إمرأة في صالون رجالي !!!!!! .

[السهم الشمالي]

http://upload.wikimedia.org/wikipedia/commons/2/2e/Exclamation_mark_red.png

السلام عليكم ورحمة الله وبركاته ، وبعد .
سوف أطرح قضية ليست للنقاش وذلك لقناعتي التامة بأن التصرف الذي قامت به تلك المرأة كان خطأ مئه بالمئه ، والغرض من الطرح من باب الإنكار والتذكير بأن هذا خطأ كبير .
سوف أدخل في صلب الموضوع مباشرة .
تفاجئت يوم أمس بعد صلاة الظهر مباشرة وأثناء تواجدي في صالون رجالي وأفراد طاقمه من الأتراك وإذا بدخول إمرأة منقبه ومعها طفلتان أعتقد بأن أعمارهن فوق العشرة سنوات ، والغرض من الدخول هو لحلاقة أقصد لقص شعر إحداهن ، وبعد جلوس البنت الصغيرة بدأت الأم بالحديث مع الأخرى وبصوت مسموع وبكل حرية ولم يكن الحديث بالضروري وإنما تبادلتا أحاديث عادية (((يعني سوالف))) الله يستر عليها وعلى بناتها ويحفظهم من كل شر .

سؤال لأخواتي الفاضلات لماذا لم تذهب الأخت إلى كوافيرة خاصة بالنساء ؟
طبعاً السؤال ليس من باب تنقيص قدر أخواتي الفاضلات ولكن لربما لديهن وجهة نظر لانعرفها نحن الرجال أو تبرير مع كل أحترامي لهن .

والكثير من أهل العلم نبه بضرورة ومن باب الإحتياط في حالة المرض عدم عرض المريضة على دتكور في حالة وجود دكتوره متخصصه فما بالكم في صالون والله مكثر الصوالين النسائية حتى ولو كانت طفلة والقصد دخول المرأة للصالون وبدل تربية الطفلة على الحياء من الرجال هذا التصرف يجعل التعامل مع الرجال مستبقلاً عادي ....الخ .

[وطن]

غريب جدا !!
ليش ماراحت صالون ؟
وشلون اصلا تخلي رجال يقص شعر بنتها وهي منقبه !! لو افترضنا نقابها عن دين !!

اصلا شلون الحلاق سمح لهم يدخلون ويسوي شعر البنت !!

[الأصيلة]

أنا اعرف ان أغلب الحلاقين عندهم قسم خاص منفصل للأطفال ..
يعني عادي لما تودي عيالها الأولاد أقصد..
لكن مستحيل تقعد بالمكان اللي يقعدون فيه الرجال...

[مناحي السادس عشر]

قلنا قبل لانه سبع البرومبه (الزوج ,الاب) مايدري عن مسؤولياته الزوجيه ولا الاسريه
يا طالع او مسافر او بالبر او البحر و و و و و
هذا اللي خلاها تروح لحلاق رجالي
واجد هالمنظر شفناه قبل
والله يعين الجميع

[عزتي سمو ذاتي]

غريب تصرفها بصراحة .. في صالونات كثيرة متخصصه للأطفال

والصالونات النسائية اغلبها تقص شعر البنات الصغار حتى لوكان ولد يقصون له
بصراحة ماعندي رد على هالموقف .. بس الحريم الله يهديهم ويستر عليهم يـارب
صاروا يدخلون كل مكان الحياء شعره لنقطعت هالشعره راح الحياء كله ..الله يهديهم بس

[asadfg]

انا ها المنظر مار علي شكثر خاصه بالحلاق الي احلق عنده

طبعن بعض الحريم الله يستر عليهم يبين من الحركات قطه الويه على الاتراك عيني عينك

الله كريم

كل شي عيب اشوف صار عادي ها الزمن الكل صار يجاهر كنه شي عادي الله يصلح الكل

[الأصيلة]

قلنا قبل لانه سبع البرومبه (الزوج ,الاب) مايدري عن مسؤولياته الزوجيه ولا الاسريه
يا طالع او مسافر او بالبر او البحر و و و و و
هذا اللي خلاها تروح لحلاق رجالي
واجد هالمنظر شفناه قبل
والله يعين الجميع

لاتظلم بختك يا مناحي
يمكن يكون متوفي أو منفصلة عنه..
ترى مشاكل الناس كثيرة مايعلم بها الا الله...

[مناحي السادس عشر]

أنا اعرف ان أغلب الحلاقين عندهم قسم خاص منفصل للأطفال ..
يعني عادي لما تودي عيالها الأولاد أقصد..
لكن مستحيل تقعد بالمكان اللي يقعدون فيه الرجال...

اسمحيلي الاصيله اقولك انه مو عادي نهائيا
ومن قال لك انه فيه قسم رجالي ونسائي بصالون للرجال
اصلا مالها مجال تقعد هي بتوقف جنب الولد عند كرسي الحلاقه
والشباب ورى عالكراسي ينطرون الدور :)

[بوخالد911]

واشووف بعد ان بعض الامهات ينتظرون عيالهم وهم بالسيارة
بس ما يدخلون الصالون

[عزتي سمو ذاتي]

قلنا قبل لانه سبع البرومبه (الزوج ,الاب) مايدري عن مسؤولياته الزوجيه ولا الاسريه
يا طالع او مسافر او بالبر او البحر و و و و و
هذا اللي خلاها تروح لحلاق رجالي
واجد هالمنظر شفناه قبل
والله يعين الجميع


أخوي حتى لوالزوج مايدري عن مسؤولياته ولاهي بحياته

بس هالشي مايسمح لها تدخل بمكان مخصص للرجال وفي بديل

الحين كل المجمعات التجارية فيها صالونات متخصصة للأطفال

والصالونات النسائية تقص شعور الأطفال حتى لوكانوا أولاد يعني ماعندها عذر تدخل
صالون رجال حتى لوكانت منقبة ومحترمة وفي حالها .. معروف الحلاق خاص بالرجال

[اسايرها تعاندني]

والله اشوف الموضوع عادي دام في مكان عام وثاني شي شدخل صالون نساء بحلاقة اطفال وثاني شي انت تدري ان صالون النساء ياخذ وقت
واللي يذكر صالون الاطفال انتوا تدرون كم اسعار حلاقة الاطفال غالية على الفاضي يعني ماتدرون عن الام اللي تحلق لطفلها يعني اكيد ما راحت هالمكان الا ما عندها امكانية تحلق ولدها بصالون اطفال بمجمع من المجمعات
واكيد البنت ما ودت الطفل للصالون الا ما عنده رجال او لظروفه تعجزه عن اخذ طفله للحلاقة

اود ان لا ياخذ الموضوع اكبر من حجمه لان موضوع مب جديد

[مناحي السادس عشر]

لاتظلم بختك يا مناحي
يمكن يكون متوفي أو منفصلة عنه..
ترى مشاكل الناس كثيرة مايعلم بها الا الله...

ماظلمت حد
والله يبعدني عن الظلم
اللي مالها والي عذرها معها
حنا موضوعنا مو عن الارمله او المطلقه اختي
انا اتكلم عن اللي زوجها حي يرزق وبصحته يا عزيزتي

[شبح الصمت]

يمكن اهي راعية الصالوون


والا اقول خلونا ساكتين احسن

الله يستر عليهم ويحفظهم

:anger1::anger1::anger1::anger1:

[مناحي السادس عشر]

أخوي حتى لوالزوج مايدري عن مسؤولياته ولاهي بحياته

بس هالشي مايسمح لها تدخل بمكان مخصص للرجال وفي بديل

الحين كل المجمعات التجارية فيها صالونات متخصصة للأطفال

والصالونات النسائية تقص شعور الأطفال حتى لوكانوا أولاد يعني ماعندها عذر تدخل
صالون رجال حتى لوكانت منقبة ومحترمة وفي حالها .. معروف الحلاق خاص بالرجال

طيب انا معك ماقلت شي
ضد هالشي وبعنف
حبيبي والله يا عزتي

[G0LD]

لاحظت في الاونه الاخيره نفس ماذكر بالموضوع

وتفاجأت كذلك -


السوؤال

هل تلك المرأه لاحسيب ولا رقيب لها ؟

هل تصرفها بعدم وجود من يرشدها او عدم وجود رب اسره صارم ؟


هل قلة صالونات الحريم - والي نشوفه صالون الحريم بكثره عندنا واكثر مماتتخيلوا !!



هذه المرأه الله الي يعلم بظروفها - لكن تصرفها سئ جداااا

واتوقع تلك المرأه لابسه الزي فقط والى هي من وراء البحار وليس من هذه الارض


شكرا

[السهم الشمالي]

ياأخواني وأخواتي

شاكر لكم المداخلة لكن ملاحظه لبعض الأخوات

الأخت جائت تحلق بناتها مش أولادها .

[شبح الصمت]

ياأخواني وأخواتي

شاكر لكم المداخلة لكن ملاحظه لبعض الأخوات

الأخت جائت تحلق بناتها مش أولادها .

اخوي صراحة شاقول لك

بنات اشدخلهم في الحلاق التركي اشدخلهم من الاساس

بنات ياخي تخلي شعورهم بنيه ذيه

لو ولد بنقول نزلته حتى لو تمت عند الباب تنطره لا تدخل الحلاق إذا أهي محتده ومحد لها محدن يعرف ظروفها !!

بس اسمحي لي والله الاتراك انا اعرفهم عدل ما يخلون وحده فيها حالة الا من رحم ربي منهم والا البقيه

من تمر بنت نقزت عيونهم عليها ..

استغفر الله العظيم خلنا ساكتين والله قهر قهر
:anger1::anger1::anger1:

[الغالي!]

يمكن ماعندها افلوس لصالون وراحت حلاق الحلاقه فيه ماتتعدى 30 ريال والصالون بياخذ تقريبا 600اريال
اعتقد علشان ارخص والله اعلم

[باسكن روبنز]

آتوقع وبكل بساطه آنها قحيه ،:secret:
الكوافيره بتاخذ مئات والحلاق كلها 20 ريال ،


الله يستر لايطمعون الآتراك ويرفعون الأسعار علينا ،

[عزتي سمو ذاتي]

يمكن ماعندها افلوس لصالون وراحت حلاق الحلاقه فيه ماتتعدى 30 ريال والصالون بياخذ تقريبا 600اريال
اعتقد علشان ارخص والله اعلم



بعد موعذر انها تدخل صالون رجالي في صالونات كثيرة اسعارها رخيصة

وحتى لوكان هذا عذرها اشدعوه ماعندها زوج ، ولد ، أخو ، أبو ، عم ، خال

ولوقلنا كلش كلش ماعندها أحد اعتقد الحلاق يقدر يروح لها لين البيت .. اللي يبي الشي راح يسويه في ألف طريقة

[الصريحه]

معاك حق
الله يهدي الجميع

[كازانوفا]

كلن له عذره
سبحان الله تكلمتو عن الاختلاط اللى قدام الناس وتركتو .....

[مساهم عادي]

هالشي عادي ... وصار جدامي مرات كثيرة ....ومب في هالأيام بس ..حتى ايام قبل .... كثير من الأمهات يودون عيالهم الحلاق بنفسهم ....

[مناحي السادس عشر]

اخوي صراحة شاقول لك

بنات اشدخلهم في الحلاق التركي اشدخلهم من الاساس

بنات ياخي تخلي شعورهم بنيه ذيه

لو ولد بنقول نزلته حتى لو تمت عند الباب تنطره لا تدخل الحلاق إذا أهي محتده ومحد لها محدن يعرف ظروفها !!

بس اسمحي لي والله الاتراك انا اعرفهم عدل ما يخلون وحده فيها حالة الا من رحم ربي منهم والا البقيه

من تمر بنت نقزت عيونهم عليها ..

استغفر الله العظيم خلنا ساكتين والله قهر قهر
:anger1::anger1::anger1:


على طاري الاتراك يا شبح
اذا تذكر مطعم كان موجود بشارع النصر اللي يشتغلون بالمطعم كله واقفين برى تدري ليش
بحكم ان هالشارع تحديدا يمرون فيه نساء واجد من اسيا واللبس نص نص
فالاتراك هذول مصيبه

[missperfect]

يمكن قصة هالحلاق يمدوحنه يمكن ايده فيها بركة :telephone:

إلا أكيد ماراحت الحلاق إلا لأن سعر الحلاق بوااااايد أرخص من الصالونات الي مبالغ بأسعارهم ولاحد راضي يوقفهم عند حدهم ،، وهي المره على قد حالها عادي اشفيها دام إنها محترمة نفسها وقاعده والله :omen2:
لازم يسون من الحبه ....

[شبح الصمت]

اخوي احنا نشوف الحريم في صلونات حلاقه وايد عندك الي عند دسمان في الغرافة عندك الي في الستي سنتر عندك الي في حياة بلازا

ياخي ذولي فلبينين مالهم خص ولا يجونهم شباب يحلقون !!!

بس مكان وحلاق شباب وتجي مع عيالها صراحة اش عذرها !!!

وما اتوقع انه بيحلق له برخص يوبه احنا الشعر يضرب علينا 20 ريال

هي بنت ما اتوقع خذ منها نفسنا

[شبح الصمت]

عيل خلاص انا بودي عيالي صالون نسائي وبدخلهم داخل !!!


وعذري والله شعر ولدي حلوو ومابي الحلاق يخربه ابي وحده من البنات تسويه له !!


هل بيوافقون على هالشيء !!!!


عذري مرتي محد مسافره والا مب موجودة !!!

ابي رد من الاخوات راح توافقون يتواجد رجال من بينكم في صالون حريمي !!!

[الوحداني]

اخوي صراحة شاقول لك

بنات اشدخلهم في الحلاق التركي اشدخلهم من الاساس

بنات ياخي تخلي شعورهم بنيه ذيه

لو ولد بنقول نزلته حتى لو تمت عند الباب تنطره لا تدخل الحلاق إذا أهي محتده ومحد لها محدن يعرف ظروفها !!

بس اسمحي لي والله الاتراك انا اعرفهم عدل ما يخلون وحده فيها حالة الا من رحم ربي منهم والا البقيه

من تمر بنت نقزت عيونهم عليها ..

استغفر الله العظيم خلنا ساكتين والله قهر قهر
:anger1::anger1::anger1:
الكلام الي بالاحمر
اتوقع العكس صحيح

بعدين مثل مالحريم لهم حق يدخلون صالونات الرجال بعد احنا لنا حق ندخل صالونات الحريم
بشرط ان الرجال الي بيدخل يتلثم عشان مايشوفونه الحريم
لحد يصدق

وانا شوف الاتراك ماشالله عليهم كل واحد احلا من الثاني الي مضبط زلفه ولي مضبط سكسوكته ولي مضبط شعره كل واحد يسوي روحه انه هو احلا من مهند :tease:
بس شي واحد ناقصهم ؟يستخدمون ريكسونا مزيل رائحة العرق
لان الصراحه من رفع يدع عشان يحلق يالطيييييييف اطلعت الريحه القاتله :rolleyes2:

[فارس قطر]

http://upload.wikimedia.org/wikipedia/commons/2/2e/exclamation_mark_red.png

السلام عليكم ورحمة الله وبركاته ، وبعد .
سوف أطرح قضية ليست للنقاش وذلك لقناعتي التامة بأن التصرف الذي قامت به تلك المرأة كان خطأ مئه بالمئه ، والغرض من الطرح من باب الإنكار والتذكير بأن هذا خطأ كبير .
سوف أدخل في صلب الموضوع مباشرة .
تفاجئت يوم أمس بعد صلاة الظهر مباشرة وأثناء تواجدي في صالون رجالي وأفراد طاقمه من الأتراك وإذا بدخول إمرأة منقبه ومعها طفلتان أعتقد بأن أعمارهن فوق العشرة سنوات ، والغرض من الدخول هو لحلاقة أقصد لقص شعر إحداهن ، وبعد جلوس البنت الصغيرة بدأت الأم بالحديث مع الأخرى وبصوت مسموع وبكل حرية ولم يكن الحديث بالضروري وإنما تبادلتا أحاديث عادية (((يعني سوالف))) الله يستر عليها وعلى بناتها ويحفظهم من كل شر .

سؤال لأخواتي الفاضلات لماذا لم تذهب الأخت إلى كوافيرة خاصة بالنساء ؟
طبعاً السؤال ليس من باب تنقيص قدر أخواتي الفاضلات ولكن لربما لديهن وجهة نظر لانعرفها نحن الرجال أو تبرير مع كل أحترامي لهن .

والكثير من أهل العلم نبه بضرورة ومن باب الإحتياط في حالة المرض عدم عرض المريضة على دتكور في حالة وجود دكتوره متخصصه فما بالكم في صالون والله مكثر الصوالين النسائية حتى ولو كانت طفلة والقصد دخول المرأة للصالون وبدل تربية الطفلة على الحياء من الرجال هذا التصرف يجعل التعامل مع الرجال مستبقلاً عادي ....الخ .

البنت تروح مع سايق بدون محرم عندنا = عادي
البنت تروح المجمعات وسينما بدون محرم عندنا = عادي
البنت تسافر بدون محرم عندنا =عادي
بنات يساجرون شاليهات بدون محرم عندنا =عادي
بنات مطيحات في الفنادق بدون محرم عندنا=عادي
بنات تشتغل في البنوك والوزارات مختلط مع الرجال
عندنا=عادي
بس توصل انها تدخل عند الحلاق ودق صبع عند الحلاق
هذا لايجوز وعلينا ان نمنع مثل هذة التصرفات

[أم هشام]

والله تصرف غريب
يعني لو معها ولد بتقول عشان تقص لولدها بس بنات
اظن والله اعلم لانه (( ارخص))
الصالونات النسائية اغلى بكثير من الحلاقين الرجال

[Rider]

المحترمه ماتجيب حق نفسها الكلام وللاسف أغلبية النساء في زمننا هذا مايستحون تعالوا شوفوهم عندنا في الدوام يعني فيه مصعد مخصص لهم لكن يركبون في المصعد المخصص للرجال وترى النقاب مب شرط يكون دليل الاحترام والاستقامة يما نساء تتخذ النقاب وسيلة تمويه علشان ماحد يعرفها

[متسلف وفي الاخير]

باختصار واقولها عنز الفريج تحب التيس الغريب افهم يافهيم اشكال رخيصه وهي تتعمد تروح هالاماكن وعينها زايقه بالعربي ياكثر هاللفئه في هالزمن عشنا وشفنا

[الـقـاسـي]

عادي يبه هذي قطر الجديده لازم تتعود ..

[السهم الشمالي]

البنت تروح مع سايق بدون محرم عندنا = عادي
البنت تروح المجمعات وسينما بدون محرم عندنا = عادي
البنت تسافر بدون محرم عندنا =عادي
بنات يساجرون شاليهات بدون محرم عندنا =عادي
بنات مطيحات في الفنادق بدون محرم عندنا=عادي
بنات تشتغل في البنوك والوزارات مختلط مع الرجال
عندنا=عادي
بس توصل انها تدخل عند الحلاق ودق صبع عند الحلاق
هذا لايجوز وعلينا ان نمنع مثل هذة التصرفات[/size]


أخي الكريم
أنا ذكرت موقف صار أمامي وحبيت أطرحه وإذا المواقف اللي ذكرتها أنت صارت عندك ولا شفتها بفسك ليش ماتطرقت لها وطرحتها .
بعدين أنا ماعندي حد ولله الحمد يتصرف هذي التصرفات من هلي لاحد يسافر بروحه ولاغيرة ، ولافيه شي من اللي ذكرته عادي إلا على واحد ماعنده غيرة ولادين .
.

[فارس قطر]

أخي الكريم
أنا ذكرت موقف صار أمامي وحبيت أطرحه وإذا المواقف اللي ذكرتها أنت صارت عندك ولا شفتها بفسك ليش ماتطرقت لها وطرحتها .
بعدين أنا ماعندي حد ولله الحمد يتصرف هذي التصرفات من هلي لاحد يسافر بروحه ولاغيرة ، ولافيه شي من اللي ذكرته عادي إلا على واحد ماعنده غيرة ولادين .
.

:eek5:
:eek5::eek5:
:eek5::eek5::eek5:

[qzero555]

لا حول ولا قوة الا بالله العلي العظيم العيب صار عادي هالايام

[khaldoon]

تذركت الحين سالفة الفلبيني الشاب اللي مغير نفسه و صار مظهره كبنت و يعمل في صالون حلاقة في الستي سنتر و اسم الصالون كيوت كت في الدور الثالث و المحل للاطفال....الحين فيه قسم للحريم في هذا الصالون وممنوع دخول الرجال فايش يضمن لنا ما يدش هذا الرجل على قسم الحريم على اساس انه حرمه لانه ما يبين عليه و الزبونات ما يعرفون هالشي؟؟....ممكن حدا يضمن لنا ما يصير هالشي...مستحيل

[بـــــــنت النوخـّــــذه]

لو معاها صبيان بقول معليه ظروف وحدتهم لهذا الصالون

لكن بنات اهنيه يختلف الرأي 0:omen2: تحملو ياجماعه كل شي الا البنت في يد غريب والله هذي امانه تتحاسبون عليها 0000


بس اهو تصرف خاطئ ولكن شنقول على الاقل افضل من ألي هاملين عيالهم مع الشغاله والدريول الي يودونهم للحلاق ولا الصالون ولا الخياط ولا محل اللعب 000

وما اقدر اتهم المرأه بضعف الوزاع الديني او غياب دور الرجل بل الي اقدر اقوله اهمال ونقص توعيه فقط والله اعلم بالظروف
انزين سؤال : اشدخل النقاب بالموضوع الي قالو منقبه وتودي بناتها ؟؟؟؟؟>>>معليه سؤال فضول:)

والله يهدي الجميع

[باسكن روبنز]

انزين سؤال : اشدخل النقاب بالموضوع الي قالو منقبه وتودي بناتها ؟؟؟؟؟>>>معليه سؤال فضول


المنقبه مثل المطوع ،
المفروض تكون متلزمه آكثـر ،



بسج فضول ،:secret:

[بـــــــنت النوخـّــــذه]

المنقبه مثل المطوع ،
المفروض تكون متلزمه آكثـر ،



بسج فضول ،:secret:

اها يعني الطوع بالمظهر 0000مشكور ومنكم نستفيد عيل بناء على هذا الرد نقدر انقول الي محلق لحيته رجل غير ملتزم ؟؟؟<<<<سؤال فضول آخر ولكن لامانع من تطنيشه :)

[باسكن روبنز]

تذركت الحين سالفة الفلبيني الشاب اللي مغير نفسه و صار مظهره كبنت و يعمل في صالون حلاقة في الستي سنتر و اسم الصالون كيوت كت في الدور الثالث و المحل للاطفال....الحين فيه قسم للحريم في هذا الصالون وممنوع دخول الرجال فايش يضمن لنا ما يدش هذا الرجل على قسم الحريم على اساس انه حرمه لانه ما يبين عليه و الزبونات ما يعرفون هالشي؟؟....ممكن حدا يضمن لنا ما يصير هالشي...مستحيل

يحليله الفلبيني ،
لاتحاتي ياخلدون مافي فرق بين الخوات دام الآخ مؤنث ،:secret:


يصير آلشطه بخيزرانه ،:(

[باسكن روبنز]

اها يعني الطوع بالمظهر 0000مشكور ومنكم نستفيد عيل بناء على هذا الرد نقدر انقول الي محلق لحيته رجل غير ملتزم ؟؟؟<<<<سؤال فضول آخر ولكن لامانع من تطنيشه :)

لا مب شرط ،


والآمثله كثيره من الواقع وآلي شفته شخصياً والعكس بعد حاصل ،
بمعنى الشاب متزقرت وسكسوكه وزلف آخر موديل خخخخ والصلاه بمواعيدها وخرابيط مافي ،:nice:

[وطن]

يمكن ماعندها افلوس لصالون وراحت حلاق الحلاقه فيه ماتتعدى 30 ريال والصالون بياخذ تقريبا 600اريال
اعتقد علشان ارخص والله اعلم

شدعوه 600 ريال ع القص ؟
اي صالون هذا ؟


آتوقع وبكل بساطه آنها قحيه ،:secret:
الكوافيره بتاخذ مئات والحلاق كلها 20 ريال ،


الله يستر لايطمعون الآتراك ويرفعون الأسعار علينا ،

لا اخوي صالونات النساء في منها الغالي ومنها العادي وفي الرخيص بعد
وبالنسبة للأطفال الأسعار تفرق
مو نفس اسعار الكبار

[المضعد]

اخبر اذا في عيال ويهال وايد بالبيت انجيب الحلاق البيت ونحلق لليهال بس صالون ودش شي غريب واصلا ليش دشت دخلت الياهل او البنت وقعدت برا لين تخلص وبعدين صح الكلام الصالونات النسااااااائيه وايد
الله يهدي الجميع يارب

[بـــــــنت النوخـّــــذه]

يمكن ماعندها افلوس لصالون وراحت حلاق الحلاقه فيه ماتتعدى 30 ريال والصالون بياخذ تقريبا 600اريال اعتقد علشان ارخص والله اعلم

:eek5::eek5:

قص شعر بصالون نسائي ب 600 ريال 000لوسمحت ممكن اسم الصالون عشان ابلغ عليهم البلديه يسكرونه:discuss:

[حليتان*]

البنت تروح مع سايق بدون محرم عندنا = عادي
البنت تروح المجمعات وسينما بدون محرم عندنا = عادي
البنت تسافر بدون محرم عندنا =عادي
بنات يساجرون شاليهات بدون محرم عندنا =عادي
بنات مطيحات في الفنادق بدون محرم عندنا=عادي
بنات تشتغل في البنوك والوزارات مختلط مع الرجال
عندنا=عادي
بس توصل انها تدخل عند الحلاق ودق صبع عند الحلاق
هذا لايجوز وعلينا ان نمنع مثل هذة التصرفات

هلا الغالي

النقاط الي ذكرتها كلها مطروحه في المنتدى

وكل نقطه مخصصين لها اكثر من موضوع[/SIZE]

[شخص ما]

الظاهره هذي موجوده من زماااااااااااااااااااااااااااااااااااااااان..... بس شمعنى انتبهتوا لها يوم صار اغلب الحلاقيين من تركياا؟؟:) واتووقع ان داافع هذي المرأة هو ماادي لا اكثر

[LiL iNVe$ToR]

مشكور على طرح هالموضوع ...


هالشي لاحظته من سنييين ..مب بس اخر الايام ...وصارت اكثر من مره ...


المشكله مب في البنات الصغار وريال يقص شعورهم ..


المشكله ان الحلاق رجالي ..واظن اللي بيجون له يبون خصوصيه ..مب تجي حرمه او بنت ( مثل ماصار لي ) وتقعد على راسك جنب الحلاق !ّ!!

صراحه مادري شاقول ..هل مافي حيا ؟ او ان هم مايحسون ان هالشي مب عدل ان يتمون في حلاق رجالي ؟

والصراحه اللي يقارن شغل او مكان مختلط مع هالمشكله ..ماعنده سالفه ..لان مع ذي المشكله ..في حلول واماكن ثانيه ! مب ملزومه الحرمه تجيب بناتها او حتى عيالها حلاق رجالي وتقعد وياهم !!!

[مهره]

انا من راي انة لو كان عندها اولاد بنقول ممكن مثلا الزوج متوفي او مسافر والاطفال سنهم 3 او 7 سنوات شلون تقدر تخليهم عند الحلاق وهى فى السيارة فاكيد بتكون مضطرة تنزل معهم وهذا شي اكيد الاغلبية رافضينة بس اكيد الظروف تجبر الانسان اما عندها بنات وتوديهم حلاق رجالى هذا بصراحة الى مب داش عقلي تماما

[qatari 111]

يمكن كانت تدور على الممثل التركي

الله يستر على الامه الاسلاميه

[السهم الشمالي]

الشكر لجميع الأخوان والأخوات الذي أدلوا بدلوهم في الموضوع ولكن من خلال الآراء ووجهات النظر المطروحة تبين بأن الأمر ليس بمادي لوجود الصالونات النسائية التي تعتبر في متناول اليد وليست بالغالية .

ونسأل الله إن يصلح الحال .

[عضو نشيط]

عييييييييييييييييييب

[ام السعف]

انا ها المنظر مار علي شكثر خاصه بالحلاق الي احلق عنده

طبعن بعض الحريم الله يستر عليهم يبين من الحركات قطه الويه على الاتراك عيني عينكالله كريم

كل شي عيب اشوف صار عادي ها الزمن الكل صار يجاهر كنه شي عادي الله يصلح الكل


:omen2:

في الأخير اعتقد المخول بالرد على تساؤل صاحب الموضوع هي المرأة
التي دخلت الحلاق ،، قد يكون عندها عذر مب على بال اي شخص منا ،،

ولا يحق لنا ان نلصق بها تهمة عن طريق تعليقات ليس لها معنى ،،

اما بخصوص وجهة نظري :
كنت اودي عيالي حلاق الرجاجيل في حالة عدم وجود من يوديهم
وهم في اعمار صغيرة ،، واضطر اوقف لما يخلص الهندي من تحليقته،،

المهم اني اكون حاشمة نفسي ومب داشة في حزة زحمة ،،

اما لو مثلا بناتي بحاجة الى تحليق لن ادخل بها الى حلاق رجالي
ابدا ،، ممكن أأجل تحليقة ( حلوة تحليقة ) اقصد قص شعرها
لما القى لي صالون حريمي ،،
فمثل هذا التصرف من المرأة غير مقبول ابدا ،، ولكن
يبقى لها الحق في تبرير ما فعلته ولها العذر انا كان لها عذر ،،

[qqaattaarr]

قلنا قبل لانه سبع البرومبه (الزوج ,الاب) مايدري عن مسؤولياته الزوجيه ولا الاسريه
يا طالع او مسافر او بالبر او البحر و و و و و
هذا اللي خلاها تروح لحلاق رجالي
واجد هالمنظر شفناه قبل
والله يعين الجميع

نعم كلامك صحيح ياأخ مناحي
الحريم الحين يشترون لحم ودجاج وسمك وكل شي
وسبع البرومبه مفهي

[متسلف وفي الاخير]

يبه بالعربي الام شكلها تحب الخروف التركي وتبي تشوفه وهو مسفه لها كله في الحلاق قالت حجه وحاجه اودي بناتي وعاد الخرفان الاتراك مايصدقون بعد يشوفون بنت وعنز الفريج تبي التيس الغريب الاشكال الرخيصه من البنات ههههه

[حنان الدنيا]

:rolleyes2:

روح شوف صالون الانتر والريتز حق الحريم

كله بنات قطريات يروحون له

[سداوي&مدريدي]

إذا لم تستحي فاصنع ما شئت

[ام السعف]

يبه بالعربي الام شكلها تحب الخروف التركي وتبي تشوفه وهو مسفه لها كله في الحلاق قالت حجه وحاجه اودي بناتي وعاد الخرفان الاتراك مايصدقون بعد يشوفون بنت وعنز الفريج تبي التيس الغريب الاشكال الرخيصه من البنات ههههه

:secret::(:secret:

استغفر الله العظيم من كل ذنب عظيم

يا مسهل الاتهامات :(

[MAZEN37]

الموضوع هذا ما كنا نشوفه قبل 5 سنوات
الله يعين

[MAZEN37]

نعم كلامك صحيح ياأخ مناحي
الحريم الحين يشترون لحم ودجاج وسمك وكل شي
وسبع البرومبه مفهي

مب شرط شراء الحريم للحم والدجاج والسمك يعني الرجال مفهي
الناس ظروف

[SHARKE]

صآرلي هـ آلموضوع قبل

وحده يآبت عيآلهآآ لآبسه عبآيه بس كآشفه وجهه وكآنت عآدي تتكلم وآيزي

[ذوق]

بصراحه انا لا أؤؤيد ولا أرفض
هي جات على الحلاق اخوي الفاضل ، كل مكان اصبح مختلط ، واتوقع منها راحت حلاق لأن اسعار الصالونات عباره عن نار الله الطغيا ، اسعار خرافيه يبتدي فيها قص الشعر من 100 وينتهي عند 350 ، عندها تقط 15 ريال وتوفر الباقي :)
- وهذا ما اسمع به كثيرأ ممن حولي

[السهم الشمالي]

على العموم أشكر الإخوان والأخوات الذين شاركوا بالموضوع ونسأل الله الهداية والصلاح لنا ولكم وللجميع ونسأله بأن يحفظنا وإياكم بحفظه .

[شيط ويط]

الله يهديها

[Doha Sun]

من قلت الصالونات النسائية في البلاد .. واذا صكت عليها اتصلت بوحدة تجي وتقص شعر البنات ..
الله المستعان