طلبتكم ...من صاده الي صادني ساعدوني

[ليــــــان]

السلام عليكم
تكفون ابيكم تساعدوني
انا صادتني جرثومة المعده اللعينه وسببت لي اشياء عمري ماكنت اتوقعها خوف وتفكير ووسواس اعوذ بالله ....واكثر شي مضايقني الدوخه احس اذا امشي ان جسمي مش متزن كاني باطيح مما سبب لي حاله صعبه ماقمت احب اطلع ولا اروح ولا شي ارجوووووكم الي صاده مثلي وعقب خف عنه اوصادته نفس الاعراض تكفون لاتخلوني ....الي مضيق علي اني احس بهالدوخه وهاي الي مضيق علي من مثلي وهل راح منه هالشي ولا لا تكفووووون طلبتكم ساعدوني

[شبح الصمت]

الله يشفيج اختي ويعافيج ويبعد عنج المرض يارب

اختي لا تسكتين على نفسج إذا ما عرفوا شي عنج في مستشفى حمد

الله لا يهينج توكلي على الله وروحي المستشفى الامريكي في تايلند

وسوي فحوصات

والله يشفيج يارب
اللهم اشفها وعافها وعفو عنا وبعد عنها المرض والبلاء يارب

[عزيزوف]

راجعي الدكتور احسن شي لا تاخذين برأي الناس والله يشفيج

[عزتي سمو ذاتي]

ماتشوفين شر إن شاء الله .. أجر وعافيه وربي يشفيك إن شاء الله

أختي دايم المرض يختلف من شخص لثاني حتى لوكان نفس المرض لأن طبيعه الجسم تختلف

الأحسن انك تستشيرين استشاري متخصص .. وتصدقي بنية الشفاء من المرض وكثري من الدعاء


وإن شاء الله هالمرض في ميزان حسناتك يارب

[الأصيلة]

الجرثومة امرها بسيط روحي لدكتور استشاري معده وبيعطيج مضاد...
وكل يوم على الريق اخذي ملعقة عسل مخلوطه بقليل من قشر الرمان الناعم لمدة شهر
وبيتغير الحال...
وأعتقد الدوخة من الأذن الوسطى مب من المعده...
شوفي دكتور اذن وتأكدي...
والله يشفيج ...

[كبير المتداولين]

ألله يشفيج اختي وماتشوفين شر ترى هاي امرها بسيط تروحين الدكتور يوصف لج علاج لها وماتخافين منها وايد نفس التقرحات بسيطه ان شاء الله

[الغالي!]

الله يشفيج واجروعافيه

[باسكن روبنز]

الله يشافيج يالطيبه ،

[بومحمد]

السلام عليكم

ماتشوفين شر أختي أولا

بالنسبة للجرثومة أنا لحد الحين أعاني منها واسمها بالمصطلح الطبي ( H pailory )

لكن الحمدلله افضل بكثير من السابق ..

العلاج

راح تخضعين إلى كورسات علاج من مضادات حيوية تمتد من شهر إلى 3 أشهر ( حسب

استجابتك للعلاج طبعا )

تجربة

من مروري بهذه المشكلة واللي الحمدلله الله شافاني منها تعلمت عدة أشياء

1 - عدم شرب السوائل الحامضة والتي تزيد من هيجان الجرثومة وثباتها

2 - الإبتعاد عن جميع أنواع المأكولات الدهنية

3 - بعض أنواع الخضار مثل الطماطم والتي تعد وجبة رئيسية للجرثومة

4 - عدم التهاون في المشكلة مما سيسبب لك التهابا مزمنا في اللوزتين بسبب ارجاع

الحامض من المعده إليها أثناء النوم

نصيحة

انصحك أختي الكريمة بالذهاب إلى دكتور ( أحمد حندوسة ) في مستشفى مغربي اللي جنب

المستشفى الأهلي ..

والشافي الله سبحانه أولا وأخيرا

[ام ريان]

انا صادتني وتوني من شهرين صرت اوك
وانا كان عندي التهاب جرثومي حاد تميت اتعالج منه 4 سنين والله
لو زادت عليكي بيتصيرين ترجعين كل شي تاكلينه حتى الماي بترجعينه
بس انتي روح للمستشفى قبل لاتزيد الحاله عندك واطلبي من الدكتور تسوين منظار للمعده ومن خلاله ببين اللي في معدتك وبيعطيك حبوب وبعدها بشهر بترجع نفس اول واحسن ان شاء الله

وماتشوفين شر

[عضو قديم]

الجرثومة صادت واحد من الشباب وعالجها بالثوم الله وكيلك ريحته فايحه بس اسميك ان الثوم قضى على الجرثومة كل اللي عليك تسوية انك تقطع حبه ثوم قطع صغيرة كلش وعلى الريق مع قلاص ماي وامورك سهالات

[الصريحه]

الله يشفيك

[ال عمدهـ]

الدكتور / حمدي >> دكتور باطنيه

في مركز الجزيرة الطبي

وانصحج تمرين عليه وتسوين الفحوصات عندهـ

وعسا الله يشفيج اختي

[ليــــــان]

ماقصرتوااا كلكم
بس حد صاده مثلي يحس انه اذا مشى مش متزن ولا لا هاي الي مضايقني ورحت دكتور اذن قال مافيج شي وحاليا اتعالج عند حمدي
بس انا سوالي عن الاعراض هل تروح ولا لا

[ليــــــان]

انصحك أختي الكريمة بالذهاب إلى دكتور ( أحمد حندوسة ) في مستشفى مغربي اللي جنب

المستشفى الأهلي ..

والشافي الله سبحانه أولا وأخيرا

اخوي ليش حندوسه عن شنو اروح له حق الاذن قصدك

[ليــــــان]

السلام عليكم

ماتشوفين شر أختي أولا

بالنسبة للجرثومة أنا لحد الحين أعاني منها واسمها بالمصطلح الطبي ( h pailory )

لكن الحمدلله افضل بكثير من السابق ..

العلاج

راح تخضعين إلى كورسات علاج من مضادات حيوية تمتد من شهر إلى 3 أشهر ( حسب

استجابتك للعلاج طبعا )

تجربة

من مروري بهذه المشكلة واللي الحمدلله الله شافاني منها تعلمت عدة أشياء

1 - عدم شرب السوائل الحامضة والتي تزيد من هيجان الجرثومة وثباتها

2 - الإبتعاد عن جميع أنواع المأكولات الدهنية

3 - بعض أنواع الخضار مثل الطماطم والتي تعد وجبة رئيسية للجرثومة

4 - عدم التهاون في المشكلة مما سيسبب لك التهابا مزمنا في اللوزتين بسبب ارجاع

الحامض من المعده إليها أثناء النوم

نصيحة

انصحك أختي الكريمة بالذهاب إلى دكتور ( أحمد حندوسة ) في مستشفى مغربي اللي جنب

المستشفى الأهلي ..

والشافي الله سبحانه أولا وأخيرا

اخووووي شتقصد حندوسه انه اروح له عشان الدوخه وعدم الاتزان
انا اراجع عند الجفيري وقالي ماعندج شي بس اكثر الناس الي صادتهم الجرثومه قالوا انه صادهم الدوخه وانه تروح وترجع لهم

[نااااني]

الله يشافيج انا جاتني هالحاله وانا حامل الم فضيع وارجع حتى الماي المهم قلت وحام لكن استمر وانا بالشهر السابع ورحت للمستشفى ورقدوني وما فيه فايده لاني وقتها كنت حامل فرحت عند واحد في ام صلال عماني قال لي انتي فيج بوصفار تخيلي حملت وانا وزني 60 ويوم ربيت صار وزني 50 وبعد علاجه وانا الحمدالله بخير مع الوسواس والدوخه حتى وانا راقده دوخه فضيعه......
الحمد الله على كل حااااااااااااااااااال............

[بوخالد911]

الله يشفي كل مريض

[الماريّة]

الله يشفيج يارب ويحفظج من كل سوء

ويشفي كل مسلم يارب

[ام ريان]

الاعراض كلها بتروح والدوخه شي عادي
انا كنت نفسك ماكان في توازن بالجسم ابد ودايم تحسين بخمول من التعب

[qzero555]

الله يشفيج واجروعافيه

[بومحمد]

اخووووي شتقصد حندوسه انه اروح له عشان الدوخه وعدم الاتزان
انا اراجع عند الجفيري وقالي ماعندج شي بس اكثر الناس الي صادتهم الجرثومه قالوا انه صادهم الدوخه وانه تروح وترجع لهم

أختي لأن هذا استشاري أنف وأذن وحنجره وهو راح يقولج من ايش الدوخه

[لجونة]

أختي أنا مريت بنفس حالتك ورحت عند الدكتور عبد الحكيم الطبيب بمستشفى حمد سوالي منظار للمعدة وأعطاني مضادات حيوية لمدة شهر والحين الحمدالله تحسنت حالتي كثير ...الله يشفيك

[الســـهم]

ماتشوفين شر اختي ..

اخوي معاه الجرثومة من 4 سنوات او اكثر , الحمدلله تحسنت حالته كثير عن السابق ، والفضل لله سبحانه وتعالى وللدكتور محمد امين زبيب ، وذلك بعد عدة تجارب مع دكاترة قطر ..

[غزوله]

الله يشفيج يارب

توكلي على الله ولا توسوسيين
والدوخه احتمال كبير تكون من الاذن الوسطى لان كل اللي حسو بعدم توازن بالجسم بالاخير طلع الالتهاب بالاذن الوسطى

وجعلج ماتشوفين شر يارب

[روح الاطلس]

خلصي كورس العلاج كامل مثل ما الدكتور قال لج

وبعدين بتعرفين لو الدوخة من الجرثومة او سبب ثاني

بس دامج الحين في فترة العلاج صعب تعرفين

[المضعد]

حبيبتي روحي عند دكتور متخصص
والوسواس يزيد المرض ابتعدي عنه
وسبحانه هو الي بيشفيج
ودوري على العلاج عند الدكاتره
وارقى نفسج

[الوان]

انا احس بكل الاعراض اللي وصفتيها

اهمها تعب و ضيقه و صداع و دوخه

يوم فحصت طلع ان عندي فيتامين د ناقص بدرجه خطيره

اما المعده علاجها شي واحد و سهل

كل يوم على الريج اشربي عسل مخلوط مع ماي لمدة اسبوعين الى شهر و شوفي النتيجه

ما يحتاي تشربين وايد كفايه تشربين قد فنجال القهوه ماي دافي + ملعقة عسل

و هذي الطريقه مأخوذه من الطب النبوي

[خزامئ]

اللة يشفبش
روحي حق الدكتور حمدي في مستوصف الجزيرة دكتور ممتاز

[المنسى]

أختي الموضوع بأذن الله بسيط وله أن شاء علاج أنصحك بالدكتور حمدي في مستوصف الجزيره وبتدعين لي

[المليونير الفقير]

ماتشوفين شر اختي ..

اخوي معاه الجرثومة من 4 سنوات او اكثر , الحمدلله تحسنت حالته كثير عن السابق ، والفضل لله سبحانه وتعالى وللدكتور محمد امين زبيب ، وذلك بعد عدة تجارب مع دكاترة قطر ..

اخوي السهم كلامك صحيح هاذا الدكتور الوحيد لعلاج هالحاله اتصدق انا رحت لكل الدكاتره والمستشفيات والعيادات الي فالدوحه ورحت تايلند والامريكي الي فدبي والتخصصي الي فجده تدري معالجني من بعد الله سبحانه ثم هالدكتور وطبعا انا دفعت بلاوي على هالمستشفيات وهالدكاتره واحد منهم دفعني3000:eek5:هههه وهو الدكتور حمدي الي فمستشفى الجزيره الله يذكره بالخير مايعرف الا سمك الجدار فالمعده:nice: المهم الدكتور محمد زبيب ممتاز جدا وانصح الجميع به وطبعا عن تجربه وعندك اخوه الدكتور غازي زبيب فنفس العياده اذن وانف وحنجره ايضا ممتاز وكلها 250 ريال وانشالله ماتروح لغيره:)

[مسك روز]

انا بعد كانت عندي جرثومه في المعده
والدوخه سببها الجرثومه ، بعد ماتشفين بتخف وايد

واذكر الدكتور نبهني على اكل السلطه في المطاعم قالي تحملي تاكلين سلطه في مطعم ، لان المطاعم ماتنظف الخس عدل ويكون فيه تراب احنا ساعات مانشوفه لان السلطه مقطعه ..

عطاني مضاد حيوي 3 شهور والحين الحمدالله :)

الله يشفيج اختي، وترى الوسواس يزيد المرض

[حقيقه]

الله يعينتس

الصراحه المعده ملوعه كبود العالم

وهالاعراض اللي تعانين منها صايده كل مرضى المعده

[متسلف وفي الاخير]

ماتشوفين شر إن شاء الله .. أجر وعافيه وربي يشفيك إن شاء الله

عصير ليمون يقتل الجرثومه والبصل والثوم كثري منه وسوي رياضه ولا عليج من الادويه والكيماويات ابتعدي عنها واكلي تمر ولا عليج شر

[حقيقه]

ماتشوفين شر إن شاء الله .. أجر وعافيه وربي يشفيك إن شاء الله

عصير ليمون يقتل الجرثومه والبصل والثوم كثري منه وسوي رياضه ولا عليج من الادويه والكيماويات ابتعدي عنها واكلي تمر ولا عليج شر



يعني عصير الليمون والبصل والثوم عن تجربه انت تنصحها فيه؟؟؟

الليمون والبصل والثوم يهيج المعده وبتتعب اكثر هذا عن تجربتي

[العساس]

حاولي تغيرين جو
لان العزلة والانطواء هي الي تزيد من حالتك
وستخدمي الدوء ونسي موضوع الجرثومه
لاني كثير من الناس الي اعرفهم يعانون منها
ولكن لاتظهر عليهم علامات القلق
اذكري الله
تعوذي من ابليس
انتظمي بالدواء
وجعلي عندك يقين ان الله هو الشافي

اسال الله العظيم رب العرش العظيم ان يشفيك.

[بوخالد الذيب]

السلام عليكم

ماتشوفين شر أختي أولا

بالنسبة للجرثومة أنا لحد الحين أعاني منها واسمها بالمصطلح الطبي ( H pailory )

لكن الحمدلله افضل بكثير من السابق ..

العلاج

راح تخضعين إلى كورسات علاج من مضادات حيوية تمتد من شهر إلى 3 أشهر ( حسب

استجابتك للعلاج طبعا )

تجربة

من مروري بهذه المشكلة واللي الحمدلله الله شافاني منها تعلمت عدة أشياء

1 - عدم شرب السوائل الحامضة والتي تزيد من هيجان الجرثومة وثباتها

2 - الإبتعاد عن جميع أنواع المأكولات الدهنية

3 - بعض أنواع الخضار مثل الطماطم والتي تعد وجبة رئيسية للجرثومة

4 - عدم التهاون في المشكلة مما سيسبب لك التهابا مزمنا في اللوزتين بسبب ارجاع

الحامض من المعده إليها أثناء النوم

نصيحة

انصحك أختي الكريمة بالذهاب إلى دكتور ( أحمد حندوسة ) في مستشفى مغربي اللي جنب

المستشفى الأهلي ..

والشافي الله سبحانه أولا وأخيرا

:nice::nice::nice:

صدق اخوي بومحمد في كل ماقاله

انا تعالجت عند الدكتور العمادي

وكل شي صار تمام بأمر الله

وماتشوفين شر وترى الدعوى سهالات لاتهتمين وتوسوسين

ابشري ان شاء الله بالعافيه

[المرحب]

ماتشوفين شر

وأجر وعافية إن شاء الله

[بولينجر]

ما تشوفين شر والله يشافيج....

[ليــــــان]

الله يعطيكم العافيه ويبعد عنكم كل سوء
انا حاليا اتعالج عند الدكتور حمدي وكملت الحين معاه الشهر الثاني ومعطيني كبسوله اكلها قبل الاكل بربع ساعه لحمايه المعده وماعطاني مضادات والحين راجعته قالي خليج على نفس الكبسوله وراجعيني وقالي الجرثومه راحت بس اللوعه ذابحتني حتى من الماي ونزلت 10 كيلو في شهر قال ماعنده حل لها الشي انتي غصبي نفسج على الاكل

[المليونير الفقير]

الله يعطيكم العافيه ويبعد عنكم كل سوء
انا حاليا اتعالج عند الدكتور حمدي وكملت الحين معاه الشهر الثاني ومعطيني كبسوله اكلها قبل الاكل بربع ساعه لحمايه المعده وماعطاني مضادات والحين راجعته قالي خليج على نفس الكبسوله وراجعيني وقالي الجرثومه راحت بس اللوعه ذابحتني حتى من الماي ونزلت 10 كيلو في شهر قال ماعنده حل لها الشي انتي غصبي نفسج على الاكل

نصيحه من اخو غيري الدكتور حمدي لاني مجربه ماعنده الا كلام وتفكيره مادي وللعلم عليه شكاوي وايد وتاكدي من حمد الطبيه انصحج روحي حق الدكتور محمد زبيب وانتي بتدعيلي

[ام العيال]

ما تشوفين شر اختي بس احسنلج تروحين تشوفين دكتور اذن وحجرة مثل ما قالوا الاخوان وفي نفس الوقت سوي فحص دم احتمال يكون عندج انيميا

[البيرق]

الجرثومة امرها بسيط روحي لدكتور استشاري معده وبيعطيج مضاد...
وكل يوم على الريق اخذي ملعقة عسل مخلوطه بقليل من قشر الرمان الناعم لمدة شهر
وبيتغير الحال...
وأعتقد الدوخة من الأذن الوسطى مب من المعده...
شوفي دكتور اذن وتأكدي...
والله يشفيج ...

تأثير التهابات القولون يسبب الدوخة
نعم مضاد وبعد كم شهر ينعاد المضاد وبأذن الله تكونين بخير وان كان المسبب الاذن بيروح بالمضاد
ومن ثم وخلال العلاج بالمضاد علاج العسل
والامتناع عن البروتينات الحيوانية (نباتي 100%) والحليب والبيض والاسماك (حاليا وعقب العلاج المضاد)
وبأذن الله تروح الدوخة بعد اسبوع فقط واستمري بالعلاج هذا ان امكن ل3 اشهر(الامتناع عن البروتينات الحيوانية) وبتشوفين نشاط غريب وعقبها نشوف ردج وبأذن الله افضل حال

[مسك روز]

الله يعطيكم العافيه ويبعد عنكم كل سوء
انا حاليا اتعالج عند الدكتور حمدي وكملت الحين معاه الشهر الثاني ومعطيني كبسوله اكلها قبل الاكل بربع ساعه لحمايه المعده وماعطاني مضادات والحين راجعته قالي خليج على نفس الكبسوله وراجعيني وقالي الجرثومه راحت بس اللوعه ذابحتني حتى من الماي ونزلت 10 كيلو في شهر قال ماعنده حل لها الشي انتي غصبي نفسج على الاكل

غريبه شلون ماعطاج مضادات !!!

هاي شكله يبي يأخر في العلاج عشان يستفيد اكثر ..

انا تعالجت عند دكتوره في مركز منصور الطبي وعند العمادي وكلهم عطوني مضاد

ومعروف ان الجرثومه ماتروح الا بالمضاد

انصحج تروحين حق الدكتور محمد العمادي

لانه تخصص بالجهاز الهضمي وعنده خبره طويله بهالمجال ..

وماتشوفين شر حبيبتي

[هداف]

ماتشوفين شر بس شلون شخص لج المرض وانج مصابه بجرثومه !!

هل عمل لج فحص دم ؟ !! لان الاعراض اللي قلتيها ممكن تحصل لمرضى قرحة المعده وايضا لمرضى
القولون العصبي ؟ !!

هل عملتي فحص دم ومنظار وبعدها شخص الحاله ؟

بعدين لا تخافين من الدوخه والوهن العام والتعب لانج ما تاكلين ونازله عشره كيلو في شهر !! اكيد
ان تغذيتج ضعيفه وغير سليمه وعليه عندج نقص في الفيتامينات وبعض العناصر الاخرى وهذا كله
يسبب دوخه ووهن عام وتعب !!


ونصيحه روحي للدكتور الاستشاري محمد امين زبيب

[حياة]

انا ماقريت الا الصفحه الاولى بس وحبيت انصحج قبل مااكمل قراءه باقي الصفحات لاني اعاني من زمان
نفس ماقالو لج الاعضاء لازم تاخذين علاجها
اما الدوخه انا بقولج ايش هي اذا ضربت المعده ع الواحد تسحب معاها القولون وتوتره معاها والدوخه وعدم الاتزان كله من القولون ومعاها الم المعده
انا كل هالاعراض تجيني مع اي تعب بسيط في المعده نصيحتي روحي للدكتور شاطر وبالنسبه لي انا اتابع عند الدكتور حمدي في الجزيره

[JN000N]

انا لحين اعاني منها


الله يعينج يختي:(

[JN000N]

انا ماقريت الا الصفحه الاولى بس وحبيت انصحج قبل مااكمل قراءه باقي الصفحات لاني اعاني من زمان
نفس ماقالو لج الاعضاء لازم تاخذين علاجها
اما الدوخه انا بقولج ايش هي اذا ضربت المعده ع الواحد تسحب معاها القولون وتوتره معاها والدوخه وعدم الاتزان كله من القولون ومعاها الم المعده
انا كل هالاعراض تجيني مع اي تعب بسيط في المعده نصيحتي روحي للدكتور شاطر وبالنسبه لي انا اتابع عند الدكتور حمدي في الجزيره




نفسي بالضبط وضارب القولون عندي

وانا عند طارق فالجزيره

[روح الاطلس]

انا ما يقهرني الا اعضاء المنتدى اللي يمدحون حمدي وموصلينه للسماء
ويوم رحنا له من بعد توصية الاعضاء طلع مب استشاري ولا شي

وطارق هو الاستشاري

المهم الشخص اللي راح لحمدي يقول سوا له التراساوند وقال مافيك شي عقب ماصكه بمبلغ وقدره فوق الالف ريال للتراساوند حشى رنين مغناطيسي مب التراساوند

جدا غالي سعره

ويقول ما استفاد من ادويته وتحسف انه راح له على شور الاعضاء

لو رايح لطارق ولا محمد العمادي ناس استشاريه كان افضل

وكان يشتكي نفس الاخت لوعه ونفخه بالبطن وعسر هضم ولما دخل لحمدي على طول قال مافيك جرثومة بدون تحليل فقط التراساوند

[Chanel]

عن جرثومة المعده تعالجت عن دكتور محمد امين زبيب ممتاز ولله الحمد ارتحت بس هالكلام من 10 سنين بس الدوخه مااعتقد من المعده لازم تشوفين دكتور شوفي دكتور حمدي بعد يمدحونه في الجزيره الطبي
والله يشفيك

[ليــــــان]

الله يشفيكم كلكم ويبعد عنكم الامراض ..... وان شاء الله الي شفته مايشوفه حد منكم
الله يحفظكم كلكم ان شاء الله ..... وان شاء الله اخذ بشور الاخوان الي قالوا لي محمد امين الحق على عمري
انا حتى ريحت الاكل صرت ارجع منها .. ودكتور حمدي اخر كلامه قال لي بعطيج حبوب تريحج من الافكار حاجه نفسي يعني حبوب للوسواس خوفني والله اني خفت وخلاني ماارقد من الخوف
عموووما .......عز الله ماقصرتوا الله يوفقكم ويبعد عنكم كل سوء وكل شر .....
ااااااحبكم في الله والله.....
اللهم ارزقنا الغيث ولا تجعلنا من القانطين
ادعوا لي ولكل مسلم في هذه العشر المباركه
الله يحفظكم

[سيزن]

العشرج = الحلول

ماينفع ...؟

[مهل]

متابع للموضوع كوني اعاني من الجرثومه .

ملاحظه: نزلت موضوع مثلج في المنتدى عن الجرثومه و نصحوني بدكتور حمدي و استمريت مع دكتور حمدي فتره طويله ولكن بدون فايده



العشرج = الحلول

ماينفع ...؟

طق لابالله ماينفع يهيج المعده للمريض بالجرثومه بشكل غير طبيعي

[كاشف الغطاء]

انصحج بشرب الماي مع الاكل عشان ينزل

[طبـ الود ـعي]

عسى الله يشافيج اختي اجر وعافيه وماعليج شر عليج بالصدقه ولاتهملين العلاج

اما عن الوسواس لاتوسوسين وتعوذي من الشيطان ومافيج الا العافيه وان شاء الله بيروح

الي فيج

[meme~qatar]

يختي انا بروح افحص
كل الاعراض اللي قلتوها موجودة فيني
الله يستر

[أم غانم]

مَـاعليكم شر إن شاء الله خَـواتي

ليـان و Meme ..


الوالد صادته جرثومة المعدة وكان علاجه مضاد حيوي " كبسولات " عند دكتور قطري

في مستشفى حمد .. بس وصفها له من صيدلية خارجية لآن سعرها مايسمح بصرفها من صيدلية مستشفى

حمد ..

نفسها ممكن يوصفها لج الدكتور حمد العذبة إستشاري أمراض المعدة والبطانية في المستشفى الأهلي

والشهادة لله .. تعاملت مع الدكتور وعلاجة ممتاز ..


لاتوسوسين بشي ..خلي أملج بالله قوي وإنه بيشفيج قبل العلاج وكل شي ..


أستمري على علاجج ولاتنسين " ماي زمزم " ..

[meme~qatar]

مَـاعليكم شر إن شاء الله خَـواتي

ليـان و meme ..


الوالد صادته جرثومة المعدة وكان علاجه مضاد حيوي " كبسولات " عند دكتور قطري

في مستشفى حمد .. بس وصفها له من صيدلية خارجية لآن سعرها مايسمح بصرفها من صيدلية مستشفى

حمد ..

نفسها ممكن يوصفها لج الدكتور حمد العذبة إستشاري أمراض المعدة والبطانية في المستشفى الأهلي

والشهادة لله .. تعاملت مع الدكتور وعلاجة ممتاز ..


لاتوسوسين بشي ..خلي أملج بالله قوي وإنه بيشفيج قبل العلاج وكل شي ..


أستمري على علاجج ولاتنسين " ماي زمزم " ..

شكرا ام غانم الغالية
في ميزان حسناتج

[سهم المراقيب]

صديق عزيز أصابه نفس المرض وتعب تعب شديد العام الفائت والحمدلله تعالج في مستشفى الخور ,, فأنصحكم تروحون لنفس المستشفى ,, ما تشوفون شر ,,

[latty]

السلام عليكم
تكفون ابيكم تساعدوني
انا صادتني جرثومة المعده اللعينه وسببت لي اشياء عمري ماكنت اتوقعها خوف وتفكير ووسواس اعوذ بالله ....واكثر شي مضايقني الدوخه احس اذا امشي ان جسمي مش متزن كاني باطيح مما سبب لي حاله صعبه ماقمت احب اطلع ولا اروح ولا شي ارجوووووكم الي صاده مثلي وعقب خف عنه اوصادته نفس الاعراض تكفون لاتخلوني ....الي مضيق علي اني احس بهالدوخه وهاي الي مضيق علي من مثلي وهل راح منه هالشي ولا لا تكفووووون طلبتكم ساعدوني

اي صح هذه اعراضها وتحسين انتفاخ بالبطن ومره اسهال ومره امساك وتعب ونوم ولا تحسين بطاقه عندك

الحل بسيط كورس للجرثومه مدته اسبوع او عشرة ايام مع مكمل لمدة شهر وباذن الله تشفين لكن على شرط اي اكل فاست فووود مافيه والا ترجع لك مره اخرى


كله من المطاعم والاكل اللي مب نظيف

توجهي للمركز اللي تتعالجين فيه وباذن الله الشفاء نصيبك

[الجووري]

الله يشفيج وماتشوفين شر ان شاءالله

[خفوق]

اول شي ماتشوفين شر
ثاني شي ليش ماتشربين سنا مكه اللي هو العشرج مذكور في الطب النبوي

والرسول صلى الله عليه وسلم قال :
"عليكم بالسنا و السنوت فإن فيهما شفاء من كل داء إلا السام و هو الموت "



أجر وعافيه ان شاء الله

[نااااني]

يا اختي انصحج بالعماني اعراضك نفس اعراضي تعرفين شو بيسوي لج بيفرك اذونك بالكركم وتشربين منه شوي مده ثلاث ايام هذا اذا كان موجود والله اني تعبت وما شي نفعني الا الله ثم العماني ما كنت احب ريحه الاكل حتى الماي ارجعه...
والحين الحمد الله اموري تمام....

[مهل]

يا اختي انصحج بالعماني اعراضك نفس اعراضي تعرفين شو بيسوي لج بيفرك اذونك بالكركم وتشربين منه شوي مده ثلاث ايام هذا اذا كان موجود والله اني تعبت وما شي نفعني الا الله ثم العماني ما كنت احب ريحه الاكل حتى الماي ارجعه...
والحين الحمد الله اموري تمام....

ممكن تفاصيل لو سمحتي .. من العماني و كيف يعالج ؟