خدمة صغيرة لاهنتوا

[أبو بكر سالم]

الوالد من زمان يعاني من الم في الظهر( الدسك) وين احسن مكان لاجراء عملية للدسك
ونفتك من هل الالم الملازم للوالد لاهنتوا
وشكرا

[شبح الصمت]

الوالد من زمان يعاني من الم في الظهر( الدسك) وين احسن مكان لاجراء عملية للدسك
ونفتك من هل الالم الملازم للوالد لاهنتوا
وشكرا




الله يشفيه ويعافيه

اخوي من تجربة ربعي

الدكتورة شمس في الامارات

وتفضل رقمهم واتصل فيهم

ترى وايد وايد زين رفيجي وام واحد من الربع الحمد لله الي فيه دسك الظهر والي صوب الرقبه والحمد لله سوواهم والحمد لله امورهم طيبه

00971506228720

وما يشوف شر الوالد وكل مسلم ومسلمه الله يحفظهم ويقوومهم بالسلامة

[بنت الدوسري]

والله وحده رفيقتي امدحت لي مستشفى الملكي اللي في تايلاند يسوون عملية الدسك يالليزر بدون جراحة وبدون شي ومرتاح ابوها الحمدلله واجد تقول كان وين وصار وين حتى الصلاة يصلي قام يصليها بدون كرسي

بفضل الله

[كازانوفا]

ربي يشفيه ويطمنكم عليه ان شالله

[شبح الصمت]

رفيجي الي سوى العملية اوصلت فيه الحالة انه رجوله خلاص قامت تنمل تنمل ما يقدر يحركها وبفضل من رب العالمين وبفضل يد الدكتور الحمد لله اموره طيبه والحمد لله

[Rider]

اعرف واحد سوا العملية في مستشفى حمد وفشلت وسوها في بريطانيا وفشلت وسوها في أمريكا وفشلت
شوف تايلند

[بوخالد911]

الملكي بتايلند

موووفقيين

[أبو بكر سالم]

مستشفى حمد كان فية الدكتور السوداني البشير سوى عملية للوالدة من 10 سنوات تقريبا وللحين الوالدة ماتشتكي من شر بفضل من الله بس في واحد مصري قبلة كان يقول نسبة نجاح العملة للوالدة 5% والبشير قبل مايسوي العملية قال نسبة النجاح 97% الدكاترة الزينين يروحون والله البشير راح والحين اعتقد في واحد باكستاني الى كان مساعد البشير بس يقولون بعد مب لين هناك والله يوفق وتسلمون اخواني وخواتي على الرد السريع وان شاء الله نستفيد من ارائكم وردودكم الطيبة والمطمئنة

[زهرة قطر]

مركز رسلان الطبي لعلاج الديسك وغضروف الظهر بالليزر
ممكن ترسل لهم الأشعة المقطعية اللي مسويها وهم يحددون المشكلة وإذا العلاج ممكن عندهم
مش متأكدة من المكان دبي اوبوظبي

[تاجر121]

والله يالغالي اعرف واحد من زمان سواها بالاردن والحين عن تجربه ما فيه الا العافيه وما يشكي من شي

[أبو بكر سالم]

يعطيكم العافيه ان شاء الله والشر مايجيكم يارب

[مستثمر 999]

الله يشفيه ويعافيه

اخوي من تجربة ربعي

الدكتورة شمس في الامارات

وتفضل رقمهم واتصل فيهم

ترى وايد وايد زين رفيجي وام واحد من الربع الحمد لله الي فيه دسك الظهر والي صوب الرقبه والحمد لله سوواهم والحمد لله امورهم طيبه

00971506228720

وما يشوف شر الوالد وكل مسلم ومسلمه الله يحفظهم ويقوومهم بالسلامة

دكتور ولا دكتوره

[MAZEN37]

الله يشفيلك الوالد
انا اخذت والدي الي كان يعاني من نفس المشكله والحمدلله الحين صارله 15 سنه زين
وديته لمدينه مدراس بالهند مستشفى ابولو

[المليونير الفقير]

اخوي ترى تايلند ماتكلف شي كلها 50الف شامله التذاكر و العمليه والسكن وتاكد ان الله بيعوضك خير لاجل برك لوالدك واسال الله ان يشفيه

[باسكن روبنز]

مسؤولي بالدوام مسويها وتوني سألته لك ،

يقول في الفقرات ألي قبل الديسك رقمها الرابعه والخامسه ،

مسويها بالليزر في المستشفي الملكي في تايلند + شوية علاج طبيعي ،

وماشالله عليه مافيه الآ العافيه ،

الله يشافي لكم الوالد ويقومه بالسلامه والسموحه ع القصور ،

[VIVA]

الله يشفي الوالد ان شاء الله وماعليه شر

انا خالي سواها في فرنسا من اكثر من 17 سنه والحمدلله مافيه إلا العافيه

بحاول اكلمه وبعطيك اسم المستشفى والدكتور


اجر وعافيه ان شاء الله