون يسوقون وربع ساعه واقفه قدامك ماتمشي مسوين زحمه والشارع فاضي ويلفون عليك توقع اي شي من الحريم

[بسك يازمن]

بصراحه الرادار المخفي يوضع للفلوس فقط، يعني متى ماحبوا يجمعون فلوس كثفو من الرادارات المخقيه....

السرعه لها اسباب كثيره، والحوادث ليست بسبب السرعه والرعونه الي فالحين فيها المرور،

اول مره في حياتي اشوف ظاهره مالها الا سبب واحد ((السرعه)) !!!

في برنامج لكم القرار مع الخرجي لولا ان المذيع احرج الخرجي في موضوع اشارات نفق اللاند مارك !! ماكان اعترف ان الاشارات وضعها هناك خطأ،، وهذا كان اول اعتراف

التخطيط ياجماعه التخطيط للشوارع فاشل فاشل فاشل...

عندك مثلا شارع اللاند، جزيره كبيره ،، والله اكبر من الشارع ،، ليش مخلينها والله ماادري،، في حين ان السيارات والله الصبح ماتبين نهايتها وهي واقفه تنتظر الدور والفرج...

في هذي الحالات،، ومع طوووول الانتظار،،،،، والحر والزهقه،،،،، يدعس الحبيب ،،،، وتصير الامور الي ناحب نسمعها..


عندك الحادث الاخير بسيلين ،،، معقوله السرعه هي السبب ؟؟؟ والله لو ان الحادث كان بين سيارات عاديه كان على طول قال الضابط السبب هو السرعه،، لكن لان المرحومين ان شاء الله شرطه،، اسكتوا الجماعه... طيب قول.. انطق.. فول التخطيط زفت .؟؟؟؟ لا ونبي كاس العالم بعد!!!!!

انتوا جهزوا الدناكر حق المطر،، وخلكم على هالحال والله استر لكم

[الكــاســــر]

السرعة لا تسبب وقوع الحوادث الا يمكن في حال انفجار التاير
السرعة فقط تزيد الاضرار اذا وقع الحادث

الي يسبب الحوادث
1- التفهي وعدم التركيز
2- سواقة الحريم

[متسلف وفي الاخير]

الحريم مايعرفون يسوقون الاطفال يسوقون احسن من الحريم حريم اليوم مايعرفون يسون خبز وجبن تعطونهم سيارة وتقولون سوقو ايه بعد الجاليه الاسيويه الله بالخير

[Salman911]

الخميس والجمعة والسبت
12 حالة وفاة حوادث سيارات

[نتفـه]

قبل لاتطالبون الخرجي بهالرادارات ورفع المخالفات من 500 لين 5000 ريال

طالبوه اول شي بالتشديد وعدم التهاون بصرف رخص السواقه بالواسطات بدون تراي .. بس تعرف لك حد تعال اطلع شارع وانتهت السالفه
ومدارس السواقه كلها هنود وسودانيين وهم اسوء ماخلق ربي في السواقه في شوارعنا
وعقب تعالو شوفو الحوادث .. ترى اكثر الحوادث واغلبها مب من السرعه وبس .. الا من سوء التصرف
والسواقه اللي الله بالخير من 50 % من سائقين هالايام

الحين صار الواحد يسوق ومايدري ينتبه حق الرادارات المكشوفه ولا المخشوشه ولا سرعة موتره
ولا حق بعض هالحريم اللي سواقتهم الله بالخير ولا حق هالدريوليه العلل ولا حق كروه واستهتارهم ولا حق شنو وشنو

قسم بالله الواحد كره الطلعه من البيت .. واخرتها تعال خش لي رادار وتبون المخالفه 5000 ريال

ليش الراتب كم 5000 ريال فيه

استغفر الله العظيم على الصبح

صاج ,,
عسى ما شر تبون رادارات مخفيه وعلى 10 الالاف وخمسه !!!:eek5:
اذا عندكم تدفعون غيركم ما عنده ,,
وبعدين حزات الواحد ينجبر يسرع لحالات طارئه مثلا ,,
والصراحه وايد ناس الله بالخير ف السواقه وهم بكبرهم يسببون الحوادث ,,:rolleyes2:
الا بريك على غفله ,, الا لاف تقول الشارع سبيل ,, الخ ,,
الله يعين بس وعن الاستهتار الله يهديهم هالشباب بس ,,

[thanked]

ضد المخفية , مع المرئية

[التيما]

المشكله لو صاده ردار وعطا بريييك بدال ما نحلها عميناها لانه لازم بتزيد الحوادث سواء يبين أو لا ..

[qatari 111]

السواقه الاول فالتسعينات كان كل واحد يحاسب لنفسه اما فالوقت الحالي الواحد يحاسب للغيير قبل لا يحاسب لنفسه بسبب قلة المهارة والفن فالسواقه والسرعه مب من اسباب الحوادث اللي يكسر على الشخص المسرع بطريقه مفاجئه من غير ما يعطي اشاره هو المتسبب بالحادث او مشغول بالجوال وعقله مب فالسواقه
وهاذي بعد من متسببات الحوادث يعني وجود الرادار هدفه التقليل من السرعه والالتزام فيها ومب هدفها تقليل من الحوادث بمعنا اصح لو كل واحد ماشي بسييده ومن غير التلفلف المفاجئ او البريك المفاجئ ان شاء الله وبأذن الله ماراح نسمع ان في هناك حوادث مؤلمه ومميته .

وارجو من ادارة المرور التشدد على مراكز تعليم السواقه بكشف المدربين التعبانيين اللي هم اساس البلا
بالتعليم الخاطئ والتشدد بامتحان السواقه مب يمشيه كم متر وبالفرجان ويقول اللي بعده لان هاذي امانه في عنقك يامسوؤل عن التراي بانعدام الارواح بسبب اهمالك والواسطه لا تساهلون فيها لاخذ الليسن وهو راقد في بيته .

وبعد في شغله ثانيه المخفي الثقيل ماله داعي وهو بع احد متسببات الحوادث ويكون بحد اقصى 20%

لان لملاحظتي ان اللي بركبين اكثر من هل النسبه يطيحون تلفلف على العالم مثل العمي اللي مايشوف


واسمحولي على الاطاله

[ولد البدر]

انا اشوف إن المفروض فيه رادارات ثابتة واضحة حتى الواحد يخفف ، الرادار غير المرئي ربما يكون قليل الجدوى لأن الواحد ما يشوفه وعلى أي أساس يخفف السرعة وإن كان ولا بد من وجوده فلا بد أن يوضع بين كل رادار ورادار ، رادار متحرك لأن السرعة عجيبة في هذا الطريق ، كما أقترح بأن يكون رادار للسرعة البطيئة التي تتسبب في الحوادث أكثر من السرعة الشديدة فالذي يمشي بسرعة 60 أو 80 مثلا في شارع سرعته 100 أو 120 يعتبر مخالف ويجب أن يمسكه الرادار وتكون مخالفته كمخالفة المسرع أو أشد وخاصة إذا كان بطيء ويمشي في وسط الشارع وإذا كنت وراه ما يتحرك وكأن المسار الأيمن وضع عبثاً

[كاشف الغطاء]

زيدو سرعة الشارع خصوصا الخطوط بعدين حطو مليون رادار

[a7med0_0]

ذبحنوا المرور ومخالفتهم
بسكم توصي تروا بيصدقون السالفه
وبيقولون عقب المواطنين طالبوا بالهشي

[سكرمر]

ياليت اداره المرور يشددون العقوبات وعلى الفور بدون اي تهاون

وياليت يكثفون الرادارات المكشوفه والغير مكشوفه

ولو يسون مثل السعوديه فى خدمه ( ســاهر ) يكون افضل

الحين المرور ودوريات لخويا ( وينهم )

ياليت وجودهم قبل وقوع الحادث مو عقب حدوث الحادث

تحياتي لكم

[الجوكر90]

السلام عليكم
تصدق اخوي اول كنت ضد هالرادارات
لان كنت اسرع بس مب وايد حدي 160 ماكثر هاي اذا كنت مستطرب
بس الحين الحمدلله ركدت وايد
يعني ماعدي ال120 الا كل 3 ايام مره ويمكن بالغلط
بس يوم اشوف الشباب يسرعون ويتجاوزون وانا امشي ريقي واخر شي يكون جدامي عند الدوار او الاشاره اقعد اضحك عليه واذكر يوم كنت نفسه كنت اقول الي كان يشوفوني كان يضحك علي

وبخصوص الشباب الي فخط سلاح الجو
مادري من معلمهم ان خط السيرفس هو خط رئيسي
كل يوم الصبح دعس 180 ويتحاوزون
يعني بتوصل اسرع بكم دقيقه 2 ولا 3 يعني حدك 5 دقايق راح توصل قبلي

والخط الي بعد اشارات مطار الدوحه لين اشارات شارع المطار الشباب كفخ
ذاك اليوم حطو رادار متحرك هناك
شنو المرور كدوا خير من ورا الشباب

وترى بخصوص في شباب ماعندهم احترام
يعني تخيلوا عند دوار الاطلنطي الساعه 7 وربع والكلاس يبدا 7 ونص
يعني في ربع ساعه
اغلب الشباب يتجاوزون ويعطلون العالم
يعني عندك ربع ساعه ليش تتجاوز
ولا ماتعلمت ان هاي قله ادب واحترام

والقهر حتى الدريوليه قاموا يتجاوزون
يعني من النهايه شباب قطر ( البعض مب الكل ) مب ويه واحد يحشمهم
اذا المرور خف شوي عليهم يجونك هاليهال الي توهم ماخذين الليسن ويخالفون وحتى الي ماعندهم اي ذره احترام للغير قبل القانون
واذا رصوا عليهم يقولون المرور والمرور

وطبعا محد ياكلها غير الي محترم القانون



مع تحيات شخص كان مب محترم القانون بس الحين تاب عن هالسوالف :secret:

[بوخالد الذيب]

بسم الله الرحمن الرحيم

الصلاة والسلام على اشرف المرسلين

مدير ادارة المرور المحترم

نرجو الضرب بيد من حديد لكل من يرتكب مخالفات مروريه غير مبرره فأذاه سيلحق بغيره ولن يقتصر عليه وفي ذلك استهتار بحياته وحياة الاخرين الذين ليس لهم ذنب فيما فعل

صادق الود ووافر التحيه

جزاك الله عنا وعن أهل قطر جميعا كل خير

[بو فهد]

الحين وانا راجع على خط الشمال الا وجسر الجوازات واقف من جهة الشمال للجنوب من كثر الزحمة والسبب تصادم سيارتين وحدة لاندكروزر فيها قطري وثلاث اطفال صغار والثانية بحوض ... وكلا السائقيين تعرضوا لاصابات وجات سيارات الاسعاف ونقلتهم ......

صراحة استبشرنا خير بطريق الدوحة السريع ولكن في ظل تهور عدد كبير من السائقين ... كبار وصغار ... مواطنين واجانب ..... وتجاوز سرعاتهم السرعة المحددة على الطريق اصبح من الضروري وضع حد لهذه السرعة الجنونية على شوارعنا ..... فالردار المكشوف لم يعد حل للحد من السرعة الزائدة ....

اطالب وبقوة الاخ الخرجي ان تكون الرادارات في الخطوط السريعة مخفية وغير مرئية امام السائقين ...........

بالفعل اصبح الوضع غير مطمئن وصارنا نسمع عن حالات وفيات في كل نهاية اجازة اسبوعية ....


اضم صوتى معاك