أفضل محل لعازل السياره

[المشتاقه الى الجنه]

إنصحوني يا جماعه بعازل للسياره
ما أعرف المحلات وما عندي خبره أبدا

الرجاء أفيدوني بالمحلات وأماكنهم وأرقام التلفونات إن وجدت والأسعار لبورش كيان لمن لديه خبره
وكم نسبه العازل المسموحه بالمرور

[بويعقوب]

جونسون اللي في العزيزيه

وسعره مناسب وعلى حسب نوع السياره

وفي المحل بيقولون لج النسبه المسموح فيها

بس 30 % احسن شئ

وبالتوفيق

[احساس رابح]

في كوول

احسن محل عازل واسعاره يعني على حسب السياره اذا كانت صالون وكل الجامات يعطونج تقريباً 1200 ريال
الجامات اللي وراء 60 % وفوق واللي قدام 30% وتحت واذا كانت فورويل تقريباً 1800

وانا بنفسي مجرب ومسوي لسيارتي كلها منه ومكانه صوب العزيزيه

[باسكن روبنز]

آذا على المصرح مافي شي آسمه مصرح الآ الزيرو زيرو ،

حتي 20 ريال ماقطها على هالعازل التعبان ،

ركبي مخفي 20% آو 30% حسب نوع سيارتج لانه بعض المواتر درايشها من المصنع آوردي مظلله شوي ،

وآهم نقطه تكون الرؤيه من الخارج واضحه للشرطه ،

بس عاد لاتطيحين في ثبوت لآنهم بيخالفون يخالفون والله بيعين نزلي الدرايش كنه السالفه مب لج ،:secret:

ركبي عازل كوري عند محل زينه آسمه (الشيباني) جنبين وشنطه بـ200 ريال تقريباً ،

كوالتي جيد جداً ويعمر على السياره على الآقل سنه بنفس الكوالتي ،:victory:

[qatar1111]

نصيحه مجرب لا تروحين حق غير في كوول

وابعدي كل البعد عن تيتانيوم

1- في كووول 2- جونسون

في كول ابرد عازل واحلى الالوان الي مافيه عاكس مع ضربه الشمس

وبالتوفيق

[العساس]

في كول (عازل بمعنى الكلمة........وذا ماركبتي في كول ... فانصحج لاتركبين عازل بالمره.)
المكان/
على خط سلوى بعد المصرف الاسلامي 1الى2 كيلو على اليمين عند السوق الي فية وكالة كياموتورز

[وطن]

عن تجربه
انا مركبه تيتانيوم 0% وممتاز
صرت احط التكييف على درجه او 2 استبرد

وسيارة اختي عليها في كول 30% وحاااااااااااااره تعل القلب

[كركرمحد]

اذا سيارتج توسه ياختي
انصحج بعازل السيراميك من تيتنانيم والتركيب من اروع مايكون افضل من غيره
وانا مجرب على 3 سياير

دمت بود وسلام

[qatari 111]

فيكوووووووووووووووووول بلا منازع

[N7eEeS]

تيتانيوم ويكفي ان المنتج امريكي وركبي السيراميك 0% وهذا المسموح انا مركب 20% ومحد كلمني بس مادري عن الفحص الفني لان سيارتي جديده.
وبعده يجي في كول

[البهتري]

بعد التجارب والدراسات والعلاجات

اكتشفت أن جيوشيلد أحسن عازل من ناحية الألوان والوضوح والخدمة وكل شيء

[almaf1a]

جربتهم كلهم
الافضل فيكووول

[خريج اعلام]

جربت في كوول
وجونسون
و تيتانيوم

والله والله والله السيارة من غير عازل افضل واحلا
الا اذا السيارة سوداء وجلد ( مالج الا العازل )

والحين شتاء وخير والجو زييين

[العساس]

عن تجربه
انا مركبه تيتانيوم 0% وممتاز
صرت احط التكييف على درجه او 2 استبرد

وسيارة اختي عليها في كول 30% وحاااااااااااااره تعل القلب

متاكده مركبه في كول

تاكدي

ممكن مركبة في فول(تقليد):victory:

[وطن]

متاكده مركبه في كول

تاكدي

ممكن مركبة في فول(تقليد):victory:

ايه متأكده اخوي

[قطري009]

في كول

وتيتانيوم

في طريق سلوى

[بوجاسم 999]

دائما من يكون عنده الشي لازم يمدحه ويبالغ في مدحه !!!!

انا مركب جونسون بس الي اشوفه ان تاتنيوم افضل وكل الي ركبوا محد منهم اشتكى منه

[حليتان*]

روحي صفي عند اي محل مكتوب على لفتته زينة للسيارات


وركبي اي مخفي تشوفينه حلو بعيونج بس يكون 30% وخلاص



واذا على العازل ماعرف لهم

بس اشوف هلي كل يركبون تيتانيوم وواحد مركب لومار !!