في احد عمل ريجيم ونجح

[نون]

في احد عمل ريجيم ونجح
كم كيلو نزل وزنك
ممكن الجدول الرجيم
وشكرا

[al-sadd]

انا عملت رجيم و ولا مره كملت عليه
ولاكن الحين صارلي ولله الحمد شهرين تقريبا في الجييم
والاكل خفايف ولاكن مش الرجيم المنتظم
وهذا انا اخف شوي شوي

وان شاءالله جماعه الخير مب مقصريين

[خالـــــد]

نعم انا عملت ريجيم وقاسي عذاب هههههه

كان وزني 115 كيلو

ونزل الى 82 كيلو

اعتمدت على السليم فاست فود وما كنت اكل غيره موجود في الفاملي فود سنتر واركض في اليوم على الاقل 4 كلم

طبعا ما انصح احد بهالريجيم لان جت على فترات وهن وضعف ودوخه لكن بعد ما نزلت وزني رحت وسويت فحص شامل والحمد لله كل شي تمام

بس مش كل جسم يتحمل الريجيم القاسي

تحياتي

[al-sadd]

^^^^^

ماقتلنا الفتره يا خالد
شهرين ولا ثلاثه ولا سنه؟
^^

[خالـــــد]

^^^^^

ماقتلنا الفتره يا خالد
شهرين ولا ثلاثه ولا سنه؟
^^

اربع اسابيع :)

[asadfg]

اختي اساس نجاح الرجيم مش انج تمنعين نفسج عن الاكل اساس الرجيم انج تغيرين عادات اكلج انا ماكنت متين كنت كرش وكان وزني تقريبن 90 حالين وزني 82 نزلتهم خلال شهرين

طبعن اول شي تلغين الفاست فود والجنك فود وتلغين البيبسي والمشروبات السكريه وتستبدلينه بعصاير

تركزين اكلج اكثر شي على البروتين وتهدين الكاربز بمعنى تلغين العيش والباستا والبطاط وها الامور الي كلها كاربز

وتكثرين من الفواكه وتستبدلين الخبز العادي بالخبز الاسمر وخلي اكلي كله مشوي

اكلي الي تبينه بس اهم شي تغيرين عادات الاكل ويصير هاي اكلج مب انج غاصبه نفسج

انا بعطيج وجبه تغنيج عن صحن العيش

جيبي مله حطي فيها كوب عيش بس كوب وقوطي ونص روب وقطعي طماط وشمندر ودياي قطعيه واخلطيه وجربي

او امشي كل يوم نص ساعه

وعطي نفسج يوم في الاسبوع تاكلين فيه الي تبينه بس يفضل تاكلين شي دسم ع الغدى عشان تحرقينه عقب لما تمشين

انا وزني كل يوم قاعد ينزل وانا مب معتبر نفسي اسوي رجيم لاني غيرت عادات اكلي

[MAZEN37]

انصح بالابتعاد عن اي شي فيه سكر ابيض

[مسك روز]

رجيم بدون رياضه ، مستحيل ينجح

والرجيم مش انك تحرم نفسك من الاكل ، الرجيم هو تخفيف الاكل

وتوزيعه على 5 وجبات (( خفيفه)) في اليوم، بدال ماتكون 3

مع تخفيف الملح في الاكل لانه يحبس الماي في الجسم ويعطي امتلاء

والسكر بعد لازم نخف منه لانه الجسم ياخذ حاجته من السكر والفائض يتحول الى دهون تتراكم في الجسم ،،

شرب مالايقل عن 8 اكواب ماي يوميا ، الماي يصرف السموم من الجسم ويساعد على توزيع الدهون وبالتالي التخلص منها بدل تراكمها.

مشي مايقل عن ساعه يوميا ، نبتدي بربع ساعه يوميا وبعدين نزيد 10 دقايق كل يوم لين نوصل ساعه يوميا( بالتدريج) ، عشان نمنع الشد العضلي

واذا تذكرت شي برجع اكتبه

بالتوفيق للجميع بجسم متناسق ورشيق :)

[Abo Ahmed]

أختي نون...
تفضلي هالرجيم إلي انا ما طبقته بس مشابه للأمشي عليه حالياً.


Diet Meal Plan

Breakfast
1 Cup of Green Tea
1 Slice of Brown Bread
1 Slice of White Cheese or Teaspoon of low Fat Cream Cheese
1 Cup of Low Fat Milk with Coffee or Small Glass of Orange
1 Juice or low Fat Yogurt with 5 Strawberries Fresh

Snack
1 Cup of Green Tea
1 Small Banana or 1 Glass of Pineapple Juice, Small Fruit
1 Cup of Low Fat Yogurt

Lunch
1 Cup of Green Tea
Big Plate of Fresh Vegetables Dressing with Lemon, Salt, and Olive Oil
Small Plate of Cooked Vegetables (not Potato)
1 Breast of Chicken Grills or Fillet of Fish or 1 Beef
2 Teaspoon of Rice or 1 Potato

Snack
1 Cup of Green Tea
1 Small Banana or 1 Glass of Pineapple Juice, Small Fruit
1 Cup of Low Fat Yogurt

Dinner
1 Cup of Green Tea
2 Teaspoon of Rice or 1 Potato
Big Plate of Fresh Vegetables Dressing with Lemon, Salt, and Olive Oil
1 Small Plate of Cooked Vegetable Broccoli, Carrots, Green Beans
2pcs Boiled Eggs
3 Slices of Turkey Breast
1 Slice of Low Fat Cheese
½ Can of Tuna in Water

Before Bed
1 Cup of Green Tea
1 Cup of Diet Jelly
1 Small Cup of Yoghurt Light
1 Slice of Low Fat Cheese

Note:
• You Can Drink Your Green Tea after Meals
• Don’t repeat Your Fruits (Make Sure You Have 3 Different Kinds of Fruit)

إلي أنا ماشي عليه حالياً

مشي على جهاز المشي لمدة ساعة على سرعة 5.5 وليفيل 6
أحرق 570 كالوري وأقطع 5.5 كيلو كل يوم تقريباً.

صايم طول اليوم وأفطر على أذان المغرب "أكل عادي بس كمية قليلة + كباية شاي أخضر "توينجز" + تفاحة خضرة+ بعدين المشي على الجهاز" مع شوية تمارين للبطن.

أكسر الصيام يوم الجمعة والسبت مع مراعاة الأكل الخفيف وشرب 6 كبايات شاي أخضر موزعة على طول اليوم.

الحمد لله نزل وزني من 107كيلو إلى 94.5 كيلو و إنشاء الله ينزل إلى 83 كيلو.

أخوكم

Abo Ahmed

[طارق]

في احد عمل ريجيم ونجح
كم كيلو نزل وزنك
ممكن الجدول الرجيم
وشكرا


في الدوحه ماينفع بدايه
روحي مصحه اذا كنتي موظفه
4 اسابيع تنزلين من 15-20 كجم تكتسبين بدايه طيبه ولياقه وأتكملين في قطر
وهذي العناوين

التشيك- لازم فيزا شنغل للقطري
اكتب مصحات تخسيس كارلوفاري

البوسنه- بدون فيزا للقطري
http://www.tourbosnia.com/

[لطآم]

والله انا عن نفسي كان وزني 95 وطولي 168 مب راكب كلش
كرش وشكل غلط قصير ومتين المهم
دخلت النادي وعزمت انزل وزني وفي ثلاث شهور تقريبا
نزلت لين وصلت 65 قولوا ماشاءلله :)
كان اكلي في هالثلاث شهور رز ابيض وصدر دجاج مشوي على الغدى
والعشاء سلطه خضرا وبس وفاليوم اشرب مطارتين ماي العود عشان تساعد
وشاي احمر بدون سكر ووقفت كل انواع السكر اللهم سبع تمرات الصبح عشان
مايصيدني شيء هبوط فالسكر او دوخه والرياضه امشي 40 دقيقه مشيء سريع على الجهاز
سرعة 60 يوماَ وبطن 40 مره وكان الله غفورا رحيم هذا جدولي
ضرب مجابيس ماعرف بس الصراحه يوم الجمعه يوم مفتوح عندي
اضرب فيه ضرب على الغدى:tease:
الحين وزني ولله الحمد 61 بالضبط :shy:

[لطآم]

في الدوحه ماينفع بدايه
روحي مصحه اذا كنتي موظفه
4 اسابيع تنزلين من 15-20 كجم تكتسبين بدايه طيبه ولياقه وأتكملين في قطر
وهذي العناوين

التشيك- لازم فيزا شنغل للقطري
اكتب مصحات تخسيس كارلوفاري

البوسنه- بدون فيزا للقطري
http://www.tourbosnia.com/


ماينفع رجيم بالدوحه :eek5:

[الكبير الله]

كووولووو أمح

[اسعاف]

في احد عمل ريجيم ونجح
كم كيلو نزل وزنك
ممكن الجدول الرجيم
وشكرا

آنه كلما عملت رجيم

يزيد وزني:weeping:

تلعوزت مع الذباح:)

خاصة لحوار:nice:

[طارق]

ماينفع رجيم بالدوحه :eek5:


في الدوحه يبيلك أراده فولاااااااااااااااذيه

[قطر دزاين]

ولدي عمل ونجح

من 120 الى 88 في 3 شهور

[hassan51]

شوف نون انا كان وزني 100 كيلو قبل كم سنه ما خليت ريجيم ما اتبعته حتى بصمة الدم سويتها ، لكن مافي فايدة ، انزل 10 الي 15 كيلو بعدين ارد مرة ثانية امتن من قبل ، لين طحت على دكتور / ساري في مصر ويقدم برامج ريجيم على قناة المحور ، استمريت معاه لمدة ستة شهور عن طريق التلفون مع مشي ثلاثة ايام في الاسبوع ، وقدرت انزل من وزني لين صار 67 كيلو ، وصراحة كانت برامجه صحية ومتوازنة ولا حسيت بالجوع الإ في ايام بسيطة ،لكني انا غلطت وما تابعت وياه التثبيت ، وتم وزني ثابت ما يتغير بدون ريجيم لمدة 4 اربع سنوات ، بعدها بدأ وزني يزيد مرة ثانية ، اذا زعلانه اكل ، واذا متملله اكل واذا 00 واذا 00 لين وصل وزني مرة ثانية 100 ، عاد اهني نفسيتي اتعبت من المتن وثقل الحركة خاصة ان جاني الديسك وصار مهب مسموح لي ممارسة الرياضة بس المشي العادي والسباحة ( وانا متعقدة من السباحة ) فقررت00 ونويت00 وسويت 00ربط معدة وفكيت عمري وصار اكلي عبارة عن ريجيم طبيعي اتحكم فيه عن طريق التضييق والتوسيع طبعاً عن طريق الدكتور في مستشفى حمد ، واحاول اني ما انزل بسرعه عشان ما يصير عندي ترهلات ، الخلاصة اخوي 000 اشوف احسن واحد في موضوع الريجيم هو د/ ساري واللي يتبع نفس المنهج في برامجه الغذائية 00 امنياتي لك بالصحة اولاً ثم الرشاقة 00000 ( انا وحده استخدم عضوية بو العيال 00 السموحة )

[hassan51]

عفواً اخواني وخواتي اللي تبغي رقم الدكتور ، رجاءً تطرش الايميل عشان اقدر اطرش لها العنوان كامل ، لان عدد مشاركاتي لا تسمح لي بالمشاركة على الخاص ( ملاحظه 00عندي نسخ من الريجيمات اللي اتبعتها حق اللي تبغي 00 مع اني افضل المتابعة مع الدكتور شخصياً افضل ) .

[Chanel]

السليم فاست فود شو؟ممكن توضيح

[hassan51]

اختي شانيل وصلتني رسالتج ، وانا خبرتي في استخدام الكمبيوتر بسيطة ،بكره بعون الله بخلي ولدي يساعدني واطرش لج المطلوب .

[lifeqatar]

انا سويت رجيم
وقبل لأفكر فيه كان وزني كان 145 كجم
وألحين وبفضل اللهو وبفضل مركز بيرفت نيوترشن للحمية إلي سواه فيه الفنان الإماراتي/الجسمي
صار وزني 100 خلال شهر ونص وبدون رياضة بس مشي على الخفيف أو تقعدون في غرفة سونه
ولي يبي يطلب من 180 رقم المركز وياخذ موعدعلشان يقابل د/عادل
ورسومه وايد وايد رخصية 6شهور=1700 ريال شامل الفحص الإسبوعي + لبس الرياضة

[QtrGate]

اخوي لايف قطر وين مكان المركز بالضبط

سمعت عنه وايد لأكن مادلي

[R 7 A L]

المشي
+
التقليل من الاكل
+
الابتعاد من النوم مباشرة بعد الاكل
=
رجيم مريح

[khaldoon]

سؤال للاخوان اللي سووا رجيم و نجحوا في تنزيل وزنهم بشكل كبير جدا ....قادرين تحافظون على وزنكم الجديد والا تحسوون انه في منتهى السهوله الرجوع للوزن الاول...بمعنى هل انتم مضطرين انكم تعيشون كل حياتكم في رجيم علشان تحافظون على وزنكم الجديد

[MAZEN37]

رجيم بدون رياضه ، مستحيل ينجح

والرجيم مش انك تحرم نفسك من الاكل ، الرجيم هو تخفيف الاكل

وتوزيعه على 5 وجبات (( خفيفه)) في اليوم، بدال ماتكون 3

مع تخفيف الملح في الاكل لانه يحبس الماي في الجسم ويعطي امتلاء

والسكر بعد لازم نخف منه لانه الجسم ياخذ حاجته من السكر والفائض يتحول الى دهون تتراكم في الجسم ،،

شرب مالايقل عن 8 اكواب ماي يوميا ، الماي يصرف السموم من الجسم ويساعد على توزيع الدهون وبالتالي التخلص منها بدل تراكمها.

مشي مايقل عن ساعه يوميا ، نبتدي بربع ساعه يوميا وبعدين نزيد 10 دقايق كل يوم لين نوصل ساعه يوميا( بالتدريج) ، عشان نمنع الشد العضلي

واذا تذكرت شي برجع اكتبه

بالتوفيق للجميع بجسم متناسق ورشيق :)
هذا الكلام الصحيح
شكلك خبره:nice:

[حقيقه]

مركز بيرفت نيوترشن

كثير اللي يمدحونه
أنا قررت وخذت موعد الأربعاء

عندهم زحمه

[نون]

شكرا شكرا

[عزيزوف]

انا ما سويت رجيم ولا بسوي لان وزني من ولدت 55 لين الحين 55 ههههههه

بس نصيحه حق كل واحد يبي يسوي رجيم الي يمتنع عن السكريات لازم لازم ياكل في اليوم سبع تمرات مثل ما قال واحد من الاعضاء ....

لاني اعرف واحد سوى رجيم لكن صاده السكري شفايدة الرجيم وعقب يصيدك مرض ....

اهم شي التمر والفواكه والخضروات وزيادة الماي والرياضه ....

[مسك روز]

هذا الكلام الصحيح
شكلك خبره:nice:

تخصص تربيه بدنيه :shy:















انكرفت 4 سنين :rolleyes2:

[نون]

تخصص تربيه بدنيه :shy:




:omg: شلون مافي فائده ممكن على الخاص
ههههههههههههههههههههههه









انكرفت 4 سنين :rolleyes2:

:omg: شلون مافي فائده ممكن

[الرويـس]

ولد عمي نزل تقريبا 30 كيلو
وبرنامجه عبارة عن مشي من ( الكورنيش الى الدفنة) واستغنائه بنسبة 99.9 % عن السيارة
واعتماده على وجبة ( سندويتش برتقال) مكون من روتي محشو بالرتقال < لحد يسألني كيف
وطبعا سبق كل هذا (العزيمة)
:(

[بنت ذياب]

انزين انتوا تقولون ف 4 اسابيع تنزلون 15 الى 20 كيلو

انا عندي مناسبه بعد اسبوع

وابي انزل من 3 الى 4 كيلوات بسس

قولوا لي شسوي

يعني ابي اوصل 54 .. وحاليا 58

شالحل؟

[الرويـس]

^
كثري من الماي
:(
وخفي من الدهون وامشي في اليوم نص ساعه هرولة

[بنت ذياب]

^
كثري من الماي
:(
وخفي من الدهون وامشي في اليوم نص ساعه هرولة

ماحب الماي :(

ولا احب امشي :(

بس ماتعشى وايد ..واحيانا اتعشى خضروات وجاي اخضر

يبيلي سندويج برتقال

[hassan51]

خواتي اللي اطلبوا عنوان الدكتور اعتذر عن التأخير ، مثل ما قلت لكم ما اعرف استخدم الكمبيوتر في المراسلات ، وناطره ولدي يحن علي ويتفرغ لي ويعلمني اشلون اطرش اللي تبونه ... أسفه

[بوحارب]

انا سويت رجيم لمدة شهر تقريبا

وبديت وكان وزني 83 تقريبا

وبعد شهر بالضبط

صار وزني 85

http://im1.gulfup.com/2010-11/12896815661.gif (http://www.gulfup.com/)

[حقيقه]

انا سويت رجيم لمدة شهر تقريبا

وبديت وكان وزني 83 تقريبا

وبعد شهر بالضبط

صار وزني 85

http://im1.gulfup.com/2010-11/12896815661.gif (http://www.gulfup.com/)


:looking:

ابي اعرف السر ليش الرشاقه صعبه ومش في متناول يد الجميع :eek3:

[بنت شيوخ]

نيوووووووووووووووترشن بيرفكت ويت الكل حولي نزل عليه ب 10 كيلو بشهرين

مع دكتور محمد

[بوحارب]

:looking:

ابي اعرف السر ليش الرشاقه صعبه ومش في متناول يد الجميع :eek3:

:confused::unsure:

[وطن]

تخفيف كمية الأكل
وتقليل الدهووون
يعني حتى طبخ البيت يكون بدهن اقل او بدون دهن

مع تمارين خفيفه

وشوي شوي راح ينزل الوزن
والواحد ما يكون حارم نفسه من شي ومرتاح نفسيا

[الامل القديم]

انا عملت رجيم في رمضان ونجح لمدة شهر كان وزني 85 صار 70

كان رجيمي عباره عن لبن العيران والبلح وعسل وكل انواع الفاكهه وقت الفطره 7بلحات عليهم ملعقة عسل واشرب بعدهم لبن عيران وبعد العشاء اكل صحن فاكهه مقطعه وقبل اذان الفجر بساعه اخذ 7بلحات عليهم عسل واشرب لبن عيران وهكذا لمدة شهر

[نفسي عزيزه]

الهم والغم يخلون الواحد يضعف غصب :weeping:

[وطن]

الهم والغم يخلون الواحد يضعف غصب :weeping:

مب شرط
في ناس يطلعون همهم في الأكل

وفي ناس مع التوتر والضغط النفسي يطلع عندهم هرمون الكورتيزول
ويتخزن في جسمهم اي شي ياكلونه حتى لو شي بسيط وصحي

[نفسي عزيزه]

مب شرط
في ناس يطلعون همهم في الأكل

وفي ناس مع التوتر والضغط النفسي يطلع عندهم هرمون الكورتيزول
ويتخزن في جسمهم اي شي ياكلونه حتى لو شي بسيط وصحي

صحيح كلامج

مدري ليش انا عكس الناس بكل شي :(

[GULFSUN]

انا عملت رجيم في رمضان ونجح لمدة شهر كان وزني 85 صار 70

كان رجيمي عباره عن لبن العيران والبلح وعسل وكل انواع الفاكهه وقت الفطره 7بلحات عليهم ملعقة عسل واشرب بعدهم لبن عيران وبعد العشاء اكل صحن فاكهه مقطعه وقبل اذان الفجر بساعه اخذ 7بلحات عليهم عسل واشرب لبن عيران وهكذا لمدة شهر

للي مافهم المصطلاحات اعلاه
لبن عيران = لبن حامض ( مخيضه ) حتى العير يحلبونه :weeping:

بلحات = تمرات

فيه العافيه :)

توضيح فقط :nice:

[deema117]

أختي أهم شيء قوي عزمج وإرادتج بدل ما تسوين ريجيم ( إذا ما تقدرين ) خففي أكلج

+

رياضة << ممكن مشي سريع لمدة 30 دقيقة وبعد فترة تزيدين المدة إلى ساعة يومياً

-----------

حالياً أنا سويت ريجيم دكتور نيوترشن لمدة ( 14 يوم ) ونزلت 4.5 كيلو

وهذا هو الريجيم مقتبس من أحد المنتديات

الصراحة هالريجيم حلو من حيث أنه ما يجوّع !


أولا التعليمات

أباكم تقرونها بقوووو
عشان تركزون

1 في حاله الجوع الشديد ما بين الوجبات يمكن تناول كمية أضافية لكن من البيض أو الجبن أو المارتديلا البقري أو التونا
لكن معقولة

2 لا يسمح في هذا الاسبوع بشرب أي نوع من عصير الفواكه

3 لا يسمح بتناول أي نوع من الفاكهة

4 لا يسمح بتناول الخضار ما عدا المكتوبة في الجدول

5 لا يسمح بشرب الحليب الخالي الدسم ولا أي منتجات قليلة السعرا ت الحرارية
ولا يضمن الدكتور أي لدى البقالات والسوبر ماركت

6 يمكن استبدال اللحم بالدجاج أو السمك أو العكس

7 يمكن تناول الشاي والقهوة بأي كمية لكن من دون سكر
او استخدام سكر الريجيمـ

8 يمكن استبدال الجبن بالمارتديلا أو التونا او البيض او العكس

9 اجباري شرب 8 أكواب ماء في اليوم الواحد (يوميا)

10 يمنع منع باتا تناول تناول أي منتجات الدايت قليلة الدهون أو السعرات اللتي تباع في الاسواق
وذلك لأنها تكون تجارية وتؤثر على البرنامج

_____________________________


نبدا

بسم الله الرحمن الرحيم

_______________________


اليوم الاول :-

* فطور *
قطعتين جبن قليل الدسم + شريحة مارتديلا بقري (35 غ )

*غداء *
ربع كيلو مشاوي تكا + صحن سلطة صغير

* عشاء *
بيضة مسلوقه أو صحن شاورما عربي بدون خبز (سبق أون طرحت الطريقة الصحية لعمل الريجيم في البيت)

___________

اليوم الثاني :-

* فطور *
بيضة مسلوقة + قطعة جبن خالية الدسم أو قليلة الدسم

* الغداء *
صدر دجاج مشوي + نصف كوب لبن أب

* العشاء *
لبنه ملعقتين خاليه الدسم أو قليلة الدسم + شريحة مارتاديلا بقري

______________

اليوم الثالث :-

* الفطور *
شريحة مارتاديلا بقري + جبنه خاليه الدسم

* الغداء *
صدر دجاج منزوع الجلد مشويأو مسلوق 200 غرام أو تكا دجاج أو خضار مسلوقة (ملفوف + قرنبيط + كوسه) مع المرق

* العشاء *
شريحة مارتاديلا + بيضة مسلوقة
___________________

اليوم الرابع :-

* فطور *
قطعة جبن خاليه الدسم أو لبنه (لايت) مقدار معقتين

* غداء *
سمك مشوي أو مسلوق

* عشاء *
كبد مشوي مقدار 200 غ + نصف كوب لبن أب

____________________

اليوم الخامس :-

* فطور *
بيضة مسلوقة + قطعة جبن خفيفة الدسم

*الغداء * صحن سلطة صغير + صدر دجاج مشوي أو مسلوق

* العشاء *
علبة سمك تونا بالماء

_____________________

اليوم السادس :-

* فطور *
2 قطعة جبن قليلة الدسم

* الغداء *
مشاوي تكا + صحن سلطة صغير

* العشاء *
شريحة مارتاديلا بقري + ملعقتين لبنه لايت

________________________

اليوم السابع والاخير في هذا الاسبوع :-

* الفطور *
2 بيض مسلوق + قطعة جبن قليل الدسم

* الغداء *
باذنجان أو كوسه أو سبانخ (مسلوق ومطبوخ مع المرقة والتوابل)

* العشاء *
جبنه خاليه الدسم + شريحتين مرتديلا بقري

_______________________



هذا الدايت يكرر أسبوعين متتاليين
واليوم الخامس عشر يكون فري داي

***************************

هذا الريجيم نزلني أول اسبوع 8 كيلو

وانتوا عاد واخلاصكم في الريجيمـ

مركز دكتور نيوترشن موجود فالدوحة ولو بتشتركين بيعطيج نفس هالريجيم وبيدفعج 750 ر.ق

متابعة لمدة شهرين .. يعني ماله داعي !!